ASAP As Simple As Possible

營業中

休息中

呢間基本上都算係我飯堂，d 野又抵食，性價比幾高，仲要d 位好舒服，收工黎呢度基本上都唔難等位。❃ 牛肋肉蛋蓋飯 $97▪配日式咖哩汁、蕃茄飯和海鮮濃蝦湯。牛肋肉份量ok, 但肉質有d韌，但個蛋蓋飯幾好食，下次可以試下其他配料。至於個海鮮濃蝦湯就有d 淡口，如果濃味d 就更好。❃ 吉列豚扒蛋蓋飯 $127▪另外加配香脆雞塊日式咖喱汁配蛋蓋飯真係冇得輸，有咖喱汁就可以撈好多碗飯，吉列豬算幾香脆，炸粉唔算厚，唔錯！而雞塊同麥樂雞冇乜分別，加餸黎講算幾ok! 

今日去行Donki給朋友拉去吃個下午茶，佢話3樓有一間餐廳好抵食，不妨試一試吧。黑松露炒蛋酸種麵包多士+原條吉列魚柳+法國邊豆+炒野菌+扒番茄吃的東西全部於名字顯示出來，吉列魚柳炸得不錯，粉漿薄薄的，好香脆，唔油膩，其他的配菜也可以呀。件酸種麵包多士也夠香脆，炒蛋可以生少少更好。朋友吃的溫泉蛋牛肉飯，牛肉份量也多，燒汁也很惹味用日本珍珠米口感不錯。原來ASAP是大快活集團的餐廳，價錢都比較大眾化。

星期六11點零諗住入去食個早餐，點知佢地話冇早餐，都唔緊要，照入去食，然後又有另一個侍應再講一次，ok啦，唔係貪你地個早餐。坐低之後，用手機落單，又話冇早餐，但落單嗰度得早餐，於是問佢地，然後佢地話等一等，我閂左再scan入去，一樣得早餐，如是者幾次，都係得早餐，再問，佢地又再問人，最後就話個系統未得，要等多8分鐘，我問你地幫我地落得唔得，都話唔得。然後我地唔食，佢地就好啦拜拜。想食一餐姐，哩樣唔得嗰樣唔得，唔會再幫趁喇。

同朋友黎呢間食飯，總結來講就係塊牛扒完全無味，話要5成熟結果都唔知有冇3成。跟咗3個餐，3個都有跟酥皮湯但兩個蝦湯一個蘑菇湯，因為酥皮會遮住湯睇唔到入面，所以都再問一次係咩湯黎，侍應答蝦湯，結果我飲到底食到蘑菇先知係蘑菇湯黎，完全對上緊咩菜唔上心。再黎野飲，3杯分別草莓同提子蘇打特飲，飲落去又係無味，要係咁搞個底先叫有d味出黎。恕我直言，塊扒真係你去茶記食果d西冷扒都好食過佢。再去食既話等於再次挑戰智商下限。

2024年1月1日，呢一間餐廳居然人數不多明既，好多人北上！由點餐，上菜，所有野我都覺得不錯直至到8:30要埋單先，好的無問題8:42有個女待應走黎話，‘我哋收9點，你哋要快d！’，我已經好好語氣話‘知架喇，等埋小朋友去埋洗手間返黎先’但係，個女待應8:50又再走黎催多次！呢d真係服務嗎？！場內仲有一枱食客喎！所以明白點解呢間餐廳點解無咩人

第二次吃這餐廳,第一次吃是全日早餐還可以,所以再來,可惜今次再來叫了一個通粉餐,有雞絲蕃茄通粉併咸牛肉三文治,厚麵包又凍又硬非常難食,第一次這這難吃的面包！通粉少得可憐,😭😭😭,唯一優勝無敵海景.....應該不會再來光臨

🤤蹭一蹭塘邊，發現家陣正紅嘅ASAP，心諗要唔要試下牙福！嗰啲溫暖嘅燈光、隨和嘅音樂，一股懶洋洋、得意嘅feel嘅，揹住道不犯顏長談，食啲咩好呢？卜卜脆嘅柚子蜜雞翼，鬼佬話yummy到停唔到口嫁，真係咁酥香，彈牙嘅肉質，淋上剛剛好嘅柚子蜜，食落去足晒味，好夠晒骨！💥嗱，過嚟個鮮茄牛肋條意粉，簡直係對眼嘅眼福。個意粉Q彈過彈床，同啱啱嘅牛肋肉，仲要那麼多汁，一嘴啖，肉香蕃茄味，撞埋一齊，香到彈起！牛菌汁漢堡扒藜麥飯嚟嘅時候，宜家記得得寵貓啲咁圓嘅眼！汁濃肉嫩，嗰藜麥飯香又唔膩，只係要講聲，飯同汁嘅match度，可能有啲小小唔夾，不過食得暖笠笠，過嚟小小之所以👍🏻總結：食物有波折，但係得個「舒服」字，真係幫手不少。落足本色攪笑，值得再訪，搵囉啲burgers嘅真面目！🍔🌟🌟🌟

荃灣自從有Donki後間唔中都會去海之戀，行完Donki就順便搵餐廳食埋晚飯😋行過ASAP見到門面風格簡約清新就吸引咗過去❣️入到去就見到落地大玻璃望住藍巴勒海峽加汀九橋非常寫意，亦可以穿過玻璃門行出出面打卡📸🐂牛肋肉蛋蓋飯配熱飲 $86可以免費揀白飯/蕃茄飯，要咖喱汁/燒汁/蕃茄汁，今次揀咗咖喱汁 味道濃郁 似日式咖喱 唔會太辣👍🏻 牛肋肉一啲都唔韌亦都冇臊味 (加配)🥗柚子醋田園沙律 +$4叫餐可以以優惠價加配沙律或者湯，要健康當然要嗌番啲菜食下🤭田園沙律入面又有火龍果又有蔬菜 都只係加$4👍🏻抵🥩炭燒美國西冷 $178西冷嗌咗五成熟 配上蒜蓉汁同黑醋，個人覺得點黑醋更美味，切開內裏都非常juicy 亦都唔鞋口👍🏻8oz份量岩岩好(加配)黑松露忌廉野菌湯+$6本身跟餐已有免費熱飲 但天氣轉涼加$6試埋個湯，湯內夾雜野菌粒再配上黑松露油，非常足料👍🏻正🌱和風鐵板炒野菜 $35炒野菜內有秋葵❤️秋葵營養價值高 有抗氧化、可降低心臟病、癌症風險、降血糖等功效，非常推薦👍🏻🍓草莓伴雲呢拿雪糕配蜂蜜牛角窩夫 $65最後當然要食甜品做尾聲🤤，雲呢拿雪糕再配酥皮既窩夫 一冷一熱 非常滿足❤️

今次間餐廳係朋友揀嘅，平時都唔會上到3樓，以為呢間係新開，仲要行錯兜咗個大圈先搵到好在一見到個門面就好精神好韓國feel咁！因為下午去陽光充沛，所以拉晒窗簾，如果唔係望到出邊個景應該唔錯！打開餐牌翻來翻去，最吸晴都係蛋包飯，忍唔住每人叫一份蘑菇湯正！我食既豬扒炸得啱啱好好👍🏽非常卜卜脆，而炒蛋包住嘅係蕃茄粟米飯，真係好吸引咖喱汁係傳統嘅日本咖喱而墨魚小食都好好味店員服務都要讚，反應好快只係朱古力咖啡差少少，只有可可嘅味道餐具都精挑細選，意思都好吸引我

今天2024牟9月24日早上09:18在ASAP海之戀吃早餐，叫了有牛乳滑蛋牛油多士餐肉加一杯即冲咖啡，坐在可以看到海景的座位，一邊吃豎豐富早餐喝Coffee.感覺很舒服。

海之戀商場來說是好選擇，因為這商場的餐廳除了少選擇，都是比較貴的。雖然坐落海景也沒海景位，但食物也是可以接受。雖然這類商場是貴了少少，但坐得舒服唔迫人，朋友聚會都合適。

荃灣海之戀部分餐廳享有海景，今天特意來到這間餐廳，已經過了中午食客高峰期，人流不算多 ，可惜還是坐不到近窗邊的位置，望到部分也算吧～ 入座時唯有要求坐較近窗邊位置，惜前食客枱面仍未清潔，只有等待，侍應顯得懶懶閒，你有你等，他怠慢地清枱。終於坐下，叫了牛脷蛋包飯和漢堡包餐，食物水準一般，不過不失，但感覺似快餐店水平，薯條overcooked 油膩膩，真可惜。店舖已位於商場角落位置，雖有海景，而食物一般，卻有一班服務的員工～

昨晚在荃灣海之戀商場ASAP點了$130的牛扒，誰知送上的竟是全熟快餐店級水平牛扒，今日在錫蘭食的$60比它更好，店長拒絕更換並回應這是廚師喜好及習慣，全熟牛扒是因為食物安全，我隨即回應即其他問顧客牛扒幾成熟的餐廳是否全部不安全呢？店長之後更說從來沒有顧客在之前投訴過，我變成了第一個投訴的客人，真係中伏兼氣結，跟著隔離枱點菜時明明清楚說要少汁，但結果上菜時都係很多汁，客人氣結問侍應，答覆是可能廚師忘記，亦沒有更換新的，難怪昨晚星期日6:30餐廳入坐仍少於一半

行下donki，順便係個商場到食埋dinner。見到呢間ASAP有蛋包飯，又有意粉、扒等等既野食，都幾啱食，而且價錢算ok，就試一試。1️⃣牛肋肉蛋蓋飯（$86） 可以揀汁，我地就揀左咖喱汁，咖喱汁係平時日式咖喱果種，撈飯食一流，牛肋肉都有幾多粒，唔會韌，都幾好食。另外仲有滑蛋蓋係飯面，蛋味唔算好濃，不過都ok滑。整體都唔錯。  2⃣️香煎盲鰽野菌汁忌廉燴飯（$95） 佢比我想像中好食。始終唔係cafe或者西餐廳，但係呢度既risotto係做得唔錯wor。首先飯係仲有咬口既果種，混合左好多菇，食落係啖啖都有菇既存在😋盲鰽就冇特別，肉質有啲散，不過個飯係真係唔錯。  3⃣️七味墨魚仔（$30） 炸得好脆，不過炸粉偏厚，同埋食落炸皮同埋揀墨魚仔係會自動分離。不過味道係唔錯既，有七味粉既香同少少辣，墨魚仔都幾彈牙。  4⃣️柚子鹽味炸雞（$30） 炸雞係好脆，不過都係炸皮偏厚。味道係真係食得出果陣柚子鹽味，好食wor👍面頭仲有好多紫菜絲。  

人手極不足，服務極之差，唔理客人，但態度尚可，坐低環境一般，連要杯水都要三催四請但都冇，食物質素差，等候時間十分長，沖一杯咖啡要最少25-30分鐘，咖啡沖完都要攤凍先至攞俾你，早餐雞肉通粉啲雞肉係由酸臭味，通粉水汪汪，蛋治全部都係凍冰冰，麫包又凍，又要三番四次追order！有趣的地方係價錢比其他茶餐廳貴但係食物質素真係差最厲害係會食完或未完就立即埋你身搶碟搶碗收晒所有嘢，十分有效率，其他服務就真係冇，想要多一杯水你都係莽想。