ASAP As Simple As Possible

營業中

休息中

之前已經嚟過兩次，最鍾意餐廳入面個環境，可以對住個海景，坐得舒舒服服咁食嘢隔咗一排，今次約咗朋友又再嚟呢度食lunch見佢最新有個優惠套餐，$58有主食又有飲品，其實比起佢其他餐都抵食。不過由於今次我唔想食意粉，所以揀咗牛脷蛋包飯。牛脷好淋同入味，成碟飯份量亦唔細，女士們食一定夠飽其實呢度嘅食物算係偏貴少少，不過呢個蛋包飯$7x包飲品我覺得都ok啦。平日下午2點後冇乜人，可以對住個海景，靜靜地同朋友傾下計，慢慢咁坐下食下都算唔錯嘅！

As simple as possible ASAP好似喺唔同地區開得越來越多分店，今次係因為住喺附近，所以收到佢哋嘅推廣單張， $80可以減$8 ， $150可以減$15，所以先至過嚟試吓，但係發現原來佢哋11:30至12:30期間其實係會有早鳥優惠，有八折，所以如果大家想嚟食嘅話都可以早少少過嚟👍🏻今次食嘅蛋包飯唔會太鹹，入邊唔係炒飯底，但係個蛋都算係唔會太老，而且佢牛舌嘅份量都幾多，而且食落去幾有咬口，加埋佢個蕃茄汁就啱啱好🫶🏻

故事起緣於上星期日姐姐🧍‍♀️放假爸爸👨🏻去ASAP買外賣，但ASAP三大錯誤：1.芝士漢堡冇芝士，2.粟米🌽湯變蕃茄湯同3.沙律🥗走醬但有醬。最後打俾ASAP經理話下次free番兩個餐俾我。所以今日就打俾ASAP order返兩個餐，安格斯牛芝士漢堡餐同鹽燒三文魚蛋蓋飯餐，真係免費🆓不過話15分鐘，落到去就等多10分鐘湯🥣揀咗黑松露忌廉湯，原本要加錢，經理free埋俾我。叫咗熱latte，原本要加錢，經理又free埋鹽燒三文魚扒蛋蓋飯+安格斯牛芝士漢堡免費🆓餐，一定俾好評。蛋夠滑，安格斯好juicy 大塊，芝士都差d細到睇唔到。黑松露忌廉湯正，仲有薯條🍟都唔錯，沙律🥗我今次漏咗叫佢走醬，latte夠大杯

我們於24/12（六）平安夜晚上約六時左右到達餐廳，客人不多，我們叫了一個dinner（$128）及聖誕節special（$238）。❶dinner烤焗帶子伴南瓜蘆筍雞肉燴飯：大大粒帶子，南瓜也是大大塊的👍🏻❷聖誕節special①前菜：芝士蕃茄煙肉焗大啡菇：大啡菇不是很大，味道👌🏻②湯：安格斯羅宋湯：比較濃的胡椒味③主菜：法式酥皮焗野菌鮮三文魚柳配日式醬油汁：酥皮包住野菌及三文魚，口感豐富，三文魚挺大的。④甜品：薑餅合桃蛋糕配雲呢拿雪糕：合桃蛋糕有很多合桃💖埋單要加一，餐廳的氛圍也很棒，餐廳不太多人，吃得十分悠閑

高質素嘅一餐日本咖哩沒有好辣, 適合我這種怕辣人士牛脷厚到一個點, 正正正!快炸魚扒超大,重要切開嘅時候件魚扒仲有煙出的,外脆內嫩滑唐揚雞也是外脆內軟唯一比較要投訴嘅係滑蛋下的飯唔夠熱整體味道非常好加四蚊而嚟嘅沙律味道亦都非常好,菜也新鮮餐茶配洋甘菊茶,味道都幾香凍檸茶唔使加三蚊,所以好正整體上坐得都舒服, 唔需要介意佢係大快活嘅分支,好味就得啦!下次等我pass by佢其他分店, 我都會再試! 七十幾蚊咁嘅質素去邊度搵. 本來都有啲興趣試佢五十幾蚊嗰個套餐,不過因為飲品一定要飲汽水, 同埋講明分量會細少少就作罷. 橫觀四周吃正價意粉的分量都很大.海之戀分店出名有靚海景, 但嗰日太曬落咗窗簾就睇唔到...

今天約了好友去荃灣西吃午餐，我們走着走着就搵找到這一間看似比較合我們口味的西餐廳🤤，所以我們最終便決定吃這間餐廳。走進這間餐廳後，美麗嘅海景就一下子映入我們的眼中，感到實在太美了！😍我們看完餐牌後，便分別點了香草蘑菇意粉、特濃咖喱牛肋肉滑蛋蓋和法式牛扒配蔬菜。🙌下單號不到五分鐘就上菜了，香草蘑菇意粉的意粉偏乾，整體感覺一般🙏🏻特濃咖喱牛肋骨滑蛋飯的咖喱很香，蛋也很滑，可惜感覺份量太少了🫡這個牛扒的肉很嫩，配菜也挺多，但是牛扒份量很少，很快就被我們吃完了。而是日餐湯是粟米忌廉湯，忌廉味很濃湯，也有很香的粟米味。😋整體而言，整個用餐過程也很好，味道不差，環境不錯，價錢不貴，所以是值得品嚐的餐廳❣️

🌟望住海景食lunch好正🌟港鐵荃灣西站海之戀想有一個chill lunch 咁啱去開荃灣西 梗係揀海之戀🫣有好幾間餐廳都可以望海食嘢望到個menu 有好多選擇呀🤩🌼特濃咖喱牛肋肉滑蛋蓋飯-咖喱汁香濃 牛肋肉炆到好稔-滑蛋厚度均勻 擺係白飯上-撈埋咖喱汁好正🌼香辣鮮茄牛脷意粉-鮮茄蓉帶酸 加埋香辣汁 起到提味作用-牛脷份量多大大舊 都算稔🌼+$4柚子醋沙律-柚子醋好百搭-沙律好開胃飲品 叫左即磨咖啡&涷咖啡-兩杯都好大杯🤩最驚喜就係埋單果陣先知原來 11:30-12:29期間落單 有8折🤣望住個海景食野心情都好d❣️

ASAP ASAP 不是As soon as possible 而是 As Simple as possible ❤️簡簡單單望住過海，食一個餐，好好咁照顧自己嘅身心靈健康❤️今次去咗位於荃灣海之戀嘅ASAP風景超級靚，可以一邊嘆住冷氣一邊望住個海食個靚靚餐，打個卡😍佢喺銅鑼灣同埋沙田都仲有分店今次叫咗兩個餐1️⃣煙三文魚野菌青醬忌廉意粉🍝$99個意粉唔係好入味，如果係重口味嘅朋友就可能覺得太淡唔係好推介大家嗌但係整體來講個意粉質地唔錯2️⃣吉列豬扒漢堡 +薯條🍔$97比起想像中有驚喜！個肉煎得超脆口，但係入邊都可以鎖住個肉汁👍🏼3️⃣套餐🥗🫕加$4可以加個沙律-個醬汁幾特別，食落去好清新另外再加$8可以加個黑松露湯-黑松露湯真材實料，入邊有好多料，食落去淡淡薯仔，都幾飽肚人均大約$120 ，就可以喺室內望住個靚景慢慢食星期六去餐廳都唔算多人，可以慢慢坐，餐廳都唔會趕住要你走👍🏼食完嘢仲可以喺荃灣海邊度散吓步，過吓寫意嘅一日#foodie #hkfoodie #夏日搵食推介 #香港好去處 #cafe #海景 #海景餐廳 #海之戀

諗住可以坐窗邊，但等左好耐都無位唯有放棄😂都係專心食野唔好望海😂·🍔安格斯牛肉芝士漢堡（$85）好抵食～足料漢堡，雖然麵包扁左😂不過都好味. 最鍾意佢既薯條！！超香脆，好食過麥當勞🍟·🍚日式鰻魚甜蛋青瓜粒炒飯（$95）呢個價錢呢個份量很可以👍🏻不過鰻魚汁加甜蛋成件事好甜膩·🍫熱朱古力（+$5）好香濃👍🏻👍🏻雖然無拉花，味道取勝🍵熱玫瑰綠茶（+$5）👦🏻養生之選😂·📍ASAP As Simple As Possible荃灣大河道100號海之戀商場3樓3001號鋪

以前成日都會去asap 食lunch，因為覺得佢哋價錢算係合理，而食物嘅味道都好唔錯！隔咗一排今日再去，見到個menu唔同哂，價錢貴咗起碼20蚊，反而用料少咗，連杯凍咖啡都無埋咖啡味。以前最鍾意叫佢哋嘅蛋包飯，70幾蚊包埋野飲，講真味道係幾好食，所以都覺得值得嘅。今日90幾蚊叫個牛肋肉蛋包飯，得嗰6粒牛肉。。。味道都偏咸咗，成個感覺都覺得好唔抵食。因為價錢貴咗咁多，食物質素反而跌咗，所以應該短期內都唔會再支持。

大前日(11-9-2022 Sun)追月日晏晝,同老公落荃灣買嘢先食個晏,原本諗住去鮨樂https://www.openrice.com/zh/hongkong/r-%E9%AE%A8%E6%A8%82-%E8%8D%83%E7%81%A3-%E6%97%A5%E6%9C%AC%E8%8F%9C-%E5%A3%BD%E5%8F%B8-%E5%88%BA%E8%BA%AB-r759053,但見佢上網book位有Openrice Dollar獎賞,於是book翌日至食,就再睇吓食咩嘢,我search到我喺沙田食過嘅呢間(上次食評係2017年3月24日刊登嘅呢篇:https://www.openrice.com/zh/hongkong/review/%E9%A3%9F%E6%B2%B9-e2752212),於是提議呢間,老公冇異議.嚟到時好彩未full,亦有海景梳化椅坐,好正,我哋睇完menu,決定要:3. 加$4.00嘅是日餐湯係番茄湯,質地杰身,味道好濃,飲咗兩啖後,我就追住嚟飲.味道:5分4. 加$5.00嘅熱粉紅玫瑰綠茶由於冷氣充足,所以我叫熱飲,呢個係茶包,味道比較淡.5. 可樂由

今日又行過一間係荃灣西既餐廳外面睇落去幾好👍🏻又有海景，咁就入左去啦～～坐抵睇下有咩食，咁就叫左其中一個早餐等左10分鐘到，野食到左，一黎到就有surprise😨😨😨個豬柳…..超級細…咁算啦..食落去就味道偏咸..點知食埋….個包好乾同硬…唔知放左幾耐…咁食埋知通粉，呢個就正正常常。咁食完就去俾錢啦～呢間要俾加一～咁加埋就$60左右～貴唔貴就見仁見智啦。我就覺得麻麻地，因為野食一般..但坐位就都算闊

叫咗個唐楊雞肉蛋蓋飯，配蕃茄湯，熱奶茶炸雞炸得幾香，皮幾脆，份量OK個人唔鍾意咖喱汁，配燒汁蛋蓋蛋香OK比較驚喜係個蕃茄湯，味道濃郁熱奶茶味道正常，不過溫度可以再熱啲最讚嘅係個海景，開陽景好舒服重要啱啱濛濛落雨，夠chill 星期六慢慢食個lunch好chill 好Relaxing😇

🍽 ASAP As Simple As Possible 1. 🍔安格斯牛肉芝士磨菇漢堡 $85📍性價比較高📍牛肉算幾有牛味📍薯條鬆脆📍伴碟沙律淋上柚子醋，幾清新👭評分：4/52. 🥔青衣魚柳配柚子汁野菌薯蓉 $145📍比西班牙海鮮炒飯塊魚柳好少少，唔腥，但整體似半煎炸，比較熱氣📍薯蓉係薯蓉粉黎的，個人唔太buy👭評分：2.5/53. 🥩炭燒西班牙豚扒配野菌忌廉汁 $81📍 = 茶仔食頹飯咁樣📍炭燒豬似燒燶豬多d, 比較硬身👭評分：1/54. 🥘西班牙海鮮炒飯 $139📍上菜時間長少少📍有大蝦.魚柳.青口.蜆肉等等📍飯質偏淋身，汁就正常發輝，食到咖哩味既📍飯面硬變左飯焦，焗過左火侯👭評分：3/5📌第一次食 見價錢合理 O記評價OK 但期望唔好太過高啦 勉強🈴格📌勝在有海景望下幾有feel📌每個套餐都包杯凍熱飲品❗️設加一服務費🔟

朋友係要見架今日約左朋友食個快飯，聚一聚來到ASAP 坐近窗邊香草蕃茄粟米鮮蝦肉日式燴飯朋友話味道好以西炒飯咁，唔係咁值呢個價海鮮濃蝦湯泡飯賣相唔錯，海鮮好足料好可惜飯係一PAT PAT，食落偏淋偏爛安格斯牛肉脆煙肉漢堡漢堡足料，食落會滿足，薯條脆卜卜焗芝士粟米蕃茄牛肉丸配料就好好味，可惜牛肉丸好乾身橙汁就係粒粒橙味道咖啡味道略嫌太淡順帶要講一講，有位女侍應態度好差，餐廳掉落枱，落單問野又唔答，好似得罪左佢咁。要求一隻碗仔俾小朋友，佢竟然話冇碗仔提供，但明明見到隔離枱就有碗仔。