AVA Restaurant Slash Bar (已結業)

黎個下午茶享受隆堡麗景酒店AVA Restaurant Slash Bar X 韓國品牌Pony Effect櫻花彩妝下午茶以春天粉紅色櫻花作主題味道不錯鹹點更為獨特喜歡以青瓜啫喱及蘋果沙冰攪拌成泡沫的“生蠔配青瓜蘋果泡沫”清新特別其中另一喜歡貌似栗子甜點的“鵝肝棒棒”另外甜點亦為出色可愛特別喜歡柚子泡沫奶凍頂層配有可愛紅莓泡泡一層荔枝啫喱、一層日本柚子奶凍溶合品嚐，味道可口個人特別推介【眩目情人DazzlingLover】有機伏特紅莓雞尾酒上台時一片霧氣、仙氣迫人，好飲凡惠顧二人用＜Pony Effect櫻花彩妝下午茶＞送每位價值$150PonyEffect絲絨口紅旅行套裝及多款化妝品一套幾抵!可以一試!供應時間：即日至4月30日星期一至五 3pm-5pm星期六及日 3:30pm-5:30pm價錢：$498/2 位 (另設加一服務費)

鍾意High Tea, 因為可以同一時間試唔同咸甜點，啱女仔多心又可試多啲唔同款。一直都好想試一試AVA 個tea, 好多次都因為餐廳有event 訂唔到位。12月31日3：30去到，餐廳除左我地，仲有另一枱客，都係兩個女仔。都唔滿，點解要安排我地坐隔離，我唔想聽到人地嘅對話。或者，佢地之後要安排大除夕晚餐，我地坐埋附近，方便佢地setting。景就的確唔錯，維港景。夜晚應該更加靚。但食物就真係好一般，不講太多。反而，訂位時會問有冇特別慶祝，因朋友女生日，就特別多左三件小蛋糕，味道不錯總之，想要靚景，可以一試。

食物好味道，自助餐都算大方，俻好各種海鮮，就是美中不足服務員比較新手感覺，好幾次講到明都唔明，有小小kind but not helpful感覺。點餐來講水平麻麻，牛扒煮得不算有水平，只可以話合格。環境一流的關鍵在於無敵大海景，但位置是否靠窗就未必。海鮮非常新鮮，就是點餐分量太小，自助有蝦同三文魚，結果點海鮮拼盤又卑，反而螃蟹肉就少之又少。搞到一堆都係三文魚，心裡覺得不是很滿意。甜品種類還可以，不過畢竟主要是去試海鮮，ice cream之類，有都算ok。

聖誕節期間，見到佢個有利位置，見到佢有聖誕節afternoon tea set & Christmas cocktail....就book咗個window seat 嘆下...老實說，個tea set 真係好唔得，咸點都勉強食到但甜點真係食唔到，甜到得個甜字，無原材料味道。但係cocktail 好飲，服務都好好，全部由帶位到waiter 都係九成外國人，態度笑容都好，去傾計真係一流！個景同環境都好，希望食物方面可以努力一下！人流少，好舒服

適逢好朋友生日,帶佢黎到AVA,這間餐廳我不是第一次黎,食物menu都沒什麼變動,但勝在坐得舒適,環境靚又浪漫,雖然應該要同另一伴黎,但兩個女仔來也不錯,可以兩個係咁傾係咁傾,食物擺盤特別,又保持到水準,推介牛排 , 水滴冰蟹餅, 最後唔少得一定要預訂我玫瑰花雪糕作甜品, 出色的美,又好味.女性朋友說我贏左佢男朋友。。。哈哈哈

Baby生日，當然要好好慶祝啦！朋友介紹 AVA 餐廳，環境一流，看著維港夜景食飯，非常賞心樂事。頭盤要了生蠔，非常鮮甜，一客有8隻。另外再叫了一客周打海鮮湯，碗湯充滿了濃厚的忌廉味，而且湯料豐富，有青口，帶子，蝦，蜆肉。不過略嫌欠咸味，好像沒有落鹽。當晚主菜要了肉眼扒，好香的炭燒味，好多肉汁，而且牛肉好濃，配菜的薯條都係有調味過，還有煎牛柳，剛剛好五成熟，外皮香脆。甜品值得推介玫瑰雪糕！ 每一啖雪糕都充滿玫瑰花香，而且甜品會安排在你面前製作的。

因為是生日飯所以選這間餐廳，希望症環境和食物成正比。環境好黑，可能我對眼唔好，所以睇餐排時有點辛苦。因為視力不好又有Set Dinner 就去馬。 麵包………… 好新鮮好脆他他…………幾好味海鮮湯………… 全晚最正嘅一樣天使麵………… 一般一般烤魚…………兩件( 本人覺得好新鮮因為好鬼腥)甜品…………個咀比啲魚腥味攪到冇胃口如果有人再去不要叫Set, 我已經中伏了工作人員是有禮貌，不似其它人寫得那麼差。離開時在電梯口，在夠光的情況下睇佢地散叫的餐排比Set 吸引好多。

朋友生日敍餐，見openrice網上有訂座優惠及不錯的網評，所以就訂了這家試試看。由搭電梯個刻，已經開始迷人夜景，凝望著玻璃幕牆至38樓。訂座的時候，沒有確定能否給窗口位，但就把這個Surprise留到現場給我們了。背著醉人夜景下亨用我們的晚餐。點了一枝Procescco，價格相宜，易入口。整體來說，食物賣相、味道均不錯。生蠔新鮮，鴨胸主菜出色。最後甜品主菜生日玫瑰雪糕！這個安排也頗有心意，廚師靜靜地推餐車到我們的桌旁，我們就看著這個生日甜品如何製成，過程都頗有趣。總括來說，這間餐廳都頗有心思，食物、氣紛、服務都不錯。

難得Happy Friday 就緊係要relax一下今次去左係尖沙咀既Ava 餐廳係38樓，上到去係可以望住個海景🌃值回票價👍🏻👍🏻👍🏻坐低就嗌左個黑松露意粉仲有個得獎既牛肉，同埋一塊扒由於我唔記得個名😂所以睇相會好d個黑松露意粉，個黑松露係成塊切片既好有口感，不過個意粉個味道我覺得有少少似五香肉丁個味道🤦🏾‍♀️另外個牛扒好出色，煮到岩岩好唔會太dry👍🏻個薯條仲係我好中意既粗薯條個得獎牛肉就口感比較煙軔，我個人就比較中意淋身d，不過佢味道係不錯既

因為朋友生日早一星期打去book位已經覺得侍應態度古怪講嘢冇尾音好似趕住收線，完成訂枱拜拜都無講即cut線。去到餐廳當日安排坐在房間位，全程無人理。食物質素差已經算，開完支酒唔俾人試，就直接袋兩杯走開，上菜速到慢過食法國菜，我們八點半到，每食完一樣野都隔好耐先上下一道菜，最後甜品10點半先有。落完order佢哋完全記得咗，再吹佢先上。最嬲既係remark左甜品上寫上happy birthday. 最後confirm booking已再三提醒。第一次上來寫食評，要同大家分享。千祈唔好上當，永遠不會再來這家餐廳😡好地地一個生日飯揀咗一個中伏餐廳

老公生日兼週年紀念當然要用老公既信用卡優惠 碌老公既卡 "請"佢食翻餐架啦😂😂原價$298 semi buffet lunch 而家買一送一真係好抵呢！難得book到window seat 😍😍喺我睇緊餐牌既同時 為食老公已經出左去拎野食 雖然種類唔多 但有哈密瓜parma ham!!!!! 已經值回票價！我地揀左海鮮拼盤 賣相幾靚 擺盤非常好蠔都幾好味 可惜長腳蟹好難食 啲肉好瘦削 兼且係一陣好唔新鮮既海水味 🙈🙈tenderloin 幾好食 份量少少就岩晒 因為要留肚食buffet呢！魚就正常味道啦 可以整得惹味啲最後祝老公生日快樂 happy anniversary❤️謝謝店員為我地準備😊

好姊妹生日大日子，選擇了去AVA食semi-brunch buffet慶祝。之前去過中環嗰間，感覺一流，今次選擇到尖沙咀店，期望非常高。跟中環的店一樣，上餐廳要轉lift，未知是否建築設計師特別精心安排。上到餐廳，感覺跟一般酒店無異，沒有驚喜、沒有失望。前菜有鵝肝、炸蠔，味道尚可。主菜方面，朋友order左安格斯牛扒，我就選擇了龍蝦汁深海魚塊。兩個主菜賣相很好，味道卻強差人意。牛扒好硬，朋友用了半個鐘，都未能完成整塊牛扒，還跟我說笑，面部兩邊肌肉即刻firm左好多。我嘅深海魚塊，雪藏味非常，就算龍蝦汁如何強烈，都未能覆蓋雪藏味。兩個主菜令我們沮喪了！自助區嘅食物，包括有沙律、蘑菇湯、甜品、雪糕，最驚喜係有羊架！好可惜，羊架太熟，好浪費，非常硬。整體這餐飯尚算合格啦，環境及自助區食物值得一讚。

Excellent service and good atmosphere. The restaurant was quite dimly lit (as evident in the photos)  so will suggest it for couples, but not families.All the dishes we tried in our appetisers and mains were good. Dessert was disappointing, which is a shame for a European restaurant, but have that elsewhere.

女友生日飯，當然要選好一點的餐廳Openrice上見到這間環境不錯，價錢亦適中，於是早一星期訂了位於K11旁的酒店餐廳（訂位是英語對答）入口稍為隱蔽，是位於車場入口的踏入升降機，按下38樓的按鈕，升降機迅速往上，很快就看到維港的景色我倆已大讚漂亮，畢竟香港夜景聞名於世，看到亮燈後的建築群確是很感動，尤其是今次在高處！一入座已有驚喜，訂位時沒說明要窗口位，只說是慶祝女友生日，想安排玫瑰花雪糕（稍後再說）不知道是運氣好還是窩心安排，竟然安排到店內唯一的角位！背後是一整幅落地玻璃，直望夜景！旁邊還有梳化可放隨身物品，其他位置當然沒有這待遇！旁邊亦一直沒人坐，感覺超好！在場所見，侍應只有兩位外籍小姐，親切，由始至終帶有笑容，雖然人少，但上菜速度卻是剛剛好！餐單貼心的寫上中英文對照，值得一讚（很多高級一點的餐廳的菜單都沒中文，其實英文再好，也不懂專有食材的英文名稱不要為難正常的香港人吧）點了餐，很快便來了麵包及牛油/蕃茄醬等，味道固然不錯，我覺得真正的用意是等待前菜時不用你眼望我眼，可邊吃邊談天跟麵包一起來的還有這個，牛肉包著一點火箭菜，配上沙律醬，算是附送的小前菜令人驚訝的是火箭菜沒苦味，令不

看Blogger食評很好，一心來試試慶祝生日，很失望。先說說服務，訂位時說好想要窗邊位，說會盡量安排，來到後安排我在場中間的大圓枱，這也不是問題，若窗邊位給人訂了這個我接受，但由我坐下到離開幾張窗邊位也是空著的。說英文的女侍應看來當天心情不好，全情黑面沒笑容，說用Openrice優惠時面色更差。食物來說，頭盤還可以，但主菜就很差了。朋友點的羊扒比普通餐廳還差，我點的魚竟然還有骨，配魚的醬汁也淡而無味。