AW Patisserie (已結業)

M.A.D.--MAKE A DIFFERENCE --MADELEINE蛋糕系列 （下）呢3隻味一打開包裝都有各自的香味，打開包裝已經幾吸引🤤九鬼黑芝麻湯圓🤗九鬼黑芝麻已經不需要再解釋，黑芝麻味好香濃，對我黎講，已經入左坑，黑芝麻真係唔係間間一樣味，呢間既黑芝麻同麻糬已經係最佳拍檔，信心保証了。(係咪我上次無翻過蛋糕面黎睇定係又改良左，蛋糕面好似多左好多白芝麻既?)LOTUS 焦糖餅乾咖啡😍其實我好怕LOTUS焦糖餅乾，見到佢就好似寫住勁甜2個字，呢個完全無，聞落係焦糖的香氣，食係微焦甜的咖啡味，我竟然意外地鍾意~~煙肉芝士😲入口幾驚喜，幾衝擊同微妙，煙肉落得相當足料，分怖平均，但對我黎講有呢種芝士有少少膩，如果喜歡邪惡美食人，或喜歡微妙咸甜組合的人，可以一試呀。唔知點解我個腦出現可以加蔥花呢個畫面，好似會好香XD其實M.A.D系列幾好玩，可以一次過試咁多味道，鍾意食野既人會覺得好玩囉，唔知遲d會唔會有流心瑪德蓮、流心麻薯瑪德蓮或淋面醬、點醬版瑪德蓮呢，有就正喇😍我覺得硬朱古力外層既瑪德蓮無同蛋糕體唔係特別夾，反而流心或混色，雲石色有無得諗先🤪至於咁多隻咁點揀好、試邊隻好?中式糖水系

M.A.D.--MAKE A DIFFERENCE --MADELEINE蛋糕系列 （上）好鍾意MAKE A DIFFERENCE呢個概念，MAKE A DIFFERENCE 除左要有勇氣、仲要有IDEA，有能力，有無限既嚐試、失敗再堅持，先有可能創作、形成一個新產品。🤘🤘原味牛油:😲唯一食到渣渣濕潤的質感，有清新的檸檬味、柔和的牛油同蛋香，檸檬蛋牛油香會停響喉嚨同口腔，呢樣幾驚喜，唔好睇少佢原味好似平平無奇咁，味道溫柔而持久(攪到好似品酒咁🤭)京都抹茶紅豆麻糬:💕食得出係日本抹茶，夠濃有少許回甘，係我鍾意既日本抹茶味，紅豆做得幾細膩完全唔駛驚會太甜、麻糬質感煙韌中偏軟身，有奶味布甜味、放左陣響室溫質感已經好OK，整體相對紅豆味弱左少少，食完口腔都有牛油香喎。😗花生湯圓:🥸睇外面以為係煙肉芝士，原來係花生湯圓，有少量粗粒花生，加左麻薯，變左糖不甩？我個腦諗到台灣打一塊牛奶麻糬外面再碌花生粉o個隻，味道上唔算好驚喜，但個花生味好香喎，有點黃豆o個種烤過既香仲煙肉芝士、LOTUS 焦糖餅乾咖啡同九鬼黑芝麻湯圓🤤下集講#自私食 #食好西 #下午茶甜品#中或糖水甜品#藍帶甜品師 #泡芙師#中環

黑芝麻湯丸瑪德蓮蛋糕 $22超濃黑芝麻蛋糕，口感濕潤，中間仲有黑芝麻醬同煙韌麻薯，加熱後仲會有少少拉絲。上次朋友帶我去淨係買咗一粒，食過之後完全返唔到轉頭。。除咗瑪德蓮佢哋仲有泡芙同埋蛋糕樽，試過開心果蛋糕樽（$68）都係超高質，勁濃開心果味🥹最可惜係佢哋嘅營業時間同我返工時間唔太夾，好少機會可以去到買🥹🥹

🎖️濃味手工泡芙❤️❤️.未食之前有朋友話麻麻哋，唔係太值😂😂我係曾經有降低過個期望值🤣但今次經過竟然見到有黑芝麻湯圓同特濃意大利開心果麻糬味，即刻心動買比🐡🐡試！.唔知幾時開始，啲口味都真係變左，可能真係年紀大左😂😂以前覺得呢啲黑芝麻甜品只係岩屋企既老人家食🙈宜家次次見到黑芝麻都覺得好養生，好想食😆而今次簡呢個黑芝麻湯圓冇失望🤤唔會太甜又夠香濃芝麻味💕 開心果真係配得上特濃呢兩個字，佢都算係食過既開心果甜品既頭三位濃味，非常香開心果味🥰雖然呢個份量黎講個價錢都真係有貴🤣但我都係會再試埋個蛋糕Jar 🤩.

想食咗呢間好耐，啲團購一直都撞唔啱日子時間，點知比我等到佢係中環街市開pop up store🥹 唔知係咪期間限定，而我就點咗係附近番工嘅男朋友去買🤣 佢lunchtime買完，夜晚番到屋企食完飯再食，擺咗7-8個鐘雪櫃，拎出嚟食都預咗冇咁好食，結果🥹🥹🥹 呀！！！！ 勁好食！！！！係我近期食過最好食嘅甜品！！今次揀咗開心果麻糬🥹🥹係我食過最濃開心果味嘅甜品，好真材實料，但一啲都唔會過甜！泡芙皮依然好脆！面頭嘅開心果粒炒香過？都好香🤤重頭戲除咗有開心果，仲有麻糬，勁勁勁煙韌！！！雪咗咁耐都冇死實實，而且冇搶咗開心果嘅味！開心果醬同麻糬都好夾🤤🤤最後講埋價錢，係$60/1，都幾貴，但真係一試難忘，好想再食其他味🤤🤤 同朋友分享都笑我打手，但試過就知真係好好食🤤🤤