baby café (已結業)

今日難得去屯門食飯，細妹話想食Baby cafe，對上一次食已經係幾年前，仲係中學生嗰陣，之前都算幾有水準，估唔到而家水準跌咗咁多。。。好失望。。。😞我哋叫咗個二人精選套餐，入面包兩個主菜一個小食。主菜叫咗一個「北海道十勝芝士海鮮意大利飯」同埋「Baby日式咖喱雞扒飯」，兩樣主菜都好差。😟講左個北海道意大利飯先，雖然個名好似好把炮，個Menu仲有隻手指公推介添，但係期望越大失望就越大。💀首先賣相已經好唔吸引，好似一碗白飯配一塊煎魚柳咁！我同我阿妹都唔信呢個係招牌菜，仲特登問多次職員呢個唔通就係傳說中嘅北海道意大利飯？。。職員confirm咗係之後我哋就即刻試吓，個飯一啲味都冇，好似搵啲好淡嘅白汁撈飯咁！😂所講嘅海鮮就係幾粒蟹柳同蒸八爪魚粒。個飯亦一啲芝士味都冇，非常失望好難食！😭個日式咖喱飯一啲咖喱味都冇，唔知自己食緊啲咩汁。。😂唯一好嘅就係啲雞都放得入口。。。啲雞煎得幾香既。😂我哋叫咗個小食係「黑松露炒蛋芝士厚多士」，都唔錯，幾重黑松露味，但啲蛋都係比較淡。😂呢餐食到我同細妹都好激氣，水準竟然跌左咁多，好失望！應該唔會再幫襯Baby cafe!!!😭😭😭

叫佐個七成熟嘅西冷扒，點知泥佐個超厚嘅全熟扒，唔係講笑…切開都有些少難度，擺落口嚼極都唔化，唯有叫侍應換佐佢，個男侍應得知情況後就話:『噢…熟得制牙，我幫你睇下。』於事行佐去廚房岀餐嘅窗口度托住舊扒嘅碟左研究右研究，又同廚房講佐一輪再行番泥同我地講換過碟比我地。過佐十分鐘左右，換佐另一碟西冷扒，今次仲夸張，有少少比人玩嘅感覺，切開一舊，紅色嘅肉，仲有血水滲岀泥(如圖)，再切開幾舊，黑椒汁都染到有少少紅，仲有陣腥味爆岀泥，點擺落口牙，見果男侍應態度麻麻地都唔想再搵佢，突登叫佐佢隔離嘅女侍應泥再換，女侍應拎走碟野，男侍應原本汁緊野都即刻跟埋去，佢地企係窗口度拎住碟野又傾佐一大輪，我地淨係聽到女侍應叫廚房叮熟d…最後係熟就熟佐d，但係肉質鬆散又粗糙，好唔新鮮。最後冇食幾多就走，真心燥，唔識煎扒就唔好問人要幾成熟喇，乾脆直接問人要生定熟好過。搞到冇曬胃口，係咁換你都冇心機煮架喇，唔會再去呢間野貼錢買難受，曬錢又曬時間。

昨天又到Baby Cafe晚餐去，這店是家人很喜歡的食肆，我們已經光顧了n次，就是覺得他很抵食，食物質素也不錯！這次的食物水準比以前差了，說不上很好吃，但調味是偏鹹了一點。肉眼扒還可以，不過肉比較韌和多筋的，相較之前水準稍差⋯至於這個北海道十勝芝士海鮮飯⋯已經吃過5、6次，一直翻點是因為味道不錯，可惜今次就比較失望，因為那"鱈魚"就太鹹了，雖然餐廳沒有指明用的是"鱈魚"，但我有理由相信那"鱈魚"狀的物體是"油魚"。這頓飯吃到末段，肚子感到輕微不適...回家之後就開始肚瀉，拉出大量黃色的油份...當天我並沒有吃過其他油膩的東西，而經查找後，能導致身體大量瀉出油份的原因之一就是吃掉跟"鱈魚"很相似的"油魚"。即使"油魚"也是海鮮的一種，也是能吃下肚子的食材...但"油魚"的成份其實對身體不太健康。過往點這個海鮮飯都沒有這樣的問題，唯獨是今次感覺是不太良好。希望餐廳方便可以注意一下食材的挑選，雖然以性價比來說我還是會再光顧，但這個海鮮飯就不會有下次了。

Baby Cafe開了那麼久，倒是第一次來，總覺得這些明星掛帥的餐廳貴得來不會太好吃，看到Baby Cafe的分店一間間倒閉好像引證了我的論點？這次來到純粹是路過，買點外賣回家跟弟弟一起吃。看到餐牌後發現是我對Baby的誤會太深了！原來不算貴，而且款式不少，很對我胃口，馬上買了兩份水牛雞翼配雙色薯條和一份法式燒春雞。水牛雞翼配雙色薯條 $52雙色薯條即是蕃薯條和普通薯條，因為外賣的關係變軟了和有點油，但味道不錯～蕃薯條甜甜的～感覺蠻特別。水牛雞翼很惹味，但不夠辣，亦欠缺水牛雞翼的靈魂－－藍芝士醬！有點搔不著癢處的感覺，不夠過癮。法式燒春雞 $40燒得很香口，雖然雞肉應該是雪藏貨，但肉質尚算不錯，如果配雙色薯條便好了～作為碩果僅存的一間Baby Cafe，不能單靠明星效應，要以食物質素取悅客人，你的食物如何，你的日子也必如何。

請來的員工是要來收餐具及清潔地方 ？客人想問野，d員工眼尾都唔望下你，沒有一個員工是臉帶一絲笑容，請問baby cafe 的賣點是甚麼？ 是賣名氣而已？ 請啲姨姨黎做不是更好嗎 ？

之前試過，覺得價錢合理得黎，又唔錯既食肆，今次一樣叫左個2人set,包左2個主食，1個小食，可以加錢加野飲，湯，沙律個啲，甘我地就加左野飲，佢都有指定野飲，如果你想揀啲好飲啲，貴啲既，再要加10蚊杯主菜揀左呢個牛排，幾好味，有得揀5成or 7成熟。意粉就偏咸，都幾細碟，麻麻。小食揀左呢個 豬肋骨雙色薯條，好好味個番薯整成既薯條最後野飲都唔係好記得叫咩名，但佢啲野飲都幾好飲

同朋友去食晚餐，叫左個黑豚扒同肉眼扒，仲有雞翼薯條。我個人覺得黑豚扒有小小穌，但朋友好似幾中意。肉眼扒叫左七成熟，對我而言剛剛好，味道唔錯。但我唔太中意雞翼嘅汁，下次應該唔會再叫。

聽人講個十勝芝士飯點好點好食，今日屯門遊又見肚餓咁啱冇人排隊試一試baby Cafe先，先來黑毛豬肉腸酸椰菜薯蓉，三花腸4條+正常薯蓉再加盲公食完都開眼嘅酸椰菜！扣分再來芝士煙肉焗西蘭花！正常重點食物十勝芝士海鮮意大利飯，飯好正常好味，有少少咸，件魚仲用葡國特產馬介休，食真D原來係龍利柳不過咸過馬介休！扣到負分其他唔講，自已去試下次有朋友叫我去食呢間餐廳，咪搞小弟

行過屯門市中心見到BABY CAFE  雖然佢開左好耐 成日都見到佢既蹤影唯獨今次有衝動入去食因為佢個下午茶幾抵食叫左個扒食！　認真普普通通可接受　但唔叫好食份量都幾少

朋友約去baby cafe食dinner，自開張從未嚟食過。食物多選擇，飲品也選擇多。西班牙黑豚扒配菠蘿燒汁~豬豚肉質好好，可惜冷了會不好食，好快會硬，所以要趁早食。芝士焗龍利柳香草意粉啖啖龍利柳肉和芝士，好好味~北海道十勝芝士海鮮意大利飯飯粒香軟，不會太硬~菇味好香。賣相靚靚，飲左會心情靚靚的熱花茶，花味飄散。冷荔枝茶荔枝茶配上薄荷葉碎，涼爽醒神！

跟親友食完正餐，表妹吵鬧着要吃甜品，果然女孩子都有第二個胃？行左一輪，結果表妹話想試下baby café。Café的是開放式，令到空間感大左好多，加上黑白顏色設計，感覺即時升左呢。餐廳採取半自助形式，先在電視Panel揀選心水食品，再到櫃台落單，侍應會比個號碼牌你，然後自己去揾位，好彩當日唔係好多人，好順利就坐低左。表妹叫左款「石板街朱古力蛋糕配雪糕」，朱古力味堅濃，但對我來講太甜，所以自己點左件「木糠芝士餅配雪糕」，芝士感覺不太重，配啖雪糕剛剛好，味道清清地，唔怕頂住個胃，又可以過下口癮。有機會下次都想試下D主食，因為隔離枱的Risotto實在是太香，可惜之前已經食飽飽 > <”

作為一個平常普通女性，故之然會對angelababy 又羨慕又妒忌。但講得上愛，就係食左個angelababy baby cafe 開始。話說同朋友到屯門市中心行個街，行到見攰，側邊見到個open area，原來係Angelababy cafe，見有位就箭步行去坐底先。最後就叫左個軟殻蟹意大利飯、羊架同蜜糖雞翼。先講意大利飯。軟殻蟹原隻上放係飯面，上菜時先噴噴，咬落去脆bob bob，係有少少咸，不過算係大大件。至於意大利飯，好creamy，有菇菌味。至於羊架，淰身，無騷味，幾好。最後係蜜糖鷄翼，燒得香甜好食。蜜糖味好濃。好好食。食完一件又想再食多件。而飲品方面有荔枝茶。荔枝味香濃。難得荔枝茶真係有荔枝味，正！兩個人，三樣野都係250蚊內，好抵。又係就性格比之算。返食指數4粒星(最多5粒)。

這間餐廳，每次都很多人光顧。這晚叫左一個2人自選餐，加$30有湯，飲品和沙律，合共$158 +$30=$188這間餐廳，自助攞野，食物貴少少。又不似高級餐廳，無門口，比人望住晒食咩，超唔鐘意，因為啲行人會喺你身邊行過食物方面，不過不失啦。不是太好食，也不算難食既。不過個湯好唔掂，又細碗 (無影相)沙律都普通，好似無醬咁，當菜食一樣，又細碗 (無影相)食物賣相係靚既，但肉類無味。環境唔好，因為開放式，啲人會企定定企左你隔離等位，感覺好似被人吹趕咁，唔坐得耐，要快食，很多人會周圍望下邊張枱就快食完，之後就不斷望住你，撩緊牙都要望住晒，咁唯有唔撩囉，因為全家大細望住你，你話有咩感覺？即刻要走人，好似大×樂既情況咁無諗過用自己個樣做店舖招牌，好似包裝好靚和走高檔路線咁，其實係門面野咁，內外不一，試一次便夠了。

屋企人成日話聽聞呢間嘢唔錯, 噚晚就同屋企人去試, 首先去到見間嘢都有啲人, 七八成滿應該唔差, 點知一落單就lai 嘢, 屋企人行到去叫嘢, 個收銀哥哥仔一句話等陣先, 都算, 落單佢問我哋跟唔跟飲品或沙律時咬字唔清楚多懶音搞到我哋聽唔到佢講乜, 我話聽唔清楚講多次, 佢眼超超又唔出聲, 西口西面, 一眼望落去就知出黎做嘢冇耐, 我都廢事出聲教醒佢, 我屋企人即刻出聲問佢係咪即係點點點先識出聲, 到埋位食嘢, 屋企人唔知道水要自己拎, 個侍應話自己去拎啦, 嘩乜嘢態度呀而家, 唔可以客氣少少??? 啲嘢食黎到, 我叫左個焗大菇蟹肉意大利飯, 分量真係好少, 賣相亦唔吸引, 收我$66, 仲唔包飲品, 呢種質素去薩利x都係$3x, 隔離枱叫左啲扒餐, 望落就真係唔錯, 仲猛話好食, 我碟飯除左隻菇味道不錯其餘真係頹食, 事後同屋企人講返都話試過就算, 冇下次!

第二次來BABY CAFE，同上次唔同，今次係星期日既晚上，所以無勁抵食既二人餐食啦。今次我試左個烤大菇蟹肉RISOTTO，媽咪就叫左個焗白汁芝士海皇意粉。兩個人都加左個薯條自選優惠，其實呀媽本來想加兩樣－湯同沙律，但加兩樣就23，加埋野飲／果汁就30,無奶油7蚊一支果汁都咖要呀？！所以我就幫佢加足三樣。埋單就213。我個RISOTTO一買完果時好似唔夠JUICY，點之食落完全冇E個問題，口感仲要好似做到剛剛好咁。而佢好聰明咁將個大菇放係飯既中間，咁上層既飯就有芝士汁，中層就有菇味，每啖飯都好 夠味道 。而佢個菇真係好大粒，屋企做節用的冬菇更大，又夠林，完全唔似一間平民餐店既水準。