baby café (已結業)

行完成日街，攰多過肚餓，所以揀左依間，諗住可以舒舒服服坐下，傾下計。平時黎通常都會食二人餐，今日怕食唔晒，見到宜家有all day breakfast, 決定一試。食all day breakfast可以加九蚊有隻鹽酥炸雞脾，啲炸粉多到認唔出佢係雞脾。無味的，說好的鹽酥呢？唔知廚師係咪唔記得落鹽粟米忌廉湯長通粉，湯杰到有啲似汁，亦都係好淡味。all day breakfast有蒜蓉包、黑松露炒蛋、沙律、煙三文魚同薯條，依個好食，蛋好香松露味，蒜蓉包同薯條好熱好脆。另外仲叫左個卡邦尼意粉，得好少汁，放左一陣已經乾左，黏埋一大舊咁總括整體食物質素都冇以前咁好，不過勝在價錢平同坐得耐都唔會趕你走

成日都出街食飯，食到唔知有咩好食。行過經過見到baby cafe 好似好多人食，於是睇下有冇位，有就諗住坐低食！夜晚佢係有做二人精選組合，可以叫2個主菜加1個小食，而且選擇都算多，真係有d難揀！最後決定叫1個飯1個沙律再加雞翼。飯揀左北海道十勝芝士海鮮意大利飯，沙律係煙三文魚凱薩沙律。意大利飯上面有煎魚，雖然講明係有芝士，但係芝士味又唔算特別濃。沙律上面嘅三文魚又唔錯，幾好食。一個飯一個沙律加個小食唔太肚餓嘅話就岩岩好，價錢又唔算貴，以商場食肆計已經算係唔錯。而且餐湯餐飲係另外加錢，唔要可以唔加，岩晒我呢d飲水嘅人。

之前在朗豪坊試過，但已經結業，今天行開屯門市廣場見到這店就入去食個午餐，這裡環境尚算濶落，不覺有侷促感。餐牌內食物選擇算多，有全日早餐、午餐、組合等等，各式其色。選了兩個午餐，蕃茄蘑菇汁焗雞扒+凍檸檬茶及龍蝦汁蟹肉意大利飯+熱檸檬水。等了約12分鐘，食品到來。蕃茄蘑菇汁焗雞扒 + 凍檸檬茶濃濃蕃茄汁蓋上，大大塊雞扒煎得香脆嫩滑，加上再焗製，令雞扒和飯都更惹味。龍蝦汁蟹肉意大利飯 + 熱檸檬水蟹肉份量不算很多，但味道鮮甜，龍蝦汁不是太濃，味道適中，裡面有菇菌混合一起烹煮，都幾鮮味，尚算可以。

職員用 員工用膳 的名牌 放在桌上其實係留比自己朋友坐害人等左45分鐘先有位最差係 我等45分鐘明顯有2人坐4人位 都冇叫人走但我地坐4人位就叫我地坐開，態度好差！不知所謂 野食又唔係特別好 劣食！

去完銀行想找點素食西餐吃，於是在市中心游走，可是去了三間西餐廳只有baby cafe有一款素食意粉，所以直接買外賣回去慢慢吃。先不說味道，說說份量，外賣來說確實挺足夠，吃完都很飽足。我加了十元換了雜菌湯，但這湯完全不值，它比茶餐廳的例湯更差劣，而且澀得像漿糊，毫無雜菌味道，只是忌廉拌粉漿吧。至於黑松露雜菌意大利粉雖然有點黑松露醬在意粉上點綴，可是拌勻後意粉丁點黑松露香氣也沒有。唯一我覺得可取是雜菌的新鮮度，意粉彈牙度一般。由開業至下baby cafe食物質素每況愈下，在全盛時期四間店結業剩下現在的屯門店，可想而知它經營十分不善。

今日反完教會聚會約咗一位好耐冇見嘅朋友仔聚下舊突然好想飲野莓沙冰所以專誠去屯門市中心嘅Baby cafe食個hi Tea好彩即刻搵到個2人位～^ _ ^望咗一望下午茶餐牌，叫咗兩個意粉set分別係拿破崙意粉同埋芝士吞拿魚長通粉拿破崙意粉都OK茄汁味夠重但係長頭髮實在太乾啦而且味道好淡第一次食到咁淡嘅焗意粉好失望飲品都好甜野莓個杯完全冇莓味始終都係喺商場 星期日超級多人啊建議如果去就唔好星期六日去啦😂埋單都係每人50有找想係屯門high tea 都不失為一個唔錯既地方

今日難得出屯門食晚飯， 我順便到屯門市廣場，走一走，逛一逛，行吓行吓已經到下午茶時間， 我想試baby cafe好耐， 但分店由多間， 變到得番屯門的一間 ！ 我叫了吞拿魚沙律牛角包 和 熱帶水果冰紅茶 做小吃！ 吞拿魚律牛角包配薯條吞拿魚沙律就平平無奇， 尚算可以， 但冇驚喜， 以平民價錢出售， 絕對可接受！ 熱帶水果冰紅茶味道有驚喜， 飲到有多種生果， 酸酸甜甜， 好有陽光氣息 ！ 夏天飲仲冇得頂 ！ 我會在六七月再來試一試 ！ 下午茶餐，價錢合理， 地方舒適

星期日，雖然落雨但仍然因為難得放假所以去新西行下食下！夜晚去到屯門市廣場，上兩層有好多野食，7點幾去到，見baby cafe唔係好洗等啲價錢又合理，加上未試過，就試下！睇食評好多劣評，但食又唔覺！除左侍應態度差之外，其實不錯！叫左個二人組合，兩個主菜一個小食，叫左個漢堡同芝士海鮮意大利飯，小食要左雞翼拼薯角，$168!再加左個湯同是日餐飲荔枝茶$23！漢堡估唔到都幾好食，牛肉煮得啱啱好，旁邊嘅沙律菜亦都幾新鮮，個汁好醒胃，食下食下就食曬！芝士意大利飯算幾足料，有淡淡芝士香，其實我覺得芝士少少就夠，太勁反而會覺得滯！雞翼除左細隻左少少之外，味道就出奇地好，蜜糖甜甜的，肉質亦唔會太林/硬，幾有咬口，呢個好味！薯角同薯條就正正常常無乜特別！總括嚟講，我覺得算抵食而且好食，人均100唔洗，而家好難揾到！

一直有幫襯 但點解越做越差？西班牙黑豚扒 -》配料少 塊扒冇味 配菜薯仔好奇怪 好似變越起潺咁 薯仔冇薯仔味牛扒 問要幾多成熟 好啦 咁叫5成 黎到變左well done 配菜都係起潺既薯仔🙁牛扒好重梳打味雞翼 太細隻 同野菌都唔夾 食物質素好似去左茶記咁 冇下次

搵個地方下午茶時間坐得舒服啲，野食都唔係重點，點知有驚喜，點了一個下午茶餐既公司三文治配薯片，薯格好新鮮，公治不錯，估唔到on side 有個迷你salad，都好fresh，另外點了一份午餐燒鯖魚忌廉汁野菌意大利飯，熱度十足，味道出乎意外，是日餐飲荔枝茶，又幾好飲喎！

隨著baby cafe全盛時期有多間分店至現在只有屯門店，比起往日其食物質素亦随之下降。是日與朋友們在屯門市廣場沒太多選擇下，最後決定去baby cafe晚餐。北海道十勝芝士海鮮意大利飯尚有輕輕的芝士味道，但不強烈，意大利飯的米飯口感偏軟，配料只有魚柳，少許蟹柳與蜆肉，吃得不夠盡興。這海膽帆立貝意大利飯完全與北海道十勝芝士意大利飯一模一樣，海膽尤如星塵般渺小，根本吃不到海膽的味道，只是吃第二盤十勝芝士意大利飯，失望透徹~ 難得小食方面有鵝肝多士可選，我們必定點呢，哈哈! 不過鵝肝多士沒有驚豔的感覺，鵝肝雖肥嫩大片，不算太濃郁，且帶有筋，沒有入口即化的滋味，蠻油膩。幸好小食蜜糖雞翼伴薯條保持穩定的水平，雞翼的蜜糖燒得均勻，皮脆脆甜蜜的，咬起來鮮嫩多汁，餘韻無窮。薯條熱呼呼，香脆味美。黑椒美國肉眼牛扒朋友選了7成熟，沒有嬌嫩欲滴的玫瑰色澤，不過肉質軟嫩，但這應該不是肉眼扒，而是下了梳打粉的普通牛扒，因為吃起來沒有牛肉的香氣。西班牙黑豚扒兩面煎成迷人的金黃色，散發著迷人的香氣，令人食指大動，肉汁滿滿，入口軟彈嫩滑，油花部份很不錯。

There's different veggie dish in the menu. Diners can add soup , salad, drink or dessert in their own preferences. The food portion is just right . The mushroom soup is delicious.

之前經過好多次，見到好多人， 以為只是明星效應， 不為所動！今天早了覓食， 剛開鋪客人不多！儘管一試，點了南瓜什菌飯、 田園pizza、餐湯和咖啡！只想填肚完全冇期望過...先來薯蒜湯，一入口.....醒了、停不了！真材實料，並不只靠外表呢！一杯榛子咖啡，拉花絶對吸睛，大杯到臨尾也飲唔曬， 味道也抵比like! 再來的什菌飯和pizza, 味道和材料一點也不馬虎，新鮮到喜出望外！就算價錢也比同商場的同類餐廳平宜！咁食法都只是百零蚊， 食物可以用平、靚、正形容！

那天約了媽媽和她的朋友們去屯門的黃金海岸，難得去屯門，便四處逛逛。對上一次入屯門已是Ｎ年前的事了。逛著逛著有些餓，便找個地方歇一會吃點東西。看到Baby cafe的下午茶Menu價錢和食物也很吸引，便決定試一試。大半年前在旺角的分店吃過晚飯，感覺一般，但那個下午茶的水準卻超出了我的期望。吉列魚柳包很大份，但魚柳炸得有點乾。粗直薯條很香口而且熱辣辣。以40元價錢來說這質素算是不錯。吞拿魚沙津牛角包味道不錯，牛角包烘過，外脆內鬆軟。所有下午茶Set都包一杯凍飲。

前一兩年因工作關係間中到屯門市廣場午膳，那時吃過 Baby cafe, 印象還不錯。今日再訪屯門市廣場，決定在這兒晚飯。我們選了$168 二人晚餐，可選兩個主菜加一個小食，另加$23有湯和飲品。小食是蜜糖焗雞翼配香脆辣薯角。雞翼很細隻，烤得非常乾，蜜糖汁很黏，感覺怪怪香脆辣薯角完全不辣，也不脆主菜一號是蜆肉意粉。這個不過不失，意粉質地可以，硬度適中。蜆的數量不算少，只是太細隻。主菜二號是意式蕃茄焗豬扒飯。這道菜本人不得不用＂難吃＂形容蕃茄汁很稠而且非常酸，用來送飯勉強可以的那塊豬扒的恐怖前所未見，撥開蕃茄汁後只見一塊＂白雪雪＂的豬肉！豬像是烚熟的，吃下去完全無味之餘又不夠熱咬了一口後全塊無法下嚥明知浪費食物但也沒有辦法跟以前相比，食物水準差了很多，不用説也知沒有下次了。