baby Mon cher (已結業)

有有次行完街心郁郁就買左Moncher 既cheesecake (sale介紹話係佢地既招牌蛋糕)反到屋企就立即拆左黎食 個面好多蛋糕碎 入面一層係蛋糕一層係芝士(類似雪糕既口感) 一啲都唔膩 3個人都食得哂! 呢個係我暫時食過咁多個日本芝士蛋糕最好食嘅一個

某夜在旺角吃飯後臨回家前路經baby Mon cher便買了三件美味的堂島卷回家跟車爸爸一同享用！當然不能不吃原味堂島卷＄32，那誘惑完全不漏喉的北海道直送牛奶忌廉，加上 軟熟富蛋香的蛋糕，足以令人頃刻忘却不快！ 宇治抹茶堂島卷＄34，綠茶味道甘香醇厚，內裏還附有少許甜蜜紅豆，口感較為甜美但也不失美味！ 最後還買了這件沖繩雪鹽堂島卷＄35，同樣鬆軟富蛋香的海綿蛋糕上灑上沖繩雪鹽，配合北海道牛乳生忌廉口感十軟滑味道濃郁，而且雪鹽的味道不會太過鹹，但我還是喜歡原裝版的堂島卷多一點！

寶寶活左大半世人都以為卷蛋都係咁既味，唔會有咩特別，係機緣巧合之下，發現到卷蛋原來係可以咁好食！真係枉為一個吃貨 😂 呢條卷蛋既蛋糕實得黎又彈又有蛋香之餘，中間果 pat 忌廉先係重點，係超級香超級重奶味，食落去係想暈咁，正到暈 🤤 拍心口可以講話係全香港最好食！唔好食既話黎啪我！(唔好咁大力)——————————————————————#原味堂島卷 $32 一件 / $158 一條 (有六件)——————————————————————baby Mon cher旺角亞皆老街 8 號朗豪坊 B2 樓 38 號銅鑼灣軒尼詩道555號崇光百貨 B1 樓 34 號舖銅鑼灣軒尼詩道555號崇光百貨 B2 樓 29 號舖紅磡黃埔花園第 5-6 期黃埔號地庫 14B 號舖

朋友黎探班！買左cake俾我食好靚既包裝粉紅色包裝打開一睇有我最喜歡🌰栗子同好多忌廉🌸🌺🌰🍰🍽全以蛋捲做底～上面再做裝飾有新鮮水果配上鮮花！好吸引食落係比較甜～栗子係超甜！但賣相好靚～如果無甘甜就超級正喇

如果你仲係搵緊一個心儀嘅生日蛋糕🎂我絕對推薦你食呢一個蛋糕細細個食開美心東海堂聖安娜咩都食過🤦🏻‍♀️永遠就係黑森林蛋糕..雜果蛋糕..同芒果蛋糕個個一式一樣 大同小異啲cream永遠都係咁肥 食幾啖就吾想食都冇一個蛋糕可以滿足到我🙍🏻但係自從我試過呢一間嘅堂島卷之後完全令我對忌廉改觀😻你明唔明白呢個蛋糕係我食完唔覺得飽係仲可以繼續食係咩感覺？！🤔嗰啲cream又香又滑🤤食落個口唔會覺得肥膩雖然有啲人話日本嗰啲好食好多😮但係如果你要喺香港食到呢一隻cream嘅蛋糕我都已經滿足啦🙆🏻🙆🏻仲要個蛋糕咁靚之餘滿足到我嘅少女心仲要咁好味點樣可以唔買啊？💁🏻呢個真係一個內外兼備嘅蛋糕✨👍🏻

"情人節快樂"情人節唔一定送心型朱古力先叫sweet, 另一半送上我最愛既食物先係最知我心意.   抺茶控收到一大條抺茶堂島卷+一件雙層芝士蛋糕, 即刻來個情深擁抱.  第一次食Mon cher既堂島卷, size比起我愛既cha-no-wa更大。  蛋卷面灑上抺茶粉遮蓋蛋糕卷的啡色外皮，要讚冷藏後抺茶粉沒有受潮，仍保持青綠粉狀。中間填滿著抺茶紅豆忌廉餡, 和蛋糕卷比例近乎2:1.   切這蛋糕卷不能粗魯，可用前端既玻璃紙輕傍忌廉餡切下就能保持形狀。蛋糕質地雖未及cha-no-wa既海棉新鮮，但仍帶軟熟及淡淡茶香。忌廉餡輕身軟棉，大大啖入口即溶，似是加入打起既蛋白，茶味香濃但不至於甘苦。灑面既抹茶粉帶回甘是整體既精髓。但評分都是cha-no-wa既茶味較突出。雙層芝士蛋糕 - 最驚喜! 上層白色像忌廉，北海道奶味重比抹茶忌廉更軟滑更像軟雪糕，溶在口軟在心。下層黃色口感順滑不糊口，芝士味較濃像日式焗芝士蛋糕。甜度剛好，食完整件都唔覺膩。

堂島卷次次經過都好想買返屋企食一於趁新年流流 橫掂都減唔到肥 一於買條返屋企同大家分享蛋糕軟熟重點是中間的忌廉很重牛奶味但不過甜加上好滑好creamy的口感真係食到停唔到口

食過好多鋪頭，呢間嘅忌廉卷真似堅好食！就算我放左係雪櫃一晚後仍然無變！佢嘅忌廉打得夠滑都輕身，有甜味但唔會過甜，而佢嘅蛋卷蛋味重，而且好鬆軟，真係好好味！好味過抺茶味（都好味），怪唔知係 No.1

近排買蛋糕買到窮,所以用左卷蛋代替平得黎好食有質素,,買左mon cher 好多次差唔多所有款式都試過所以完全唔擔心朱古力香濃,小甜不帶苦澀卷蛋鬆軟入口即溶,加埋7彩candle 添上色彩

食完串燒晚餐，想買點甜食回家中品嚐，行到朗豪坊B2個層，見到個卷蛋好似好正咁，又有綠茶味喎，就買左一件原味$32同綠茶卷$34，都幾貴, 即管試下值唔值呢個價錢先！回家後急不及待想食，綠茶個件好濃好好吃喔！綠茶卷中央既奶油好大pat, 一個字： 肥！但係真係好軟滑，好回甘，就係呢樣已經值回票價！蛋糕又唔乾，一D都唔漏， 十個讚！至於牛奶卷又係冇得彈，牛奶奶油超級滑，又勁濃郁牛奶味，我食下一啖又一啖，所餘無幾，比人投訴差不多吃光才比佢食，哈哈，可想而知幾咁好味呢

我男友一直都很想試這間店舖的堂島卷，於是今天我買了一整條堂島卷給他當生日蛋糕。外形方面，有點像瑞士卷，不同的是它中間有很多忌廉。味道方面，蛋糕十分軟熟，入口即溶的感覺，而且有點像芝士蛋糕的口感。忌廉有很重的奶油味，而且份量十分多，不過不會太甜太漏，和蛋糕一起吃十分美味。價錢方面，這個堂島卷$158，其實都幾昂貴。總結來說，這間的堂島卷味道不錯，不過食得太多會太飽，吃一至二件便好了。不過，個人認為我之前在這間店舖購買的My Melody生日蛋糕更加美味^_^

今天提前慶祝生日，於是訂了這間的my melody生日蛋糕，我訂了最大的size, 6號，價錢是$488。蛋糕外形方面，這個蛋糕十分可愛，蛋糕中間有一個大大的melody，蛋糕周圍有士多啤梨作為襯托，而且size 6都不是太大個，都只是1.5磅左右。味道方面，這個蛋糕是士多啤梨蛋糕。蛋糕是原味忌廉蛋糕，夾心是原粒士多啤梨和慕絲。士多啤梨由於不是當造季節，所以有點酸。不過蛋糕十分美味，蛋糕十分軟熟，入口即溶。慕絲又不會太甜太（漏），和蛋糕一起吃十分美味。總結來說，這個my melody蛋糕十分可愛，而且味道不錯，十分適合作為生日蛋糕^_^

前日(21-7-2016 Thur)晏晝出佐敦做超聲波,做完o黎呢o度攞用電訊公司積分換取o既牛奶味Hello Kitty慕絲.返到屋企同爸爸食完晚飯,老公都返到,等佢食完我就打開呢個做三個人o既甜品.老公睇到話佢o係o度喊,因有倒汗水o係隻眼.=.=”影好切開食得,呢個mousse佔祓部份,中間有士多啤梨啫喱,食落,牛奶味夠濃,口感都滑,成個都唔太甜,o個少少o既蛋糕圍邊亦香軟,有蛋味,唔錯o既.不過佢size唔大,我睇o左價錢係$48.00.老實講,如果唔係免費,我一定唔會買o黎食.

之前朋友請過我食呢間既cheese cake,唔係咁食牛奶既我，我都覺得好好味，所以今次再返黎買。呢款cake入口即溶，而且又唔會太甜，又唔會好漏，而價錢也不算太貴。呢個芝士蛋糕佢標榜用北海道牛奶製，好滑，下次會再來。

上年在銅鑼灣Baby Mon Cher Cafe第一次吃它家的忌廉卷驚為天人那輕柔軟綿的牛乳忌廉,而且蛋糕亦鬆軟綿綿真的令人刻骨銘心這夜拋夫棄子的我良心發現吃飽自助餐後便到Baby Mon Cher外帶店買兩件堂島卷回家給車爸爸賠禮吧!!除了{忌廉堂島卷}還有其它選擇有生果忌廉堂島卷,朱古力堂島卷,綠茶堂島卷另外還有早前大熱的半熟芝士蛋糕呢!!不過我還是鍾情{忌廉堂島卷}一到家便送上給車爸爸作飯後甜品,味道依舊香滑軟綿真的不明白為何日式的忌廉可以那麼香滑動人,但切勿留過夜才吃味道會差天共地的因為另一件我隔夜才吃中了伏呀車車也不停要求試食,心軟媽媽取了一丁點滿足為食的他,傻豬仔已開心得大擺尾巴呢