baby Mon cher (已結業)

      囡囡生日，同太太專程去朗豪坊間Baby Mon Cher買個生日蛋糕比佢慶祝生日，今次已是第二次買蛋糕了，雖說價錢三百幾元，比起美心東海堂等既蛋糕貴少少，但係蛋糕的外觀及味道係好好多，所以有咁既價錢係值既，何況有個靚靚生日蛋糕，唔係度度買到，拎住個蛋影相又真係靚靚D。       今次買既蛋糕<夢幻國度>，外觀已很吸引，內面的海綿蛋糕口感柔軟綿滑，加上淡淡的忌廉配搭上新鮮的士多啤梨果肉，的確好味。下次又會試下其他的蛋糕。

Mon cher no. 1 堂島卷 既cream 食完真係會好掛住，今次試左抹茶卷，蛋糕依然係咁軟綿綿，中間啲cream 同樣咁香滑，抹茶味如果濃啲就perfect 喇🥰抹茶卷 $38

我同兩個partners 買左個生日蛋糕比同事。呢個蛋糕之前我生日2個partners 都有買比我(不過我係兩隻kitty)，真係好好味㗎! 同事喜歡melody, 所以額外加多隻比佢。my melody 布甸好滑，蛋糕d cream 又吾漏，真係一分錢一分貨。

生日無買生日蛋糕、而是買黎自日本大阪既堂島卷。我先生覺得唔抵，不過我要食就無辦法。不過有樣野真係要改善，就係包裝。話哂都三十幾蚊件，但單買一件係無盒的，咁只好買多件，但都無冰種，要冰種是要加錢的，同埋個服務員態度都好一般。日本就無論幾多件都有盒有冰種，如果呢方面可以提升就好。至於卷蛋我覺得係好好食，最鍾意日本既cream，奶味香濃而不肥膩。蛋糕🍰鬆軟綿密。雖然平日我喜歡綠茶，但食呢個卷蛋都係原味好食D。

雙層芝士蛋糕地鐵站一出旺角朗豪坊就有好多間特別嘅蛋糕店，我係個一層行左五六個圈企左半個幾鐘都選擇唔到應該買個唔太好食但係靚/得意嘅蛋糕好，一話買個外表普通但好食嘅蛋糕好呢，救命，選擇困難症又發作呀😣😣😣最後因為諗得太耐，搞到勁急咁只係用左2分鐘就決定買mon cher依個外表普通但好食嘅蛋糕雙層芝士蛋糕去同個姊妹慶祝😂依個蛋糕其實幾年前表姐都已經請我食過一次，今日再食都仍然keep到水準，依個蛋糕係由兩層芝士組成嘅，上層係軟綿綿嘅牛乳芝士而底層就係烤芝士，層次鮮明，口感獨特，好仲意佢鬆軟嘅空氣感，入口即溶，就算打完邊爐食都唔覺得膩~連朋友們都大讚好味😋

香港最常見的西式蛋糕是「瑞士卷」。常見卷竟可創出月見卷！平凡中竟可創出不平凡！「瑞士卷」來自中歐，卻與瑞士無關。 2003年日本人將和式甜餅設計風格，融入歐洲傳統甜品，製造出極為精緻甜品Dojima Roll，俘虜萬千香港芳心。以往香港人要去大阪朝聖，如今在香港輕易買到，只是有點兒昂貴。日本堂島卷初登陸時，賣$150 (半條:$80, 單件:$28)，現時加至188元。食一件要40元，兩人各吃兩件，便要消費160元。都是索性買一條，性價比最高。( ͡° ͜ʖ ͡°)快清秋，月如鏡復如鈎。如鏡 映佳人柳眉芙蓉面，如鈎 掛著佳人倩語帶羞。╮(╯∀╰)╭簾捲西風，贈佳人此和式瑞士卷。黃色及白色構成的圓，象徵著幸福，永遠，緣份 ; 亦恰如滿月，代表我的心。以北海道產牛奶製作的忌廉，其牛奶幼滑口感，震撼味蕾，濃得化不開，配合新鮮香濃蛋味，令我們饞涎欲滴。蛋糕份外鬆軟，形成鬆軟的海綿質感，肯定百份百新鮮。只由蛋糕及忌廉構成的簡單組合，卻有不同凡香，反映每一部分製作也一絲不苟，正如伊人做處事態度，百折不撓，故令我欣賞，愛護。都是原味的好，能充份領略北海道牛奶滋味。加10元可買水果卷或宇治抹茶卷，加20可買

🌬🍰堂島水果忌廉千層卷 $50⋯日本過江龍堂島卷咁出名大家應該唔會陌生 平時都係食開佢signature 的忌廉卷蛋 忌廉奶味香濃而輕盈 蛋糕鬆軟富彈性蛋味十足～但今次想介紹佢啲配角 如果鐘意食crepe既朋友可以一試～千層卷用左五層crepe同忌廉卷成 中間大大舊水果 crepe唔係做到Lady乜乜千層蛋糕果隻咁薄 係有咬口同有彈性的 有明顯食緊一層一層既感覺🤓未試過可以一戰 但我下次都係買番堂島卷蛋(太無敵)🤪✨

Baby mon cher有很多不同種類的蛋糕，例如琉璃朱古力蛋糕，草莓蛋糕，雙層芝士蛋糕和最有名的堂島卷。堂島卷裏的忌廉有非常濃郁的奶香味，加上非常幼滑，令人想一試再試！我買了香港限定的楊枝甘露卷，很有香港的風味，但又不失堂島卷的特色！而且這家店的店員非常親切，經常面帶笑容地招待客人，我在蛋糕店預訂了一個蛋糕，雖然牌子上寫的名字錯了，但店員亦10分有耐性為我更改，而且還說有什麼問題都能跟他們說呢。不愧是在日本獲得大賞的蛋糕店！琉璃朱古力蛋糕

baby Mon cher 呢間蛋糕店我次次經過會因為望到價錢較貴而無買到。。。但今日望到真係太想食啦!!!好滑好蛋香既千層蛋糕,睇落細細件但其實會好飽。值得再食!!!

厚厚的玉子三文治 ($35)(這個造型是不是有點眼熟？)這不是灣仔那家☕️的出品而是Baby Mon Cher的新品(其實還有草莓🍓三文治)兩間相比之下，我比較喜歡灣仔☕️那間，麵包更軟熟，蛋更滑，還有芥末醬🤤 反之呢間比較淡味，價錢亦比較貴 (同等份量比較)

老公好鐘意食瑞士卷....... 所以其實我PLAN左好耐.......... 以前返工附近有間唔中都會忍唔住買... 終於都順路了... 想帶佢黎試下呢個"貴價瑞士卷"... 究竟俾唔俾到驚喜佢呢?!店員話而家出左隻係用法國CREAM做的, 最後冇選, 都係食番最original既, 用北海道出產新鮮牛奶製成既堂島卷..外面既蛋糕軟綿綿, D CREAM好重奶味, 好結實, 雖然冇我第一次食果種好食到喊的感動, 但亦都覺得好好味呢~ 食完會覺得好幸福, 唔知老公鐘唔鐘意呢?! 法文店文Mon cher意思係"我所愛的人", 老公, 希望你喜歡 

[ 世界級咁正 | 堂島卷🏆]••記得初初拍拖既時候，男朋友買左一件堂島卷等我放學📚我第一次見到，心諗點解要咁興奮🤔好似只係一件好普通既蛋卷🍰-🔹奶茶味堂島卷($34)⭐️8.5/10如果係原味堂島卷我會比9.5分🏅原味個種奶香，又唔甜真係好正🤤唔係講笑我可以食10件💪🏻呢個奶茶味係朋友試完話好正，我又試下☕️真係濃濃奶茶味，佢d卷唔會好甜，cream又好滑😻不過我都係鍾意原味個種奶香味❤️-🔺中環分店有mini堂島卷($15)🤑每次行過都忍唔住買一件食，mini罪惡感無咁重😈hahaha...--

朋友生日約食生日飯，因為朋友好鐘意食cheesecake，於是就去左baby Mon cher買佢出名嘅雙層芝士蛋糕。上面層芝士比較軟身，入口好軟滑，下面層芝士就實啲，2層口感嘅芝士真係好perfect，仲要一啲都唔膩。

團購左雙層芝士蛋糕,夜晚9点幾黎拎,呢度個女店員非常冇態度囉！由比張團購劵佢到出貨,佢都冇講過一句野,黑口黑面,冇表情冇態度一句多謝都冇,佢唔適合係呢間日本甜品店度做囉！蛋糕方面,芝士幾滑,上層似雪糕,下層芝士味濃啲香啲,外層蛋糕碎都幾鬆軟,不錯。之前係黃埔分店嘅店員服務好啲，起碼唔會好似旺角呢個女店員咁差!

聽朋友講Mon Cher有個北海道牛乳芝士蛋糕幾好食，勁叫我去買，就襯家人返齊來就買個返屋企。旺角朗豪最底層有一間，放工就去買， 點知遇到嗰奇怪員工，響我前面已有個客人睇廚櫃，店主唔揪唔睬，到我時都一樣，我點的時候佢做出超不情願的樣子，原來佢係對住電話張相畫素描(超想影低佢)，原來我地買野阻住佢畫畫。 個盒係用薄薄既發普膠做成，芝士蛋糕係有張似防水既紙包住，蛋糕係由冰櫃拎出嚟，解凍十五分鐘左右，軟身少少就可以食。北海道牛乳很香滑，很有冰感，個底個蛋糕就軟身，有啲似雪糕蛋糕，白雪雪好可愛，比什麽什麽生果堆成或唔溶唔實質感奇怪既mousse cake好食好多。不過，幾好食都好，態度咁差，唔想賣野之餘，俾左錢一句多謝都無，日本甜品店？依間朗豪Mon Cher 就無下次了(ㆁωㆁ*)