Bakehouse by Grégoire Michaud

營業中

休息中

見到網上咁多人講呢間餅店終於開咗嚟沙田！當然要一試究竟，本身都知要好多人排隊，所以都等咗幾個字，最後買咗6個蛋撻返屋企品嚐！個人覺得個蛋撻皮好特別，雖然外脆內軟但佢做到好似牛角包嘅層次感覺！而且我覺得甜度還好，唔會話太甜

Bakehouse啱啱開張第五日，就排隊去嘗試。五人同行包括兩個「小朋友 👵🏻👴🏻」 ，都食得好開心。服務都好細心，好照顧到大家嘅飲食需求。今次試咗$360 一個嘅set meal。真係食到飽飽，又食咗成個Menu嘅嘢。好豐富！最好食應該係：🍞 Sourdough跟Umami butter🐮 生牛肉Tartare🐮 煎牛扒配Bone marrow🧀 Burrata 有Hot Honey （推介呢個 Hot Honey！）🍨 Soft Serve Tiramisu

Bakehouse分店喺星期六，沙田新城市廣場開張。位置鄰近戲院同天幕廣場，小巴同巴士落車過去排隊非常方便。早上9點幾去到，餐廳入座率超過6成，就座後職員會遞上餐牌，另有pastry set餐牌，但需要另外詢問。可以堂食的Bakehouse還有灣仔分店，但每次去都要排隊。難得時間尚早可以直接dine in，所以選了Bakehouse精選早餐，和cappuccino 。食物和飲品同樣單點，cappuccino質感醇厚，餐廳應該選用了深培咖啡豆。精選早餐有煎蛋，煙肉，芝士辣肉香腸，辣蕃茄醬和sourdough多士。食物調味偏重，但食過同鍾意cheese& onion scone 嘅客人都會喜歡，總括來說，是一份可以留quota 的早餐。