Balencia Bakery & Cafe (已結業)

唯一可以比分係，d服務員叫做會幫到下手點下野食，野食真係唔好提叫左個芝士牛肉漢堡配吉列蝦狂熱賣相有出入算啦 大家明諗住鐵板上jerjer聲比多廿皮拎起個汁淋落去鐵板放屁聲都冇索性叫芝士牛肉漢堡配吉列蝦唔熱好過啦另外一個蟹肉虎蝦蕃茄乾意式燴飯影都費事⋯自問食得酸，呢個我真係頂唔順唔講真係以為蕃茄膏唔洗錢酸到根本擺唔到入口一路食一路標眼水真係好酸佢配個個野菜薯餅，容容爛爛，宜家家_ 既好味100倍重點係價錢，如果唔係有折，要2百幾銀食呢2款食物好食既真係唔介意比但，中伏一次就夠

今日下奏去到太和諗食乜好！我朋友諗起太和有間A-1開既cafe未試過，所以二話不說就去試吓！地方都闊落，但係中午食飯時間都大把位，都知有詐喇！心諗可能太貴所以冇乜人姐！所以即管試試！睇到餐牌個個餐最平都要六十幾炆起步，我個人覺得貴唔係問題，最小都要比番個價既食物吖！我叫左個印尼炒飯加凍檸茶，我朋友本來叫個卡邦尼意粉，但個職員落錯左個墨汁意粉，都算數啦！經常都會發生。先介紹我朋友個墨汁意粉淡到冇味，又小意粉又小材料，一人正常成年人要兩個餐先夠，d墨汁同意粉分得好開，食到我朋友個嘴黑哂但係用紙巾好難整乾淨，要返屋企洗到，個餐跟左個沙津同南瓜湯，都仲算好一般！不過都收$78！到我自己個印尼炒飯喇！份量係正常既1/3，小得可憐！睇餐牌有串燒兩串有蝦片同大蝦，不過佢冇寫係迷你囉！蝦片超細塊，串燒超細條，大蝦變細蝦，個飯既size只有酒樓既碗仔仲要細，口大既人兩啖KO左個飯啦！味道同茶記$48一碟仲要差，我個湯係雜菜湯一種講唔出既怪味，類似紅花油既味，難飲！個沙津我未食過有辣招，仲有超硬既野（我都唔知係咩黎）！仲有個凍檸茶走埋糖，小甜都好吖！咁都收$78....！食完我好似冇野落過肚咁.....經

對於甜品, 女人對它又愛又恨但為了它, 遠遠都會去試下.之前自己去太和行街.行街太久. 腳仔痛..又有些肚餓.其中一店舖的門口裝潢吸引住.順便試下食.甫入食店, 簡潔裝潢因為不太肚餓所以點了一個餐芒果PANCAKE餐有一杯飲品及另加$16 的迷你馬卡龍小食.繽紛色彩迷你馬卡龍小食.外型超可愛之餘價錢超值.一般馬卡龍都需要10多元或以上一片.但Balencia Bakery & Cafe 的下午茶餐另加$16已經可以有6個迷你馬卡龍享用.顏色令你食慾大增吃下時, 迷你馬卡龍的皮一般.但入面醬料較有咬口.不像外面的店舖的醬料質感.而Pancake較為失色.微熱. 及質感不鬆軟,內裡的芒果醬不酸.而且醬料下仲有一個雲呢拿雪榚球.較為驚喜.至於熱飲是一杯熱奶茶. 簡單一個下午茶餐. 價錢不貴可以比自己一個忘憂的下午.

朋友生日要買蛋糕，生日慶祝當晚會去食火鍋，為免令大家食完火鍋後太飽，仲要食蛋糕，最終決定買個雪糕蛋糕。雪糕蛋糕又開胃，而且天氣熱，雪糕十分受歡迎。坊間雪糕蛋糕似乎被一兩個牌子壟斷了。想來想去，都想不到有什麼另類嘅雪糕蛋糕選擇。逛逛商場時，有意外發現。經過 Balencia Bakery ,發現佢新出雪糕蛋糕。本人喜愛這麵包舖的麵包，平時都有幫襯，但講到雪糕，就未試過。於是抱住白老鼠嘅心態，不妨比自己一個機會，試試新野。我哋選擇咗Strawberry Chocolate 雪糕蛋糕，價錢比一般雪糕蛋糕大牌子平好多。味道出乎意外地好味。朋友們大讚！

同阿仔睇完戲，佢話想食佢嘅牛肉漢堡包，咁梗係陪佢嚟食啦講真，上次食過一次，d 意粉味道都ok，係份量少d囉。阿仔（13歲）食牛肉漢堡包覺得好味。但呢間嘢係樣樣都要加錢，快餐嚟講預係貴😢今日見佢有新嘢，望到其他人食鐵板個樣都唔錯，咁就試試啦。結果，見到個樣都冇嘢，一切開就想喊😵5成熟變咗全熟。仲要賣148, 除咗少少粟米粒同菜，就咩都冇。以後都唔會再點囉。去大家樂食，仲好食過佢，大件兼平過佢😤😤😤兩個人食咗264

今日湊完仔番學之後無所事事 就同幾個師奶去嘆番個早餐 我地黎左呢間A1期下嘅cafe呢度嘅早餐係西式 有all day breakfast egg benedict 同pasta 我個人比較喜歡食全日早餐 因為咩都有所以就叫左 有腸仔 焗豆 蕃茄 炒蛋 煙肉 沙律菜同多士 另外仲加左8蚊叫左碗蕃茄通粉 通粉都幾多 雖然睇落去個早餐係有d hea 味道一般 但成個早餐都係夠飽嘅 不過杯凍奶茶真係好唔掂 完全冇茶味好淡😞食物質素一般啦 但勝在可以坐底傾計

出發去行山前 先來一個精美早餐 一個 good starting 💕喺屋企附近 cafe Balencia 嘆一嘆 雖然都係自助形式 但喜歡佢環境舒靜服 不會太擠擁 同嘈雜。而且食物賣相很吸引 先比眼睛嘆下先通常早上 我都不能吃得太多 所以買了個 輕盈早餐半分厚多士 一片煙肉 一隻荷包蛋 少許茄汁黃豆 &沙律菜 仲有一粒車厘茄 豐富！加埋杯回魂 coffee 無懈可擊 prefect breakfast車厘茄新鮮 配少許油醋沙律菜 醒神荷包蛋不會太生 是我喜歡的程度厚多士就略硬了一點點不過整體都好ok 分量適合我 不會浪費 😀

元宵節快樂！同單身朋友行完個山，希望佢行個桃花大運，腳都軟下山，到太和唔知定，見到有餐廳唔使等坐下先。環境雅緻，自助熱水，人唔多靜靜地都幾好坐。其實唔肚餓一陣又返家食飯，咁就叫左個甜甜蜜蜜既焦糖杏仁脆片雪糕丹麥酥，落左單話無，咁轉做綠茶雪糕丹麥酥share食。嘻嘻賣相好好，料滿蓋個厚厚既丹麥酥。有淡淡綠茶味既蒟蒻條、粒粒紅豆蓉、練奶、有幾大粒糖漬栗子、仲有兩球甜左少少既綠茶雪糕。呵呵，口感豐富，以為連鎖店會唔好食，喜出望外，係甜左啲，咁元宵節食甜啲都應下景既哈哈。

非常享受的一個下午茶，星期日落太和行街，太和商場大裝修後第一次到此一遊，商場翻新增加了很多有質素食店，這間對我個人黎講就好有質素，無論環境舒適度，店員服務態度及食物質素都比我有開心滿意感覺。牛肉漢堡包軟綿綿的炸薯條永遠都係漢堡包的最佳拍檔，牛肉有肉汁大大口咬落去痛快無比海鮮沙律，帶子、大蝦、墨魚件件都大大塊非常可口！另加 $8 有自家制麵包，同樣是鬆軟好味！店內環境非常舒服有空間感。咁好食的下午茶都係$144來自日本文化，將用餐後的餐盤器皿自行交到回收處，本人是極之贊成

聖誕前夕和寶貝在太和playscope遊玩，寶貝遺下定位手錶，前天獲通知可以取回。今天前往取完物品後，已接近三時多。今早在楓香林走了半天，還未有空吃午飯，路過太和商場的balencia，就去試試吧。一直都知balencia由a-1經營，屯門也有分店，但未有去過。店面空間廣闊設計也頗有現代感，選了窗邊坐位，落地坡璃看著戶外陽光，感覺寫意。下午茶有很多選擇，本來想選二人下午茶，但是想到很快便晚飯時間，還是叫個all day breakfast，再加個side dish一起分享吧。連特飲及add on八十多元，這裡也是取自助形式，當叫號牌震動時便可以往櫃檯取餐。店員態度一般，只顧著聊天。不過基本上都沒有甚麼服務可言，所有事都要自己來。所見即所得。add on的煙肉青豆卷是沾了脆漿的煙肉包著四季豆同炸，剛炸好的食物總不會太難吃。至於all day breakfast，有兩條肉腸，一條是香草豬肉，另一條是辣味芝士腸，味道不錯。加了松露醬的炒蛋算是炒的嫰滑，但食物溫度只是微溫。加了$8的奇異果梳打，好像喝藥水，切勿點叫。試過也就算了。

真係食到成肚氣。冇滿場果然食唔過。落單又聽唔清楚，重覆幾次先落得岩。等又等勁耐，同枱食完晒都未出到。滑蛋吉烈豬定食HKD76，只係白飯同豬扒都夠膽叫定食，認真搵笨。食物質素平平，豬扒完全沒脆口感，因為汁液浸泡太久，吉烈效果消失。另外豬扒皮肉分離，難夾又難食。滑蛋略為偏甜，調味失當。白飯份量太少，定食毫無伴菜最差劣。 講真，食物還可接受，服務生的態度實在要受到指責。這般的價錢，垃圾的服務。絕不推介。

十年都唔黎一次新界，今次行完山就去左太和食下午茶，原來A1 bakery 有cafe.. 而家先知，想試tea set，但又想食熱野，最後叫左兩個餐 有我最愛既all day breakfast，好吃喔😚😚😚 另外叫左個意粉set，杯芝士磨菇😋😋😋，但個意粉就冇乜汁....行到隻腳軟晒系要食返多d野

偶爾週末下午，嘆返個下午茶。去到太和一落車，行入商場已經見到呢間cafe，落地大玻璃比你好舒服的感覺。點左一個英式下午茶，138元包兩杯飲品，兩個人食算幾抵食。最高果層：有冬甩、馬卡龍同生果。冬甩質素唔錯，尤其我唔好朱古力，但咬落好似brownie 質地，好讚！馬卡龍比一般出面食到的冇咁甜，但都仲好甜😞生果勁酸。呢層得返冬甩可取。中間果層：有鬆餅同蛋糕仔。鬆餅唔夠熱，唔係會再好味d，夾埋雪糕一齊食，口感唔錯。蛋糕仔有伯爵同檸檬味，都幾鬆軟，但嫌唔熱。最底果層：煙三文魚沙律同公司三文治，最正的一層。整體黎講，都值得一試。小插曲：係咁正的環境下，又唔多人，其實好舒服。食緊中途有對父子係隔離買麵包，過左黎cafe食，但比人趕走。雖然寫明隔離麵包唔可以坐係cafe食，但都係同一間店，而且冇人，隻眼開隻眼閉啦，何必令人咁狼狽咁走呢！

今日竟然無意中發現好野食=P 就係比呢個下午茶餐餐牌吸引左入去XDD 估唔到 呢度下午茶餐有好多選擇 沙律／意粉拼盤類： 飯／意粉類： All Day Breakfast／漢堡三文治／薯條／串燒類： 甜點類：  明明唔肚餓都比佢吸引左入去>< 呢間分店 好闊落 而且無乜人tim! 揀左好耐 決定要試下個all day breakfast $64連飲品~  包括有：煙三文魚沙律, 杏鮑菇, 黑松露炒蛋, 卓靈亞腸, 墨西哥辣椒芝士腸, 迷你牛角酥同茄汁豆同餐牌個樣.... 好對版^^而且成份既質素都好唔錯呢~~~ 對比起出面Cafe叫既all day breakfast, 呢份性價比好高(good!)除左叫下午餐set, 佢仲有好多小食選擇 可以加錢追加!!我地追加左:$12薯條, $19惹味大蝦串燒薯條夠香脆兼唔會炸得過火~大蝦串得1串... 調味落得唔夠 食落唔夠香食完咸既 一定要食埋甜品, 咁先至幸福香蕉朱古力班戟伴朱古力雪糕 $58係厚身班戟~ 呢度既班戟較出面甜品店既實在同硬身鐘意食鬆軟口感既朋友未必岩食~但我幾鐘意呢種實在既感覺=DDD 起碼食完個肚都

店務員帶著手套放置麵包，也用同一對手套處理店內其他物品， 而且還看到他們用掉的方式放置麵，看到即時不敢買麵包吃。處理食物與處理物品應該用不同的手套， 也可以用食物鉗來處理麵包