Balencia Bakery & Cafe (已結業)

每次經過太和，都被呢間cafe吸引，因為佢裝修得不錯，而且meun上的食物都好吸引，好想試試啲野食是否色香味俱全。今日，終於有時間來這裡食個lunch，我選擇左黑松露意粉, 熱咖啡和加$8嘅麵包，除左以上食物外，個餐仲有一碗南瓜湯和雜菜沙津。等左差不多八分鐘，個餐就整好喇，賣相非常good，正因如此，本人就抱住好大期望食呢個餐，希望係色香味俱全。先食左個雜菜沙津，啲蔬菜都幾新鮮，配埋個黑醋食，味道ok；接著就試埋個南瓜湯，味道非常好，好好味。正因前兩樣食物味道都不俗，再加上個南瓜湯好好飲，所以對個主菜嘅期望更大！動手吃黑松露意粉，一用個叉卷起意粉，已feel到啲質感係非常之淋，個意粉太多sauce，攪到個意粉好濕，黑松露味濃，原本意粉味道係ok的，但煮得太濕了，濕的感覺好似食緊risotto咁，浪費左啲黑松露味！主菜食左一半已唔想食，因為太濕！跟住就試埋啲包，加多$8有多三個包“仔”：手指公咁長嘅牛角包、一塊半隻手掌大嘅穀物提子包、一塊半隻手掌大嘅法包。先食個“的式”牛角包，一咬…淋中帶硬，好明顯係用微波爐叮翻熱；再試個法包，原本想揸牛油食的，但啲牛油凍到硬過石頭(由取餐到準備食個法包

Last week my husband and I went to Balencia in Tai Wo Plaza for dinner to celebrate his Birthday. We are regular customers of Balencia. We ordered the Chicken and Pumpkin Doria (No. 17) and the Beef Burger and Fries (No. 34).I regret to say we were greatly disappointed with both dishes yesterday. The quality of the food was, to say the least, horrible, compared to what we had before. Not only was the Doria rice dry, it was tasteless. My husband had beef burger, which was no better than the fast-

｜和牛漢堡｜拼盤好吸引，薯條又多又香脆，新鮮即炸薯味勁突出！至於buger真係個胃細啲都食唔晒，大大件和牛漢堡成吋厚，牛味濃郁，少少鬆散反而顯得佢更似自家手打而唔係雪藏扒！另外個漢堡包亦焗得微脆，配上蕃茄同生菜，口感同層次都超豐富！配上咁舒適又開揚嘅餐飲環境，週末lunch 能這樣享受片刻安靜又幾唔錯！

經過太和看到一間幾新的cafe前身好似是茶餐廳旁邊有一間共通的麵包店賣的麵包和A-1 bakery差唔多大概是分店menu菜式幾新穎(有安格斯牛柳, 意粉...)叫了個鴨胸蘑菇燴飯燴飯裡有很多蘑菇, 還有很多其他幾種菇類, 草菇等等...味道沒有想像中那裡好菇類太多,味道淡,多得我不想吃可能比較適合素食者鴨胸沒甚麼特別配蘑菇湯, 又是菇, 有點後悔點了這個蘑菇湯加了牛奶, 感覺有點怪, 味道不合, 只飲了一半最喜歡是沙津, 外出飲食最怕油膩, 熱氣沙津可以清清熱氣還有一舊芝士可惜份量太少整體感覺不錯, 價錢偏貴下次會試其他

又口痕想食afternoon tea，但酒店果啲都好貴下。行過見呢個先$148/2，真係忍唔住試下。係呢度食你就唔好預左會有staff serve你，全部都係自動波嘅，首先自己去cashier度落單，然後要自己拎埋個tea set同飲品埋位，正所謂一分錢 一分貨。個tea set個樣都唔錯，三層都好好睇睇。上層有甜品，macaroon 四粒，幾粒藍莓同士多啤梨，仲有一個朱古力味同橙味donut。橙味donut係綠色，本來以為係綠茶味。 macaroon太甜，好似食糖咁，donut同macaroon一樣好甜，無乜特別，可以話難食，仲衰過本身賣出去嘅麵包。第二層就係scone，蛋糕仔同一球雪糕。 scone好大方有四個，兩個有提子兩個原味，焗過龍好乾，又無cream cheese比你伴住黎食，好似食光穌餅咁。果球雪糕就無咩特別，都幾滑流，但得一球兩個人一人一啖。另外兩件蛋糕仔好驚嚇，仲衰過嘉頓，又乾又燶。第三層咸點最好，有煙三文魚沙律，三文魚都大塊，不過有陣腥味。另外兩件公司三文治唔錯，但有種係大家樂食緊嘅感覺。總括黎講一分錢真係一分貨，如果你食過酒店果啲就唔好試呢啲啦，你會問自己點解唔去

自助形式，無服務可言。排隊買野，取票另提供一個圓形的order機，當震機同亮紅燈時，自己去取食物處拿。下午茶set都係大約$50幾，份量頗大，但味道不過不失，所以平日下午茶時段全場都不多過5枱客，但不表示員工的手腳會快D，全都是悠悠閒。室內裝潢採取簡約路線，枱與枱之間寬鬆，可能性價偏高又或口味問題，所以少了一班喧嘩的大媽，客路較為斯文。公司三明治跟一杯咖啡或茶，而那個馬卡龍雪糕甜品盒子則不包飲品。公司三明治不過不失，麵包烘過，材料有雞蛋，雞肉，火腿，青瓜同蕃茄，味道只可以用普通來形容，雞肉味好淡，好似白烚咁。反而附上的幼薯條味道更好。馬卡龍雪糕甜品盒子，外觀還可以，但那個麵包盒子完全唔得，又硬又乾，似隔夜麵包，無切件，又唔香麵包味。雪糕亦是平價貨，只是馬卡龍為這款甜品加D分。下午茶選擇唔算多又唔係特別扺，附近的選擇多的是。

All day breakfast 連飲品都只是$38，如果你要求唔高，真是抵到爛。all day breakfast 有炒蛋、煙肉、煙鴨肉、2款腸仔、有D沙律配菜。炒蛋唔算滑，煙肉、煙鴨肉正常貨式，而2款腸仔味道一般，淺灰色的係黑椒腸，質地偏硬。咖啡一般大路即磨，唔係偏酸那種。橙汁應該係果汁先生。但那隻班尼迪蛋真係完全唔得，汁得少少又無味，而個蛋好明顯過熟，切開無流心的效果。加$3有迷你牛角麵包，可惜賣曬。加$5有塊小方包，味道好普通，但勝在軟熟。加$8有迷你蕃茄通粉，似雜菜湯，通粉好淋，味道麻麻。加$12有菠菜薯餅，新鮮好味，脆囗！星期六早餐一過9:30就full house，外賣都要等20分鐘。

中秋節假期搵藉口獎勵下自己, 就同老公講想食呢間Tea, 今日終於試到, 睇menu原來二人餐只需$138連飲品, 好抵, 見圖好似好少野食又細細件, 心諗夠唔夠飽呢, 食完又唔會喎, 老公食完都話夠晒飽下午茶二人餐, $138買飛後等10分鐘左右有得食, 見到已經好開心, 所有野食擺得好整齊, 例牌咸點至甜品由下至上擺出, 咸點有公司三文治, 三文魚沙律中層有蛋糕仔, 鬆餅, 雪糕(溶得太快, 無影相), 頂層有馬卡龍, 粟子慕絲蛋糕, 咖啡慕絲蛋糕, 藍莓慕絲蛋糕每款野食都唔錯, 有基本水準, 如果要講最好食既, 就係馬卡龍, 拍得住有名氣既店舖, 我地食完仲去麵包個邊睇得有無散賣添, 可惜無, 想食就只有二人餐先食到而麻麻地既就係中層既小蛋糕同鬆餅, 都係想對較乾身, 如果可以再鬆化點就好好餐飲, 即磨咖啡忘了呢間奶既比例牌較多, 顏色較淺同好奶味最後都係講句, 好抵食

太和★Balencia Bakery & Cafe一睇個格局就知係A1個friend，不過今日唔黎幫襯麵包咁簡單。雖然出面無嘜景，不過見到個落地玻璃已經覺得成個感覺好開揚裝修貫徹簡單舒適（可惜今日lunch得1粒鐘無咁多時間享受下悠閒時光。。）事不宜遲睇menu，lunch set有飯有意粉有burger好多選擇下，價錢大約七八十蚊。落單要自己出去買，不過佢會比個"傳呼器"你，可以坐埋位等唔洗企係到望住本身覺得lunch hour比依個＄都覺得偏貴，不過見到成個盤都放滿晒野食就即時合理左！自家製餐包：每個set都有3件餐包真係驚死你唔夠飽哈哈～麵包控出動！滿心期待既牛角包一食已經好濃酥油味，都係轉讓比腸胃比較好既人／穀物提子包甜甜地，就咁食都好味道／法包見佢平平無奇，點知塗d牛油食鬼咁香條邊硬硬地但係中間d麵包超鬆軟！竟然睇落最普通既佢最～（p.s.另外仲有橄欖油可以點，不過個人黎講就唔太有興趣）是日餐湯：er..面頭有d泡&白色物體&飄浮麵包，見到個樣都唔太開胃...個蘑菇湯都偏稀＆麵包浸到林晒食落個感覺好奇怪...沙律：連沙律都有真係豐富又健康，黑醋汁配沙律菜粟米粒之餘仲有一大粒蕃

再黎食lunch😆星期日下午12點幾都等左半個鐘先有位呀😭等到差不多有位就去買定野食先～因為等餐都要一段時間😉♡輕盈意粉拼盤：蘑菇欖油意粉裡面包含幾種菇類，用料豐富。上面放左芝士碎令意粉更香😋因為係欖油意粉所以真係會好油架😂蔬菜煙肉薯餅好香脆好吸引！不過蔬菜味唔係好出，純粹有上色，但係好食既。本來係想用刀切黎食，但太脆了一切就散，所以用叉整開就得🙈佢有比少少沙律醬但因為同意粉放埋一齊，所以食意粉果陣撈埋左😞今次既南瓜忌廉汁焗蔬菜進步左，有番d水準，上面層芝士好香焗得靚👍裡面有西蘭花，今次仲加左茄子，紅蘿蔔，好似蔬菜粟米忌廉湯。蕃茄芝士沙律裡面d那一小塊芝士是很淡味的～唔知係咩芝士呢～總括：這個價錢可以食得那麼豐富，很抵呀！因為食左包，又有意粉salad配菜，有湯有飲品，感覺就食左好多咁～睇張圖都覺得好多野啦😜

> 美式牛肉漢堡首先，大讚薯條，好好味，份量大，擺盤靚仔，見kitchen d chef 好似好homemade gum, 估唔到outcome 同menu 一樣吸引！ 個buger 同樣足料，1啖咬唔晒咁多層，重點係塊漢堡扒質素高，有好濃牛香，唔會overcook 到太乾， juicy!!> 公司三文治公司治，其實整得好味真係唔容易，由塊包烘底ge掌握，配料配搭，到個汁。呢個公司治真係算good, 個包甜啱啱好， 料足，係個蛋如果可以冇咁乾身就更好~p. s. 好欣賞佢呢個設計，唔怕掛住傾計or 玩電話而miss order

係太和新開既cafe，一邊係用黎賣麵包，一邊就係cafe可以坐低食野。叫左野食之後拎隻飛碟等佢發光就可以拎野食，多人既話都要等一段時間先有架。因為食果日係openrice搵唔到呢間cafe，所以無影到食物不過有menu相～♡意式燴飯拼盤，個飯好香有黏度，南瓜焗蔬菜(姐係西蘭花)就有d奇怪，放凍左就更加唔好食。個ham同漢堡都正！ 01-06果d菜係salad黎架～身為一間bakery，佢每個set lunch都包埋3舊包比你，其實食完d包都飽左一半我當時就諗叫burger既話米要食好多包囉！haha～總括：份量多質素唔錯，都幾抵食！會再去食，試下其他野，下次會影埋d食物

太和新開西餐廳， 見係A1同集團， 應該唔差， 點知大失所望首先價錢， 以屋村嚟講屬中高位， 但竟然係快餐店服務， 要先自己搵位坐， 再到收銀買飛， 之後再去水吧攞食物， 其次環境，超開揚， 個個行過都企係到望下你食咩， 四圍都好dirty, 仲有烏蠅， 用餐當晚搵到位坐低， 但等左3，4分鐘先有姐姐執台， 等執台其間仲有人坐埋嚟執台面食淨既野， 當堂嚇親，有食客更投訴。。食物方面，叫左個松露意粉set, 意粉過淋，松露味道還好， 但偏咸， 仲跟3個包仔，正常包味， 無咩特別! 😵 另一個牛排餐， 成百幾蚊， 但portion好細， 又老又um, 又無牛味， 叫7成熟但實際8成以上。。。所有野加埋都覺得好失望， 肯定唔會翻兜!

今日諗住試下呢間開左無幾耐既新野---A1 Bakery既Cafe!去到自己揾位同買野食, 快餐店既形式, cafe既格局!叫左2個set lunch, set跟左3件麵包同餐湯同飲品, 好多野食~Burger Set個set跟埋麵包多野到連個tray都放唔晒!個burger塊牛肉就一般啦, 有d太免治既感覺, 一咬就散散地, 質地唔係好似漢堡包既肉, 但係都有少少juicy既! 薯條就無咩味, 唔夠熱同脆, 一般一般~ 跟set有3件麵包, 牛角包好多油, 又唔夠鬆, 不合格! 提子加合桃包係最好味既, 質感鬆軟! 最後無料既包就一般啦, 都係太多油, 口感就有d似法包!餐湯就係一般既羅宋湯, 無特別!另外叫多左個意式燴飯 ($78), 有焗南瓜西蘭花同parma ham salad! 燴飯味道都唔錯, 唔係用左好多cream煮所以唔太膩! 焗南瓜西蘭花有d似栗米湯, 都幾好味! 總括黎講, 呢度既野食份量多, 又幾好味, 都幾抵食既! 有機會會再黎食!

下午茶時間, 一個人唔知食咩好就落街行下, 咁岩見到屋企附近開左間新既CAFE就即管試下呢間形式係一半賣A1麵包, 一半做堂食餐廳, 星期日下午茶時間都唔多人, 好多位下午茶都好多選揀, 最後決定食蛋糕餐是日蛋糕配雪糕餐, $48蛋糕可以去返賣麵包個邊揀, 呢個餐可揀切餅一件, 最後決定食藍莓芝士蛋糕一心諗住個雪糕最細都有一球, 但一見到後覺得勁細(一隻蛋黃咁大度), 雲呢拿雪糕2啖就食晒藍莓芝士蛋糕, 芝士味道適中, 似紐約芝士蛋糕既質感, 中間有層藍莓間住, 感覺無咁漏咖啡即磨咖啡, 味道偏酸, 但唔差既