Basilico (已結業)

意大利菜就食得多喇，呢間都算係幾特別、好食又抵食！入到去環境唔錯，乾淨寬敞，坐得好舒服！而且店員好有禮貌，讚！睇一睇個menu，有好多選擇！食西餐最鐘意飲啤酒，叫左Hoegarden，不過就得支裝今次試既第一款菜式就係Corn Crab Cake喇！表面炸到金黃色脆卜卜，裡面蟹肉非常足料，配埋個醬汁，出色！好味過好多餐廳！之後就係Wild Mushroom Risotto，個飯好creamy，味道濃郁，有好香既芝士味，d菇食落好特別，好味！主角黎喇～New Zealand 8 oz rib eye + 兩款配菜！個扒叫medium岩岩好！係有咬口既肉質配菜我地就揀左黑松露薯蓉，同埋菠菜個薯蓉係必揀！淡淡既黑松露味，配埋個扒，好match！好滿足既一餐～下次一定要再黎試下其他野

放假想行下時代 行之前當然要醫飽個肚先 黎登龍街永光中心 食西...餐 2點幾先入去 客人去離場了 感覺包場的一樣 但客人都在2點半後來 場內全部都係4位枱 侍應兩位 一個識廣東話 一個講英語 對送菜有什麼疑問也可以問問 一入座就介紹lunch有buffet 138大元 或是lunch set 當然lunch set吸引 有致愛既牛扒首先餐牌分左 意粉 飯 薄餅 扒 每種類一個價錢 無輪係海鮮定肉 都一樣價選了 一位湯 一位沙律 一位意粉 一位扒 嘗試不同house salad is greek salad沙律的蔬菜食落也很新鮮 爽脆的 配上自家制的汁白酒醋汁 配上沙律菜 黃椒 洋蔥 紅蘿蔔 青瓜....Daily soup湯有蕃茄在內 酸酸的 很開胃 味道很濃郁Chicken Alfredo Pasta $108雞肉意粉 個醬比較creamy 雞肉吾係普通煮完就算 係燒雞肉 新嫩 又入味 配上意粉 越食越想食 份量都好大NZ Rib eye steak $120牛扒 7成熟 配上薯蓉牛扒雖然味道特別 入灑味 但有少少過火了 外面硬左少少 入面勉強合格 比外面淋少少 薯蓉應該新鮮製造

2017年想有個好開始，梗係要由食餐好kick off啦。去到銅鑼灣時代廣場附近去食西餐，環境舒適、食物又具水準，真係一個幾好選擇。係餐牌上云云嘅選擇中，挑選左粟米粒蟹餅同埋紐西蘭牛柳。用蟹餅作餐前小食確實係個唔錯嘅選擇，即叫即炸、上枱嘅時候已經香氣滿溢，再見金黃色而又飽滿嘅蟹餅，更加增加期待嘅感覺。品嚐之下，質感無因為油炸而變到硬，反而仲係軟綿綿。而蟹肉嘅鮮味同粟米亦非常合拍，絕對推薦。而紐西蘭牛柳亦係上等質素，5成熟嘅牛柳，切落唔單止見到粉嫩嘅肉身，食落仲係嫩口非常，夠晒軟綿。而兩款配菜蒜蓉薯蓉同埋炸薯條質素亦高，跟磨茹汁好match，兼且仲可以飽肚添。

餐廳唔太大，外國人serve. 洋蔥湯好大塊芝士，好正！湯夠曬濃味，但可惜有dd咸得制。意粉勁好食！咸度岩岩好，garlic 味濃，個汁係白酒garlic, 超出色！意粉唔太硬唔太軟！蜆，每隻都冇沙！意粉堅好食！牛扒有d細份得制....牛扒都煎得幾靚！但$298一份就......紅酒汁味香濃Truffle marsh potato, 有好重truffle 味！好老公好like. Creamy spinach, 太奶，可以改善一下

My friend and I came here because of openrice reviews - and it did not disappoint us. Service was good - they were all friendly and helpful. Also as we sat down, we were welcomed by the waitress who kindly told us about the happy hour offer. Food was also nice - we had the parma ham with melon and corn crab cake as starters and linguine vongole as main course to share. Overall, I will come back again.

很久沒來登龍街，第一次見到新開張的V Point，對面的金朝陽又開了Greyhound Cafe，原來已經變天。頓覺自己太落後。不過，聖誕前要先儲錢，不想大灑金錢吃過百元的水果杯，來到永光中心吃有lunch set的意大利菜。很簡單的門面和裝潢，跟吃了兩次仍想再去的Lo Spazio有少少相似，但換成平實版。百餘元的午餐有意粉，意大利飯，薄餅和扒供選擇，配沙侓或湯，跟餐飲，以銅鑼灣來說，價錢相宜。Daily Soup蕃茄湯偏酸，未必人人受得了。喜歡蕃茄的我們，覺得幾開胃，而且滲著羅勒，效果幾香，再加少少忌廉調味，有中和酸度之效。Hot lemon teaChicken AlfredoFettuccini in cream sauce with roasted chicken, spinach, herbs and spice賣相平平的意粉香噴噴，散發著叫人沉醉的忌廉香。意粉少少腍，不過超濃超稠的忌廉，蓋過一切。天氣轉冷的一天，一早起來已想吃點邪惡的食物，越肥越好，沒想到到了午餐，友人選的這個意粉就滿足了我這個慾望。有不少菠菜，跟忌廉是永遠的最佳拍檔。雞肉雖然下得慷慨，但烤完有少少嚡。濃

呢間餐廳算係幾特別~點解咁講? 試左2道菜已經同香港D菜好唔同~因為我成日周圍試餐廳~好多間都大同小異呢間第一牛扒可以俾客人選~2種薯仔無睇錯係薯仔~ 係圖中望落去唔知係咩黎! 但其實係薯仔黎Creamy 薯仔 係類似薯蓉 但入面又有d 硬硬地既薯粒~ 甜甜地~好好食!香港絕對少見~ 另一邊既薯條都係好特別~ 第一好細長 第2佢係連皮炸食落口感絕對特別~ 帶有小小苦甘味~ 牛扒為肉眼排~7成熟~ 多汁 pizza 通常香港都係焗~ 呢間都係焗但焗得黎~好爽口~令我以為係燒出黎~因為通常燒出黎既pizza先會比較爽口同脆口~  個職員同我講可能係焗爐夠高溫~佢地個個係特大焗爐黎!真係好脆~整體價錢~200一位到! 

銅鑼灣登龍街不嬲都多野食 永光中心仲有唔少新進餐廳添 見到樓下有有人宣傳緊新餐廳Basilico 新野啵 聽個名就知道係意大利菜一話有位 即時走上去試試 🤗🤗上到去仲係happy hour 時段即叫杯moijto 試下 落左好多mint 味道清新 特意叫左少甜 甜味岩岩好酒味亦夠 調味唔錯👍🏼👍🏼 主菜 西班牙豬扒 豬扒厚身又大塊 一切落去就知道 煎得岩岩好 因為唔難切開之餘 仲有少少肉汁浸出黎 豬味好重 外皮好脆tim👍🏼👍🏼Olive oil basil 意粉 呢個意粉本來係辣既 我地叫左少辣 basil 同olive oil 混埋一齊既味道令人好上癮😍😍每條意粉都有同一種享受豬扒有side dish 仲會大大碟分開上 一睇就知道唔係簡單mushroom 因為又落左basil 同香料調味 正到🙈🙈咁就享受了一晚意式情迷😍😍😍

上星期囡囡學校假期 兩母女又去了銅鑼灣撐枱腳，逛街街 這次去了好方便的銅鑼灣登龍街搵食 因為食飽飽行過隔離街就可以 SHOPPING 登龍街除了地舖，仲有好多樓上食肆 這日囡囡就揀了位於永光中心 9 樓的 Basilico 食意大利菜 午餐的選擇都幾多，有意粉、Risotto、薄餅或者牛扒 午餐包沙律或是日餐湯 + 主菜 + 飲品 我們兩個牛魔王這日好夾的一起點了 ... Sirloin Steak @HK$120 是日餐湯是蕃茄湯，但是這日的主菜是食肉，都是食個沙律平衡吓 沙律的食材好豐富，裡面除了有沙律菜，仲有車厘茄、南瓜、青瓜、紫洋蔥 ... 加埋水牛芝士碎和酸甜的醬汁感覺清新又醒胃 Sirloin Steak 七成熟 件牛扒都幾大塊，外面烤至焦香，裡面呈粉嫩色的肉質 juicy 又鮮嫩 點少少惹味的 rosemary sauce 一起食，更能帶出牛扒的味道 yummy yummy 這兒的服務和環境都不錯食飽飽與囡囡一邊嘆咖啡一邊閒聊，蠻悠閒自在完全想像不到這刻正處於熱鬧又繁忙的銅鑼灣 ... 仲要是午飯時間呢 !!!** 以上分享是以我的口味、喜好和情況作出分享及感受，一

銅鑼灣的登龍街除了拉麵店多外, 近年也進駐了不少不同類型的食店, 早前趁上完堂, 便去了永光中心的Basilico食午飯. 這裡有九款午市套餐選擇, 配以沙律或湯, 主菜和飲品. 除此以外, 多數在餐牌上單點的食物午市時間是未能提供. 沙律本身想點Caprese, 但沒有, 就選了Caesar Salad. 沙律上枱, 份量都幾大碟. 材料也好豐富, 附了蔬菜外, 仲有蛋, 芝士, 煙肉碎, 麵包粒. 個蛋是流心蛋, 整開後有蛋黃流出. 蔬菜好新鮮, 入口非常爽脆. 而芝士混入蔬菜, 煙肉碎, 麵包粒一齊食, 多一份芝士味道, 多重口感. 個沙律汁和我平日食的有點不同, 帶點酸, 幾醒胃. 午餐選了Seafood Linguine Aglio E Olio. 前菜選了是日餐湯. 味道有點似豆湯, 幾好味. 意粉上枱. 賣相幾靚. 材料有蝦, 魷魚, 青口, 蜆和魚. 這是扁意粉, 但估不到咁辣, 對於不食得辣的我, 這個較為辣, 但的確幾惹味. 各款海鮮也幾新鮮, 當中最愛食蝦, 夠彈牙. 飲品點了熱檸檬茶. 用來消膩一下.

香港的租金是全球數一數二的貴，所以很多食肄都已經向上發展，樓上食肄亦因此應運而生。今次專誠去的是位於銅鑼灣登龍街28號永光中心九樓的Basilico,純粹是朋友極力推薦。這間西式餐廳雖然開業不久，但已贏盡不少好口碑。餐廳面積雖然不算太多，但勝在坐位夠舒適。Happy hour時段是5pm至8pm,所以先歎一杯Pinot Grigio 白酒($45)(原價$65)。再食主菜Grill Prawn,四隻用蒜蓉烤得香噴噴的大蝦伴以加了牛油和洋蔥粒的薯蓉，再配青豆條西蘭花，最啱少吃紅肉的我。我吃蝦首先就食蝦頭，因為它是所有蝦的精華所在，然後再吃蝦肉，厚厚的蝦肉醃得很入味，配以用Rosemary秘製調味汁一起吃，蝦的味道就有點不一樣，當然要歎一口白酒，酒能把烤蝦的濃郁味道蒸發在口中久久不散。我終於明白朋友一而再，再而三的極力推薦Basilico,因一間有質素有實力的樓上餐廳是絕對值得我們支持的。

登龍街已經變左新食街，連以前主要做樓上酒吧晚永光商業大廈都變成主要做樓上餐廳。今晚就去左呢間位於永光商業大廈9/F新開既Basilio醫肚。有聖誕feel, 仲有聖誕menu:先嚟starterrosciutto and Melon $80 -(Sliced stripes of aged Parma ham with chunks of melon and house bread) - Parma ham 咸香味濃而咸度適中，包住鮮甜多汁既蜜瓜食真係一流！入口再加片薄芝士味道更佳，令人十分開胃！忽然酒癮起，叫左杯Tequila (Jose Curevo Gold) 原價$68，但8點前係happy hour,所以只需$48！每逢8點前都有happy hour所有酒都會平左, 食飯配杯酒真係人生一大享受～!主菜今晚想食steak,所以點左《US Angus Sirloin Steak (8oz) $298 》 （medium) - 切開牛排後眼見肉質色澤粉嫩，唔使咬都見到肉汁溢出，不及待要將佢放入口一嚐！果然肉質鮮嫩，十分juicy, 而且火喉控制得好好，真係medium! 其實唔

Wild Mushroom Risotto.醬汁creamy risotto口感剛好 不會過硬或軟 菇的份量都不少!Linguine Con Le Vongloe.微辣的蜆意粉 蜆份量亦多 意粉口感則比較軟 硬點會更對的口味 另加上燒蝦 燒蝦值得一選 燒得惹味 蝦肉本身也爽口新鮮

是日約了尖子, 來到銅鑼灣. 平日晚上九時正, 隨意地來到Basilico. 場內燈光昏暗, 播著一點音樂, 坐得也算舒適. 看著menu, 選擇也不少, 點選了Hawaiian Supreme Pizza (HK$178), Spanish Pork Chop (HK$178). 不消一會, 侍應先送上Hawaiian Supreme Pizza, 哈哈, 筆者總是相信, 有菠蘿的pizza永遠也有一定的水準. 試一口, 菠蘿的酸甜味, 加上其水份, 果然為pizza帶來清新感. pizza材料也算豐富, 火腿, 煙肉, 洋蔥, 芝士也算rich, 整體ok.Spanish Pork Chop, 厚切豬排, 點著特製的sauce, 不是很多餐廳有這一道. Side dish 薯蓉味道濃郁, 口感厚實. 最後還有免費的甜品, brownie 充斥著果仁味, 口感煙韌, 哈哈, 飯後一點甜是必需的. 外籍侍應很有禮貌, 值得一讚!

位置優越，正正時代廣場前一條街，容易揾，環境OK, 合理價錢，品質唔錯，味道非傳統意式口味，有驚喜，在銅鑼灣難揾食，值得一試，最出色牛扒，可惜本人胃口太細，下次同朋友再黎試😂