Basilico (已結業)

2017年想有個好開始，梗係要由食餐好kick off啦。去到銅鑼灣時代廣場附近去食西餐，環境舒適、食物又具水準，真係一個幾好選擇。係餐牌上云云嘅選擇中，挑選左粟米粒蟹餅同埋紐西蘭牛柳。用蟹餅作餐前小食確實係個唔錯嘅選擇，即叫即炸、上枱嘅時候已經香氣滿溢，再見金黃色而又飽滿嘅蟹餅，更加增加期待嘅感覺。品嚐之下，質感無因為油炸而變到硬，反而仲係軟綿綿。而蟹肉嘅鮮味同粟米亦非常合拍，絕對推薦。而紐西蘭牛柳亦係上等質素，5成熟嘅牛柳，切落唔單止見到粉嫩嘅肉身，食落仲係嫩口非常，夠晒軟綿。而兩款配菜蒜蓉薯蓉同埋炸薯條質素亦高，跟磨茹汁好match，兼且仲可以飽肚添。