BBQ

營業中

休息中

天氣熱，坐係室外冇冷氣食串燒，有時食嘅係嗰個環境氣氛。但再熱啲就真係頂唔順，$34 椰青，呢個價錢呢個size都ok啦。三文魚頭：唔係幾好，唔係燒得唔好，而係個汁，用左日式燒汁。個人覺得三文魚都係鹹食好啲，跟返檸檬同鼓油先係最夾。蝦：普通，無咩特別。牛舌（匿埋咗係燒蝦下面）就真係唔係我個type, 呢度既牛舌係厚既，但係冇乜味同埋好韌。豬頸肉：燒得唔夠香，都Ok冬菇：多汁好味章魚小丸子：$27/6粒，呢間都係粉偏多，入面都有一粒小章魚，都係日X最好食。個人唔太好食孜然粉燒烤，更偏好唔同食材唔同醬汁e.g. 沙嗲汁/燒烤醬...或者鹽燒，又或者已醃好，所以對我黎個呢間麻麻。如果鐘意食孜然粉或者無咩味既，呢間就應該Ok。

🍢慈雲山深宵串燒宵夜之選🍢請支持即刻俾心👍🏻仲有follow @eatgoodwesteatbadwest🍢去左鑽石山睇完戲都差唔多十一二點，深宵時間更覺肚餓，所以去了慈雲山搵宵夜食，見到一間串燒檔好似幾多人就試下佢🍢蜜汁雞肉腸 $8🍢金菇肥牛鹽燒 $21🍢厚切牛舌 $24🍢牛柳串 $16🍢香蜜燒雞中翼 $16🍢雞腎串$14🍢日式雞皮 $14🍢串黑椒牛筋丸 $18🍢墨魚丸 $16🍢蜜汁雞肉腸 $8🍢燒火箭魷魚 $30🍢鹽酥雞 $18🍢燒生蠔$30🍢燒茄子 $28🍢蒜蓉牛油焗什菌 $26🍢川燒韭菜 $12🍢燒翠玉瓜 $12🍢日式燒豆卜$14🍢燒芝士珍寶蘑菇 $26🍢由於太肚餓4 人點了29串，埋單$557 都算抵食，但其實味道就真係麻麻地，同埋唔係幾夠熱，如果可以燒熱啲香口乾身啲應該唔錯，但勝在開得夠夜 可以同朋友坐喺街，飲下野吹下水又一晚上，都算幾開心BBQ 地址: 慈雲山毓華里28號A舖

放工時間黎到食串燒7點左右出面坐左3枱左右另外仲有對面舖既餐牌首先我地點完之後等左20分鐘左右終於第一道菜黎啦就係秋刀魚好香口連啲邊邊骨都食到味道就偏向日式係章魚小丸子隻醬（甜啲既燒汁?)蒜蓉燒茄子係我食串燒一定要點既呢條茄子比平時食既大條 厚肉仲要勁多蒜 雖然食完個口臭到飛起但係好好味串燒就叫左雞軟骨 雞翼 牛柳 杏鮑菇 翠玉瓜我最鐘意食佢既杏鮑菇 多汁其他就不過不失呢碟椒鹽魷魚鬚好細條味道係唔錯既 但係我覺得大條啲口感會好啲另外仲叫左個卡邦尼焗雜菜份量大 抵食 味濃不過唔記得影相咁多樣加埋加罐可樂埋單198兩個人不錯

晚上想吃點串燒，想起之前曾經路過串燒店，但因為時間太早，所以店家還未開門。難等今次比較接近晚上，於是碰碰運氣去試。原來店家開到凌晨2點，很適合當宵夜吃，跟朋友聊聊天。如果想外賣的話，可以考慮外賣自取，預先打給店家預訂，不用等很長時間。店家剛開店時已經有不少客人，很受歡迎。等串燒燒好的時候有點熱，而且是露天位置，比較悶熱。店員指對面的店家的座位也可以坐，是共通的。餐牌串燒的選擇很多，價錢大概$15左右起，客人也可享用粉麵，只需$24-40，相當實惠。椒鹽多春魚 $40多春魚炸得香脆乾身，完全沒有腥味！而且配上椒鹽及乾蒜很香，下次一定會再點。另外還點了娃娃菜，豬頸肉，牛舌，蕃薯，菠蘿及雞脾菇。牛舌很厚，比外面的串燒店厚了兩三倍，味道跟牛雜味相似。可惜，不夠爽口，還有毛附在牛舌，不太雅觀。當中最突出的是菠蘿，香甜多汁，可以解解吃串燒的膩。豬頸肉份量也很多～略嫌燒得沒有少粉脆脆的焦。整體店家的食物質素不錯，下次可以再試其他菜式。

平靚正街坊燒烤有好多，呢間有咩特別？就係勝在佢可以叫埋泰國菜同大排檔小菜，絕對唔怕肚餓。唔夠飽仲可以打埋邊爐🙈🙈第一次食秋刀魚，師傅好細心咁用魚將碟分開兩邊，然後裝兩種唔同嘅醬，一個係青檸酸汁，另外一個係蒜蓉醬，而條魚就係用咗燒汁去燒。個人覺得其實本身條魚已經好夠味，如果怕腥就可以點檸檬汁，想再多啲風味就可以點蒜蓉醬。係燒茄子呀！一上枱唔使1分鐘就迅速食晒。茄子好入味，而且師傅好細心咁去咗頭，食嘅時候非常方便，係必點之選！第一次點青口，有驚喜呀！青口比相像中大隻，最緊要係新鮮冇冷藏味！同埋第一次食青口，原來味道都唔錯，下次可以encore！依家有個特點，就係有得食雞心同雞肝。上次食個雞肝有啲苦，今次食呢就完全冇問題，燒到非常甘香，出面脆入邊依舊軟，水準拍得唔住日本居酒屋👍🏻因為怕肚餓，所以叫咗個生菜包食。生菜包份量係平時食泰國餐廳兩倍，味道唔錯，生菜大大塊姐新鮮。唔使$60，性價比極高！熟客表示，從未試過失望！

呢間都係我幾鐘意既串燒黎，串燒種類非常多，價錢都合理抵食，係即叫即燒既，獲氣好夠，好惹味。每次黎都一定會叫半打沙嗲串燒，D肉好嫩好入味。最近豬頸肉都係必叫，加埋個泰式汁，酸酸地好開胃。唔點食芝士既我，都幾鐘意呢度既芝心丸，外面係脆脆地，裏面又熱，芝士又流曬出黎，仲有個芝士雞翼菇，岩囇D唔鐘意有骨但又想食雞翼既朋友。除左一般串燒外，就有好多海鮮，選擇多，都好好食。不過餐廳就係開放式，冬天黎就會有少少凍，但又係另一番風味。佢仲同對面間小菜館合作，可以叫埋小菜黎食，一次過滿足又想食串燒又想食小菜既願望。位置方面就唔算方便啦，地鐵去黃大仙或鑽石山站要再轉小巴先去到。如果唔係住呢頭或者識呢區既朋友，應該要花D時間黎揾路。

餐廳採用開放式座位，在寒冷的冬天下十分有氣氛。在寒冷的天氣下， 十分個客人幫襯這間餐廳。串燒種類十分多，還有不同的燒物可以選擇。餐廳採用即叫即燒的形式，因此獲氣十分充足。而且還有海鮮可以選擇，非常好吃。餐廳位置位於慈雲山比較偏僻的地方，因此交通十分不方便。如果不是認識本區的朋友，應該要花點時間來找路。

呢間係我每次夜收工必定想起的餐廳，因為呢間愈夜愈多人，要坐街，不過夜晚都幾涼爽，吾怕熱！通常我會叫泰式生菜包，燒青魚，燒雞腎，燒台式腸，牛肉金菇，燒蟹丸，燒雞翼，燒得幾juice,尤其是燒茄子，粟米，生菜包可以選擇要大辣，中辣，bb辣都得,幾嘢味同一班朋友過來傾下計，食下串燒，飲下啤酒，人生樂事.

今日兩公婆見天氣涼就去吃串燒，串燒當然要來一支啤酒。食物惹味不太咸，但人手不多所以要等幾耐架。兩人食左五百幾蚊，都幾費呀。幾款食物，加起要成$120椒鹽雞翼尖，大碟好come食。

燒蠔: 一客3隻, 好多蒜茸, 好夠味, 蠔都幾大隻, 鮮甜!燒蝦: 蒜茸燒, 唔會太乾, 但我覺得細隻多D, 同唔夠鮮味台灣腸: 好似食過蜜味同黑椒味, 黑椒味惹味D, 燒完唔會太乾, 好味雞腎: 我覺得比較乾, 沒有吃墨魚丸: 正常質素, 唔會太乾, OK只有戶外簡單座位, 都算平靚正, 所以都吸引好多街坊來吃。老闆和STAFF都很有NICE, 幾好。

難得齊人就朋友去左慈雲山食....朋友介紹話呢間串燒鋪好食...我地一行6人就去試下~一去到坐低感覺就有D似酒吧Feel,不過就好熱下..睇下張menu 幾特別唔止有串燒食咁簡單,仲有d泰國野食...咁我地就叫左碎肉生菜包(朋友話好好食)同泰式鳳爪,辣都分幾級有BB辣.小辣,中辣同大辣...我地唔係個個食得辣所以叫小辣...D生菜唔知點解特別爽口,之後見到咩PIZZA 茄子船個名幾特別就問下係咩啦,老板就話係用腸仔,煙肉,菠蘿同芝士放係茄子面燒~咁我地就試下真係幾特別真係有PIZZA 既味道,老板就介紹我地食燒魚,有烏頭同鰂魚揀,我自己本身唔係好食魚..朋友就揀左鰂魚...佢地話好好味,D魚仲好滑唔會因為燒得太耐而乾晒...不過要燒成30分鐘...好似有點兒耐.....不過服務唔錯..老板娘仲會親自招呼教埋我地點食法,原來食呢類型既魚係唔食皮因為無起鱗同會好咸因為表面係用鹽燒食可以保持魚既鮮味,仲要配隻酸酸辣辣既汁先好味喎!!傾傾下先知原來老板娘係泰國人,好NICE...佢話佢地所有汁都係自家製架...我地試左好多款串燒,其中一定要ENCORE既有五花腩,豆卜,雞子,煙肉蟹捧同菠蘿!!