BBQ Grilled and Baked (已搬遷) 新店位置

觀塘熟食中心有好多隱世小店🤩其中一間為人所知應該係依間BBQ😎終於搵到時間去試一試🤪午市餐點全部都係六十蚊以下🤑燒雞🐥牛扒🥩漢堡包🍔等等都相當吸引餐具都係獨立包裝👍🏻衛生保證仲有膠手套提供🧤非常貼心💖今次嗌咗皇牌燒雞半隻🐣拼脆薯皇🍟薯角叫姐姐俾一半就夠🍴怕食唔晒非常脆口👍🏻點埋茄汁一流😛雞燒得非常靚🤩賣相吸引🤤美中不足係雞胸乾身咗少少但配埋燒雞汁都好味🍗椰菜同紅蘿蔔略油🥕跟餐有湯同蒜茸包🧄不過不失🥣唔會太稀建議可以加啲胡椒粉🥄餐飲揀咗罐裝可樂拎走值得一提係姐姐好貼心問我要唔要拎飲筒🥤又問又唔要膠袋裝住☺️下次會想再黎試牛扒🍴

嚟到觀塘，早聞駿業熟食中心，呢d地方一聽就知有好嘢食！今日同寶寶嚟到觀塘搵食，上到一樓，隨手搵咗呢間bbq店，有驚喜！同寶寶一坐低，見到餐單，兩眼對望，唔係啊嘛？咁鬼平？！我叫咗芝士牛肉漢堡，寶寶蟹肉虎蝦卡邦尼，另叫多碟墨西哥芝士薄餅！等咗無耐，餐湯先上，飲落幾忌廉！唔係罐頭野，d磨菇極足料！然後漢堡先上，目測塊漢堡扒有半吋厚，食落啖啖肉肉，都幾juicy！塊煙肉又唔乾，正不過我就唔係好食酸青瓜，食咗舊，ok嘅，唔識評寶寶碟意粉就真係童叟無欺！蟹肉虎蝦係落足料蝦食得出係新鮮，蟹肉都好足秤！另外件薄餅，幾特別，買相同食落幾墨西哥薄餅脆剛剛好！中間夾住拉絲芝士，點埋醬，微辣呢間店晚市唔太多人，員工又少，樓面位靚姐落單上菜收碟洗碗一腳踢，依然可以保持速度，簡直係發揮香港人精神！而且價錢相宜，凍飲唔使加冰錢，小弟喺度特此表揚！我見之前食評大家講到好出名，但食評只得幾篇，嗯⋯⋯大家真係可以支持吓呢間小店，好嘢嚟架！

BBQ觀塘熟食中心嘅呢間餐廳一直都好出名 ，今日食咗佢既燒春雞配薯角同埋四重芝士肥牛焗飯。首先講下個燒春雞 52蚊有半隻咁大隻已經抵到爛， 食落去啲肉都好嫩滑，不過 我就覺得個味道比較咸， 如果佢落少啲調味料會比較好， 不過呢個價錢真係冇乜可以點，挑剔薯角就正正常常幾好食咁樣，係會比連鎖快餐店好食。講一講個肥牛焗飯， 佢就普通咗好多， 同埋都係有一個問題味道比較重。 不過四十幾蚊真係大大份， 芝士方面佢都落得嘅多，一個大男人都食到好飽。 佢個水牛城雞翼， 食落去辣辣地同埋個藍芝士汁就比較酸其實食落去好開胃因為酸辣，但係感覺上同出麵食嗰啲水牛城雞翼好唔同， 但係25蚊有五隻真係食得過， 不過呢間餐廳食嘅份量都比較多 ，兩個人食叫兩個餐加一個小食真係好飽。咁佢跟餐嘅多士同埋蘑菇湯就唔另外提 ，因為都係正常嘅 。另外提一提近排有優惠就係會送焦糖布甸但係數量有限送完即止。

一般人認為觀塘駿業街熟食市場，衞生較惡劣；實際上如果走上一樓，衛生環境是可以接受的。最近驚朋友介紹，發現該熟食市場一樓的《BBQ》十分抵食，於是一星期就食了兩日《BBQ》平均一個餐面蒜蓉包、忌廉湯和飲品，都是$50，相對廉宜經濟實惠蒜蓉包是金黃鬆軟的，而且蒜香味濃至於忌廉湯都落足料，有少量香草、蔬菜粒，而且又有三文魚粒在內，口感豐富此乃D餐 德州煙燻BBQ手撕豬絲漢堡包驚煙燻過的豬肉絲，十分Juicy，一邊食，肉汁一邊滴出來配上金黃香脆的薯角，和酸酸的捲心菜，非常開胃。另一個是H餐 焗卡珍雞肉煙腩卷配黑松露野菌忌廉汁雞肉嫩滑，黑松露醬汁香濃，鎖在卷內，煙肉相對脆口，富有口感。芝士薯蓉正正常常吧，食完會飽到爆肚

朋友强烈推荐的食店，又刚好路过骏业街，不用多想就去试试。店位于熟悉食中心內，公共地方环境一般。餐厅是左右有两个铺位，内部装修简单，但尚算可以。桌子放着搓手液和纸巾等消毒清洁用品，令人感觉良好。白色盖子的瓶是一次性手套，为方便吃饭烧鸡而设。午市套餐有八种选择，价钱合理。烧鸡餐50元都不用，就点了一份。先上忌廉汤配一片蒜蓉包，茶餐厅水准，不用有太高的期望。烧鸡后上，体积比快餐大，鸡肉应该是用调料腌过，不会感到淡而无味，鸡髀位置更入味。伴碟的薯仔不是炸熟的，软软的，加上其他调味料，味道不会太寡。以这个价钱而言，绝对是街坊价，比对面马路的红茶午餐套装便宜。下次会再去吃他们其他的套餐。

🔸之前睇網上面介紹所以就特登過嚟觀塘試試佢 一上到嚟熟食中心就見到好多返Office嘅靚仔靚女喺度等外賣 🔸我哋嗌左一個Peri Peri chicken 同埋一個A餐燒雞 🔸個Peri Peri chicken 同埋兩個跟餐嘅忌廉湯好快就到 個忌廉湯都算唔錯 但個Peri Peri chicken 就有啲唔凍唔熱 可能已經煮好咗一陣 由於男朋友個腸胃比較敏感 所以離開左餐廳之後馬上黎料⋯(💩)其實味道係唔錯 但係唔凍唔熱確實較為差左🔸最後A餐燒雞都燒得幾香，係唔錯嘅選擇🔸跟餐送埋汽水或凍飲品🔹總括來講CP值係高嘅(大概$50一個餐)如果喺附近住/做嘢嘅話可以試吓，如果住得遠嘅話就冇需要過嚟啦

今天經同僚介紹，首次去官塘熟食中心二樓BBQ餐廳品嚐西式餐廳，餐室環境比想像中幹淨衛生，遠比想像中的街市好，冷氣充足，食物質素甚佳，謹試作一詞抒懷~😋如夢令~首嚐官塘熟食中心BBQ餐廳 款款佳餚欲滴，品味再西式。垂涎望牛扒，香胞燒鷄賣相佳。好味，好味。更兼冷氣舒適。

「BBQ Grilled and Baked 」是一間位於觀塘熟食市場內的平民食店。小店前身是受網民熱捧的食店「百里香」，BBQ接手之後仍然保留百里香的餐單。由於是在市場內，小店的環境比較一般，溫度也較熱，不建議夏日大熱天去。小店的菜品價錢不貴，份量超足，十分抵食。Lunch Set均是五十港元左右，包括有餐湯、蒜蓉包、主食和餐飲，凍飲不用加錢。小店的餐單A-E餐為常餐，F餐、E餐和G餐則每個星期都會更換。🧡BBQ皇牌燒雞1/2只配燒烤醬跟意粉（$48）BBQ的皇牌燒雞沒有當年百里香的好吃，燒得不夠香也不夠入味，有點失望。🧡德薩斯州煙薰BBQ手撕豬絲漢堡包，捲心菜及脆薯皇（$48）肉絲好juicy，麵包外脆內軟。🧡古巴香橙檸檬薄荷烤雞上腿，薄荷乳酪汁配牛油蒜香薯蓉【每周限定】（$50）層次好豐富，雞上腿厚身大件，和薄荷乳酪汁很配。🧡意大利雙重芝士燒牛肉拖鞋包三文治，脆薯皇【每周限定】（$50）好邪惡，超多芝士，還可以拉出絲。🧡頂級黑松露野菌手撕雞巴馬臣芝士煮長通粉【每週限定】（$50）啖啖都可以吃到雞絲，長通粉包裹著芝士奶香味十足。

呢次行開觀塘去左試呢間好多朋友話覺得性價比幾高既餐廳試下。但由於餐廳係係街市既熟食中心一樓，當中環境就比較差少少，而我當日係兩點零鐘去到，所以都無咩人。咁我就叫左佢地個bbq皇牌燒雞配炸薯皇，咁佢有個湯食既，係一個好普通既白湯加塊都幾脆口既蒜蓉包，無咩特別。但個雞上枱時就真係覺得性價比高！本身係48蚊連凍飲既，我下午茶食仲平多5蚊，姐係43蚊就食到！講番隻雞先，雞唔會煮到好鞋，雞翼同雞髀肉仲係好嫩滑，但雞胸就比較柴少少啦，但係都仲有少少肉汁既，加埋脆薯王，其實都食到好飽！如果下次行開觀塘諗唔到食咩既話可以試埋佢既漢堡呢！完。

午飯跟同事到駿業街熟食市場開餐，呢間BBQ 出名烤肉燒雞好吃，所以我嗌左個A餐半隻燒雞，好彩同事提我，食燒雞嘅話要預早一個鐘前打電話去預訂，lunch time 好快賣晒。$48 有頭盤忌廉湯加蒜蓉包、我的主菜半隻烤雞併薯角，包埋嘢飲，凍飲都不用加錢👍🏻👍🏻講返個主菜半隻烤雞併薯角，烤得好夠軟，帶手套用手食輕輕一拉，成隻雞髀出咗嚟，加埋香草🌿雞的調味都恰到好處，薯角又多，食完好飽。始終係熟食市場入面, 以快食快閃為主，佢都有其他意粉、飯及墨西哥薄餅等。

路過熟食市場 見到易拉架上嘅嘢都幾吸引下 咁咪諗住上去試下50蚊一個餐 原本冇咩期望估唔到份量好大份 (女仔嘅話可以兩人叫一份)仲要好好食啲牛就算喺柴啲嘅部份 都可以入口即溶呢個價錢 呢個質素真喺熟食市場先做到

一直都知道觀塘嘅熟食中心啲野食好抵，之前上網見有人分享百里香嘅食物，去到先知道原來已經執左，但轉左手之後餐牌都仲係一樣，所以我都係選擇試下。上網見到啲人話呢到嘅燒春雞非常搶手要打電話book先有得食，我就襯佢啱啱開門即刻去左買，成功買到呢個餐！！BBQ皇牌燒雞1/2隻配燒烤醬跟脆薯皇（$48）推介指數：9/10呢個餐嘅份量非常之大，半隻燒雞跟一碗炸薯角、仲有個餐湯、蒜蓉包同餐飲跟本來以為得半隻雞會唔夠食，點知隻燒雞好大隻，就算係男仔完全夠食！而且佢啲肉熟透得黎非常之嫩，一啲都唔會「鞋」！另外個餐飲我揀左凍奶茶，奶味非常濃郁同好香！都係值得推介！餐湯係忌廉白湯，都好香而且非常足料架！總括黎講呢個餐真係拍得住唔少連鎖西餐廳，只係要穿過熟食中心去買，衛生冇咁好。但佢呢個平民價錢食到高級餐廳嘅質素，絕對冇得彈呀！如果下次再去我仲想試下佢個手撕豬絲漢堡包添呀～