BBQ Grilled and Baked (已搬遷) 新店位置

呢次行開觀塘去左試呢間好多朋友話覺得性價比幾高既餐廳試下。但由於餐廳係係街市既熟食中心一樓，當中環境就比較差少少，而我當日係兩點零鐘去到，所以都無咩人。咁我就叫左佢地個bbq皇牌燒雞配炸薯皇，咁佢有個湯食既，係一個好普通既白湯加塊都幾脆口既蒜蓉包，無咩特別。但個雞上枱時就真係覺得性價比高！本身係48蚊連凍飲既，我下午茶食仲平多5蚊，姐係43蚊就食到！講番隻雞先，雞唔會煮到好鞋，雞翼同雞髀肉仲係好嫩滑，但雞胸就比較柴少少啦，但係都仲有少少肉汁既，加埋脆薯王，其實都食到好飽！如果下次行開觀塘諗唔到食咩既話可以試埋佢既漢堡呢！完。