BB's 歐陸餐廳 (已結業)

話說好難得先約到班fd 夾岩時間出黎食餐飯近排有人唔係返工OT，就係放學後要返parttime再唔係就係淡季旅行時間，幾個FD都同屋企朋友仔旅行終於約到時間啦!!但星期五，周街都係人同大陸客既日子究竟去邊先可以舒舒服服食到餐好D既，獎勵下自己??唔係食黎食去又係去MK食放題打邊爐鐵板燒定雞煲? 太悶太悶啦!!聽人講話灣仔開左呢間西餐，就決定呢到啦! 灣仔區出左名價位比較好，而呢間新開張位於QRE既西餐絕對物有所值情侶要情調要靜局談情，no problem!三幾個同事去食lunch buffet都ok!!(筆者發現佢地lunch有 salad buffet!! 或者其他pizza意粉sets，價錢公道)或者幾個朋友黎歎下西餐鋸下扒食下意粉都無問題!今次我地一行四人，頭盤主菜甜品飲野都有試過，出乎意料地好

第一次寫食評，要介紹一間未有介紹的食店。平時同朋友一齊食飯，都係佢地寫多，不過今次到我覺得呢一間值得寫。早兩日約左朋友出去灣仔搵飯開，見到有間餐廳個名好得意，叫BB's，於是就走左上去。 原來係食fine dining, 又見人少少，幾開揚，侍應帶我們坐在角落，之後介紹食物俾我地。食生蠔我都係一時時，因為唔衛生既話我會肚瀉，但我見佢地咁新，衛生都幾好，所以叫一個海鮮冷拼。朋友鍾意食生蕃茄，經理介紹我地食一個 「三色蕃茄沙律伴水牛芝士雪糕」，之後加一個「莫斯科羅宋湯」同埋「創意巴塞海鮮鐵鑊飯」。先講個冷拼，好豐富，3隻Coffin Bay 3隻Irish 加4隻翡翠螺，4隻海蝦2隻Cherry Stone。食完呢個冷拼，飽左三成，不過之後仲有好多野未食，唔緊要，再食！ 之後食蕃茄沙律，有三種顏色既蕃茄，紅色同黃色都見過，不過有隻好細粒，好似車厘茄既大小，不過係深綠色，食落好似提子既味，好得意！同朋友一齊分享個羅宋湯，但係個湯既顏色有別於出面飲到羅宋湯，佢係紅色架！！我問個經理㸃解會咁，原來加左紅菜頭，我平時唔食呢樣野，但係煲成一個湯，個味道唔差喎，令我改觀！最後食嗰個海鮮飯，出面食到既