Beans Brekkie Room

營業中

休息中

第四波疫情殺到，又再一次禁晚市堂食...好在不少良心小店喺呢個時候紛紛推出外賣優惠，一齊共渡時艱💛💛今次試左beans 嘅香煎豬扒意大利粉配洋蔥汁同紅酒燴雞意大利粉，雖然只係$43一款，但絕無偷工減料，豬扒勁大塊，仲配埋飲品另外5pm後的特價set還有egg benedict同蕃茄肉醬意粉, 一於下次再試。

星期日黎食，因為2人限聚令。所以等左好耐。無諗過2點幾黎食都要等20-30分鐘左右先食到。我地叫左兩個lunch set🍝黃金蟹肉意粉 ($116)一黎到已經聞到好香，仲見到成個意粉擺得好靚，而上面就有一埋蟹肉同蛋黃汁，旁邊就擺左啲菇，成個視覺效果唔錯👍🏻平時好少食擺得咁靚。雖然係蛋黃味，但係唔會太咸，個味道好開胃，啲蟹肉又唔會太碎碎到食唔到咁，而啲菇就令到成個意粉好有口感，整體黎講依個意粉好好味好creamy👍🏻👍🏻👍🏻🍔手撕豬仔骨漢堡 ($108)依個漢堡包好特別，因為有成隻太陽蛋係上面🍳 啲豬肉絲味道酸酸甜甜幾開胃，啲粗薯條亦都好脆。個包唔算太厚，食起上嚟都唔會太狼狽。焦糖雞翼 ($54)平時成日見到蜜糖雞翼，好少見到焦糖雞翼，所以決定試吓。食落去同蜜糖雞翼感覺差唔多，都係好味嘅，而且佢係單骨雞翼所以食落都好方便。左：凍檸蜜 ($0) 蜜糖味好夠，唔似出面大部份都係檸檬味蓋過蜜糖味。右：荔枝玫瑰梳打 (跟餐加$31)望落去已經覺得好靚，飲落就覺得好清淡，不過因為玫瑰同荔枝本身都係比較淡味嘅嘢，所以飲落覺得好清新，好啱女仔口味。

Ordered this soft shell crab Cup Noodles special, quite delicious (mainly because it’s Cup Noodles). It came with a very small crab, garlic bread and a free Cup Noodles. Garlic bread was also great. You can add 25HKD for a cake, we got a chestnut tart and it is also good.

同朋友去完玩水，出返將軍澳想搵冇咁Heavy嘅Tea食，見到 beans仲有下午茶，於是第一次嚟試佢嘅甜品。佢嘅下午茶價錢唔太貴，一個甜品仲包一杯$40以下嘅飲品，另外再加咗個拿破崙，都係$25。Oreo麻糬流心吐司 因為新鮮焗完，吐司嘅外皮仲脆，以佢嘅份量真係冇可能一個人食晒。法式香蕉雜梅軟芝士吐司好多生果賣相好靚嘅法式吐司，色澤炸得好靚，不過有少少油。Rasberry Mille Feuille佢嘅拿破崙真係好好食，唔會太甜，而且仲好脆，加$25就有得食真係好值。我叫咗一杯Green Tea Latte，朋友叫咗杯咖啡，好靚。

經常經過見到好多人排隊，諗住一定唔錯。上網睇食評亦覺得好似唔差。今日星期五放假打算黎試下。2點左右都要排隊，大概5分鐘左右入座。店員態度一般，帶位亦只帶到一半，然後叫你自己行過去。坐低咗order咗個Lunch set $86手撕豬仔骨漢堡，漢堡都好難整得難食。嘢飲好快到咗，蜜糖檸檬，都唔錯。但之後就等左差不多15分鐘先有嘢食。中間水都無杯。主菜到咗，賣相唔錯，諗住應該好好食，因為已經好肚餓。點知重點係個漢堡係凍嘅。等咗15分鐘但個包係完全丁點都唔熱。凍冰冰嘅包，幾好嘅料都無用，老實講老麥都好食過呢個包好多，最起碼個老麥啲包係熱辣辣。我從來無食過室溫嘅漢堡，講緊今日得果16度。薯條係熱嘅，但表皮好硬，果種硬係介口，唔係脆，係硬。食咗幾條已經放棄。到沙律亦都唔好食，個沙律汁好少同埋一啲都唔好食。啲菜都好苦。總括而言，非常失望亦唔會想再黎，因為連我認為好難整得難食嘅漢堡都整到咁，真係令我忍唔住第一次留comment。

以前都嚟過Beans，水準都同以前咁上下，座位依舊舒服！ 🍴 炸龍脷魚柳配薯條 辣蕃茄醬 ($138) ⭐️⭐️⭐️⭐️ 薯條炸得金黃，魚柳亦都炸到外脆內軟，肉質成功保持到濕潤嫩滑。同平時嘅炸魚薯條唔同，呢個有辣蕃茄醬同羅勒醬伴碟，令到成道菜唔乾之餘，賣相都唔會得一隻色，望落都吸引！ 🍴黑松露軟殼蟹意大利粉 ($108) ⭐️⭐️⭐️⭐️ 軟殼蟹雖然得細細隻，但算炸得幾香口。黑松露醬好濃味，意粉份量又多，軟硬度正常，整體都唔錯。 🍴 紅桑子醬 雲呢拿吉士拿破崙 ($42) ⭐️⭐️⭐️⭐️ 三層嘅酥皮，中間有一個個嘅吉士忌廉波，味道幾夾。酥皮雖然唔係暖暖地嘅狀態，但都算脆。整體甜度適中，唔會好漏，值得試下！ .............................. Beans Brekkie Room 地址📍: 將軍澳重華路8號東港城1樓105號舖 總評分: 7.6/10 .............................. 味道😋: ⭐️⭐️⭐️⭐️ 環境👀: ⭐️⭐️⭐️⭐️ 服務👨🏻‍🍳: ⭐️⭐️⭐️⭐️ 衛生🧹: ⭐️⭐️⭐️💫 抵食💰: ⭐️⭐️⭐️💫

黑松露軟殼蟹意粉 ($74)配熱薑母茶 + 熱檸蜜行入店就聞到黑松露, 已經好期待. 最欣賞軟殼蟹有即叫即炸感覺, 雖然細細隻, 但調味啱啱好 (食過有雪味既就明). 性價比幾高, 下次想試豬手🤩搬左去山旯旮之後, 終於約到舊同事食lunch🥰 店內環境係幾舒服, 本來都適合約朋友傾計. 不過店員拖枱凳清潔時好大聲🙉

bean平時排隊要好耐， 所以朝早見到冇人，二話不說即刻入去試下環境好舒適， 上菜速度都好快早餐有驚喜， 尤其係佢個包， 睇落去好似m記豬柳漢堡嗰塊包， 真實食落去完全一天一地， 好軟熟， 仲有一層薄薄嘅牛油軟淋淋， 配埋流心蛋食一流。朱古力咖啡入口好 純，飲得出係咖啡豆磨出嚟。總體早餐價錢唔貴，食物有質素， 不過略為細件， 但早餐份量已經足夠，性價比都幾高，坐得好舒服， 值得推薦

🌎Beans Brekkie Room (坑口)Beans 荳子開左好多分店 依家連坑口都有啦 平時都多黎呢間店食野 因為食物水準ok 仲有唔同款式既甜品 見到賣相咁靚 心心眼😍▫️Mixed Berry Waffles$58（推介）初初見到朋友食 佢比左我少少試 我一食一見鍾情 跟住10次有8次都叫呢個餐 我好鐘意食爆珠 咬落去卜一聲 味道甜甜酸酸 好香甜 而且配合益力多雪糕一齊食 好開胃 其實呢個餐好飽肚 有兩個舊蜜糖waffles 質感煙韌 仲有新鮮什莓 成個餐性價比高 賣相又吸引 直得推介 人均消費：$58加一環境衛生：8.5/10推介指數：8.9/10📍將軍澳重華路8號東港城1樓105號舖

今日係平日，所以都趕得切18:00前黎到食下午茶因為佢既下午茶都幾抵，又好食第一樣叫左「焦糖單骨雞翼配薯條」，焦糖醬好多，所以令到雞翼好重醬味，好正薯條又熱又脆，仲可以點埋焦糖醬黎食，超好味第2樣叫既係「Oreo麻糬流心吐司」，佢真係好流心，個吐司非常脆，所以要快食吐司加埋雪糕，真係又凍又熱超正！只係個麻糬無咩味道，普通左啲～2個下午茶餐都包左野飲呢杯係「熱薄荷茶」，茶包黎，無咩特別，正常～似飲緊涼茶呢杯係「玫瑰泡沫鮮奶伯爵茶」，玫瑰味有啲淡，伯爵茶味都飲到，整體幾好飲總結：8/10分

因為beans開得越來越多分店，所以可以入去食嘅機會亦都越來越多，而且唔使點排隊。今日叫左每次都會食嘅黑松露軟殼蟹意粉同埋一個新嘅牛油果蟹肉意大利飯。軟殼蟹意粉一如既往嘅好食，不過牛油果飯就真係麻麻地， 除左賣相不太吸引之外， 而且口味偏淡， 試過一次就算了。 飯後甜品方面叫咗綠茶卷同埋焦糖燉蛋，綠茶卷雖然有很深嘅綠色，不過佢嘅綠茶味不太突出， 但中間個cream 都幾滑， 又不太甜， 都值得一試。 而焦糖燉蛋就甜咗少少， 兩者比較， 我會選擇綠茶卷。

我最鍾意呢間餐廳嘅3D咖啡🥰🥰🥰雖然要等30分鐘，但係都好值得✌🏻✌🏻✌🏻今日叫咗單骨蜜糖雞翼薯條餐，再加個玫瑰拿鐵，同埋朱古力蛋糕😄蜜糖雞翼雞肉多汁、雞皮甜甜地、脆脆地、好好食😋薯條即炸又熱又脆👍🏻我期待已久嘅重頭戲黎啦😁😁😁呢杯3D玫瑰拿鐵，雖然要等30分鐘，但係見到咁得意嘅造型，真係滿足曬我嘅童心😍😍😍都市人生活咁忙碌，真係好想好似小熊咁，舒服咁浸係香濃的咖啡裏😆😆😆佢哋自家製嘅朱古力慕絲蛋糕都好好味，蛋糕外型及擺盤好吸引，放喺有雲石花紋嘅碟上，好似一粒黑鑽石咁💎蛋糕好有層次，一層朱古力慕絲、一層蛋糕、一層朱古力，仲有榛子，係視覺同味覺嘅享受😊😊😊今日仲發現原來佢有個裝牙籤嘅小木盒都好得意😄以美食滋潤身心之後，又係時候搏殺啦🏃🏼‍♀️🏃🏼‍♀️🏃🏼‍♀️

👣 Beans Brekkie Room 👣—🦀🍝🦀🍝🦀🍝🦀🍝🦀🍝🦀🍝🦀🍝🦀🍝🦀🍝 去既時候已經是晚上八點多🤣所以唔使排隊就已經有位置餐廳環境幾舒服😌不算太嘈雜同朋友傾吓計係不錯之選🤪——————————————————————————⭐️⭐️#黃金蟹肉意大利粉 HKD108⭐️⭐️咸蛋黃醬完全不油膩（呢點好重要❗️）因為有食過其他Cafe類似嘅意粉係超級油😗所以完全知道個對比蟹肉份量足夠 🦀醬汁幾creamy 唔會令到意粉太乾身😜味道：🌕🌕🌕🌕🌑價錢：💰💰打卡：📸 📸 ⭐️⭐️#牛油果蟹肉意大利飯 HKD108⭐️⭐️比預期中嘅份量少很多😟味道亦很清淡😔雖然有牛油果味🥑但可惜的是蟹肉少 亦比上面黃金蟹肉意粉少很多唯一可取之處只是飯粒軟硬適中🍚所以同樣價錢之下 真的寧願揀意粉都不揀risotto🤔因為意粉飽好多 亦很好食😂味道：🌕🌕🌖🌑🌑價錢：💰💰💰⭐️⭐️#黑松露軟殼蟹意大利粉 HKD108⭐️⭐️原隻軟殻蟹的份量不算很大但係賣相好靚😍😍😍醬汁好重黑松露味 亦夠creamy😋意粉硬度適中🍝不過軟殼蟹上菜時未夠酥脆 輕微「冧」咗少少不過尚算好食😛軟殼蟹入面有少少蟹膏🤩🤩所以都幾

今次嚟到，主攻流心吐司和咖啡，因為甜品太吸引了。Oreo 麻糬流心吐司 (HK$58)厚厚的竹炭吐司，烤焗得脆口，切開就會有朱古力流心，慢慢地流出來，看著，好療癒喔！中間鋪上一大片白色麻糬，煙煙韌韌的口感，配上雲呢拿雪糕和鮮草莓和紅桑子，正呀👍🏻法色焦糖燉蛋拿鐵 (HK$0)因為想要杯3D拉花，所以慢慢等待，就這樣等咗60分鐘，它都沒有出現。我問問店員，最後變咗一杯免費的外賣咖啡，只有平凡心心拉花的法色焦糖燉蛋拿鐵。

beans group我靜係食過pop corn同東港城的, 因為近屋企呢間野長期都多人排隊, 老實講我都唔係好明佢唔係難食, 但絕對唔係驚豔, 而且都唔係抵食所以, 哈哈不解-呢間係tko pop corn個間, 整體好合理, 唔難食, 反而唯獨是每次都覺得個薑茶幾好飮 (左下角)-下面呢幾幅, 就係東港城的呢個意粉真係麻麻地, 肉醬還肉醬, 意粉還意粉, 擺明係食得出大家分開煮再上碟時撈埋咁解呢個唔錯, 咁始終all day breakfast冇技巧可言, 煙肉, parma ham, 腸, 蜜瓜, 茄, 全部外購再煮熟, 但個egg benedict係唔錯的, 食得出酸酸地的hollandaise sauce呢個都OK 既, 雞翼單骨係寒酸D然後有次媽又叫番呢個all day breakfast LOL