Beerliner German Bar & Restaurant (已結業)

今日來到葵芳廣場，估唔到咁多嘢食，想食西餐，之前已經試過大牌餐廳，所以試吓呢間，搵佢都兜咗一個大圈。看過餐牌都有嘢啱食，人唔多，入內就座。環境幾好，有陽光，但室內就暗D,所以我要求坐外面，叫了All day breakfast 及肉眼。先來一份沙律及湯，沙律很好食，有清新菜味，讃！南瓜湯正常。主菜先來全日早，心想為何沒有我想食的批？原來那塊厚厚的類似午餐肉狀的是也！原來係我錯，以為係西式酥皮肉批，原來係大件午餐肉。畢竟是德國餐廳呢！個人認為大部分肉腸都徧咸。至於肉眼，份量太少了，面積及厚度都細(可留張相）。味道及口感唔錯，醬汁都好味，磨茹汁內有重重的蒜味。最後有芝士蛋糕，可惜飲品要咖啡要加錢，本身包果汁及汽水。有別於西餐，跟期望有少少出入，因為係一間德國餐廳。

一行三人點了一個一人餐加一個二人餐，三個餐都轉了龍蝦湯。龍蝦湯麻麻地，下次唔駛加錢轉，慳返廿蚊煙三文魚沙律正常，芝士好食！二人餐選了煙三文魚意粉，份量比預期多，好味。主菜當然點每次都必食的德國豬手，皮夠脆，份量又夠大！三個人都食唔晒！超正！豬手係跟薯條的，新鮮夠脆！份量亦比預期多！而一人餐點了肉批拼香腸！睇到個賣相已經覺得吸引！隻太陽蛋好靚呀！塊肉批好厚又唔會太咸，香腸竟然有四款咁多，仲有薯蓉同酸菜，真係一個人都食唔晒！其中有款腸好咸同辣辣地，但配埋薯蓉同酸菜一齊食就剛剛好！個餐仲包嘢飲，我飲咗橙汁。最後仲有個小甜品，今日係芝士蛋糕！如果加多球雪糕就好喇！逢星期一至四都好鍾意去葵芳，因為比較少人，就算無訂位都唔怕。今次朋友用咗openrice訂位，仲有分賺添！

今日和另一半去咗葵芳呢間德國餐廳食嘢。主要系佢飲啤酒,我想試豬手。在網上訂了位,去到唔使等,非常好。我哋叫咗個差不多每枱都叫的套餐,豬手+香腸+🍺🍺或🍹🍹,另外加咗個鮮果沙律。沙律很多新鮮生果🍎🍏🍇🍊👍👍豬手肉𣺉,但皮就硬了小小,腸都好好味,特別系羊腸😋,粗薯條都👍👍

今天又同兩隻魔怪嚟到葵芳歷奇公園玩，真係玩幾耐都唔會攰😎玩完就嚟咗呢間德國餐廳食晚飯，因為知道這間餐廳的葵芳分店有優惠，於七點前結賬，正價食品飲品均有七折優惠，但套餐不包括在內。我們點了一個套餐和一個飯，再加多兩杯無酒精飲品給小朋友。《廚師精選拼盤》食德國菜，啤酒和豬手是必點的。呢個套餐分別有秘製鹹豬手，香腸組合，薯條和兩杯300ml啤酒或無酒精雞尾酒。店員會幫忙將鹹豬手切開，隻豬手都幾大隻，豬皮說不上脆，我覺得有點硬，需要點咬勁😅肉質實。香腸組合有四款腸，紅色和白色。紅色咬落油脂比較多，個人不太喜歡，白色就不會覺得一咬就滿口油份。亮點就在於薯條，熱騰騰的，很香脆，配茄汁，來到沒幾分鐘已經給魔怪吃光光了😂除了這些之外，還有配菜，有酸椰菜，薯蓉等等。《香味豬柳絲及野菌意式燴飯》這個意大利飯芝士味香濃，野菌香，飯都得剛好，不會過腍或硬。套餐的餐飲點了兩杯啤酒，另外再點了兩杯可樂給小朋友。

今日請在一日假，同老婆輕鬆一下，上網見到個午餐都幾好，所以就book咗呢間德國餐廳試吓個午餐set。首先黎個青豆忌廉湯伴南瓜，唔知係咪因為放假輕鬆關係，個湯飲落特別有種清新感覺，d南瓜好新鮮，可能佢剛剛做從雪櫃攞出來，所以還有少少凍凍地嘅感覺，特別好味，值得推介！而主菜方面，我就叫咗一份牛排好薯仔南瓜蓉，我老婆就叫咗一份香煎三文魚配薯仔青豆，味道唔錯，只係唯一覺得份量唔係好夠，之後仲有個甜品，整體都覺得十分不錯！

一早約左話要黎試下個啤酒節特餐無理由因爲減肥而放朋友飛機，咁就順便試下出街食方唔方便💁🏻 $438 有 4 樣野食加 2 杯生啤都 ok雞去皮我食得，燒到好脆因爲聽住佢地一咬就嚓嚓聲，不過雞胸就少少乾。羊我無食不過我切既時間 feel 到好稔。我食左三個青瓜酸菜😂 酸菜煮過無咁酸，配埋青瓜好爽。另外佢地叫左炸蝦外層係啤酒漿炸所以個蝦好有空氣感🤣上枱覺得好特別一支支插哂係度，但之後覺得唔係咁好因為 d 油向下流到佢地一手都係，改個方式擺會好 d😅 我既蕃茄青口好味啊！無花果沙律都好清新，入面仲有青蘋果，橙，合桃，紅苺乾咁，個組合比較少見但幾好食。最後佢地叫左甜品 set有蘋果卷，黑森林同藍苺芝士蛋糕。寶話芝士蛋糕唔同平時好硬果種，反而似 mousse 🤔 個 set 到月尾要試快 d 去，同埋記得玩埋個乾杯挑戰，只要全部人都叫一杯飲品再一齊叫乾杯🥂，就送一張 2L 啤酒卷啦🍺

放假同家姐去葵芳行街，夜晚食dinner就去新都會廣場看下有無想食既，可能咁岩撞正dinner時間，其他餐廳都好多人，見d間唔算多人，而且個氛圍都唔錯，就入去試下，就叫左set dinner，我叫左煙雞胸黃菌忌廉汁燴意大利飯，家姐就叫左意式肉丸意粉一份配脆芝士，肉丸都幾juicy，但意粉就普普通通，唔建議叫，而個risotto都幾漏，食幾啖就有少少膩既感覺，食唔到好多，餐湯係南瓜湯配蒜蓉包，但餐飲既果汁就麻麻地，整體既環境唔錯，比較靜，如果多d人gathering都幾適合揀d種地方，下次會想試下個德國豬手，感覺比set dinner好食，不過size幾大，要多d人一起食先得～

自從家裡添置一台汽車之後每個週末都開始帶同熊嫂到處開餐今次由於想到葵芳購物而新都會廣場又有泊車優惠, 所以就搜尋了一下附近美食看到這家德國菜, 回憶起當年歐遊德國的點滴便決定一嘗到底味道怎樣我到達的時候大約中午12點駕車的朋友注意, 新都會廣場是非常多人駕車來的不早點到的話就要在外面排車位囉12點到達的時候餐廳好像剛開沒什麼人亦不用等位, 直接坐下看一看lunch menu, 價錢貴至$120左右的德國咸豬手、肉眼排便宜至$7-80的腸仔拼盤、意大利粉由於今次是回憶德國味道, 就點了咸豬手和腸仔拼盤咸豬手很大份, 非常大的份量, 比當日我在慕尼黑吃的更大皮稍為燒得不是很脆, 用刀切下去的時候手感一般但肉是烤得非常嫩口, 咸度適中配合餐廳提供了兩款醬, 都放在餐桌上自由添加1款是普通芥末醬, 另一款我猜是蜜糖芥末醬, 因為甜甜的腸仔拼盤方面, 紅色長身的是芝士腸其他是不同口味的豬肉腸我個人覺得最好吃是芝士腸, 市面上沒買到過這味道配上酸菜, 但坦白說酸菜很一般, 不及德國當地的那味道餐飲方面, 可以配果汁及茶/啡結帳才約$220, 餐廳會問你願不願意額外捐$1 給慈善機構$1 能做善事何

媽子生日，同兩老食飯通常都會揀啲唔洗等位/有得訂定檯嘅，等佢地食得舒舒服服。今年唔想再食中餐，所以見到附近有間德國菜，Openrice訂座早段晚市仲有65折，咁著數嘅情況之下，就決定去試一試佢。一行六人訂左5:30，見佢份量都似好大碟咁，又擔心兩老食唔慣新潮野，所以都係叫返啲Standard野！一打開Menu就俾佢個德式拼盤吸引左，貪佢咩都有幾件，一大班人share就最好，樣樣都試到！個人最欣賞就係個蘑菇酥盒，香濃嘅蘑菇味，切碎左仲依然好有咬口，個酥盒好似食緊牛油旦撻皮咁，呢個咸甜配搭得好出色！德式脆薄餅（Thin Crust Pizza with Air-Dried Black Forest Ham, Mushroom, Pine Nuts, Onion and Arugula）個人一向都比較鐘意食薄批多過厚批，脆脆地感覺無咁頂肚。有別一般意式PIZZA，德式係配料上感覺健康啲無咁漏。食德國菜又點可以唔叫佢地嘅香腸拼盤呢！佢裡面配埋個酸椰菜同埋薯角，大家都食到咀Lam lam！屋企人都麻麻地食豬，所以無叫到德國最出名嘅豬手，反而食左個Rib Eye Steak。價錢都幾抵，仲耍足十安

越來越不好吃了👎🏻價錢ok啦！唯一最正就係杯雪糕🍦因為係Movenpick🤣🤣叫左2個set lunch 腸拼盤同扁意粉，味道真的非常普通，差過自己煮😅😅

之前都食過呢間德國餐廳，今日約咗朋友一齊食飯，本來諗住用信用卡優惠，就揀左呢間。點知發現餐廳平日都做好多優惠喎，主菜買一送一，我哋就叫咗一隻德國豬手同埋香腸拼盤，基本上呢兩味菜係得福餐廳嘅煮打菜。呢由於朋友唔飲得酒所以我都陪佢一齊唔飲酒喇。隻豬手嚟到嘅時候好大隻好脆，香腸拼盤好大碟好大碟好多香腸，最後食唔曬要打包，兩個主菜埋單都係二百七十幾蚊，除返每個人都係百零蚊，我覺得真係十分之抵食，有咁大隻豬手同埋咁多香腸，下次一定會再嚟食。

去咗葵芳周圍行，見到呢度三點開始有happy hour，決定坐低飲杯嘢🍺嚟呢間德國餐廳，唔係唔飲返杯啤酒呀嘛？Menu上有好多選擇，就算唔好酒精嘅人都有無酒精嘅飲品㗎。我要咗杯Keiler Kellerbier，其實唔知係乜，不過見餐牌上寫住帶啤酒花及麥芽甜味。店員幫我倒出嚟嘅時候，啤酒花真係好多，不過hold得唔耐，味道幾啱我口味，好易飲，有麥芽嘅香味，甜甜哋咁。呢個size係500ml。

Lunch Set真心抵，唔洗$100，叫左個肉丸意粉&牛排，但兩樣都真心好一般⋯牛排叫左7成但好似熟哂甘，差D咬吾開，個意粉系無味道，唯一安慰既系個肉丸&薯條都ok既，但都真心失望⋯下次試番個豬手至岩

同老闆娘食晏, 佢提議來這裡, 個 LUNCH SET 好抵食, 大約$100 就去到這種有水準既餐廳, 環境又好, 野食又有質素!我耍了主角豬手, 等左35分鐘以上, 如果大家係趕返公司, 千祈吾好揀豬手, 因為同老闆娘吃, 先可以吾睇時間!終於等到了, 好大隻! 但燒得有點過火, 皮已黑哂! 硬到切吾入, 而且佢地用個碟 SIZE 同豬手一樣大, 根本無空間去切開佢, 平時出面會幫你切好, 我問佢地有無呢個服務, 侍應嘗試在我枱面切, 但吾成功, 最後叫左佢同事來, 話收入廚房切, 但其實只放左上 BAR 枱, 佢地兩個夾手將隻豬手解體!!要贊個豬手有肥肉&根, 不會過瘦, 好有趙口! 而且份量好足! 最後食吾哂, 要打包! 一百蚊食兩餐, 果然超值, 即使返屋企叮返熱, 依然好味!牛扒我地要求5成熟, 都有照做, 外熟, 切開有點紅, PERFECT! 好林身!最後甜品, 我較愛個 CAKE, 不算太甜!

想食德國野 就簡左呢間鋪頭試下我地安排左坐係一個角落位但定時都有人服務我地 唔會被冷落服務一流講返正題2人餐夠食又抵 包左一隻豬手 德國腸 兩杯飲品豬手比想像中好食 皮夠脆肉夠嫩兩個人食岩岩好之後仲包埋野飲 特色飲品另外加錢野飲同樣叫左呢杯薑汁檸檬 薑味夠重 而且唔會好辣 甜度適中 總括而言 價錢合宜 味道亦有驚喜 豬手值得一試