Beerliner German Bar & Restaurant (已結業)

因為喉嚨痛所以冇叫炸豬手，叫咗水煮！雖然水煮，但味道唔會差，我最鍾意佢嘅酸菜，如果有得refill就好啦呢個pizza有ham但超級乾，d蘑菇同火箭菜好散，一咬就跌曬!燒乳豬就太油，反而個海鮮意大利飯就唔錯，整體都算ok！

用apps訂檯，十分方便。但最搞笑係，到確認當日的下午，餐廳只講7:30交檯有65折？還是75折？忘記了。準時6:00出現後，就先講你一定要7:30還檯天呀⋯⋯上菜速度勁快，預趕人走。所以對餐廳的食物，冇野好講。都唔可以比人品嚐美食

睇見個LUNCH SET價錢十分吸引, 遠一點都黎試下.LUNCH SET價錢由$68至$88, 連肉眼扒, 咸豬手都係$88. 另加$15有沙律, 另加$8有飲品.沙律 (另加$15) - 是酸瓜薯仔等做成的, 加一片煙三文魚. 都幾開胃的.咸豬手 Lunch Set $88 - 一隻超大肉厚的咸豬手! 連埋一隻小薯仔.超大隻, 起碼8寸長, 超多肉!個皮燒得不太脆, 而且有點韌, 表面灑上了大粒海鹽, 咸上加咸. 如果更多HONEY會更好.肉都幾嫩的, 當然整個味道都係咸的德式香腸拼盤 Lunch Set $78 - 芝士腸勁爆汁, 又大條, 另一款係白肉腸, 較細條的. 有2款腸都抵.特色拼盤 $226 - 有5個不同小食, 有炸蝦, 煙三文魚伴黑麥包, 蘑菇酥盒, 燒豬手肉絲卷, 炸芝士肉丸炸蝦個皮好厚, 不夠脆, 勝在蝦肉好爽口燒豬手肉絲卷是咸點, 真係拆左咸豬手的肉整的整餐都好"咸", 食完都幾口渴, 不過LUNCH SET只係原價1/3價錢, 呢個POINT好吸引.

16 :25 分行入餐廳，其實唔知係 Tea time ， 比佢d餐牌食物吸引倒，首先有個女侍應招呼我地，跟住有個應該係高級d嘅男性安排我地入座，臉口幾唔好吓，莫論笑容😑 但好奇怪，向出外面得一枱客，但安排我地坐到好入，慌死比人見倒有客。餐牌到，先見倒原來有英式下午茶供應，見賣相幾靚，就叫咗一個Tea set , 價錢份量正比，食味咸點都尚可，甜點只有個石榴布丁合格，泡乎， 窩夫硬到亞媽唔認得，其他都𣎴值一提，後來知道有部分食物可五點後有特價可以 order , 詢問男侍應生，反應奇差，好掘，答覆要五點入先有，根本就唔想做你生意，咁我埋完單再入嚟係咪唔比我幫襯？收費服務性行業，衰過政府免費公共服務，唔會幫襯第二次😑

是晚路經葵芳，知道呢個大型商場翻新完無幾耐，就一於嚟試下裏面有咩餐廳。最後揀咗呢間某餐飲集團旗下嘅德國餐廳。環境：有內有外，我地被安排坐裏面。枱與枱之尚算OK, 可接受的。行到餐廳入面仲有個酒吧，會見到好夠唔同種類嘅啤酒。服務：晚飯時間好忙，不過都係好有禮貌。食物：煙三文魚薯餅好食！薯餅係Rosti, 唔係普通Hash Browns.煙三文魚咸味剛剛好。兩者好夾住食好好味。炸雞槌配BBQ汁非常非常香口。 完全唔油膩。德國燒豬手肥瘦比例OK. 但皮唔夠脆。德國香腸拼盤芝士腸太咸。其餘好食。整體幾好食。但要多人一齊嚟食先好。

新都會裝修完之後第一次去行下, 行之前緊係要去醫醫肚先啦 !! 7⃣ 點左右去到餐廳, 人唔算好多, 唔洗等位｡ 印象中嘅德國菜只係食咸豬手 & 德國腸 (好無知 ), 但原來仲有好多野食, 最後叫左兩款前菜 + 兩款主菜｡煙三文魚薯餅配酸奶油醬上面有 4 片煙三文魚, 個薯餅煎得好脆, 但略嫌太薄｡ 香草燒雞鎚配BBQ汁: 雞鎚炸得非常香口, 一 D 都唔油膩, 配埋 BBQ 醬一齊食真係超正: 大推 !!德國香腸拼盤配燒薯及酸椰菜有 3 款香腸: 德式肉腸 (白)、芝士腸 (紅)、紐倫堡腸 (白), 外皮微微煎香, 口感彈牙, 但本人唔太喜歡佢嘅芝士腸, 因為好膩｡德國咸豬手配薯蓉及酸椰菜好大份嘅咸豬手, 外皮燒到脆卜卜, 但入面 D 肉仍然 Keep 到好嫩, 唔會乾爭爭, 可以食 D 酸椰菜解解肥膩嘅感覺

一直以來都有留意到有間餐廳係新都會最高嗰層，今次終於去試吓，我哋六點幾去到都唔使等位，餐廳裏面冇乜人，好快就可以有座位了！侍應提醒我哋，原來七點半前買單可以有折扣，另外有一些晚餐是買一送一的，價錢會計最貴果一個晚餐，所以我哋揀咗牛扒同埋炸魚薯條！牛扒梗係要五成熟啦，我哋等咗大概10分鐘，終於上菜了！先講下牛扒，牛扒非常幼溝，入口即溶，有少少血水，非常正！一啲都唔覺得好heavy! 而且牛扒大大塊，覺得性價比十分高！下次都一定會來試多次！而炸魚薯條就比較普通，但是份量十分足夠，炸魚十分大塊！總括來說這間西餐廳有折扣後的確十分吸引，若果折扣繼續持續，我們下次一定會再去

食物尚算不錯，唯獨是德國咸豬手的皮比較韌，要十分用力才能切得開，服務員所推薦的德國生啤不太特別，而價錢徧貴，但雜菜沙律🥗和香腸拼盤都十分好吃，服務員會提醒可以考慮早鳥優惠，讚👍整個晚餐氣氛都很好，生日或情侶可以考慮來的地方

一大班朋友出嚟食飯，大家都話想試一試新口味，於是我就做地主之誼，周圍搵下有咩好嘢食！ 俾我發覺喺葵芳新都會廣場有一間德國菜餐廳！睇menu選擇多而且有啤酒飲，好適合我們一大班朋友，樣樣都可以試下…… 我們點了德國腸仔，炭燒牛扒，燒雞及炸豬手!德國腸仔拼盤，種類很多，食落口每一款都有唔同的口味，之前我哋喺supermarket買了一些貴價腸仔， 價錢都唔平， 而呢個拼盤份量十足， 一邊送啤酒一流抵食！炭燒牛扒賣相唔錯，我們點了五成熟，切開裏面仲有些少血水，肉汁流出， 火候剛好！燒雞皮脆肉嫩，合格！最受歡迎係呢個炸豬手，我平時不太喜好也搶食了兩三件，因為外真係好鬆脆亦沒有太多脂肪，這個相信係皇牌推介！

好耐都冇喺葵芳食嘢，因朋友在葵涌區收工，於是事前在openrice網上訂呢間試吓。我睇set dinner menu，唔貴。不過因是happy friday，所以試佢嘅周五六日先有嘅Combo for 2。由於8pm前屬happy hour，所以beer特價，$45/glass，於是朋友叫咗杯。🍺環境比較噪，建議餐廳在牆加少少吸音棉，相信會好一點。因為太肚餓，唔記得映starter的salad，其實OK幾好味㗎！之後好快就有豬手、腸、及薯條上枱。👏🏻👏🏻賣相好吸引！德國腸有4條不同口味，很美味！豬手肉唔鹹，幾好味！可惜皮靭，唔好話𡁻，連切也有困難⋯⋯薯條🍟凍，唔脆，且好短。好可惜...雖然大集團旗下餐廳，價錢合理，可惜烹調技巧仍有待改進。

本人對lunch set的要求不太高，可是他們的肉眼扒午餐有確水準，其肉質鮮嫩，調味可口，煎扒可以恰到好處，能夠好好地鎖住肉汁，至於伴碟不太起眼的薯茸，也要入口即溶，感覺非常良好。

本來對豬手沒什麼愛，不過這裡的烤豬手外皮酥脆，肉質鮮嫩入味，真的很不錯！👍🏻 可以讓店員提供啤酒試喝，小小杯子，很可愛。 啤酒選擇種類多，喜歡濃淡口味都可以找到適合自己的。德國腸味道也很好，適合聚餐好選擇！

又到聖誕！又到聖誕！===========================瞓醒已是中午了，趕快起身去食午餐。葵芳新都會廣場最近擴展工程完畢，順道去行下，於是訂定位去 Beerliner 食午餐。餐廳環境光潔簡約，部份座位設於餐廳外，空間感較大，可減少侷促感。德式香腸拼盤配酸椰菜及燒薯因我唔食香腸，所以冇評價，只食了配菜，燒薯夠熱好味，家人就話香腸都好味。燒肉眼扒配炒鮮菜及紅酒牛仔汁我怕肉太生，所以肉眼扒叫左七成熟，肉質唔韌及味道都過得去，略嫌個汁淡左D。秘製德國鹹豬手配香滑薯蓉及酸椰菜侍應上菜時細心問我哋要不要幫忙切開。豬手肉質略嫌有少少乾，豬手的皮只得中間少少脆，兩邊的皮唔脆及好韌，我切極都切唔開，最後放棄唔食個皮。這度菜是我的至愛，卻令我很失望啊！兩杯雪糕都給我食晒，家人話彌補剛才豬手的失落感。帳單內其中$1是用作慈善用途，但家人冇留心聽侍應介紹，所以唔知捐給哪一個機構。==============================唉！不知廚師是否昨晚平安夜玩得太夜，攪到隻豬手失水準，期望下次再來時，食物質素有所提升啦！

今日阿女生日，一家人決定慶祝兼提早過冬至揀這間西餐廳食飯。一共3個大人兩個小朋友，我地點左意粉、飯、德國腸拼盤同埋豬手。~~~A燴牛肉醬伴意大利麺，d牛肉醬好好味，不過意粉可以硬身返少少。B德國腸拼盤，夠traditional！C德國豬手，好大份！但我覺得配黑毛豬隻芥末醬更好！D海鮮飯，海鮮料足。但味道比我想象中遜色。一般吧~~~~~整體黎講，食物選擇足夠。唯獨食物味道比預期中普通。但勝在上菜速度不錯，服務態度也OK！平均每人消費$200！

德國🇩🇪咸豬手 味道適中不會死咸 ，另外pizza也做相當不錯，配德國啤酒十分配。最好的地方是主菜有買一送一的優惠，值得一讚。服務態度都很不錯，不會不耐煩。大家不妨試試。