Bello Dining

營業中

休息中

新搬入天水圍，附近得間商場仔。 聽朋友講天一有間西餐幾好味，所以搬入天水圍前（2021年左右）試過一次堂食。 記憶中佢杯凍朱古力同蜜糖雞翼真係好好味， 今日就叫左外賣嚟食。本人唔算好鐘意西餐/意粉。 可能兩三個月先一次，平時去開天一行街都見呢間舖排哂隊。 應該有佢吸引之處。 外賣忌廉蕃茄墨魚仔意粉+ 飲品同湯/沙律$74蕃茄汁係偏甜，多汁。 送到嚟熱辣辣，望落好似好細碗，飲完湯先開始食意粉，食到一半已經頂胃。 味道方面我自己嗜甜，所以就好鐘意。 而汁方便食到尾都仲有汁掛底。 不過我自己就覺得太多汁🤣 不過呢個係個人嗜好。 睇好多評論話以前好味好多，我自己就未試過疫情前係點，不過以天水圍區，有間咁嘅西餐嚟講，算係好唔錯。我屋苑個會所意粉亦係做得非常好，不過再貴D🤣

🤩BELLO 我平時堂食就係食意粉多，PIZZA 都有時會叫，我覺得都係好食既，都好RICH 好CHEESY。都係我的喜愛店之一。今日好懶所以就毒係屋企唔出街叫個外賣食，諗下諗下好似好耐冇食過BELLO 就決定叫下，今次都係第一次叫BELLO既外賣，就試試佢。🤩今次叫呢個係夏威夷風情，個PIZZA 上到黎仲熱，滿滿既芝士，食落口D芝士仲拉到絲，個PIZZA 皮係脆，好食既，係上面D料少左DD。外賣平台度叫，埋單82蚊，一個PIZZA一杯奶茶，外賣黎講都係算貴既，不過好食就OKAY。

由於天水圍無咩好野食 所以一路有幫襯開越嚟越難食 最近一次更加大失所望 係直程去到難食！！！雖則話平價西餐 唔係要好好食 但起碼要正常呀 唔知係咪太多人幫襯 唔尤做最近去食叫咗牛 （係鞋恰恰 難食到唔想再食嘅牛 之前起碼係正常嘅牛)明太子帶子意粉 (普普通通)田螺焗薯(呢個之前食覺得好食 所以次次都會嗌 點知今次中伏） 唔係好識形容 總之就係唔會再幫襯 食咗咁多次見證住質素每況越下 之前都仲話普通接受到 經過今次後真係不了 持住唔尤做 越嚟越難食 求其質舊野你食就算

朋友介紹呢間係小商場嘅西餐廳價錢唔貴 性價比高試咗:大蝦雜菜沙律啲蝦以為係普通生蝦嗰種點知係有焗/燒過個人幾喜歡帶子南瓜汁意大利飯南瓜汁都偏甜帶子煎得都香飯身偏硬呢個都還好忌廉呑拿魚長通粉呢個呑拿魚超足料味道都幾好下次會再食坐位都唔算逼個人對店員質素其實都唔會要求好高但女店員態度就真係麻麻哋似係返工返得好唔開心咁入坐時講嘢面無表情冇尾音除此之外食物都幾好可能要著重係店員嗰到多啲因為見其他人都有提過呢個問題食飯時間一小時唔太啱想慢慢食傾計嘅朋友

坐低 態度已經差到不得了 好似黎食野欠左佢甘 永無下次系列 唔信自己體驗下 由其d女 好似m come甘燥列離晒譜 大佬得比錢食野架炸 連上菜都未識 都唔知點樣覺得你間野值 以前就排晒隊依家愈黎愈少人總有原因

我心目中Top1嘅天水圍餐廳🥳🌟包保大家食過返尋味😌巴馬火腿薄餅 💰$94 🍕😍足料拉芝香噴噴12吋，第一次食嗰陣真係嚇親 因為拎上枱超大碟😂兩個人食 完全食唔晒 最後打包返屋企 用焗爐烘返熱做宵夜😙脆炸粗薯條 💰$38 🍟(蜜糖芥末醬+黑松露醬+蕃茄醬)淨係有三個醬 都值哂😌總有一款啱你口味！薯條仲要外脆內軟 好好好好味🥹芝士焗煙肉拌黑松露薯蓉 💰$42🧀🥓食完Pizza已經飽到嘔，但呢個黑松露味香到⋯最後都食咗一半🥹煙肉咸香 令到成個薯蓉升華咗 must encore! 呢度仲有個芝士焗田螺拌黑松露薯蓉，下次嚟一定要試😚

好失望～由細舖食到大鋪，疫情之後就少咗黎食，食完今次就發現大不如前。帶子南瓜汁意大利飯 $86(+$22 轉set)⭐️⭐️⭐️味道不過不失，一開頭拎出嚟表面嘅醬汁已經風乾，撈勻嘅話都OK嘅。豬肋骨配薯菜 $128⭐️肉薄左勁多，肉質又乾又硬，食咗兩舊之後，真係食唔落同店員講，剩低嗰啲佢都換返同等剩返嘅份量嘅俾我，即使一整份俾返我都係食唔晒嘅，但係換來嘅依然係乾到條柴咁～ 之前嗰塊切都勁難切，食到真係好唔愉悅。回頭率🤡🤡性價比🤰🏻🤰🏻🤰🏻#浪費quota系列

餐廳開咗咁耐第一次嚟食，大概1點30分來到，等咗5分鐘就有位。朋友推薦我食明太子帶子意粉🍝，千島海鮮蜆肉薄餅，而2點後我就揀咗脆炸拼薯條配蜜糖雞翼價錢適中，而且食物算高質，特別係意粉好多汁😋仲有薯條有三款醬汁（黑松露，蜜糖芥茉，蕃茄）超級唯一唔好就係當日去到廚房排氣系統壞咗，搞到我同朋友一路食隻眼就勁拿住拿住，好唔舒服，比啲洋蔥味醃眼🧅唯有快啲食完走，最後打包咗個薯條🍟整體來講喺天水圍都唔差下次會再同朋友嚟試

約朋友喺天水圍食晚飯，但區內真係唔多西餐，喺朋友推薦下去左呢間小店🙌🏼1️⃣玫瑰蜜糖雞翼 (5分滿分，推薦指數: 🌕🌕🌕🌗)有蜜糖，但無玫瑰味，不過都係預期之中，畢竟雞翼好難做到有層次。不過不失2️⃣煙三文魚忌廉汁意粉 (5分滿分，推薦指數: 🌕🌕🌕🌕)忌廉汁好掛到意粉，所以味道濃郁🤤可能因為同朋友share，所以食到尾都唔覺得膩，高質！3️⃣巴馬火腿薄餅 (5分滿分，推薦指數: 🌕🌕🌕🌕)Parma ham嘅份量幾夠，每一塊都會有火腿同芝士❤️好滿足4️⃣蘋果紅茶 (5分滿分，推薦指數: 🌕🌕🌕🌖)加$22會有湯+熱飲，我地就叫左呢個。檸檬茶底，但係蘋果口味。略嫌甜左啲，不過整體好飲+ fresh整體嚟講，每一樣食物水準都中上，加上份量夠而價錢平民，性價比高👍🏻反而要挑剔嘅係座位有啲逼，同埋只可以用現金比錢，我地差啲埋唔到單😂

去完香港濕地公園食返個下午茶先叫咗一個lunch set一個tea setlunch set有沙律/湯、主食、冷/熱飲品～叫咗忌廉粟米湯～幾creamy甜甜地幾好味蕃茄水牛芝士薄餅～即叫即整濃濃嘅芝士味配以新鮮蕃茄粒夠嘢味Tea set脆炸粗薯條配玫瑰蜜糖雞翼～炸薯條冇鹽唔會咸～跟3款醬～黑松露醬、蜜糖芥末醬、蕃茄醬～黑松露醬同蜜糖芥末醬都幾正～炸雞翼兩隻配玫瑰蜜糖汁～食得出蜜糖但唔覺有玫瑰味泡沫咖啡(+$10)咖啡麻麻哋牛奶燶咗～熱奶茶茶餐廳水平整體嚟講喺依區唔算抵食不過算有水準

@bello_dining 呢間真係我地既外賣飯堂👏🏼成日Dinner都會過黎買，佢地仲可以打電話落單，咁就慳返好多時間😎😎今次難得堂食即刻介紹下，Lunch set 仲有湯飲👍🏼👍🏼忌廉吞拿魚長通粉 $68呢個係我既Favourite，平時唔多食吞拿魚既我都愛上因為佢地整得好有油香味🐟就算得通粉同吞拿魚都一D都唔單調😍😍粒粒通粉都掛汁，連入面個㝫都有🙀黑松露蘑菇牛肉漢堡（配薯條）$70第一次試呢個包，都好大份🙀又Juicy又有黑松露，正呀😆🙌🏽🙌🏽薯條炸得啱啱好，香脆美味Pizza同薯蓉都係我地常叫既食物～🍕不過呢間得薄批；而薯蓉仲有田螺食，係男朋友至愛，當小食/輕晚餐都得🙋🏽‍♀️📍Bello Dining天水圍天秀路8號天一商城2樓2011-2013號舖

Bello Dining💛 (天水圍)用餐時間大約4點左右，唔係放飯時間所以唔洗排隊🤣可能時間關係，只有1～2名侍應落場，其中一位年輕嘅男侍應好有禮貌，走嘅時候亦會同我地講小心慢行👍🏻.🍅🦑鮮茄忌廉墨魚仔意粉🍝 $60個汁偏甜，但唔會好膩，應該好啱小朋友胃口🥰墨魚仔口感尚算彈牙，份量剛好。意粉亦煮得恰到好處，份量偏多🤓一個人食的話，應該會非常之飽🤪食意粉最驚唔夠汁，呢間意粉正正冇呢個問題，每啖都掛到好多汁，食完隻碟仲有汁淨🤤🤤🤤👍🏻👍🏻P.s 如果個汁酸少少就完美喇～.👍🏻👍🏻👍🏻👍🏻/5..➕ Set Drink 美祿泡泡龍 $12第一啖飲落去，順滑而香濃嘅美祿😭加上面嘅cream打得好厚實，唔會feel到好大粒嘅汽泡喺入面👍🏻👍🏻仲加咗啲美祿波波喺上面，保持到脆脆嘅口感🥰但有少少好奇😯cream係完全冇落糖㗎，如果就咁食會有少少奇怪，可能廚師唔想杯嘢飲過甜🤔.👍🏻👍🏻👍🏻👍🏻👍🏻/5...🧀🧀🍍千島蜆肉菠蘿薄餅🍕(9吋) $64重醬重芝士嘅pizza😍，加上菠蘿粒，非常開胃🤤仲有少量嘅硯肉，好重嘅硯味，為pizza增添口感～.👍🏻👍🏻👍🏻👍🏻/5..➕ Set Drink

吃過多次晚餐都覺得不錯😋反而未吃過午餐...😵原來尚未給食評分數...🧐何解多數負評都係吃午餐？唔通真係有分別？🤔😅之前因為見到門口總是擠滿人等位，相信食品應該有番咁上下水準?🤔有次找吃...見不多人等枱，終於決定一試😏果然食物味道不錯，雖然座位擠迫，用餐時間比較趕，但這區較難找到此類cafe食品有質素，所以都encore咗好多次...晚餐😋就一次過介紹曬以下幾款我與另一半的必食之選😅最欣賞😍香煎帶子南瓜意大利飯🥲帶子煎得剛剛好，不會因過熟而靭，香甜南瓜汁意大利飯很入味👍🏻😋 其他款式的意粉烹調處理都不錯🍝意粉軟硬度適中😋醬汁味道香濃入味👍🏻🍕Pizza就一般🧐可能揀著呢款麻麻地？辣肉腸牛肉粒薄餅，食落去完全唔覺有牛肉粒，只見勁多番茄醬，問了侍應姐姐...會否廚師忘記了加牛肉粒?😆餡料不足，但係份量都幾大(12")，二人吃係有點吃力😂吃不完又不想浪費，最終都係外帶了兩件回家🤭紐西蘭香煎牛柳(6oz)，落單牛柳(五成熟)👍大廚控制火候恰到好處... 吃過幾次都能保持水準😋原隻香草蜜糖烤雞份量也不少，再加多款飯或意粉分嚐已飽到不得了😅再吃不下甜品🍰🙄但初次來吃嘅時候就有試過用套餐特惠價加了

天水圍站📍Bello Dining-今日晏就去左Bello Dining食Lunch set😋鮮茄雞扒扁意粉（$58）雞扒好嫩滑，外層香脆，配埋好濃郁嘅鮮茄意粉，好鮮甜😋睇落細細碟，但食落都幾飽😎鮮茄忌廉墨魚仔意粉（$60）墨魚仔唔算好多，可以再鮮味d，不過幾爽口。鮮茄忌廉好creamy，d汁掛著d意粉，啖啖茄香。意粉好爽口，唔會太淋。以上兩個set都包餐湯/沙律同埋一杯餐茶。脆炸粗薯條（$42）另外叫左個薯條配蜜糖芥末醬、黑松露醬同蕃茄醬。黑松露醬世一，好香濃，另外兩個醬即刻比下去。薯條炸得好脆口😋，不過有d 炸得燶左少少。餐廳光線好充足，裝修簡單但舒服，不過都好多人等，lunch食都要預先拎定

未入到去 喺門口 已經感受到佢哋果種忙到好急躁既心入到嚟 一個人食 竟然俾張大檯我坐另一個職員仲問我攞咗飛未 叫我出返去 冇跟開就 繼續執你既檯啦食物 正常 係比開業時差但野食上檯 佢地都係快速走過順便擺低咁 趕頭趕命 其實冇人催你哋我唔係食緊快餐 下午茶時段都冇人喺出面等檯難道你哋既定位係茶記？！點解要好心急咁要趕住完成一樣野而一啲服務都冇 樓面就做到好似機械人咁 黑面冷淡無人情味觀察對其他檯人客都係咁 快速走過去擺低野食人之外 仲有最煩嘅係烏蠅你一路食嘢一路要望住隻烏蠅過嚟嬲你嘅雞翼、咖啡甚至係餐具！環境真係唔只裝修既事持住黃店 最黑人憎既 真係冇服務收錢果時都完全一句說話都冇冇左一個客你哋都唔會可惜 算了 88