影片
港鐵荃灣西站 A 出口, 步行約6分鐘
繼續閱讀
電話號碼
98576682
開飯介紹
位於荃灣的日系咖啡店，裝潢以大地色為主，並以木板凳為主題。主力提供西餐，特別推薦黑松露貝夏媚白醬蟹肉手工千層麵，手工麵有口感，醬汁入味。
繼續閱讀
營業時間
今日營業
11:30 - 19:00
星期一至日
11:30 - 19:00
公眾假期
11:30 - 19:00
公眾假期前夕
11:30 - 19:00
以上資料只供參考, 請與餐廳確認詳情
有關獎賞計劃
相關文章
荃灣人都未必知嘅隱世休閒 cafe，環境舒服之餘佢哋個肉醬意粉仲要好有驚喜。🤩佢哋店鋪嘅位置同格局都好適合過一個休閒嘅下午。☀️ 鍾意食野同影相 📸 嘅朋友更加唔可以錯過 。😋大大大推薦佢哋嘅肉醬意粉 ‼️ 第一啖食落就已經係風味炸彈💥，食得出入面應該用咗好多唔同嘅香料去帶出層次豐富嘅味道。💯肉醬俾得超級大方，食極都仲有，超級滿足！🥰唔知佢哋用咗咩方法，個意粉超級掛汁，每一啖都會食到一個好平衡嘅融合。
繼續閱讀
今次是第五至六次光顧這間Cafe，一直以來也很喜歡這兒，但這次的用餐體驗非常失望 😞。首先，餐廳內有四至五隻體積頗大的烏蠅 🪰，在用膳過程中反覆飛來飛去，讓人感到非常不舒服。更糟糕的是，我不確定店員是否沒有留意，但他們除了製作食物以外，幾乎全程都在玩手機 ，完全沒有注意到顧客的需求。我點了一份 All Day Breakfast 🍳，之前來過的時候口感非常好，但這次上碟的waffle明顯煮得過熟，烤得好燶 🔥,甚至有少少苦味。另外，大啡菇明顯不夠乾身，切下去的時候非常困難，還噴出了很多水 💦，弄得整碟食物都沾滿了水，口感大減。另外，我向店員要求一杯清水 💧，他很快給我，但杯子明顯有污漬，杯身好像有一層塵一樣灰濛濛，拿上手也是有塵，感覺不乾淨 😒。整個用餐過程實在讓人感覺不良好，烏蠅不停在面前飛，我只好快快吃完就走了 🍽️💨。總的來說，這次的用餐體驗非常失望，過往我都好喜歡這間cafe, 曾幫襯過4-5次了，但這次真的大打折扣，希望餐廳會有改善。
繼續閱讀
行過覺得間cafe嘅風格幾舒服 所以就直接行入去食～ =🥗||All day breakfast $108||揀咗三文魚&雞胸做side dish慢煮雞胸真係驚艷到！超嫩超多汁！平時覺得7-11嗰個雞胸已經算好嫩好好味😂，但呢個真係再香嫩啲！好surprised!!!!仲有蛋沙律打得好碎我好鍾意😂，整體較淡味，所以加埋鹹香重嘅三文魚就啱啱好🤭抹醬我揀咗黑松露醬，超大方比足一大羹，不過醬都係偏淡身嘅Sourdough就正正常常啦=🍝||鮮茄肉醬意粉 $88||小番茄同埋肉醬加咗蒜蓉炒香！好多肉碎幾足料！意粉就中規中矩，個人鍾意creamy啲嘅意粉，但呢個意粉就濕啲，各有喜好啦～=不過有啲插曲😢因為太相信店員，所以都冇問佢攞單，直接拍卡就算了，結果之後check返張信用卡，先發現收咗我$246，但就算係$108+88=$196，再加一都好，頂盡係$215.6，完全唔知點解可以直接收多我一個飯錢……但小店店員似係老細，應該唔會犯計錯數/唔熟menu呢個低級錯誤🥲🥲🥲🥲🥲 不過知道自己都有責任check多次個數，所以都冇辦法再追究，只係希望佢唔係存心的吧🥹始終店員都幾友善的！同埋油煙味有少少重🫣🫣希望可以改善下～🙏🏻🙏🏻
繼續閱讀
Cafe鄰近荃灣廣場，食完午餐之後就去睇戲行街。大約1pm入座，餐廳只有兩枱食客，不會人多擠擁，餐廳環境亦安靜。餐廳內部裝飾行藝術風格，有手繪插畫及油畫。座位舒服，冷氣充足。另外餐廳是採用先付款的方式。全日早餐中間果球係薯蓉，入面有切碎咗嘅雞蛋；窩夫即點即做，外脆內軟，不過雞胸就冇乜溫度。沙律好大份😂我幾鍾意呢個意粉，茄汁酸酸甜甜都幾開胃，另外唔會炒到淋晒，擺盤亦都精緻。兩杯飲品賣相都唔錯，LATTE 正常發揮，拉花都好靚。朱古力味道唔錯，冰係一大粒係個杯到保持溫度，不是碎冰。
繼續閱讀
平時好少機會嚟荃灣，難得放假過嚟，知道有好多Cafe，就決定食甜品，嘆杯咖啡，chill一chill😝Bench Cafe喺一個轉角位，店面座位唔多，勝在光線良好，裝修同佈置都舒適溫馨，係一間令人放鬆的cafe☕️╴ ╴ ╴ ╴ ╴ ╴ ╴ ╴❀ ╴ ╴ ╴ ╴ ╴ ╴ ╴ ╴ ▶ ∗︎*ﾟ 日式雞蛋布甸 Egg pudding賣相真係同動漫入邊見到嘅一樣😍用華麗嘅布甸杯，上面有士多啤梨同cream做點綴，加多塊薄荷葉🌿少女心爆發🥰除咗賣相，味道一啲都唔馬虎，布甸蛋味香濃，焦糖比較流質，唔會太甜，突顯布甸嘅蛋香🥚重點係口感非常滑溜，入口有份量唔會似食緊空氣！啖啖幸福！▶ ∗︎*ﾟ Oat milk latte咖啡好飲！入口順滑，有nutty香，轉oat mlik都有靚拉花😆▶ ∗︎*ﾟ 宇治抹茶窩夫 Waffle with hand-made ice cream (matcha & red beans)窩夫分咗四大舊，好有份量！都係行濃郁蛋香路線，帶有抹茶清香，但唔會冚過蛋味，作為窩夫絕對合格☺️烤到外脆內軟，特別係邊邊位整到脆卜卜😆不過食嘅時候要小心界口，如果可以淋少少會更啱我胃口。不過最驚喜一定係自家製雪糕💚！係濃郁嘅抹茶雪糕，帶有抹茶獨有嘅澀香，係令抹茶愛好者感到滿足嘅味道🥺❤️配上淡淡抹茶味嘅窩夫，好治癒🫶🏻不過我見而家Menu上面已經冇咗抹茶窩夫，但相信其他口味嘅自家製雪糕都一樣出色，下次絕對會再試！╴ ╴ ╴ ╴ ╴ ╴ ╴ ╴❀ ╴ ╴ ╴ ╴ ╴ ╴ ╴ ╴ 舖頭坐得舒服，店員亦好友善，甜品非常出色，係一間食完充滿幸福感嘅咖啡店❤️
繼續閱讀