BIELLA Restaurant (已結業)

呢日經開呢頭辦事，順便又到雞地揾吃貨兜來兜去見呢間舖頭細細，最岩我揾吃貨宗旨。不過，原來佢晚上會租借埋旁邊既舖頭座位架！咁就多左間舖面用變相多左十張八張枱囉~ 可能當日早去幫襯，地方雖少但未見得好迫。我就揀咗2人前海鮮set ($438)其實都真係幾多野食，份量足夠。 海鮮盤 (生蠔、青口、熟蝦 & 翡翠螺) 生蠔：細左少少，唔太肥青口：不過不失熟蝦：唔夠爽脆新鮮翡翠螺：尚算新鮮，彈牙唔韌賣相吸睛 但食材方面可能要留意下，爭少少囉 黑松露野菌意大利飯呢個Risotto可以講好食，香濃既醬汁，意大利飯煙韌 澳洲穀飼肉眼扒 (medium) 塊ribeye好正岩岩好medium，外面焦焦地好香口，咬落肉質好嫩，好pinkpink薯蓉又係即得一提好creamy 迷你小泡芙 (跟餐甜品) 本人好少食泡芙，不過見細細粒就比個機會你 味道ok，唔甜，岩我口味。仲有我至愛朱古力醬配埋食總括黎講，今餐環景ok靜靜哋，坐位都舒適唔太迫，食材尚可，但海鮮類有改善空間。 希望下次再來有驚喜

細佬豪請一班在婚宴上出心出力ge弟兄姊姐，24人浩浩蕩蕩到BIELLA, 由於店子小，我地已經差不多包了一間房。這西餐廳真的很有誠意，由待應到主廚都是一群年青人，很有heart, 不惜山長水遠去到元朗我是生蚝控，細佬特別預訂了4打生蚝，得新鮮亦很肥美。特愛跟住到小食，有蒜香薯條，黃金雞翼，特別在廚師用心地用蛋黃炸至金黃色，及是單骨，方便女仕細細啖。細心哦😍然後到餐湯，很creamy 的磨菇，重點是可以任加的自制餐包🍞🥐🥖，不可不吃。由於樣樣都想試，所以share啦～ 意大利飯夠cream,意粉夠彈牙，不太喜🐷的我，這店ge黑毛🐷很有感又不肥，銀鱈魚ge source 配薯蓉一啖已愛上了。仲有細佬特pre-order 大過人頭的40oz🐮🐮，這真的是不得了。最後當然係我最愛的甜品 cheese cake 比我想像中較軟身仲有我今晚最期待ge西班牙油炸鬼，果然係無失望呢。。大愛的dessert

Azores 後輪到 BIELLA 的介紹，其實這個舖位前身曾經是 Chef's Stage Cafe（現已搬大舖，生意有聲有色了！）及 JC Room；由於店舖太細，由早兩手開始，每到夜晚都會佔用 開心小敘的舖位，營業模式非常有趣。   趁著囝囝考試開鑼，放學後帶了他來午餐，他那份餐還會有9折。雖然地方不大，但小店內的氣氛及播的音樂都幾舒服，環境令人想起之前的兩手餐廳；我對美食的回憶就是這麼的深啊！ $58-88 的午餐包廚師推介餐湯配麵包條，麵包條非常鬆脆，點上千島醬很好吃；餐湯對我就稍濃稍鹹了一點，但欣賞它熱度很足，喝下去很暖胃舒服。 給Matthew選點的凍朱古力 (+$15) 也上檯了，看他高興的樣子！在心愛的美食面前，我們一家人都是毫無抵抗力的.... 我選了 Biella 全日早餐 ($78)，以木砧板型格呈上。除了火龍果、沙律菜、茄汁焗豆，其餘的腸仔（估不到有質素）、火腿、炒蛋（也不錯）、煙三文魚、多士全是囝囝最愛的美食，結果他還吃得比我多！其實只計早餐食物，份量不算太多，但連同薯條就很飽了～ 囝囝點了 安格斯牛肉漢堡配薯條 ($68)，其實那包身較硬，牛肉漢堡又較

店子不大所以一至兩人去食比較易搵位。餐牌的選擇不算太多,但大路的都食到。沒有加一,性價比稍為提高。我們二人各選了一個SET DINNER。 自製的麵包加埋隻似芝士蛋黃醬,味道好夾,麵包鬆軟好味~!餐湯似蕃茄湯,味道酸溜溜的,好開胃。等了10多分鐘,和牛漢堡到了~~份量好多呀!女仔食可能食唔曬。蒜香薯條剛炸好所以熱騰騰的,而且脆卜卜,好惹味。和牛十分厚,肉質新甜存有肉汁,但有點鬆散。但整體味道都好味,食完唔會太口渴。墨魚汁海鮮意粉,大蝦,帶子以及青口都算新鮮,沒太大的雪味。墨汁一點也不吝嗇,每條意粉都沾有飽滿的墨汁,食一口嘴唇即刻染成黑色,哈哈!軟硬適中,而且熱烘烘的,好食。檸茶用茶包上,但有誠意的不是用便宜貨,呢點細心值得加分一定有下次呢

聖誕節諗住帶兩老去食聖誕大餐，但又唔知食咩好，諗起朋友題過元朗有間唔錯既餐廳，就去左試下我地叫左一個Biella 精選海鮮餐+一個紐西蘭羊西冷Hoegaarden Biella 精選海鮮餐揀左：卡邦尼意粉低溫慢煮美國黑毛豬鞍生蠔海鮮拼盤，生蠔好新鮮肥美😍帶子好鮮甜😍青口同蝦都ok😋南瓜🎃忌廉湯好濃郁卡邦尼意粉味道岩岩好唔會太咸低溫慢煮美國黑毛豬鞍好多肉汁😍紐西蘭羊西冷味道都👌🏻精選甜品超級超級好食❤️❤️❤️但我唔記得叫咩名總結：今晚非常滿意侍應態度亦好好

今日本來冇諗過出街食，點知男朋友話公司收早，想約我去食飯，我當然義不容辭去認約啦！ 我本身住香港區，而男朋友就住元朗，所以今次就佢，今次佢帶我去佢朋友開的餐廳食飯，呢度好似叫雞地，估唔到呢間新開餐廳幾底食好味。我有意外驚喜，裝飾還可以，但食物真係好新鮮，一定會再幫襯。海鮮頭盤新鮮。牛扒都好味。估唔到配菜薯蓉咁滑。由其是個豬按，很有口感，彈牙，唔會過咸，最後再加埋個甜品-意加利油炸鬼（Churro) 加分。😋😋😋

今日去左Biella食晚飯食左「精選海鮮餐」勁抵食呀！$428有海鮮拼盤：4隻生蠔、4隻青口、4隻熟蝦、2隻大帶子黎到仲要勁新鮮！勁鮮甜！另外仲有餐湯同主菜可以揀，主菜我揀左卡邦尼、低溫美國黑毛豬鞍卡邦尼的意粉係廚師手造的！食落都質好有質感！而且味道較得好好呀！另外值得一讚黑毛豬鞍做得好好！因為入口唔會好乾，肉質有油仲好juicy添！另外加左$48任飲紅酒！飲左3杯抵返哂！值得再encore呀！！！

原本去Yoho mall 食晚飯，居然在附近雞地找到一間新開好有heart 又好味的小餐廳. 麵包送的但食到要encore 暖暖的好味道. 南瓜湯又濃又甜，看得出廚師有要求，雖然是跟餐但一點也不求其. Starter 試左白酒洋蔥煮蜆，蜆大隻好鮮甜好美味，下次必定再食；主菜叫了黑松露野菇義大利飯，質素高，飯不會太硬或太䭃；蟹肉意大利手造麵絛有待進一步改善得更彈牙，蟹肉同醬汁好味道；已經太飽沒有試甜品，下次一定要試👍👍

最近見到元朗開咗間新嘅西餐廳，好奇就同朋友去試吓，原來係食意大利菜。啲食物質素同味道又幾好喎，小食方面，我地叫左黃金雞翼同蒜香炸薯條，試完我地都覺得好正，特別係薯條好香蒜味，其實唔使點茄汁都已經好夠味！主菜方面，佢哋嘅羊西冷同牛扒都好好食，我地叫左黎share食，份羊西冷確實令我好驚喜，我本身勁怕食羊肉，怕佢嗰陣蘇味，今次叫左，班朋友話無蘇味，我都實在諗左陣先試。食落口又確實無蘇味喎，同埋個底配左啲薄荷味嘅薯蓉，同羊扒好搭，味道好特別呀，薄荷同小小甜甜地。食食下我地忍唔住開埋支白酒黎送啲主菜，哈哈！呢間餐廳真心唔錯！會再去～^ _ ^

今日誤打誤撞，我同1個朋友加1個小朋友入左一間格局環境舒適嘅意大利🇮🇹餐廳食晚餐，一推開門，有禮嘅服務員就很好笑容地招呼我們（第一個感覺最重要）我們二人點了支紅酒，店員推薦我們試羊扒同肉眼扒，因為我地有一個小朋友，所以再追加薯條及和牛漢堡。講真，元朗來說，我地有去開大型商場嘅西餐廳，但相比之下，呢間biella 確實有驚喜，因朋友喜歡而從不食羊的我，亦讚歎不絕，餐廳提供的醬汁很好，但原汁原味已經令我再（安哥），味道，環境通通超出價錢，抵食！值得真心推介，各路食神絕對可以一試嘅元朗隱世西式餐廳👍🏻忙碌一天後，有一個舒適嘅地方好好休息享受晚餐，是多美好的事。

今日經過元朗，經過這間意大利餐廳，竟然有驚喜磨菇湯好creamy，佢地自製麵包加埋隻醬，真係超好食薯條外表好似無乜特別，但食落又幾好味，因為廚師在薯條上加少些海鹽，唔會太咸同太淡，加埋熱辣辣，必食之選黃金蝦食得多，這款黃金雞翼第一次食，好得意隻雞翼係單骨，廚師話可方方便食客容易咀嚼，真細心我最鍾意這款意粉，特別係d蜆，好有海水味，放入口隻蜆好多汁，好食到不得了卡邦尼意粉上加上約片薄薄的芝士，口感一流

元朗一向都唔少西餐廳 今日同媽媽同男朋友 三人行 去左新開既Biella元朗既西餐普遍都比較細間 所以位都唔好好彩唔洗等位 岩岩好坐左最後一張首先叫左個黃金雞翼 $78雞翼開邊 好重蛋黃味 超正🤤叫左媽媽最愛的肉眼牛扒 $178真係好抵食 好厚肉黑椒汁好香😍 媽媽讚口不絕當然唔少得我最鐘意既黑松露Risotto $108真係超級推薦 好好食😭😭好濃既黑松露味另外叫左個Carbonara $98好香蛋味 不過相對地無Risotto咁特色我地加左$18甜品 個chocolate cake真係無得頂好濃既朱古力味 好抵呀十八蚊無諗過水準咁高 ❤️ 元朗真係好多好餐廳

同朋友經過就隨意揀左呢間新開既餐廳澳洲肉眼扒$178牛扒外脆內嫩，有燒過既香味配菜係薯仔同bb蘆筍西班牙黑毛乳豬卷$228乳豬好香同肥美，一個人食晒有d heavy，如果幾個人share就好正所以我飲左好多水，要侍應頻頻幫我加水有少少唔好意思～甜品！甜品！甜品！係一定要試！本身個人唔太熱衷朱古力甜品，但呢度既朱古力蛋糕一試愛上！朱古力好香濃，甜度剛好，中間有層朱古力脆脆無諗過+$18既甜品係咁好味西班牙油炸鬼係剛炸好，熱辣辣！面頭灑上肉桂糖同點朱古力醬甜品係出乎意料之外地正所有菜式都感受到大廚既用心製作，簡單既伴碟沙律、薯仔、蘆筍都好好味～侍應服務亦好貼心、好主動～～～遺憾無影到食物相，下次會再試其他菜式再寫詳細d