影片
港鐵土瓜灣站A出口, 步行約6分鐘
繼續閱讀
營業時間
星期一
全日休息
星期二至日
12:00 - 20:00
以上資料只供參考, 請與餐廳確認詳情
咁啱朋友係土瓜灣放工，又想食burger就搵到呢間Big Daddy's Little Cafe，睇openrice好多人都係推介Smash爆裂大大個burger，咁就叫呢個signature啦～佢呢度加$15可以轉做套餐，配汽水同薯條或者薯角，加3蚊可以轉其他炸物，不過我鐘意食薯角就無加錢轉啦Smash爆裂$78smash burger原來係要一拳打扁個包再食😂😂 好好玩～ 不過個包本身都好大好高身，所要都要smash佢先咬得曬成個😂😂一咬落去塊肉好Juicy，爆曬汁，燒洋蔥同醬都好香，蕃茄同生菜都好新鮮！有2塊漢堡扒夾住蕃茄、芝士、生菜、酸瓜、燒洋蔥仲配埋佢個醬好夾，同埋2塊肉真係好厚好抵食！不過真係有啲遠，所以都應該唔會再過嚟食lu
繼續閱讀
又試下未食過嘅漢堡店, 上網揾到土瓜灣未食過嘅漢堡店, 就揾到間叫"Big Daddy's Little Cafe", 間舖位置唔太就腳, 又係下午茶時段去, 去到冇其他客, 叫咗個網上多人讚嘅Smash爆裂試下, 70蚊唔算貴, 再加15蚊有薯條汽水叫平, 我俾多3蚊轉洋蔥圈, 叫完等咗十零分鐘包到, 個包面積好大下, 兩塊安格斯漢堡扒好大塊, 但唔會整到好高, 似將所有材料攤開咁, 好處係食起上來可以一口咬到成層包, 我覺得咁先係食漢堡包, 洋蔥圈份量好似唔太多, 同炸起太多油喺度, 講真麻麻, 雖然漢堡扒份量好足, 但冇咩牛味, 調味配料配汁唔錯, 一啖咬成層食好滿足, 成個包質量ok, 總括而言呢個價咁大個包又兩塊咁厚安格斯漢堡扒叫抵食, 呢個價冇得輸, 但只感覺抵食, 未有衝動下次要再來食嘅感覺
繼續閱讀
無乜食評嘅餐廳，本身都無乜信心，個frd推介所以先跟佢去試下。原來舖頭係黑人開，frd話好似都好少見黑人開餐廳會做marketing/promote之類，所以都係賣口碑裝修同枱櫈簡單得黎都幾溫馨，老闆又會rap住煎漢堡好chill，又係咁撩人傾計😂，佢話研究緊煙肉漢堡，應該下星期就會加入menu😂，配 bbq燒烤醬Carolina 南部特式 $75（漢堡扒、芝士、肉醬、沙律椰菜絲、南部特式潢堡醬）第一啖食落去都幾驚艷，完全係肉醬意粉果隻肉醬🥹，個扒都幾juicy，個包幾甜，食剩左1/3，都好夠飽🫠跟餐+$15，轉蕃薯條+$3，內極脆外軟、綿、甜，幾正，但真係剩食包已經極飽🥹Chiti cheese 芝士肉醬 $70（漢堡扒、芝士、生菜、蕃茄、酸瓜、肉醬、自家漢堡醬）呢個相對無Carolina咁驚喜，2個有啲相似，但呢個無乜特色咁，無果一下搶眼/突出嘅味道，係有啲平實嘅感覺，同埋呢個塊扒相對乾少少推介指數：🌝🌝🌝🌝🌗入到黎嘅都可以試下佢✨
繼續閱讀
。O小姐 。土瓜灣漢堡包之旅。日常。太早起身，諗唔到食乜好…網上面話土瓜環有好多野食..甘就入去土瓜灣尋寶啦！原來好多餐廳都冇咁早開😳😳本來想去一間打卡餐廳..點知甘早就full book jor ??!!!正當失望之餘..係一條小巷中間發現左呢一間漢堡包餐廳！佢門口係真係好隱蔽的，好容易會Miss咗…趁住佢啱啱開舖，就早去第一個客人😛餐廳既裝潢，我覺得係美式餐廳嘅感覺..唱上面嘅相片令我覺得有啲R&B feel…仲有大大個塗鴉….主食方面，叫咗Smash 爆裂漢堡！ 我諗食完一個個肚真係會爆裂..好大個，有兩塊厚既牛肉、仲有芝士、蕃茄、仲有唔鍾意食既pickle 🙈… 個漢堡包嘅牛，唔會太So，漢堡有牛味🫶🏻而另一個係Nashville Hot Chicken 🐓 一上枱已經聞到有Tabasco嘅味道🙄原來佢仲加咗紅辣椒、仲有少少黑糖😳估唔到喎(呢個係俾錢嘅時候問老細/店員既)。佢呢度係咁嘅，除咗叫主食之外呢，你可以加$15轉套餐， $15套餐就可以揀汽水嘢飲再加一個薯條或者薯角，如果你想轉其他炸嘢，就再加多$3..飲品方面，叫咗個無糖可樂，在叫咗過去推介嘅青檸梳打水😃炸物方便就叫咗個薯角（佢係新鮮薯仔嚟㗎！）仲有加錢叫咗個洋蔥圈，即炸即上👍🏻好耐冇食過洋蔥圈啊！食完賣單唔使兩舊水，抵食啦👍🏻重點係，咁熱嘅天時仲有冷氣呀~PS: 落單時可能需要少少英文，如果唔識嘅話就學我哋香港人嘅傳統this this this lah! 🤣
繼續閱讀
同朋友行開土瓜灣，見到有間小店漢堡包😍🍔我哋揀咗2份Combo Set🤤🍔+🍟+🥤Smash💥🌟🌟🌟🌟好豐富🤤2塊 4.3安士漢堡扒、芝士🧀、生菜🥬、蕃茄🍅、酸瓜🥒、燒洋蔥🧅、自家漢堡醬Nashville Hot Chicken🌟🌟🌟🌟🌟辣味烤雞堡🤤仲有得揀辣度🌶️炸雞胸肉🐓雞肉嫩滑又多汁、生菜🥬、酸瓜🥒、自家辣醬洋蔥圈超正🧄🤤另外仲有新推出嘅炸🍠番薯條😍
繼續閱讀