影片
更多
2014-09-30
1182 瀏覽
以前一話落吧就會諗啲人落去只喺劈酒、隊酒，但依家嘅印象有啲改觀。先後去過好幾間酒吧餐廳，發覺所做嘅食物都有一定水準，唔喺hea住做嚟應酬啲客，而且，好多都會有Happy Hour優惠時段，真喺夾啱好個時間，三幾個朋友落去當食餐飯，感覺實在唔錯 。趁著Happy Friday，由朋友引路嚟到灣仔嘅Billidart Restaurant & Bar，一間美式酒吧餐廳。因為佢知道晌歡樂時光時段，做緊個Happy Hour Snack Combo，以$128個價錢就可以晌近廿款嘅「小食」當中任揀3款，而從大餐牌所見，啲小食本身定價大概$60、$70一客，依家就變相喺買二送一咁 ；再者，歡樂時光各類飲品亦有買一送一優惠（限同款） 。歡樂時光去到8:30pm，最好就喺晌截單前落單就無問題，之後可以繼續坐。從牆上嘅牆畫所見，唔同日子都加插唔同優惠，好似星期一晚，所有雞尾酒都喺$58，比正價$80、$90多平近四息。不過，無問佢可唔可以夾埋歡樂時光買一送一個優惠，如果得就更划算。環境上跟一般只飲酒作樂嘅酒吧多好多設施，如美式桌球枱、飛鏢機……等等，座位闊落，空間感強，加以燈光、音響，的確令人可
趁著Happy Friday，由朋友引路嚟到灣仔嘅Billidart Restaurant & Bar，一間美式酒吧餐廳。因為佢知道晌歡樂時光時段，做緊個Happy Hour Snack Combo，以$128個價錢就可以晌近廿款嘅「小食」當中任揀3款，而從大餐牌所見，啲小食本身定價大概$60、$70一客，依家就變相喺買二送一咁 ；再者，歡樂時光各類飲品亦有買一送一優惠（限同款） 。歡樂時光去到8:30pm，最好就喺晌截單前落單就無問題，之後可以繼續坐。
從牆上嘅牆畫所見，唔同日子都加插唔同優惠，好似星期一晚，所有雞尾酒都喺$58，比正價$80、$90多平近四息。不過，無問佢可唔可以夾埋歡樂時光買一送一個優惠，如果得就更划算。
環境上跟一般只飲酒作樂嘅酒吧多好多設施，如美式桌球枱、飛鏢機……等等，座位闊落，空間感強，加以燈光、音響，的確令人可以拋開吓煩惱嚟輕鬆一番 。
Happy Hour Snack Combo我哋揀咗一個沙律，一道油炸小食，怕唔夠飽，最後一樣就要一客薄餅墊肚。食物未到，就先食住爆谷同橄欖，不過，正如一般酒吧嘅果仁咁，收費就必然，前者收$25，可惜唔夠香，又腍腍哋，後者收$38，幾好喎，無過鹹嘅現象。
凱撒沙律 個沙律做得有板有眼，沙律菜冰涼爽脆，醬汁調校都不俗，酸香醒胃，加埋麵包粒、芝士粉，又夠份量，以酒吧餐廳計，真喺交足貨。
日本吉列生蠔一客4粒嘅吉列生蠔，呎吋細都預咗，雖然入口唔喺好油，但感覺有點乾。
夏威夷菠蘿雞柳薄餅 大概8吋大嘅薄餅熱辣辣上枱，睇賣相真喺唔差喎，批底薄薄脆脆，面頭鋪滿各種餡料，菠蘿、雞肉、莫沙里拉芝士，估唔到食落比想像中好食 。
Mango Smoothies $68酒就一向都唔好，Mocktail啱我多啲，Smoothies更多數喺心水選擇，芒果味唔算好濃郁，質感亦比較稀，但買一送一都算抵飲啦。
Blue Hawaiian $88朋友杯Blue Hawaiian真喺幾靚，咪被佢「色」誘到，原來依杯雞尾酒飲落唔覺唔覺酒精好易上腦 。
是晚所見，大部份都喺斯文客，女生亦不少，，而且，早段歡樂時光人亦唔多，喺走嘅時候先開始多人，感覺又雜啲。故此，趁早段嚟食吓飯、飲吓嘢，既消費平啲，又無咁雜 。
張貼
