Billidart Restaurant & Bar (已結業)

返工咁悶咁辛苦，放工梗係要relax下，之前上黎食過lunch已經覺得好好味，夜晚變身成酒吧，響應下香港夜繽紛就上黎蒲下氣氛一流仲有好多野玩，服務又態度親切，好似返左屋企咁

中午來到一家樓上酒吧餐廳，中午是餐廳，晚上是酒吧，店內擺放數張桌球枱及飛鏢機，整體空間寬敞✨香煎紐西蘭肉眼牛扒（$68）牛扒夠大塊，飯和配菜份量足夠，可惜肉全熟了，有點難咀嚼，另落單時點了黑椒汁，但好像上錯燒汁，不過食落還可以，就沒有刻意更換了🪄凍蜂蜜菊花蜜（+$3）蜂蜜味道濃郁，帶有淡淡的菊花香氣，適合夏天享用餐廳還提供餐湯任飲，每天的餐湯都不同，是一個很好的加分點但是店員一直催促我們落單賣單，介紹餐湯自助形式也很隨意，讓是次用餐體驗有點不好，服務態度需要改進

今日同同事一齊食呢間作為我哋嘅午餐。我叫咗鰻魚滑蛋飯，非常之大碟。而且仲有包埋餐湯同埋餐飲。以$60至$70左右嘅價錢就食到呢個質素算係性價比高。有機會都會再次嚟食。

今日同幾位朋友搵間環境chill chill 地，又茶記午餐價錢嘅餐廳食飯。呢度中午有好扺食嘅午餐，水準都唔錯架，大概$60-80有午餐，包杯飲品，另外仲有餐湯任飲。其中個中式牛柳意粉🍝好多牛肉。非常好味🤤而牛排煮得岩岩好，唔會過火；係呢度又可以配意粉或者飯或者薯條。黑松露三文魚白汁意粉賣相都唔錯，朋友食完就話其實可以比少啲意粉，份量好大碟。滑蛋鰻魚飯碟上賣相就差咗啲，完全唔知道係因為舊飯太大嚿定係條魚太細條😆 不過個味道都好好嘅 😂

一出lift就見到有三張桌球枱，不過晏晝應該唔開放俾人玩🤣佢哋提供嘅都係一般嘅午餐西餐，不過份量好大，肥仔都會食得飽！飲品方面，除咗平時啲咖啡和茶，亦都有特飲提供，仲要係免費，例如紅豆冰、檸檬利賓納。呢度嘅餐湯係任飲嘅，近吧枱嘅位置放咗兩大煲湯，當我哋以為係一煲西湯一煲中湯嘅時候，點知打開原來兩煲都係一樣嘅中湯😅不過味道都OK我地叫左黑松露醬三文魚意粉、香煎金目鱸魚柳拼炸帶子、香煎紐西蘭肉眼牛扒。食物質素方面，不過不失，對得住個價錢。

在附近工作，有時間便會和同事到這裏吃午餐，因為地點方便而且坐得尚算舒服，而且可以免費任飲湯，中湯或西湯都可以選擇。午餐算多選擇，作為一間西餐廳質素都尚算可以接受。

樓上酒吧食午餐😋平時都好鍾意黎呢間食午餐 性價比極高 每日既湯都唔同 有時西湯有時中湯 重點係可以自己任斟 環境有格調 坐得黎舒服 🍱滑蛋鰻魚飯 $68我冇講錯個價錢 佢鰻魚飯咁大條原條上都係賣緊68蚊❣️ 我自己去超市買一條都差唔多呢個價錢 再用蒲燒醬汁淋上去已經好好食 一啲都唔腥 再搭配滑蛋真係好嫩滑 再少少粗黑椒粒作調味🤤 我真係好鍾意😍🥩海陸空雜扒（黑椒汁）配飯 $68上菜個一下見到蟹鉗真係意想唔到 然後仲有豬扒雞扒煙肉肉腸真係好足料 就咁食餸都已經飽左 全部都嫩口容易入口 唔要飯可以選擇配薯菜或者意粉 咁多野食加埋都係呢個價錢...但最後個環境衛生略為有點保留 要留意下身邊環境有冇啲小昆蟲😰但食物係好食同抵食 價錢唔洗加一仲包埋一杯野飲 湯又可以任斟 真係冇得輸

同事帶我黎佢間私藏飯堂😂，梗係跟佢黎搵食睇下有幾正😋。位置雖然有啲遠，但環境唔錯，夜晚係酒吧有billiard同dart玩，應該係舖頭名既由來😝。🔅餐湯呢到餐湯係任飲，自己可以隨便裝😝。今次係蕃茄雜菜湯，都唔錯，好足料👍🏻。🔅蔥油瑞士汁豬扒拼牛仔腸 ($68)同同事一齊揀左呢個set食😂，因為有薯菜！！豬扒大大塊都唔錯，又唔會痴牙，保留到豬扒既口感。蔥油就唔係好食到，但瑞士汁甜甜地好正。薯條有墊底所以掂到少少瑞士汁，另有一番風味😂。鐘意佢既薯條炸得好脆！粗幼適中，如果多啲就好啦🤤。腸就正常味道，無乜特別。💬Menu會經常轉，有新意唔會食到悶，可以去佢fb搵到。食物同環境都唔錯，好快上菜，又有湯任飲，特飲唔洗加錢！雖然食牛扒其實先係最抵😂，但我同個同事都唔食牛扒所以有機會同其他同事黎再包膠🖖🏻。

衛生有問題，凍檸茶有曱甴，即刻扣哂分，唔洗再評價食物。諗住lunch去試下d唔同地方既野，見依間餐廳既特別，有得玩飛標同桌球。雖然最後都冇玩，只係叫左個lunch set，但食物衛生不好。

Billidart Restaurant & Bar 地址: 灣仔杜老誌道6號群策大廈8樓電話: 21443000=====================好大間酒吧呀，佢中午有lunch 食架，有食肆牌照會好好多，疫情下好多純賣酒的都結業撐不住了。lunch 要了雞扒腸仔跟薯菜，可以跟意粉或飯都得薯條好脆，仲好醒目見我食french fried 主動比埋枝ketchup 豬扒大大塊好入味，腸仔都唔係hea 的cheap 廚師腸，幾好味的湯自己裝再包飲品

大食妹之前同同事喺呢間Billidart Restaurant & Bar farewell, 覺得幾好食, 又心血來潮同大家分享一下<香煎紐西蘭肉眼牛扒>午市套餐唔算太多, 以焗飯同扒類為主大食妹就嗌左呢份香煎紐西蘭肉眼牛扒牛扒算有啲厚度, 味道偏港式, 仲可以自選醬汁大食妹就揀左經典嘅黑椒汁, 唔知係咪由細到大嘅一個習慣, 牛扒一定要配黑椒汁, 而豬扒就要配洋蔥汁Billidart嘅黑椒汁少少辣辣地, 牛扒食落啖啖肉薯條亦炸得超級脆配菜仲有脆玉瓜同紅蘿蔔呢

呢間位於杜老誌6號群策大廈8樓嘅酒吧，午餐時間snooker 任玩，餐湯任飲，可以令打工仔一族在午餐時間輕鬆一下嘅最佳地方👍🏻，每日午餐都不同，以西式🍽為主，須然味道不算最好，但一定也不是最差，可以講呢個地點有間甘嘅質素餐廳，已經是好好，係灣仔返工嘅，你、你、你，未試過一定要去試吓，餐廳侍應服務態度非常好，有誠意，價錢亦是大眾化，一搬茶餐廳價錢，但一定好食過茶餐廳。值得一讚，呢間餐廳以前午餐可能餐湯任飲，所以跟餐沒有飲品，如要飲品需要加錢，現在可能疫情關係，已經不用加錢，跟餐有免費飲品了，更驚喜的是重可以選擇紅豆冰、菠蘿冰。👍🏻👏🏻👏🏻

午餐想食西餐，這間不二之選！本身好少在灣仔搵食，今次第一次到這間餐廳🍴試試，燈光比較暗，地方大，坐得舒適，還設有電視機和桌球枱🎱供客人娛樂。午市套餐包餐湯任飲，是自助形式，而餐飲需另加錢。點了黑椒牛扒5成熟，夠厚夠大塊，最緊要咬落去唔韌，5成熟恰到好處👍🏻黑椒汁不多不少，足夠塗上每塊牛扒，另外還有薯條，外脆內軟，如不配薯條，可配飯或意粉。本來唔食配菜的我，也試了一舊紅蘿蔔🥕不會太硬，比較淋也有味道，不是白恰味道。侍應好貼心提供茄汁，服務不錯。這煙三文魚不錯，不會太鹹，有約3至4片，如果可以再多點蟹籽就更好。(本人比較貪心)意粉內還有洋蔥和黃椒，有口感並且多汁湯可任飲，比較濃味但飲完不會覺得口乾口渴，但有少少油。總括，份量適中，價錢合理，性價比高。

位於灣仔的Billiland，是一間樓上酒吧餐廳。聽聞餐廳原本只在晩市時段服務，可能生意難做，最近更有午市套餐供應，讓一班打工仔又多一個選擇囉。餐廳在我公司附近，同事們光顧一次後，覺得味道很好，所以時日又去吃午餐啦。Billiland的地方很大，裝修風格跟大多的酒吧無異，空間感十足，餐台餐具猶如卡拉OK房的設計，更設有大電視，士碌架和飛標機，供客人相約一大班朋友玩樂消閒，真的不錯呢。午市套餐非常掋食，價格由$58至$88不等，雖然選擇不多，但具備雞，豬，牛，海鮮等，必定有一道你喜歡的唷。午市不加一，餐湯仼飲，士碌架仼玩，吸引很多上班族光顧呢。該日餐湯是蕃茄薯仔豬骨湯，豬肉的味道非常濃列。聽聞湯品每日不同，上次則是西式羅宋湯唷。香煎肉眼扒 $88肉扒類，勻可配燒汁，照燒汁或黑椒汁，可選薯菜，意粉或米飯。個人認為牛扒跟黑椒和薯條，是絶佳配搭，味道果然不錯呢。滿滿的黑椒汁，佈滿整片肉眼扒，傳來濃香的黑椒味。牛扒沒預先詢問熟度，廚師約煮成九成熟，牛扒不但大片，且超級肉厚，猶如兩片牛扒的厚度，肉質很嫩腍，黑椒醬略為太鹹，但整體味道也可以啦。薯條非常香脆，薯心較為通透， 香囗脆卜卜哦。

樓下有一個好熱情嘅哥哥派傳單所以畀佢打動咗決定今日lunch就試下見到價錢又唔係貴款式都幾多選擇上到去一坐低就覺得好大陣酒吧味不過都尚算坐得舒服但係未落單就發生不愉快事件話說有位同事食素專登問下佢可唔可以意粉走肉我哋都只係要求加多兩粒菇 或者少少蔬菜畀佢🥦🥦🥦咁都話唔得...唔通要人哋淨係食意粉加隻蛋咩....🥚🍝肉就識走錢咪一樣係收番咁多?!"要加嘢畀你真係做唔到"職員態度非常一般做唔到就算唔想再問再受氣之後開始咗落單兩秒都冇就畀人窒住曬"等等啦!逐個逐個嚟如果唔係點知你哋叫乜嘢?"算啦都唔緊要可能咁樣真係會比較方便人哋落單🙄🙄🙄點知嚟到啲嘢都可以錯曬???九個人嚟咗十一杯嘢飲🍹🍸🍷🥃🥤☕🍵🥛🍶🥂其中一位同事想要凍檸茶嚟咗兩次都錯亂七八糟。。。我真係唔明咁落單清晰咗去邊!?食物質素還好卡邦尼意粉都幾大碟幾足料意粉唔會黐埋一舊舊稍為鹹咗少少啲扒餐都算係咁起碼豬肉唔會有跟筋🐽🐖🐷雞肉會沾到冇曬水🐤🐥🐣🐓🐔薯條出奇地好食🥔🥔🥔🍟🍟相當香脆其實當日所有套餐都係西式唔知點解茶湯會係青紅蘿蔔仲要自己出去攞餐湯味道比較淡好彩飲完唔會口渴啲嘢咁真係麻麻地所謂嘅菊花蜂蜜其實冇菊花亦都冇蜂蜜只係糖水另外