影片
附加資料
只招待會員
營業時間
星期一至日
11:00 - 21:00
公眾假期
11:00 - 21:00
以上資料只供參考, 請與餐廳確認詳情
星期六中午，有1個多小時午飯時間，銅鑼灣一定難搵位，於是到訪這間會所西餐廳。到達時，佫大的餐廳只有一枱客，已心知不妙，但既然來到，好醜都吃一餐吧。點了雜菇炒意粉、一個焗飯，其中一個跟餐，有湯和凍檸茶。首先，磨菇湯來了滿滿的一碗，喝了第一口，第二口已喝不下去了，因為像水一樣，怎麼可以用蘑菇煲出一個味道淡如水的湯出來呢？焗飯的汁亦一樣完全冇味，上面的肉（已記不起是什麼肉了），只有兩三塊，加上飯底又乾，實在哽不下去，吃淨大部份。雜菇意粉的味道還可接受，因為有豉油蠔油去炒，起碼有顏色和有些少味道。但雜菇比例好少，大部份齋意粉。總括來說，很久沒有吃過這等劣食的餐廳了，如非處於會所之中，（就算處於會所之中該也一樣）這間餐廳應一早被淘汰。
繼續閱讀
星期一阿仔阿女學校假期🤭，中午同佢地去完銅鑼灣嘅香港乒乓總會🏓辦完事後，正愁緊去邊度lunch好🤔，突然想起有同事🙍♂️講過附近嘅‘’紀律部隊人員體育及康樂會‘’街客係可以入去食飯嘅🤔。於是，我懷著戰戰兢兢的心情去試下🙈....原來唔係會員，真係可以用訪客嘅身份內進🫢，不過訪客就唔可以享用入面嘅設施🙅♂️，用膳就無問題🙆♂️。西餐廳位於1️⃣樓，入面非常闊落，枱與枱之間的距離十分充足，坐得十分舒服😊。睇返個menu📔，原來1100 ~ 1430 hrs 會有個半自助午市套餐，價錢由$59~$108 不等🥰，包自助沙律吧、甜品吧和飲品(凍飲+$3)，你仲可以+$15 加配胡麻醬煙三文魚沙律🥗或者煙鴨胸雜果沙律🥗，全部免收加一服務費，所以真係好抵😍，可惜只限平日(星期一至五)供應，星期六、日及公眾假期就無啦。睇返個自助沙律吧，有粟米🌽、紅腰豆🫘、青瓜🥒、蕃茄🍅、菠蘿🍍和沙律菜🥦，另外仲有3️⃣款醬汁(雖然圖中無哂啲沙律菜，但其實職員好快就 refill 返)。除咗沙律吧外，其實出面仲有紅湯(味好濃郁嘅羅宋湯)🍲和白湯(味比較淡嘅忌廉湯)🍲，同埋餐包🍞和牛油🧈(旁邊仲有個微波爐可以方便叮熱啲麵包)。至於甜品區🍰，選擇唔算多，refill 速度亦唔算快，望落普普通通，食落都係普普通通🥲....炸雞脾薯條 $59 🔶️🔶️🔶️🔷️🔷️價錢最平嘅套餐，雞脾🍗俾唔算大隻，但炸得都幾脆口🥰，薯條都炸得唔錯☺️，外脆內軟，係我鍾意厚身嗰款😋。鮮茄焗牛脷飯 $75 🔶️🔸️🔷️🔷️🔷️嗰飯🍚真係焗得唔錯，啲飯粒粒分明，汁又好味😋，但好可惜，主角牛脷就真係搞唔掂，不單有騷味😢，仲要有根😭....喇沙海鮮撈烏冬 $95 🔶️🔶️🔶️🔶️🔷️喇沙自問食唔少，唔用放湯變咗撈麵印象中都好似係第一次😅。醬汁有啲似平時蘸串燒的沙爹醬，有陣陣花生🥜嘅香味，再上醬汁唔太鹹，撈埋烏冬，味道啱啱好👍。海鮮有蝦🦐、蜆肉🦪、墨魚仔🐙、魚片🐟等，份量正常，質素普通，但撈埋啲喇沙醬一齊食又幾好食😋。這烏冬係無期望之下返而有啲驚喜😂。總括而言，最平五十幾蚊可以食到半自助餐，仲要無加一，真係好抵。有麵包，有湯，沙律菜又夠新鮮，只係甜品弱咗少少。但主菜整體質素就普通咗啲，不過以價錢嚟講，我覺得可以接受😊。另外服務和環境都係無得頂💯。
繼續閱讀
第一次嚟依度食，估唔到噤有驚喜喎！星期日約咗朋友仔去打波，打完揾嘢食又唔知食乜好，行到落1樓見到有間西餐廳6前有下午茶，所以打完波就去食下午茶喇！入到去冇乜人，我哋6位大人加6位小朋友，唔駛等位即刻有位，之後睇到餐牌，價錢好抵，食物嚟到後真的好有驚喜。食物份量夠大，味道又好味，依個價錢有噤嘅質素真係物超所值！先講下牛角包，外脆內軟，入面仲有西班牙火腿，蛋沙律，食完一個都飽晒！芝士肉醬熱狗，條熱腸超大條，包脆脆的好好味。雞肶沙律同薯條，雞肶炸到鬆脆可口，味道啱啱好，薯條同沙律，沙律係雜果沙律，夏天食好正！西多士夠晒厚，自己加糖同牛油甜品自訂！凍咖啡唔夠熱咖啡香濃，熱咖啡係即磨咖啡，咖啡味香濃。員工服務態度有禮，真係食得開心又抵食！
繼續閱讀
大囡考試週，11點便放學，同太太接佢去了紀律部隊俱樂部1/F的呢間西餐廳食飯，個半自助午餐好抵食，性價比好高。11點15分便到達，所以人不多，餐廳內十分闊落。另外一邊是一排的落地窗望住球場，景觀開揚。午市套餐由$56至$88，己包餐湯、餐包、沙律及蛋糕仔甜品，而且無需加一，十分抵食。餐包有微波爐俾你加熱，十分細心，餐湯有紅、白兩款。沙律有6-7款，蔬菜十分新鮮，配有三款醬汁。甜品只有小蛋糕。主菜不逐一介紹，整體質素都不錯，而且坐得舒服，價錢十分抵食。食完午餐再喺會所玩一陣，咁就消磨左半日。
繼續閱讀
6大1小去打網球，順便食埋飯晚。環境很舒服，枱很大，空間感高，坐位很寬敞。六點前有下午茶($24-$48), 瘋狂亂叫咗四五個餐，人齊再叫咗晚餐。性價比高，完全唔洗睇價錢。晚餐叫咗個蒜香帶子炒意粉，炒得夠乾身，好香！酥皮龍蝦湯，沒有很奶，味道很真实！咖喱麵包，味道係好嘅，不過真係太飽，食唔哂，下次一定encore ～芝士焗蘑菇，我唔係好食芝士，不過朋友話都ok, side dish 一流。食完仲有時間，去碌咗個bowling~都係40一條lane
繼續閱讀