Boaz House

營業中

休息中

上網見到呢間勁靚嘅餐廳，諗住嚟打吓卡，行得有少少🤏遠，但好彩好值得。花花牆真係好靚，不過食物先係重點，啲野食真係好好食，價錢又唔貴啲職員又好好人。食得好開心🥳疲勞盡消🌸🌸🌸

平時好少食地中海菜～最近見荃灣到荃灣悅來坊開左間食地中海菜既餐廳🍴仲要有好靚既花花牆可以打卡📸就同男朋友去試一試💫餐廳既環境佈置好有心思✨除左花花牆之外，餐廳既座椅以淺藍色為主，坐得舒服又好睇💙另外，餐廳有基督教既理念，背景會播放住詩歌，令人不自覺地抱住輕鬆愉快既心情用餐～❥ 烤南瓜沙律 配水耕菜 $88南瓜烤得好香口🧡配埋水耕菜同蕃茄仔，加埋酸酸甜甜既沙律醬😚好清新開胃🥗❥ 以色列香水檸檬鴨 $230份量十足，啖啖肉😍鴨肉質嫩滑，配埋檸檬汁感覺清新🍋另外仲有薯蓉同雜菜，可以平衡返油膩感😛✨❥ 傳統鷹嘴豆泥 $58充滿地中海特色既小食💞鷹咀豆有好高營養價值，豆味重，泥蓉口感軟滑😋Pita bread口感鬆軟，帶有小麥香！夾埋豆泥一齊食，健康又有風味💚❥ 冰花燉香梨 $32雪梨清甜解膩，食落口好淋❤️滋補養生😚由於係凍食，食完有透心涼既感覺！夏日必食呀💕❥ 蘋果蘆薈冰茶 $32❥ 草莓爆檸冰茶 $32餐廳推出左《夏日冰茶系列》～我地都叫左兩杯黎消下暑☀️💦兩杯都用左新鮮水果製成🍎🍋好清新解渴‼️冰茶茶味夠出，仲有一粒粒既果肉、蘆薈粒可以咬，口感好正🥰

大窩口商場竟然有間花花餐廳仲要係食以色列傳統菜式😬其實我未食過以色列菜 所以覺得好新奇見到好多菜式都有加入鷹嘴豆枱面既餐紙有講解 原來營養價值好高高蛋白、低脂、降血壓、高纖👍🏻花多眼亂所以都係嗌個皇牌二人餐 $598是日餐湯 x 2 係蕃茄菜湯咁入面仲加左啲豆 阿拉伯式沙律配水耕菜調味係偏酸既醬汁 好開胃 可以搭配彼得包同豆泥食鷹嘴豆泥配彼得包揀左傳統風味同煙燻椒味豆泥彼得包好軟熟 將啲豆泥搽落去包入面再加小小沙律菜🥗別有一番風味煙燻椒味比較出色 辣辣地岩我口味以色列香水檸檬烤鴨用左香水檸檬煮既醬汁 真係好香 亦唔會好酸烤鴨都好大碟 2個人都夠食 鴨肶厚肉唔會韌 自家製石榴雪糕店肙推介我地食呢個雪糕質地比較似Soft Cream 仲有啲石榴肉係雪糕度 石榴肉好有口感呢個甜品都係第一次試😆另外仲嗌左以色列甜甜圈 係炸冬甩加上石榴糖漿 冬甩質感外脆內軟

一早已經留意到呢間餐廳有好靚嘅花海但試完之後發覺 呢間餐廳唔單止打卡一流食物仲要好好味😋價錢又合理唔貴最緊要係服務好好!!職員好親切有禮❤️花花牆真係好靚呀！打卡一流💗夏日冰茶系列🌸蘋果蘆薈冰茶🌸百香果冰茶單點$32 跟餐就加$15好好飲呀!好解渴,唔會太甜,100分❤️紅菜頭湯一拎到上枱有啲煙😍已經聞到好香再飲埋真係覺得好正，入面有啲紅菜頭細蓉，好有口感🤤🤤健康得嚟仲要超好味呀❤️深海石班魚柳配中東米飯$88中東米飯幾特別😋比起我哋平時食開嘅米口感有啲唔同，比較偏乾身，再點埋個醬就好夾。個魚柳真係食得出係石班魚，炸得好好食！好香，口感好得！❤️烤南瓜沙律 配 水耕菜$88南瓜烤得好好味！水耕菜上面有啲特別嘅沙律醬，好特別。啲菜同南瓜好夾，熱嘅南瓜加埋凍嘅水耕菜一齊食💯真係不枉此行😋試到好野特別嘢好開心😚特別係呢啲自己完全唔會煮到嘅菜式😍❤️以色列炸雞$148完全估唔到咁大份，仲要整得咁靚啲雞大大隻隻，啲沙律醬好味😋好味香口❤️沙舒卡規格:酸甜蕃茄$78呢個係一個酸甜番茄加雞蛋，好似仲加咗芝士。將呢啲醬不入去個餅入面，出奇地好食同夾！我朋友話個餅好似多啦A夢個百寶袋😂😂😂呢個醬有少少似pizza味

呢間係荃灣悅來坊嘅Boaz House主打地中海菜 餐廳入面嘅花牆位好靚🌸💓打卡一流 我哋叫咗2人餐有餐湯前菜主菜飲品同甜品 好豐富 仲送咗雪糕俾我哋食🫶🏻 ✻ 精選二人套餐 （$398）是日餐湯係雜菜湯 飲落有少少似羅宋湯 味道酸酸甜甜都幾好味芝麻醬雞絲沙律配水耕菜🐔🥗餐廳所有沙律都選用<BOAZ FARM>自家種植水耕菜好健康好fresh😚烤雞味道都唔錯 配埋芝麻醬好match酸辣汁牛肋肉牛肋肉煮到好淋 配埋酸辣汁酸酸辣辣好惹味肉味香濃❣️夾落傳統中東包一齊食口感好豐富另外仲有黑醋橄欖沙律菜🥗水波蛋阿拉伯肉醬長通粉份量幾多 阿拉伯肉醬好香濃😛長通粉口感好彈牙 配埋水波蛋一齊食好夾～冰花燉香梨香梨好清甜 有少少話莓味好特別呢個甜品好潤喉同健康😎蘋果蘆薈冰茶 （+$15）好香蘋果味 同蘆薈好夾 飲落好滋潤🥳草莓爆檸冰茶 （+$15）用新鮮草莓果肉同檸檬製成 茶味好出 酸酸甜甜咁🥰石榴慕絲雪糕🍦呢個雪糕我覺得最有驚喜 幾好食( ´▽｀)慕絲雪糕口感好滑 配埋石榴好特別 另外有好多nuts係面好有口感！甜度適中～

之前上網見到間勁打卡嘅花牆餐廳仲要係我地未食過嘅地中菜海所以bookmark左一直想試下地點就喺荃灣熊貓酒店隔離嘅商場 都幾方便一嚟到現場果然好靚 周圍都係花花佈置唔怪得咁多人嚟打卡啦樣樣都未試過花多眼亂 就揀左店員推介嘅二人餐蕃茄椰菜鷹嘴豆湯 味道清清地温熱雜菌翠瓜沙律配水耕菜呢度嘅水耕菜係自家種植嘅 食落好新鮮爽脆加埋暖暖地嘅炒野菌同翠玉瓜 幾健康茄子風味/煙燻椒風味鷹嘴豆泥地中海菜一大特式係會用好多鷹嘴豆鷹嘴豆好處多多 女仔可以食多啲豆泥打得好幼滑 我就鍾意茄子風味多啲用口袋包包住一齊食好惹味呀以色列香水檸檬烤鴨可能係因為用左檸檬同香料嘅關係呢個完全冇平時鴨嘅臊味 肉質都幾滑 以色列甜甜圈之前睇電視知道以色列光明節一定要食甜甜圈甜甜圈外酥內鬆軟 加左玫瑰果醬對我嚟講偏甜餐飲加15可以轉特飲草莓爆檸冰茶/蘋果蘆薈冰茶揀左少甜啱啱好 茶味好突出整體都幾好 人均三百左右 值得一試P.S. 餐廳有宗教背景嘅 所以靚靚們打卡都記得唔好著得太性感

餐廳以 Tiffany Blue為主色，再配置精緻裝飾，可以邊食邊影相。雖然燈光光亮，不過有放蠟燭喺枱上，我就當係食燭光晚餐啦，哈哈！我地叫左$398精選二人餐雜菜湯x2好有香草味，好好味既菜湯，令我諗起去旅遊時食到既味道。芝麻醬雞絲沙律配水耕菜職員話水耕菜係黎自香港既，咁我當然要大力支持啦！果然係好新鮮呀，色澤亦好翠綠。水波蛋沙克舒卡牛肉中東米飯好有香草味，牛肉淋，好香口。飯粒係長條形，粒粒分明，出奇地好有濕度唔會乾硬，我非常欣賞！香酥彼得魚好大條魚，魚皮酥脆，魚肉嫩滑，魚骨唔會好細條，比較易食。冰花燉香梨x2甜品係半個梨，有冰涼口感，依家炎炎夏日好岩食黎消暑。百香果果冰茶(+$15)x2香甜，呢個飲品同啲食物既味道幾夾。總結：今餐我非常滿意，食物豐富出色，價錢唔貴，環境亦唔錯。

餐廳牆身放滿暖色系嘅花朵，感覺好溫暖，仲可以做打卡點。同時餐廳亦包含咗一啲宗教主題，例如菜式名，餐廳嘅擺設，都有宗教特色，好特別。紅菜頭湯紅菜頭湯甜甜地，無落味精，湯入面仲有切碎咗嘅紅菜頭，邊飲湯仲可以食到蔬菜。前菜芝麻醬雞絲沙律水耕沙律菜好爽脆撈埋雞絲加左啲厚實既口感，再加上芝麻醬同香料，味道酸酸地，好開胃。主菜香酥彼得魚彼得魚外皮香脆，魚肉軟熟嫩滑，兩者一齊食，軟硬兼施，一匙一匙食唔停口！水波蛋沙克舒卡牛肉中東米飯長條型既中東米飯要依靠配料醬汁既味道先好食，廚師整左酸酸甜甜嘅茄汁醬配埋碎牛肉，再加水波蛋嘅蛋汁，整體撈埋一齊好好食。甜品地中海酥脆香蕉炸香蕉外皮好脆，香蕉好甜，上面再加啲開心果碎加啲口感，好好味。自家製石榴雪糕石榴雪糕甜味剛剛好。同時，呢個雪糕好特別，係唔凍的，好易入口，可以配埋石榴粒一齊食，甜甜地酸酸地。飲品蘋果蘆薈冰茶外觀打卡一流，味道亦唔錯，蘆薈增加咬感，蘋果汁再加少少薄荷味，感覺好新鮮。以色列傳統～鮮薄荷檸檬汁成杯係綠色嘅薄荷葉整出嚟嘅汁，再加幾滴檸檬汁，好特別的味道。

環境：環境IG-able。有一大片七彩花牆可以瘋狂打卡🤩 裝修環境以藍色小清新風為主，有種去咗旅行嘅感覺特色： 主打地中海菜，未試過就要嚟試一試🤭我今次食嘅係皇牌地中海二人餐//前菜：阿拉伯式沙律配水耕菜//田園水耕菜新鮮大塊，上面有粒粒新鮮蕃茄、芝麻、香脆薄片，清新又爽口//主菜：澳洲精選黑安格斯冰鮮牛柳、傅統風味豆泥、煙燻椒風味豆泥//牛柳用咗阿拉伯調味料調味，具阿拉伯風情，除咗大大塊牛柳，配料有紅酒洋蔥、翠肉瓜同蒜蓉包😆食完一定飽鷹咀豆泥入口滑順濃稠。夾落口袋包食口感好實在☺️店員話鐘意食辣可以食煙燻椒風味，佢嘅辣味係係椒味滲出嚟，惹味唔辣喉//甜品：自家製石榴雪糕//雪糕係mousse 質地，入口軟滑，而賣相粉紅粉紅好打卡//飲品：薄荷檸檬汁、蘋果蘆薈冰茶//兩杯飲品唔會太甜😚 清爽鮮暑P.S. 餐廳帶有宗教背景，記得唔好穿得太性感呀

#chuchu食在荃灣📍 Boaz House對於地中海菜比較陌生，知道悅來坊呢間餐廳有得食，近近地就同朋友黎見識吓！入面有個花牆好igable，打卡啱曬！今餐之後顛覆了🐷對地中海菜的印象！—————————————————————❣️ 皇牌二人套餐 $598懶得諗就揀左set🙌🏻🥣是日餐湯餐湯加鷹嘴豆烹調，甜甜的頗開胃🥗阿拉伯式沙律配水耕菜入面有好多蕃茄，亦有大量沙律菜，好健康又開胃！老闆有農場自己種水耕菜，每日新鮮供應餐廳同出面其他餐廳，蔬菜清爽鮮甜，自己種真係幾唔錯！仲有啲脆卜卜餅，好好味！🥩澳洲精選黑安格斯冰鮮牛柳雖然講到明係冰鮮牛柳，中間粉嫩唔韌，牛香好突出有啲臊味，旁邊有蔬菜、紫洋蔥甜甜地幾得意！仲有個蒜蓉包，好食！🥠豆泥配口袋包(2片）揀左傳統風味豆泥、煙燻椒風味豆泥配口袋包，🐷之前未食過hummus，味道有啲似青豆冇咁青嘅感覺😃豆泥係中東健康小食，用鷹嘴豆superfood整，有好多植物蛋白、維生素和膳食纖維，好多人減肥都要食！用pita包點整到好滑嘅豆泥口食，好有益！以為煙燻smoke味，點知都幾辣🥵🍧自家製石榴雪糕賣相💯呢排咁熱食雪糕正，色澤粉嫩嘅雪糕！口感唔似平時啲

今次同小芙食啲特色餐😋除咗特別，環境仲好啱打卡㗎‼️Boaz House地中海菜餐廳有海藍色嘅櫈同花牆🌹真係好浪漫❤️我同小芙浪漫地享用皇牌二人套餐 $598✨前菜·溫熱雜菌翠瓜水耕菜沙律🥗欣賞水耕菜係自家種植，非常有誠意沙律菜好新鮮嫩綠，配上帶酸嘅醬汁夠晒開胃✨主菜·澳洲精選黑安格斯牛柳好入味嘅配菜紅酒洋蔥俾我清晒🤣🤣牛柳咬落軟熟，口感軟糯✨鷹咀豆泥·傳統及茄子風味配口袋包將豆泥放入口袋包夾住食我食食下索性撕開口袋包蘸醬食🤣茄子風味好香，鷹咀豆泥好滑好creamy✨甜品·以色列甜甜圈暖笠笠嘅甜甜圈，食甜品就係有溫暖嘅感覺😆呢款甜甜圈好似沙翁，配埋玫瑰果醬甜而不膩，小芙食咗一個半，食埋我嗰份🤣Boaz House擺設富有宗教特色餐紙印有經文，店主用心祝福每位棒場嘅食客

朋友突然俾人放飛機，叫我帶去搵食，我就搵咗一間我哋平時喺香港好少食到嘅菜式，地中海菜，去到去到邊度已經覺得幾靚，好少女心❤️兩位選擇困難症嘅人唔想煩就揀咗個二人套餐，二人套餐價錢唔貴而且味道唔錯，仲好夠食套餐包咗餐湯，沙律，主菜，飯/意粉，甜品，飲品餐湯係紅菜頭湯，顏色幾特別，開頭怕佢好難飲，但味道又唔會難入口，紅菜頭味唔會話好濃沙律我哋揀咗芝麻醬雞絲沙律配水耕菜，芝麻醬嘅沙律真係最好食😋仲要份量唔少，沙律菜新鮮，最緊要上面有我最鍾意食嘅蒜蓉包酸辣汁牛肋肉估唔到有驚喜，開頭期望不大，但食落去牛肋肉嘅肉質幾好咬口，唔會過韌，味道都唔錯水波蛋阿拉伯肉醬長通粉佢有啲似肉醬意粉嘅感覺，但今次配咗落長通粉，整體上都OK冰花燉雪梨🍐佢做到好甜，簡直甜入心，即刻滋潤晒地中海酥脆香蕉🍌香蕉應該係即叫即炸，同平時嘅炸香蕉差唔多，但我鍾意我哋加咗錢轉咗兩杯特飲，草莓爆檸冰茶，蘋果蘆薈冰茶，兩杯嘢飲唔會好甜消暑解渴，仲要唔藥水幾好唔錯

地中海菜其實對於我黎講都幾陌生為咗食 特登上網去睇下究竟係咩黎既💻原來地中海料理係比較著重係簡單既烹調👨🏼‍🍳以水果 蔬菜葉子🥬堅果 豆科植物為最大比例係當今營養學推崇既飲食模式 相對上係較為健康👍🏼其實佢既菜式都係以歐洲 亞洲 非洲地方菜式為主口味大致上都會乎合到我地香港人😌➷簡簡單單就揀個精選二人餐食✌🏼來一個地中海之旅 試吓啲新野先Dinner set有晒餐湯 前菜 主菜 飯 甜品同飲品🍹就咁睇落都幾抵食 一定會食到飽晒🤰🏼🫃🏼➷❐ 紅菜頭忌廉湯唔知係咪混合咗忌廉湯既關係本身紅菜頭個種草青味消失咗😲變得好易入口整個湯都有紅菜頭蓉 飲湯之餘仲會增加口感🤤❐ 芝麻醬雞絲沙律配水耕菜水耕菜係餐廳自家種植🥗特別新鮮 會有索索聲既聲音雞肉輕輕加咗啲調味 感覺唔會太單調🧂加上有芝麻醬既配合 比起一般食沙律醬會更加清新🤓➷❐ 香酥彼得魚彼得魚呢個名好特別 可以話係從未聽過🧐佢既由來係幾有趣 我唔係呢度多講喇 大家上網搵就會睇到傳聞話佢係去以色列必食既海鮮🐟有人話佢係吳郭魚亦有人話佢係鯽魚 不過係咩都好 總算識多樣野😆今次呢個彼得魚做法真係好簡單 只係用上炸呢個方式😋新鮮整起熱辣辣所以香味特別傳

Happy Friday收工去咗荃灣悅來坊「Boaz House」食地中海菜🍴餐廳帶有宗教背景的；用餐環境雅緻舒適，某角落有一大遍花花牆，環境一流，啱晒影相打卡，勁靚呀精選二人套餐價值$398，包括餐湯、沙律、主菜、甜品及飲品是日餐湯餐湯加咗鷹嘴豆烹調，甜甜的頗開胃溫熱黃金花椰菜沙律配水耕菜餐廳所有沙律均選用「Boaz Farm」自家種植水耕菜，口感爽脆，新鮮又碧綠！配上輕輕爆炒過的花椰菜，好香口呢酸辣汁牛肋肉牛肋肉肥瘦適中，鬆軟腍滑，加咗特色酸辣汁、洋蔥同三色椒一同烹調，份外香甜，肉味香濃！夾著傳統中東包一同食用，口感豐富，健康美味水波蛋阿拉伯肉醬長通粉阿拉伯肉醬口味較傳統美式肉醬輕盈，味道不錯，肉味香甜濃郁👍🏻長通粉口感彈牙，滿有麵粉香，好好食哦地中海酥脆香蕉甜品揀咗呢個比較特別啲嘅地中海酥脆香蕉🍌外皮金黃酥脆可口，沾了適量蜜糖及果仁碎；內餡係新鮮香蕉蓉，甜美可口，特別又幾好食以色列石榴茶以色列盛產的石榴茶可選熱或凍。加咗鮮薄荷檸檬汁，味道酸甜清新，去脂解膩草莓爆檸冰茶炎炎夏日餐廳新推出咗夏日冰茶系列☀️呢杯草莓爆檸冰茶加入咗新鮮草莓果肉及檸檬🍋酸酸甜甜，冰凍透心涼

最近去咗一間有宗教色彩嘅地中海餐廳食飯，估唔到味道有驚喜！今次揀咗呢個係$598嘅二人套餐是日餐湯係雜菜湯，味道清新，分量十足。阿拉伯式沙律 配 水耕菜裏面仲有好多蕃茄、橄欖等等，非常健康，亦有大量沙律菜，相當開胃。澳洲精選黑安格斯冰鮮牛柳令人喜出望外，望落去平平無奇的牛柳，口感軟腍，中間粉嫩，牛香突出。另外旁邊亦有其他菜蔬，紫洋蔥等等配搭，非常豐富。鷹嘴豆泥有四款口味可以揀其中兩樣，揀咗傳統風味豆泥，煙燻椒風味豆泥配口袋包（2片）前者就比較清新，後者非常香辣惹味！甜品以色列甜甜圈，甜香配搭軟綿綿的質感，大滿足！飲品我哋就升級左其他特飲：草莓爆檸冰茶+百香果果冰茶，味道香甜，適合夏日炎炎消暑解渴。好多人呀，食食吓都座無虛席！