Bondi (已結業)

lunch老闆話請食飯 同事即刻book了附近的這間餐廳 地方闊落,餐桌亦都夠大 我們一行幾人都坐得很舒服大家一人點了一個set lunch 食物都滿豐富有前菜、餐湯、餐包、 主菜、 飲品及甜品煙鴨胸沙律味道清新野菌湯，味道淡淡的餐包有點像糕點，帶小小粟米甜的口感主菜我要了慢煮豬扒配蜜桃 另外配了薯條慢煮豬扒比我想像之中要來得厚身 入口卻鬆軟多汁非常juicy配上蜜桃酸甜開胃，比預期之中好吃薯條是粗炸，比我手指還要粗有夠誇張，熱吃非常美味最後來一球雪糕又滑又香云尼拿味道 吃完一個美味午餐工作就更有衝勁! 哈……

果日勁肚餓 一黎到侍應姐姐介紹我地食今日特別推介既羊排 （248 同羊架一樣）另外再加68就可以變做set dinner 有湯又有appetiser gumAppetiser 係炸燕麥豆腐 好得意我有少少聯想到炸鮮奶 不過豆腐就實淨好多 食到一粒粒既 細細粒令你食炸野都唔會有罪惡感餐湯揀左黑松露磨菇 比較淡 驚喜既係自製既麵包 我手拎住既洋蔥包睇落好靚 食落就鬆軟但唔突出 反而下面果舊粟米包好香甜 好重粟米味 抵讚兩樣main dish 羊排無蘇味 不過我地叫5成熟 佢好似偏熟左 但好味既 意粉不過不失 不過上面既帶子非常巨形 值回票價心太軟係即叫即焗 流心有酒香 少見！推薦！

貓貓今日係工廈濕到個高質野食。餐廳係底層既停車場。貓貓入去就覺得好舒服，因為餐廳夠大，而且每張檯都夠闊，唔洗食得咁逼。貓貓見到自己既肚腩，忍唔住叫左個烤焗豬腩。好期待貓貓既豬腩肉會係點。貓貓食完個麵包，豬腩好快就擺係檯面。仲係熱既豬腩，切開個皮真係好脆。豬腩葉得夠味，而且焗得肉質仲有好多水份，整得真係唔錯。超厚切既豬腩，味道好好。配菜有薯容，野菌等。整得唔錯，好有自己既特色。叫左個甜品，貓貓既另外一個胃係留俾甜品架！荔枝奶凍，裝係個香檳杯，好靚！見到都開心。上層既荔枝，食到荔枝肉，要咬感。荔枝加埋奶凍好好味，最正係好凍，幸福指數爆棚。呢間餐廳真係好有個人特色，冇諗過會出現係觀塘！

今次已係第二次幫襯呢間餐廳， 猶記得第一次來幫襯《Bondi》嘅時候，畀呢度嘅優哉悠哉、澳洲慢活感覺所吸引。今日黎開觀塘， 好懷念《Bondi》出品嘅咖啡， 所以就選擇喺呢個暫時能令我忘卻煩囂嘅地方，食個豐盛嘅午餐。Bondi嘅 set lunch由$98至$158，由前菜、餐湯、主菜、甜品都有， 價錢合理， 而且食物質素高，最重要係可以嘆返一杯高質素嘅咖啡， 喺連鎖咖啡店飲杯咖啡都要三四十蚊， 所以我覺得百零蚊可以食埋午餐， 真係好抵。今次我就食咗慢煮美國豬扒配蜜桃，$148。先來一客前菜：煙鴨胸沙律。煙鴨胸肉質嫩滑， 唔會太鹹， 配搭埋新鮮嘅沙律菜同車厘茄， 食落相當清新。至於餐湯係雜菌蘑菇忌廉湯，雜菌打成蓉，未入口都可以聞到香濃嘅菇菌味， 而且飲落好滑溜，暖笠笠，令人飲落好舒服，加埋熱辣辣嘅餐包， 簡直令我打開胃口。主菜：慢煮美國豬扒， 呢個慢煮豬扒未食淨係睇賣相已經滿分。豬扒嘅外層煎得金黃香脆。一切下，豬肉呈現粉嫩，食落非常juicy彈牙，全因慢煮烹調技巧令豬扒鎖緊肉汁，配襯埋香煎過嘅水蜜桃， 香甜嘅果香配搭埋豬扒，真係勁匹配。配菜有香烤過嘅薯仔粒， 而且仲有蒜蓉炒翠玉瓜同雜菇

觀塘工廈林立，餐廳亦都越開越多，所以好多時候去觀塘接honey收工都會去工廈尋找隱藏既美食！宜間餐廳主打西式餐飲-澳洲菜，餐廳內可以搵到悉尼歌劇院、袋鼠等等的具澳洲代表性的裝飾！Main course order左煎焗有骨豬扒配蘋果燒汁，豬扒厚身，啖啖肉，煎得非常香口！而且烹調的時間掌握得十分好，豬扒肉嫩稔滑！配菜既連皮薯仔加了小小鹽粒作調味已經好好吃。+$68升級了做set dinner，包括了頭盤和餐湯！order 既頭盤凱撒沙律沙律菜新鮮爽口，沙律菜中加有丁粒狀的蒜蓉包粒令口感更豐富！松露野菌餐湯菇味比較較濃，遮蓋了松露香味。像我比較鍾意吃松露的人就有點失望了open kitchen 設計傳來咖啡香！Order既mocha 咖啡拉花十分美麗，令人唔捨得攪勻杯咖啡同忌廉，唯有相機食先，影多幾幅相作為留念！宜杯Mocha 平日飲開嘅咖啡味比較龍同埋突出，但並不苦！荔枝奶凍作為甜品，清新開胃，減淡了飽膩感。

餐廳以澳洲悉尼內既一個地區名為名，主打澳洲菜，餐廳外既壁畫畫上悉尼歌劇院作為裝飾，非常奪目吸引！粗薯條帶有黑胡椒粉同鹽粒，叫即叫炸非常新鮮，入口外脆內綿，即使唔使再額外醮上蕃茄醬，都已經非常好吃！一邊食薯條一邊傾計非常寫意！主食係自家製香草醬帶子天使麵！帶子流量唔多只有兩隻，但係size取勝！帶子肥厚多肉，用蒜蓉煎得非常入味，肉質軟稔！自家製的天使麵帶有淡淡的香草醬味，非常特別。天使麵彈牙有嚼勁，整碟麵有好高水準！跟餐加了＄28同時享受了甜品和餐飲。飲品方面，叫了Green dragon , 水滾茶香，茶味濃！甜品是荔枝奶凍,果味突出,奶凍q彈，為美味既晚餐畫上完美句號。

印像中對上一次嚟都應該有兩三年前，當時應該都仲未去過澳洲，今日舊地重遊，牆上面嘅掛畫勾起我對澳洲無限嘅思念。嗌咗個set lunch，今日嘅餐湯係蕃茄湯，蕃茄湯茄味香濃，仲飲到一啲蕃茄蓉喺入面，面頭加左少少香草同埋黑椒調味，啱哂鐘意嘅番茄嘅我，餐包烘得微微溫暖，充滿著小麥嘅香味，同個餐湯好襯。煙鴨胸沙律配蜜糖芥末汁，呢度個煙鴨胸個煙燻味特別重，令到新鮮嘅沙律菜得到好好嘅發揮，蜜糖芥末汁輕輕嘅點綴都唔錯，如果個芥末味道嘅比重再強多少少相信會更加好。慢煮澳洲草飼肉眼扒配自家製燒汁，點菜嘅時候侍應提醒廚師推薦嘅牛扒熟成度係五成，巧合地同我最鍾意嘅牛扒熟成度吻合，肉眼扒鮮嫩多汁，脂肪分佈平均，絕對稱得上係一塊好優質嘅肉眼扒，特別鍾意餐廳喺配菜上都有花功夫，翠玉瓜同埋薯仔都有被輕輕煎過，個雜菌更加有用香草牛油炒過添，抵讚。餐飲嗌咗 Detox Infusion 嘅 Organic Tea，帶有少少薄荷 與及香草嘅味道，感覺清新健康，為剛才好味而又邪惡嘅牛扒贖返多少罪孽。

今日朋友約食午餐，大家就揀左係我公司附近工廈的一間西餐廳。之前同事都黎食過，都讚話質素唔錯。坐底好快就揀左一個午餐套餐，包括有：自家製粟米麵包 口感比想像中結實，有啲似食緊中式糕點。粟米味好香，甜道適中。都幾特別。 淡淡菌香味的 野菌湯 煙鴨胸沙律配芥末蜜糖醬 沙律菜新鮮爽脆，鹹鹹地的煙燻鴨胸肉再 配上甜甜辣辣的芥末醬，十分之醒神。 慢煮澳洲草飼牛肉眼扒 +自家燒汁 餐廳選用左澳洲的天然草飼牛的肉眼扒，所以口感比平時食開的美國肉眼扒較有咬口，而牛味亦都係較重。呢個就係草飼牛的特色。雖然口感唔算最好，但原來天然草飼牛係比一般的牛肉更加有營養同對身體係更加好。 外層燒得淡淡焦香，五成熟切開剛好係迷人的粉紅色。自家製意大利Tiramisu 非常之軟綿香滑，有淡淡的酒味又唔會太甜。 榛子咖啡 咖啡好香濃，口感香綿，仲有淡淡的榛子香味。

Bondi是工廠大廈早期的一批食肆之一。新餐廳不斷開張，舊的沒有被淘汰，證明實力得到認同。套餐百餘元，有齊沙律，餐湯和飲品。Drink list上所有熱飲都可以選擇，唯獨凍飲要加錢。煙鴨胸沙律配蜜糖芥末汁一落完單，店員便送上連碟雪凍的沙律，即是一早準備好的。沙律仍然新鮮，鴨胸雪凍有點不慣，味道還好，不太鹹。所謂的蜜糖芥末汁跟普通沙律醬無異。熱呼呼的麵包更討好。輕輕掰開，很鬆軟，暖暖的，叫人滿足。南瓜湯沒有下重忌廉，夠濃稠，南瓜味重但不算甜。蒜片辣椒羊柳扁意粉新鮮煮好，白煙直冒。彈牙的意粉帶辣，黑椒濃香，很簡單的材料和做法，卻十分惹味。辣辣地，配多汁清甜的紅椒黃椒，撞個直著又相輔相成，效果清新。羊柳不嚡不韌，少少羊羶，不錯。香草脆焗比目魚比目魚的魚肉很嫩很鬆，一咬即散。自身的鮮味和油香幾出，尤其是皮的下面有層油脂，特別香。雖然皮上鋪了一層綠色的碎粒，增加口感層次，但味道不夠，略欠鹽和黑椒稍作調味。魚油夠多，碟子上再淋上橄欖油有裝飾之用，但令整體感覺少少油膩。薯仔夠細，特別清香，焗至皮脆，味道不俗。還有爽脆的翠玉瓜和軟嫩的菇，牛油香跟菌香相襯。友人的凍咖啡一層層，從旁邊看好看。Cappuc

無意中發現呢間店，就係拎網購樓下，比佢餐廳門口悉尼個幅Graffitti吸引左眼球，睇餐牌啲食物都OK，就一於試吓啦。係lunch 來講價錢就唔平, 不過感覺上係有質素嘅，後來食落都係有質素嘅😍😍😋😋識食扒一定食medium rare, 但係有時啲餐廳又整得太生或者太熟, 唔知係咪因為佢慢煮呢，火候控制得好好，食到停唔到口。另外我都好欣賞佢嘅side dish，有菇有菜又有薯蓉，唔係普通齋用滾水馺，而係有味嘅。佢哋個包同湯都食得出係用心之作。包係自家製嘅蒜包，食落去仲熱辣辣，有咬口並唔係食空氣咁， 外脆內軟。個湯都好好味😋👍🏼最後杯mocha 都好好飲☕️朱古力同咖啡嘅味道配合得好好☺️☺️🍫☕️

呢間餐廳第2次嚟，第1次係朋友介紹，因為喺大廈的停車場入，搵住地圖嚟先搵到，今次叻左，望入停車場就認得好大幅 Sydney 壁畫同大bondi招牌，易搵好多。午餐選擇都多，pasta都有好幾款，魚肉類又有幾款，今次見有慢煮牛扒同豬扒，一望已經好想試，最終選了牛扒，係慢煮澳洲肉眼扒。呢度前菜同湯都有， 前菜係鴨胸沙律，鴨胸好嫩滑，配少少沙律菜，先清新一下味蕾。餐湯係意式雜菜湯，配home made corn bread。加$15可轉mushroom soup意式菜湯，我一向都鐘意。小小酸酸地，好多疏菜，好醒胃，但好清，唔會一般羅宋湯咁濃味。最surprise係呢個corn bread, texture好似蛋糕同麵包之間，黏黏地既spongy texture同香蕉蛋糕有點似。熱辣辣，食落好香粟米味，同有少少粟米粒，口感同味道好好食。出面好少食到。慢煮肉眼扒，店員建議5成熟，切開，真係做到，可能因為慢煮，粉嫩得好平均，而且做到5成剛熟沒有血水，外面就煎到微焦金黃。伴菜有薯蓉，燒汁雜菇同菜心，估唔到菜心原來幾好，脆脆地幾fresh肉質嫩，仲keep到juicy效果。最後coffee tea都好

今日去左一間觀塘區的西餐廳，以澳洲沙灘命名的西餐廳，環境充滿外國味道。晚餐有單點餐廳，又可以加錢轉Set Dinner。餐廳環境又大又舒服，店員好有服務先加錢要一個小食。肉丸爽嫩肉質唔會鬆散，值得一讚。茄蓉酸甜開胃，質素很好。主菜要焗南瓜雞肉意大利飯。原瓜南瓜焗飯，南瓜焗得剛好整個南瓜都可以食，飯粒醬吸醬汁香軟入味，雞肉切粒嫩滑唔會乾身，味道香濃滋味。最後叫上一杯咖啡，味濃奶香，拉花美美咖啡幼滑質素好高。

今日去左觀塘食飯，黎左間澳洲餐廳，環境好大好舒服。晚餐有散叫食物，加錢可以轉set。仲有大枱供應，多人食都唔怕無位。餐湯是南瓜湯。南瓜清香，質感唔會好稀，南瓜味夠濃好足料，湯入面有2粒麵包粒，仲脆口帶微微蒜香。必食餐包，自家製洋蔥包。即烘好香脆，中間鬆軟滑滑洋蔥味道，愈食愈滋味。烤焗豬腩。非常驚喜既晚餐。豬腩外層極度香脆，肉質爽嫩多汁，唔會好乾好硬。凍焦糖咖啡。咖啡味濃帶甘，焦糖味唔太甜，奶份量剛好。朱古力慕絲。中間有粒粒朱古力，質感幼滑，朱古力味濃唔甜

同事請食生日飯 簡左哩間食好似係澳洲餐廳黎 環境講野好應聲 好嘈前菜 無咩特別 正正常常咁啦餐湯係南瓜湯味道唔錯要讚下佢個餐包雖然唔知係咩包但係熱熱地 咬落去"煙um" 幾有口感我叫左個意大利飯好失望d 飯唔知係咪煮得太耐 好乾完全無味 好淡好淡好似食緊炒飯咁可以話難食另一個同事叫左哩個 唔記得叫咩味道好好 d 肉好嫩 好入味另一同事叫左個扁意粉 無咩特別 正正常常最後叫左杯mocha latte 味道同starbucks 差唔多 不過無咁甜真心有d 失望唔會再光顧性價比好低

係觀塘apm睇完戲後就去左揾食, 去到時3點只有一枱客, 還以為很多人可能是星期六吧。假期沒有下午茶, 只有lunch menu, 不是太肚餓, 只叫了2款食物, 店員很詳細地介紹某2種咖啡既分別, 最後還是要了mocha and hazelnut latte。感覺很好, 會再來試其他。bondi 小食併盤 Risotto with Chicken