Bove (已結業)

呢間梳乎厘班戟開到成行成市，好多人試，身位抹茶控嘅我一定去下。1️⃣宇治抹茶梳乎厘班戟 +蜜糖醬料 $35有兩大塊熱辣辣嘅梳乎厘班戟，梳乎厘班戟比較乾身，抹茶味🍵偏淡，反而雞蛋🥚味重d。加咗d蜜糖醬料先記起佢係一個甜品😹吃完一塊之後有d膩。🙆🏻‍♀️美味指數:5.01/10💡整體來講，份量係幾多，不過就可以唔試🙈

抹茶麻薯雞蛋仔抹茶味未算好濃，但係都有好香嘅抹茶味，個抹茶味都有小小苦，而且又唔會好甜，個雞蛋仔都有小小脆每粒雞蛋仔入面啲麻薯都有好多，啲麻薯凍左之後會好彈，個雞蛋仔都好大份整體都唔錯抹茶梳乎厘，抹茶味就唔係好濃，蛋白味就多啲，整體亦唔會好甜，梳乎厘好淋，唔會好硬好乾感，每碟有兩個梳乎厘，兩個都好大味道都真係唔錯架

流心蜂蜜雞蛋仔 (👅: 8/10)Bove梳乎厘班㦸最出名 但其實雞蛋仔都唔差🤭最驚喜係流心蜂蜜🍯諗住個流心都係焗到乾乾地個種甜夾心 點知一咬竟然爆晒啲蜂蜜出黎🤯入面有粒好可愛既珠珠饀包住啲蜂蜜😵唔怪得之唔會溶 食得出入面既蜂蜜真材實料而唔係糖漿死甜個種 $23真心十分抵👍🏻積及橙朱古力雞蛋仔 (👅: 7.5/10)另一個bove色既積及橙朱古力味 係見到之前網上有人推薦而食 聽聞係同橙朱古力餅一樣 於是試下 橙味雞蛋仔好特別而且入面佈滿海量朱古力粒 半溶狀態再加鬆脆既雞蛋仔食 正🤤 不過食食下又會覺得好乾同好厭 建議同朋友share 或者因爲俾蜂蜜搶左個清新感 就唔想食呢個haha🤭 或者要趁熱食晒！紫菜肉鬆雞蛋仔 (👅7/10)以為會係紫菜碎 不過竟然係原塊紫菜放係個雞蛋仔中間😵 紫菜肉鬆呢個組合經常都好夾但呢3樣加埋有啲乾。好香 口感好好 而且雞蛋仔仲係外脆內軟瀑布花生醬梳乎厘pancake $45完全係罪惡 勁多花生醬再加煉奶真係十萬個漏😹 惹味但真係好稠因為佢其中一塊唔止表面搽滿晒花生醬 一切開連入面夾心都係花生醬 所以會食到個喉嚨好乾 其實應該整稀小小😵 花生醬愛好人士呢邊

葵涌廣場一向都好多美食,因為同朋友食完熱食想食下甜野所以就黎左依間BOVE👻雖然佢馳名既係梳乎厘,但因為太想食雞蛋仔所以就無食到🙈下次要再試下😛積及橙朱古力雞蛋仔($25)雞蛋仔既味道都有好多選擇,有咸有甜😋細細個已經好鍾意食積及橙朱古力,所以難得見到有依隻味既雞蛋仔即刻叫左黎試!等左大概十分鐘到,岩岩整起仲係暖烘烘既,外脆內軟,食落去每一舊都有積及橙味,味道濃郁,好似真係食緊積及橙朱古力咁好好食😝

梳乎厘班戟熱潮退後，留得係度都有一定名氣，之前一直想試依間，但無奈一直搵唔到！今次偶然轉角發現，果然搵食唔能夠靠地址，原來仲有幾間一直無發現。當日某此原因好多舖無開，人流亦比平時少，所以難得有開都只係等幾份，當然每份時間都好長，但唔算過份。原味配蜂蜜，剛食完辣蜂蜜非常適合，甜度剛好，粉開得幾滑，微蛋香，欣賞佢厚身之餘中間亦唔會流心。自從流行半熟蛋糕，樣樣都話要流心，細個學做蛋糕，中間液態叫失敗！更唔好話流心。蛋糕用生雞蛋，唔熟你話滑蛋都係梗？梗麵粉未熟實多人消化唔到吧？當然腸胃好未得，但我只接受到微濕，流心真係太過份，而佢嘅微濕令質感似布甸，唔會空氣感太重，價錢亦合理，可以話係熱潮中食過最好嘅乎厘班戟！

葵廣一日遊之狂食👍🏿👍🏿特登黎到就係要試個pancake, 因為上次個個係疏乎厘，入面太多空氣，我鐘意實的的啲，呢度既pancake 有得揀choco/matcha 味，不過我地去個日sold out, 都有得揀夾心，最唔好夾心，oreo 都係淨係食皮，所以finally 係original x original 咁原味架蜜糖醬就夠！😎😎岀到黎都真係好好食，係我地行左陣遲左返，略嫌唔夠熱，不過無咩空氣食得好開心耶hehe

今日約咗朋友去葵廣掃街，行經一間專賣雞蛋仔的鋪頭，入面有好多味道比你揀。最後我揀咗最普通嘅原味雞蛋仔，大概等咗5至10分鐘左右，就有得食。 攞上手係好熱辣辣，之但係佢比起其他出面某幾間出名嘅雞蛋仔嚟講，佢應該係少咗吹風嘅呢一個步驟，而呢度嘅雞蛋仔應該係即整即入紙袋度，所以少左份外脆內軟嘅口感。同埋，因為雞蛋仔熱辣辣，佢又困喺個無窿窿嘅紙袋度，啲水氣就困住哂，而令到雞蛋仔較為軟身。而且，個人亦覺得原味雞蛋仔味道偏甜，可能其他口味嘅雞蛋仔或者梳乎厘會較為出色啦。

一直都想試呢個梳乎厘好耐，但無奈一直沒有時間，今日終於同友人經過葵涌廣場來試試了。。我們叫咗個伯爵茶梳乎厘$40，因為係即叫即整的，等左差唔多20分鐘，甜度正好不會太甜，而伯爵茶味是淡淡的，但是鬆軟度不好，一點也不軟綿綿，對這點真的挺失望，畢竟我認為梳乎厘就是要軟綿綿的嘛。不過份量都算是大份，一個小女生當早餐吃一整份應該就飽了。但論這個梳乎厘的味道和鬆軟度上，我覺得性價比較低，建議大家別期望太高。

每次去日本都一定會去食軟綿綿既日式梳乎厘pancake。梳乎厘pancake係用發到企身綿綿密密既蛋白撈埋蛋糕漿，慢慢煎到佢升高，好考功夫同時間。所以唔怪得每整一份都要等十五分鐘啦！葵涌廣場出名最多小食，以前我嚟一定會去幫襯夾餅又一戟，呢排反而鍾意咗幫襯Bove，因為三十幾蚊就食到pancake店賣成一百蚊既梳乎厘pancake！佢口感都唔錯，有少少偏甜，而今次夜晚嚟買，前面只得一個人等，但都等咗差唔多二十分鐘，唔知係咪轉咗師傅，今次個pancake比較濕身，無上次嚟咁好食：（希望佢地可以維持水準啦！

葵芳廣場出名小食夠多夠集中，今次就試左Bove既綠茶麻糬雞蛋仔！Bove出名好多特別口味既雞蛋仔，好似羅宋湯，蝦乾肉鬆等口味！而我所點既綠茶麻糬又的確無令我失望！雞蛋仔既外層綠茶🍵入口有濃厚既綠茶幽香，有微微既綠茶苦澀味道，所用既綠茶粉應該都有番咁上下質素！而雞蛋仔中既麻糬餡料甜甜地，而且麻糬煙煙韌韌，煙韌得黎又唔會太痴牙，麻糬既微甜配綠茶既少許苦澀，兩者岩岩好中和到個味道～相得益彰，配搭得宜！值得一試😊😊

葵芳愈黎愈多野食 呢間成日見好多人等叫左個伯爵茶梳乎厘班戟等左20分鐘終於有得食伯爵茶味好香濃 好似係用左Twinings嘅茶 用料唔馬虎 抵讚梳乎厘班戟好鬆軟 唔係太甜

今日係葵廣掃街，見到E間出名食梳乎厘，所以就試下，我地都等左15分鐘好食，下次會再買我地揀左最近出的花生醬梳乎厘，因為驚會好膩所以我同朋友買左一個share.有驚喜呀!!!!佢花生醬好多好重味，切出尼食雖然成個口都係花生醬味，但唔會覺得好heavy切開中間仲會流心，而且佢仲有粒粒花生唔會只係得醬，為軟綿綿的梳乎厘增加左口感，而且好夾，good因為佢都幾大個，而且花生醬都算多，所以如果自己食一個應該會好飽!!

在日本嘗試過梳乎厘班戟後覺得超級好食同事介紹葵廣有一間店亦是食梳乎厘班戟所以放工後便去一試宇治抹茶梳乎厘班戟即叫即整 攞上手熱辣辣一份共有兩塊 十分厚加了朱古力醬 不太甜不過班戟不夠軟滑 不是太有空氣感味道跟日本的不太相似奈何價值平 只不過是$35

I’ve heard about their matcha mocha eggettes before and always wanted to try it. Although the taste is pretty much what you expect, I must say it was very good! The mochi went really well the eggette, it was chewy on the inside and crispy on the outside. Definitely recommended for a snack!

葵廣依間梳乎厘都幾岀名。雖然住附近，但一直冇機會試。🤥假日黎過，多人到要等成30分鐘以上。。。😫😫😫小編真的不了。平日中午時間黎到，終於可以試下嚕！🥳一共有四種味！可額外加配料。除左梳乎厘，仲有雞蛋仔，有機會下次可以試試！宇治抹茶梳乎厘大大的兩塊。拎上手真係熱騰騰，好新鮮。因為佢係落單即叫即整，所以都等左5分鐘左右。大家一定要趁熱食呀！👍抹茶味道清甘，有回香，仲有淡淡的雞蛋味，兩者配合得好好！😋💕食完都幾飽！