Bove (已結業)

每次去日本都一定會去食軟綿綿既日式梳乎厘pancake。梳乎厘pancake係用發到企身綿綿密密既蛋白撈埋蛋糕漿，慢慢煎到佢升高，好考功夫同時間。所以唔怪得每整一份都要等十五分鐘啦！葵涌廣場出名最多小食，以前我嚟一定會去幫襯夾餅又一戟，呢排反而鍾意咗幫襯Bove，因為三十幾蚊就食到pancake店賣成一百蚊既梳乎厘pancake！佢口感都唔錯，有少少偏甜，而今次夜晚嚟買，前面只得一個人等，但都等咗差唔多二十分鐘，唔知係咪轉咗師傅，今次個pancake比較濕身，無上次嚟咁好食：（希望佢地可以維持水準啦！