Brick by Brick

營業中

休息中

餐廳位於小巷入面，以馬來西亞菜為主，自成一角，位置有少少神秘🙈▪️ʙʀɪᴄᴋ's ʟᴀᴋsᴀ ʀᴏᴀsᴛᴇᴅ ᴄʜɪᴄᴋᴇɴ 招牌喇沙烤雞 $𝟸𝟻𝟾雞髀肉好淋滑，烤得啱啱好唔會太乾，好鍾意佢有蔬菜喺底，食完咁多肉，食返啲蔬菜就啱啱好平衡返▪️ɪᴛᴀʟɪᴀɴ sᴘɪᴄʏ ᴘʀᴀᴡɴ ɴᴀᴄʜᴏs 意式辣醬煮海蝦配粟米片 $𝟷𝟺𝟾粟米片份量幾多，最啱同朋友傾偈飲返杯啤酒🍻簡直係絕配！▪️ʙʀɪᴄᴋ's ᴍᴀʟᴀʏsɪᴀɴ ᴄᴜʀʀʏ ʟᴀᴋsᴀ ɴᴏᴏᴅʟᴇs ᴡɪᴛʜ ғɪsʜ ʙᴀʟʟ, ғɪsʜ ᴄᴀᴋᴇ & ғɪsʜ ᴛᴏғᴜ 秘製馬來西亞咖喱喇沙湯麵 - 鱻魚三寶 $𝟷𝟷𝟻喇沙湯底濃郁，配料方面選擇左以魚為主既鱻魚三寶，啱晒唔想食咁多肉嘅朋友，麵底方面係混合油麵同米粉🍜仲有好多芽菜同半熟蛋

—Brick by Brick神秘感餐廳，去完大館係附近搵特別嘢食，行左好多個圈先搵到，係些利街小巷行入去比較快，餐廳會兼做bar，所以6-8有happy hour 時間。𝐎𝐫𝐝𝐞𝐫::⧐秘製馬來西亞喇沙湯麵 | $142⧐肉骨茶|$165⧐日式海澡沙律 |$98⧐Suntory permium⧐Suntory秘製馬來西亞喇沙湯麵，簡左大蜆，勁正，好耐冇係香港食過咁大舊同多汁既蜆，湯底味道濃郁，好鍾意，推介食物。肉骨茶，好多藥材既肉骨茶，店主貼心設計，對女性嚟講，好養生， 又好味，有豬軟骨，可以自己加醬調較肉骨茶既濃度，由自己選擇。日式海澡沙律，清新沙律配埋日式海澡，大大份。Suntory permium，係令人懷念日本生啤既味道。— 📝評分味道 ⁵ / ⁵ 環境 ⁴ / ⁵ 服務 ⁵ / ⁵ 衛生 ⁴ / ⁵ 抵食 ⁴ / ⁵ — Brick by Brick📍中環士丹頓街21號地庫

好耐都冇去過馬來西亞 有啲掛住當地嘅美食 👅 所以就openrice search下 搵到呢間係中上環嘅隱世餐廳 🤭 餐廳環境好chill 即使放工之後嚟都唔會太crowded 岩曬大家放工之後黎同朋友傾下計 食下飯😚餐廳嘅食物選擇都好多 都幾花多眼亂🤭 每一樣嘢食都好似好好食🤔 不過今日我同朋友都比較肚餓 所以想叫多啲肉類🐽招牌喇沙烤雞 ($258)呢個完全係一碟色香味俱全嘅dish😍未上菜之前已經聞到陣陣嘅喇沙香味😙開頭以為喇沙會好辣同埋太濃味 點知道真係有驚喜🥰喇沙醬汁味道濃厚又唔會好辣烤雞肉質鮮嫩 🤤 真係難以抗拒！燒美國安格西冷扒配黑松露薯條 ($278)牛排好大塊 燒到五成熟 岩岩好😍一啲都唔靭 又唔會有血水😛配埋黑松露薯條 簡直係perfect match 😚

位於中環嘅一間越式餐廳A La Carte
位置有少少神秘，因為個入口唔完全係喺大街兜咗個圈先搵到個入口，店𥚃面嘅環境座位都唔錯
除咗有高枱高櫈，都有梳化椅，應該都坐到6-7枱左右～
因為平時返工都係做Social Media 同寫稿，電腦幾乎「機不離手」
呢度嘅店員一上菜竟然好親切咁話做咗咁耐嘢快啲襯熱食啦～
有種意外嘅親切感～
 秘製馬來西亞咖喱喇沙湯麵 配 脆炸梅子一口雞 ＄118喇沙賣相唔錯，湯底又香又濃郁
唔會太咸之餘，摻摻（油麵同米粉都好掛湯）一口炸雞炸到金黃色，皮脆肉質熱辣辣又嫩
應該係潵咗梅子粉食落酸酸甜甜幾開胃玫瑰酒煮卜卜大蜆配蒜蓉包  ＄218卜卜大蜆非常大隻，煮得啱啱算係幾Juicy且嫩滑咀嚼時品嚐得酒精淡淡香味蒜蓉包蒜蓉味非常重，點埋玫瑰酒汁正超索汁，酒味勁濃郁～墨西哥肉米脆片配牛油果醬 莎莎醬及酸忌廉 ＄92份量非常多，幾種醬汁淋上後睇落似甜品佐酒一流，份量相當多，兩個人爭啲食唔晒日本三得利黑啤雞翼＄92賣相同味道個感覺有啲似可樂雞翼黑啤味酸中帶甜 好得意
雞肉整得好入味

這天我和男友在中環到處拍照打卡時，發現一家看起來很有特色的餐廳。我們走進去一看，原來這是一家吃馬拉菜的餐廳。餐廳裝修幾有特色，服務也很好😌珍寶大蜆拼海蝦秘製馬來西亞咖喱喇沙湯麵那些大大的蜆和海蝦真的很棒。蜆肉鮮美而多汁，海蝦則是彈牙可口。湯底的咖喱喇沙香氣四溢，夠濃郁👍🏻火熱砂煲香濃肉骨茶配白飯、油炸鬼及手工蒜香米餅。肉骨茶煮得十分入味，肉質鮮嫩多汁。米餅和油炸鬼是絕佳的配菜😋脆炸梅子一口雞 口感酥脆的炸雞與表面的梅子粉完美結合，還配有一個辣醬汁令整個味道昇華🥰🥰

Brick by Brick 主打馬來西亞菜式，同佢咁工業風嘅門面and餐廳環境大相逕庭。佢嘅招牌菜係馬來西亞咖喱喇沙湯麵同肉骨菜，咖喱喇沙湯麵🍜可以拼上唔同配菜，好似魚/ 炸雞/ 肥牛/ 海鮮/ 雞絲扎肉，當日試咗炸雞同海鮮。📚喺香港最常見嘅喇沙係咖喱喇沙同亞參喇沙，佢哋都係源自於南洋地區。咖喱喇沙係用咖喱湯，加入多種咖喱香料同椰奶混合而成。喺香港常見嘅娘惹喇沙、白咖喱麵等等，都係屬於咖喱喇沙嘅一種，均帶濃烈椰奶香同咖喱香。💁🏻‍♀️Brick by Brick嘅咖喱喇沙湯麵🍲應該係娘惹喇沙，店家聲稱無落味精同糖，椰奶份量都落得比較少。的確呢度嘅喇沙係無咁濃味，感覺輕盈啲，但依然有陣陣香氣，不過唔係咁適合追求濃濃椰奶香嘅食客。店家係希望靠蔬菜同香料去帶起成個湯，仲會落埋蜆同蝦去整個湯底，唔係好似一般喇沙湯得香料同椰奶。💁🏻‍♀️配菜揀咗珍寶大蜆拼海蝦同脆炸梅子一口雞。蜆同海蝦都新鮮，炸雞香脆，兩樣都合格有餘。💁🏻‍♀️幾鍾意呢種咖喱喇沙，但感覺餐廳好缺人手，中午等咗大半個鐘先有得食，不過員工係好有善嘅，但真係要改善下呢個問題。雖然味道唔差，但價錢略高，唔算抵食。🌝喇沙嘅湯用上多種香料熬出頭

中上環本身就唔少多國菜可以選擇，勝在有時想同時中西合璧，一次食晒兩款菜式。今次上網搵到間出名馬來西亞特色喇沙，上咗半山電梯唔算行得辛苦，入口要轉入條巷仔，即刻覺得成件事更隱世更神秘哈哈。💡珍寶大蜆拼海蝦 招牌馬來西亞咖哩喇沙湯麵 $142麵底係傳統摻摻，油麵拼米粉，配料除咗大蜆同海蝦，仲有大量芽菜、蛋同豆卜。聞落味道唔似平時喇沙濃烈，本身就好鍾意食喇沙嘅我，食一啖發現冇椰漿味，都幾新奇，取而代之係一種好清新嘅感覺，冇諗過一直以為係重口味嘅喇沙會有咁清新嘅一日，應該係冇放味精，所以入口第一下個味道唔會好爆，搶晒個味蕾。同時都有用香料味保持到喇沙湯底嘅底蘊。湯頭好味到飲晒啲湯，但都唔覺得口渴，大蜆冇呃人都真係大大粒好鮮甜，海蝦真係超彈牙，又好大隻！芽菜都係一樣我幾執著嘅位，好怕太生有種臭青味，但呢個就唔會，有陣鮮甜味。不知不覺淨係講喇沙都咁大篇，但仲想補充多少少。因為好少見冇椰漿味(依家啲餐廳好似鬥重椰漿味，突然食到咁清新好有趣)，所以忍唔住問下老闆娘。佢解釋原來係馬來西亞都分咗好多唔同地方，根據個邊嘅傳統係唔落椰漿味。成碗麵都冇落味精，逐碗由炒香料同菜去拎香料味同甜味，呢種唔介意時間成本

依幾日落雨濕立立，個人攰奶奶，突然諗到要飲下肉骨茶祛濕補身😌唔想去「叠詞」馬拉餐廳咁求其又隨波逐浪🤣即刻上網睇下邊道有好味肉骨茶同老婆🐽撐枱腳👩🏻‍❤️‍👨🏻最後⋯估唔到既係喺酒吧林立既士丹頓街竟然搵到間有馬拉菜式又有好評既餐廳😲✨火熱砂煲肉骨茶✨一上枱見到熱到出煙🔥店員即刻介紹依道肉骨茶係屬於馬來西亞做法，湯水色澤唔深但入口有香醇既中藥味～仲話揀左豬軟肉取替坊間既一字骨，無碎骨可以放心食，仲有重點係無落糖去煲～入口時感受到甘甜味相信係豬肉加藥材熬燉出黎既精華☺️伴碟有油炸鬼同蒜香米餅，記得趁湯熱浸落去30秒就夾起食係最正，伴埋一碟蒜泥，隨即成碟倒晒落湯度飲，咁先係王道😎✨惹味肥牛堆喇沙湯麵✨首先要讚湯底唔係用湯粉開，飲得出真係無味精，唔辣但有淡淡椰香，有花生同沙嗲醬加咖哩等等唔同香料mix埋既香味，層次豐富，當湯汁掛上麵（摻摻），即米粉混合油麵，真係會一啖接一啖😄而面頭鋪滿芽菜，身為芽菜怪既我表示興奮😆肥牛堆好慷慨，成碗份量十足，真心不錯👍🏻✨脆炸一口雞（梅子）✨我感覺好似食日本便利店既炸雞，脆漿薄身，雞肉仲係好嫩同保持肉汁，灑滿左甜甜地既梅子粉，我地兩個食到停唔到，仲唔係好夠喉😅埋單個

.Brick by Brick 🧱 朋友中環放工，我地一齊去左搵下有咩食🤤見到有間環境幾靜嘅餐廳🍴我地叫左2個甜品🍮、一份小食、一份卜卜大蜆配蒜蓉包🤤………玫瑰酒煮卜卜大蜆配蒜蓉包($218)好特別，好香玫瑰酒味，大蜆好多肉，個醬汁加蒜蓉包好夾，好好食😋……….日式吉列炸蠔($116)炸蠔好多件，都算多肉👍🏻😆……….椰絲咖吔薄餅($52)呢個絕對係必叫，咖吔醬好好食，職員都好好，我地唔夠，仲加左比我地😆………..心太軟配雜莓拖肥醬($68)心太軟好流心，好濃朱古力味😋，配上雜莓醬，好好食🤩……….餐廳擺放左好多藝術品，餐廳可以比食客擺放佢地嘅作品，令多d人可以睇到👍🏻🤩……….地址：Brick by Brick (中環)中環士丹頓街21號地庫………..

隱世小店，雖則連登成日話啲人濫用隱世呢個，但呢間小店真的不能不稱之為隱世，地點喺中環SOHO人來人往區，但坐落於電梯右手行小巷之入邊，出於繁囂而隱世。好在朋友教路，見到pure前面後巷直入，否則睇地圖都有排搵。小店空間不算，有高台及四人枱， 平人6點零左右，冇乜人，店員好好咁俾我哋坐四人嘅高台，之後逐漸多人，好在霸咗個靚位。餐廳喇沙肉骨茶同甜品必食，店員之後有同我哋講，佢哋有出自家制嘅急凍品，有興趣可以問吓，老細好殷勤，問乜都答。秘制馬來西亞咖喱喇沙湯面-雜錦素菜 同行朋友初一 十五食齋（心有疑問到底喇沙算唔算齋，斷估湯底都要用海鮮煲出黎）any肥，佢當是齋就夠了，上菜時很驚喜，色香味俱全，當天食她吃得很高興。我也很高興，因為其餘都是我的。火熱沙煲香濃肉骨茶老闆非常貼心，提醒我哋個煲好熱，一定叫我哋小心唔好辣親，仲好有耐性咁教我哋點樣食用。另有一碟細碟嘅係蒜頭磨制嘅蒜蓉，可以之後按個人喜好加入湯，會令湯頭層次感豐富。建議食之前可以先試下個湯底，未落蒜蓉之前都已經好好飲，加咗蒜蓉層次更加豐富，更貼近平時飲開嘅肉骨茶。肉骨茶是無骨的，當中選用左豬軟骨，煮到淋晒既豬軟骨，輕輕一撈已經可體現到

好耐冇喺蘇豪區搵食！今次嚟到一間巷中的情調馬拉小店，又有驚喜🤭喜歡老闆娘落手落腳仔細的介紹，除左食物特色之外，亦講到佢哋會展出唔同藝術人既作品，希望將藝術融入日常，多d人欣賞到唔同作品👍🏽---🔸惹味肥牛堆喇沙湯麵 $122喇沙係招牌！肥牛山咁高，湯底用唔同材料熬出，馬拉風多少少，有咁椰奶身，但非常開胃，摻摻麵底有米粉+油麵，口感豐富😋-🔸火熱砂煲香濃肉骨茶 $165另一招牌就係呢個！琴晚涼涼地係呢個就暖粒粒兼補身😆事關佢冇糖冇味精，仲用左好多藥材煮，老闆娘都鼓勵我地飲埋個湯😋如果想重d口味，仲可加埋佢地既蒜泥醬~肉方面特登選用左豬軟骨方便食💁🏻‍♀️-🔸玫瑰酒煮卜卜大蜆配蒜蓉包 $218d蜆好飽滿，煮得岩岩好🤩重牛油味(?) 、冇沙，啖啖肉😋蒜蓉包重口味，偏實心，可浸汁食😆-🔸Hot Thai Pandan Lemongrass & Ginger Tea $68薑味×香茅味就是好補好健康的感覺😆-🔸Prosecco $86配蜆👍🏽👍🏽👍🏽溫提:配辣野就會辣上加辣💁🏻‍♀️---🍽️ Brick by Brick {連加一，二人共$725}

BRICK BY BRICK中環士丹頓街21號地庫先講一講如何去如果單睇士丹頓街係好難搵到 到士丹頓街先搵一條叫做 俊榮里 似一條後巷 行入去就係 brick一間主打馬拉菜既餐廳 又可以叫佢做酒吧紅酒白酒香檳啤酒梳打應有盡有簡約裝修 生活返璞歸真蒜蓉包 —— 金黃色 脆脆脆脆秘製馬來西亞咖喱喇沙湯麵1. 鱻魚三寶 2. 雞絲扎肉香料運用得宜，獨特而豐富的口感 唔會好spicy 食到椰漿 魚露既味 油麵粉絲結合濃而不膩 半熟溏心蛋 個湯底令人想飲多兩啖魚蛋 魚腐 魚片所以叫做鱻魚三寶 haha有特別多芽菜 係佢地既特色有半個小青檸調一調味香滑生炒芝麻糊自家制芝麻糊 好香好滑 甜度 適中黑松露薯條

—～—～—～—～—～—～—～—～—～—～—～—📍brick by brick 地址: 中環士丹頓街21號地庫營業時間：星期一至五11:00-23:45，星期六 12:00-23:45，星期日休息小編有啲朋友住九龍區 有啲住港島區 而我就住喺大西北 平時大家都好難相約到見面🥹今日咁岩去開中環呢邊 就順便問下朋友仔出唔出黎din個ner🤣 最近見到呢間馬拉小店好似幾hit 就一於去一探究竟🫣🔸火熱馬拉砂煲肉骨茶肉骨茶相信無人不曉，老闆娘介紹可以先飲一啖湯 然後如果覺得唔夠味 先再將匙羹上既醬料加入湯底，我地飲完第一啖已經覺得好清甜好好飲好夠味，飲多兩啖 再加入醬料 再飲 湯底變得更惹味 配飯一流 舊肉炆得好嫩 唔會好韌/好硬，難怪係招牌👍🏼推介指數 ⭐⭐⭐⭐️⭐️食物質素😋😋😋😋😋🔸玫瑰酒卜卜大蜆配蒜蓉包當我地唔知揀咩既時候 老闆娘又推介左卜卜蜆 佢話當日既蜆好大隻好靚 講到我個朋友流曬口水🤣終於抵擋唔住老闆娘既攻勢 我地又叫左黎試😆 不過.. 果然無得輸 卜卜蜆大隻鮮甜，調配既醬汁超好味 蜆肉拌呢個汁再擺上本身已烘得好香脆既蒜蓉包上面 直程出色呀💯推介指數 ⭐⭐⭐⭐️⭐️食物質素😋😋😋😋😋🔸意式

我同朋友夜晚7點半到，已經有2-3枱客排緊隊，好彩預先book定枱，唔洗等直入餐廳😂•火熱砂煲肉骨茶 ($165)🍲本身好怕重藥材味同飲落好苦嘅肉骨茶，但呢個肉骨茶湯底相當有驚喜‼️餐廳重新調整過唔同藥材香料嘅比例，所以湯底較正宗肉骨茶易入口🧡飲落枸杞味好出好香甜🤤另外，餐廳用豬軟骨取代一般常用嘅排骨煮成，肉質軟腍，肥瘦得宜又入味，配埋自家製油炸鬼蘸湯送飯，一流‼️🥰值得一提，餐廳會配上用蒜製成嘅特別醬料🧄可按需要加入湯底，味道會更香更濃郁😛•燒美國安格斯西冷配黑松露薯條 ($278)🥩牛扒好大塊，調味恰到好處，唔會太重手搶過牛扒味，咬落亦好juicy，薯條就正常發揮🍟•大圍啤-伯爵茶🍻($74)呢隻台灣啤酒一入口先有苦澀味，再慢慢滲出淡淡伯爵茶香，係唔錯嘅解渴選擇‼️

店鋪都幾難搵, 建議由俊榮里入就最方便💁🏻‍♀️小店由兩夫妻經營👫🏻親力親為一腳踢, 老闆娘喺點菜同上菜都會好認真咁介紹野食, 睇得出佢哋非常用心經營, 好有hear秘製馬來西亞咖喱喇沙湯麵配料有7款咁多 (雜錦素菜/鱻魚三寶/雞絲扎肉/脆炸梅子一口雞/惹味肥牛堆/雜錦海鮮/珍寶大蜆拼海蝦) 愛食魚嘅我, 揀咗鱻魚三寶, 分別有魚蛋, 魚片, 魚腐🐟麵底係摻摻 油麵搭米粉, 加埋芽菜一齊食, 口感豐富, 仲有豆卜, 溏心蛋 配料份量都幾多 喇沙湯底有別於一般做法，用多種蔬菜熬湯, 零糖零味精, 椰奶味唔重，湯底清新輕盈同埋唔會好辣, 食唔到辣嘅朋友都可以食到作為蒜蓉包嘅粉絲, 基本上每次食飯都會點呢味😆玫瑰酒煮卜卜大蜆配蒜蓉包用玫瑰酒慢煮 蜆肉鮮甜脤卜卜 帶有淡淡酒香🍺 配埋蒜蓉包食 match😋小食方面, 點咗脆炸梅子一口雞每件都炸得好香脆, 外皮酥脆內裡肉質嫩滑，炸得岩岩好, 好juicy灑上梅子粉, 酸酸地幾開胃😁