BRICK LANE Deli (已結業)

🏠BRICK LANE Deli (沙田)今日出開沙田，又專登搵黃店，新城市入面得呢間未試，入到去會諗起細個食D字頭嘅西式快餐，首先要讚門口待應姐姐，服務十分細心，問我怕唔怕凍而比左個非風口位我，又提我可以放低啲嘢喺對面座位，抵讚﹗入座前先點餐，今次叫左lunch set all day breakfast ($98)，包一杯飲品同沙律。沙津正常發揮，成個餐最滿意係麵包，烘得好脆好香口，其次係滑滑炒蛋~其他野都無乜特別。發覺喺餐廳叫嘅西式水果茶，都好鐘意落水果糖漿，呢杯係落左罐頭桃，飲到尾先見到，有啲SAD，可能飲開台式水果茶，期望要調整~

放假出走新界次次話踩單車但無次真係踩😂所以今次都唔例外但唔知點解可以搞到差唔多9點先食飯選擇不多情況下求其搵間算—————————————————————喺新城市兜左個圈最後都係落地下好多都已經LAST ORDER最後揀左間西餐廳叫個全日早餐基本有嘅腸仔 煙肉 菇都有薯餅用左薯角代替但唔知係咪因為太夜啲薯角凍左😔不過就算係熱辣辣嘅薯角都係覺得用番薯餅開心啲😛👨🏽見到個海鮮意粉就不停大叫中伏事關餐牌完全無提及用咩醬因為佢最憎茄汁偏偏就用左茄汁做醬中島試過一啖其實係普通茄汁意粉😂以價錢黎計呢間餐廳性價比有啲低可能因為臨近收工時間所以影響質素？但試過呢兩樣都無特別應該唔會再去—————————————————————┇ 全日早餐 $88┇ 海鮮意大利粉 $128

放工時段，每間餐廳都要等位，唯獨哩間唔洗等，一問就入得，坐個位置唔太舒服， 張凳一挨後就成個會跣落去， 而且我哋個位係最近商場， 所以啲人行嚟行去都會望住我哋食嘢， 幾乎行人一伸手就可以掂到我哋，所以個位唔係坐得咁舒服。食物方面落咗三樣嘢食， 一樣係牛扒， 一樣係黑松露薯條， 另一樣嗌咗個漢堡包。首先講個牛扒， 牛扒都算係好有牛肉味， 因為之前試過其他餐廳啲牛扒係冇味嘅， 而且多真係五成熟，都幾好。另外個黑松露薯條， 薯條非常之白色， 睇落去好似炸得唔熟咁， 因為我見隔離嗰枱啲薯條係黃金色， 食落個感覺好似啱啱好熟咁， 個黑松露醬係好食嘅， 因為我哋未上薯條嘅時候聞到隔離枱個黑松露醬味好香。最後嗰個漢堡包， 漢堡包肉扒 比較韌， 唔係好趙得開價錢雖然都算係中常比較貴， 但so far都ok嘅

之前去過尖沙咀Brick lane食過覺得唔錯，所以朋友問我食咩個陣 就想試吓沙田呢間。新城市入面假日晚市咁快有位嘅餐廳好少有，不過食完就明晒點解。朋友同我都叫左C1 流心蛋芝士煙肉意大利麵 跟湯同野飲前菜湯同沙律先上。沙律不過不失。湯就唔掂了，飲到粉粉地口感，而且淡而無味，如果上面唔係有粟米同蘑菇，我真係飲唔出係咩湯。呢個意粉中文名雖然冇寫，但英文名其實寫住spaghetti carbonara ，所以我地expect佢係卡邦尼黎。但係食落口唔好講卡邦尼，連白汁味都冇，又係淡而無味。再者煙肉食落好似火腿咁，上面條配菜（唔肯定係咪芽菜）好生，味道唔夾個意粉。另外仲叫左個豬肋骨，呢個味道反而唔錯，醬汁幾惹味。配菜薯仔ok好食。整體黎講非常唔推薦。員工服務好一般，而且食物質素對唔住個價錢。同區實在有太多更好嘅選擇。

流心蛋芝士煙肉意大利粉賣相色水都好唔錯，但其實佢係好淡味🤣，無論係個汁定係啲煙肉，適合鐘意清淡口味既朋友🙊英式豐盛全日早餐唔同之處係多左塊雞排，味道不過不失晚市加$30有埋餐湯同沙律🥗兩者味道都唔錯另外都加左杯Oreo沙冰，Oreo味都濃，仲有少少餅屑增添口感👍🏻但環境黎講係幾好既，早少少到仲可以坐較出面既位置，望住商場arcade area🌿 而且食物擺盤都有心思～

行完街Brunch時間最啱食個All Day Breakfast 🍳 英式全日早餐內軟外脆的麵包塗埋牛油好香口滑蛋火候適合，炒蘑菇同烤番茄好仲有香腸同薯餅，份量足夠另一份係較豐富的全日早餐，基本麵包，腸仔蛋都有，薯餅就轉了厚切肉嫩滑雞扒，番茄變茄汁豆，味道不錯

嗯…可能無叫大家推介既松露薯條，所以中左伏。首先牛扒叫既時候佢已經講明只可以7成熟，其實無問題，如果整得好食，7成都可以好味。第1、塊牛扒好簿，所以即使7成熟都好柴。第2、完全無牛味，我唔理佢熟成點柴唔柴，但佢一點肉味都無，似係處理既過程用水洗過塊牛扒，走晒d血水，令塊牛扒變成咁。配菜、醬汁都還好。但158蚊食呢塊牛扒，大x樂呀個d會抵食過佢同好食過佢，佢地既煮法完全浪費左一塊牛扒。脆香雞翼，正常普通煎熟左既雞翼，皮煎得唔夠脆，入面都算有肉汁。2分 係比條香腸原本既味道，睇張相都見到叫燒香腸根本都無咩點燒過，似拎水滾熟左，用煎pan 熱一熱咁既感覺。菜名叫燒香腸諗住會食到個陣煎香左香腸外層既香味，但佢連外層脆口都無，唔好再講話有無香味。

因為要去沙田大會堂睇表演，所以開場前喺新城市廣場一樓搵食。見Brick lane有Egg Benedict ，所以揀咗佢。兩個人，order咗一份牛油果Egg Benedict 丶一份經典漢堡，再每人加$45轉餐配沙律丶湯丶熱飲，共$270幾。外表睇落都算吸引，但係質素真係令人失望。Egg Benedict嘅蛋黃係熟嘅⋯⋯😓完全冇流黃⋯⋯漢堡嘅牛肉同麵包好難咬⋯⋯😩又冇配薯條⋯⋯呢個價錢丶同樣嘅食物，平喺其他小店cafe食，好食好多倍。真係失望。

我好中意食benedict， 呢個配上牛油果同好厚切既蕃茄，健康到呢！不過呢個組合又好食又開胃， 真係係早餐之選。^_^！另外套餐亦會有份當沙律同餐飲，沙律配左黑醋汁非常開胃，餐飲我嗌左水果茶，係蜜桃藍莓味，非常清新， 啱晒女士。

Brick lane Deli喺沙田新城市算係一間半開放式嘅餐廳，餐廳嘅坐位比較密，如果要傾偈嘅話就唔係咁適合啦，今日平日所以一到餐廳就有位，如果係週末的話根本唔使旨意可以Walkin，不過可以先用電話程式拎定飛，今次叫咗個下午茶煙三文魚薄餅配一杯咖啡盛惠$64 ，佢嘅薄餅係薄底，餅底好脆身，上面鋪滿晒煙三文魚， 三文魚上面仲配左火箭菜，煙三文魚好大塊而且仲好香煙熏味，配搭埋個香脆薄餅好夾，咖啡好香濃，糖同埋奶另上客人自行調校，雖然價錢唔係好平，但係質素很不錯

星期日去到人多既新城市，間間餐廳都要等位🤭 既然都要等，梗係要等值得既💛 揀左𝐁𝐫𝐢𝐜𝐤 𝐋𝐚𝐧𝐞 𝐃𝐞𝐥𝐢，可能因為半自助既關係，出餐出得快，所以等左大概20分鐘就有位喇～➿ B4. 藍蟹班尼廸蛋配菠菜荷蘭醬 ($128)雖然我幾鍾意黃色💛 但加左菠菜變左綠gram gram既荷蘭醬感覺好清新又養眼😌 班尼廸蛋下面有英式鬆餅墊住，蛋汁同荷蘭醬配乾身既英式鬆餅，濕潤度剛好～ 不過藍蟹份量太少了👉🏼👈🏼 ➿ D3. 黑啤燉牛肉配麵包 ($118)燉牛肉燉得超軟冧，份量多而size切到好岩放上麵包面咁樣食😋 味道帶點點麥香，點多少少醬汁食會覺得有點兒鹹～ 不過燉牛肉質素真的值得加分👍🏽➿ 凍果味茶 (+$4)甜度適中，有真果味，不錯喝喔😌

𝒲𝑒𝓈𝓉𝑒𝓇𝓃 𝑅𝑒𝓈𝓉𝒶𝓊𝓇𝒶𝓃𝓉 𝒾𝓃 𝒮𝒽𝒶 𝒯𝒾𝓃今日突然好想食𝘣𝘶𝘳𝘨𝘦𝘳，經過沙田見到呢間好有裝修好𝘦𝘯𝘨𝘭𝘪𝘴𝘩既餐廳即刻入去試。餐廳走工業悠閒風，自助形式出去叫野食，之後野食會送過黎。💫• ℂ𝕝𝕒𝕤𝕤𝕚𝕔 𝔼𝕟𝕘𝕝𝕚𝕤𝕙 𝔹𝕣𝕖𝕒𝕜𝕗𝕒𝕤𝕥 $92 •份量都好多，個法包都好大舊，蘑菇好好味，蕃茄有特登煎過👍🏻加𝘥 𝘱𝘦𝘱𝘱𝘦𝘳就啱啱好。好開心就係有我至愛既蕃餅😻 炒蛋就整得老左𝘥 𝘥 😵‍-•ℙ𝕣𝕖𝕞𝕚𝕦𝕞 𝔹𝕖𝕖𝕗 𝔹𝕦𝕣𝕘𝕖𝕣 $88 •整體都唔錯，包入面有好多料，牛肉都好𝘫𝘶𝘪𝘤𝘺，加左𝘥 洋蔥🧅同牛肉好夾。𝘣𝘶𝘳𝘨𝘦𝘳 只係跟左好細碟既𝘤𝘩𝘪𝘱𝘴 唔夠過癮，所以另外加左個黑松露薯條🍟 （$52），粗薯條啱啱炸起，夠熱好有口感，加埋𝘥 黑松露醬雖然好肥 但真係好好味 😋食唔停口。大推👍🏻👍🏻📍 𝑩𝑹𝑰𝑪𝑲 𝑳𝑨𝑵𝑬 𝑫𝒆𝒍𝒊𝘚𝘩𝘰𝘱 126, 1/𝘍, 𝘕𝘦𝘸 𝘛𝘰𝘸𝘯 𝘗𝘭𝘢𝘻𝘢 𝘗𝘩𝘢𝘴𝘦 1, 18 𝘚𝘩𝘢 𝘛𝘪𝘯 𝘊𝘦𝘯𝘵𝘳𝘦 𝘚𝘵𝘳𝘦𝘦𝘵, 𝘚𝘩𝘢 𝘛𝘪𝘯

今日去左沙田食午餐呢間餐廳環境幾好，坐位舒適我們叫左2個意粉一齊分享食1.肉醬意粉$982.黑松露蘑菇意粉$92價錢點貴，但味道都ok如果午餐定位再便宜一點，會更加吸引整體評分：3/5抵食：2/5環境：4/5

今次同朋友黎到沙田，之後經過呢間cafe，而個時有D餓所以就入左黎醫肚。咁我地就叫左煙三文魚薄餅、流心蛋芝士煙肉意大利麵、松露薯條同埋水果茶。個煙三文魚薄餅雖然睇落就一般，但係佢整到個底夠脆夠香口，有D似食緊薯片咁，而加埋三文魚令到成個薄餅昇華左。至於個流心蛋芝士煙肉意大利麵，店員拎黎嘅時候已經聞到好香芝士味，而菇同煙肉嘅份量都比較多，所以落去好香同會覺得有飽肚感。而佢個汁加埋蛋黃令到佢更加香口好味。之後松露薯條炸得好好，一黎唔會太油，二黎又夠脆，一流，又唔會令人覺得好似食左好多油落肚咁。而佢個松露醬都好香好味，配埋薯條簡直冇得頂。另外佢嘅分量都多，抵食。而杯水果茶就都幾好飲，而且有水果嘅味可以沖淡上面D野食嘅濃味，感覺健康D。

新城市廣場長期人山人海，如果要在這裡用餐，我們多數都是以‘快有位’為目標。Brick Lane有點貴價快餐的感覺，見不是太多人等，就決定午餐在這裡解決。頂級美國牛肉漢堡牛肉同配料(蕃茄、酸瓜、青瓜、生菜)都足，味道ok，但牛肉有筋同幾韌，如果再來，未必再選這個煙三文魚班尼迪蛋水波蛋飽滿生熟度剛好，包底烘得香脆，吸收了蛋汁，加上咸香的煙三文魚，味道更有層次Eggs Benedict 自己很難整得好，所以常常搜尋哪裡有得吃，Brick Lane這裡有幾款選擇，下次或許再試parma ham黑松靈蘑菇天使意粉天使麵軟硬適中，醬汁creamy，正常總括來說食物正常，小貴，座位有點迫。