BRICK LANE Deli (已結業)

🍴Premium Beef Burger HKD 96呢個burger就咁睇就見佢細個得黎有好多唔同既料🍔酸瓜青瓜生菜蕃茄洋蔥芝士🥒🥬🍅🧀當然唔少得有牛肉 但個問題就來了🙈塊牛真係熟得有啲過分😨已經係又乾又鞋仲有少少韌😫🍴Carbonara HKD 108冇平時卡邦尼亞個種好濃稠既感覺🤔而係比較稀既cream sauce 所以相對味道比平時較淡🍝但口感適中～🍴Truffle Chips +HKD 20就係普通薯條加個松露醬😂🍟本身已經有少少鹽調味～但係就略嫌個醬溝得唔夠多黑松露而且沙律醬味偏酸🙈🍴Rose Latte +HKD 12咖啡味無論係飲定聞 都係搵唔到😣似飲緊玫瑰味既奶多啲🥛

之前食過佢係金鐘既分店好似都幾好，呢次係沙田見到有分店就入去試😛但係呢間好似偏向係快餐形式咁，要自行行去櫃檯先點餐，同埋斟水都係自助既，食物質素亦平凡一點🤔▪️ 頂級美國牛肉漢堡（6/10）💲88個包身普普通通，無咩特別調味，不過中間個燒洋蔥醬汁調味唔錯既🧅可惜塊牛係一大敗筆，雖則厚身，但係入口頗多筋感覺都幾韌😣仲有青瓜、酸瓜、蕃茄、生菜，配上薯片，但就唔係太脆身，有住陣陣唔夠新鮮既油溢味🤨▪️ 松露薯條（6.5/10）💲45掛住食唔記得影🤪薯條係幼身既，而且略油感覺濕濕地咁，一上檯見到已經少少失望👉🏻👈🏻不過松露醬帶酸，其實幾開胃同埋香口，如果係配脆身既粗薯一定好味好多☺️▪️ 流心蛋芝士煙肉意大利麵（7.5/10）💲98流心度十足既水波蛋，帶有陣陣蛋香，同埋有足料既芝士片、煙肉、蘑菇，加上左忌廉汁幾creamy，意粉亦彈牙🍝🔎 整體評分（6.5/10）

星期日，食飯地方都預左多人架喇，本身想去沙田新城市間新開燒肉，點知佢話啲飛賣哂，唯有再周圍覓食啦😢點知俾我見到Bricklane🚲唔洗等！一於就坐入去食啦🤤————————————首先就必食既卡邦尼🤤佢份量充足，而且口感Creamy!  之後再加啲芝士粉調味，簡直一流！唯一爭少少係隻蛋熟過頭，蛋黃流唔到出嚟，不過整體都好好食👍🏻👍🏻👍🏻👍🏻再嚟既係南瓜紅菜頭沙律🥗食個沙律清新一下，發現佢啲紅菜頭都好Fresh，而且啲南瓜軟硬啱啱好，值得一試👍🏻👍🏻👍🏻👍🏻最後叫左個松露薯條🍟呢個反而有啲失望，薯條唔夠熱，啲醬都唔夠熱，食落口感偏凍，不過勝在都夠脆，希望下次會好啲啦🤣總括嚟講，週日放鬆下，Bricklane都係唔錯既選擇👍🏻👍🏻最後埋單，俾大家睇埋價錢啦💸💸

星期六諗住chill下，食個holiday bruch到餐廳已經2點幾，等左大約15分鐘位而家變左要自助落單，但就冇收加一跟餐有茶，男朋友加左12蚊要ice latte...落完單3分鐘都冇，口罩都未除個ice latte就到左 ...感覺有d求其呢一杯仲要加12蚊，味道都幾普通 ..我就嗌左熱既earl grey, 味道一般般，茶包黎食物方面，男朋友嗌左fish and chips.. 炸魚好厚身，但魚身好黏同粉炸粉亦都厚同油膩得個厚字 ... 薯條係蕃薯條黎，我地比較鐘意正常薯條多d.. 所以我地都唔鐘意呢到既fish and chips講完差既，終於到好評既！pama ham egg benedict, 包底烘到好脆，pama ham唔算好咸，同隻蛋既味幾夾溏心蛋做得幾好，另外pama ham同包底中間有d酸菜，又幾夾喎總括而言，雖然係沙田市中心咁方便既地點有holiday bruch食，但價錢偏貴，食物質素一般... 入座時間都只係得60分鐘，性價比低評分:環境 ⭐️⭐️⭐️⭐️味道 ⭐️⭐️⭐️舒適 ⭐️⭐️⭐️優閒 ⭐️⭐️回頭 ⭐️⭐️

難得早起身，和朋友一齊約咗喺沙田食早餐經過呢間餐廳，有幾個人排緊隊於是乎決定試一試佢 classic English breakfast💰98早餐好豐富，雞蛋可以選擇太陽蛋或者炒蛋，而我就揀咗炒蛋，炒蛋好香有些小牛油味麵包烘得啱啱好好香脆其中最好食嘅應該係啲蘑菇，超級Juice食完一大份早餐，成個人即刻醒神晒果然美好嘅一天就係要由一份早餐開始

2021.04.30 brick laneLunch time 見唔洗等位。可能太耐冇食，依家竟然轉左坐低，再出去嗌野食比錢，自己去自助bar斟水，同快餐店唔同既係呢度有人送餐，同埋價錢一d都唔快餐店。我叫左個burger 餐跟果味茶。果味茶：好甜既一杯野，冇乜茶味，杯入面有兩粒藍莓同一舊仔罐頭蜜桃。沙律菜：好唔新鮮，d菜淋晒。Burger：個飽幾軟身。青瓜蕃茄大大舊，頂晒出黎。塊肉煎得太熟，硬到少少𠝹咀。少少意見，包下面塊紙，要自己套反個包黎食，都係整烏糟隻手，唔係甘方便。留意反，呢度既burger係冇跟薯條。

平時去開Brick Lane食早餐 貪佢抵食又好食 次次都食all day 今日諗住試下新嘢 食佢個smoked salmon eggs benedict啦 一擺低嘅時候 一句對白喺腦度飛左出黎。。。 ‘驚喜唔驚喜？ 意外唔意外呀？’ 真係好驚喜真係好意外😨 平時果個豐富到切都無位切嘅all day消失左。。。換黎嘅係呢碟有少少失意加一點落寞嘅兩件eggs benedict 互相依偎簡潔到我差啲以為佢有嘢漏左未擺上碟😢 味道係唔差嘅 食得出佢個三文魚唔係heahea果啲 份量都唔算少 不過隻蛋就略嫌熟左啲 結論係。。。 我下次都係食返all day算啦🤣 事關佢個all day係真係好味同抵食架！怪只怪自己見異思遷 其實除左呢樣嘢之外 佢都有好多嘢值得讚架 佢嘅調味料包括果jam牛油coffee cream都係自助 一啲都唔吝嗇 不過香港人 雖然人地大方 但係大家都記得只取你所需 無謂搞串個party丫😉

已經有幾年冇去沙田，上星期日去影相，趕時間之下，見到有間brick lane Deli 第一時間入去啦，因為平時食開嗰啲brick lane 都質素唔錯！ 但係經過今次，我已經black list 所有brick lane!🤬首先，一入到餐廳，見到menu 咁平都知奶奶地野，不過趕時間，算，點知原來仲要好似大家x 咁要自己排隊買飛，個all day breakfast D肉好唔新鮮，有雪味，梅，咖啡係用植肢奶加水沖，仲話係latte!呃我未飲過咩叫latte? 仲要另外加$24。我同個員工講加多個shot，佢竟然就咁拎去部即磨咖啡機襟個制加🙀🙀，我懷疑究竟我係咪去咗茶餐廳，係仲衰過茶記，但價錢以依個質素真係一文不值！我食咗一啖，杯咖啡都飲咗一啖就嬲到走左😡😡😡，一次交易！🙅🏻‍♀️🙅🏻‍♀️🙅🏻‍♀️🙅🏻‍♀️🙅🏻‍♀️嬲到震。唔會再去！

本身餐廳的食物是可以的，食材新鮮，價錢不算貴。但內面員工大部分都是黑面多，雖然他們穿了口罩，還是可以感受到。其中一個員工一點禮貌有沒有，態度比茶餐廳更惡劣，忙也不應該把情緒放到顧客上試過隣近的餐廳價錢平過這里，但服務態度更好。

係新城市食飯都預佐無咩💛可以揀🤔係編x史見到brick lane竟然係💛就即管試下🤔(如有錯誤請提點)食完發誓永久blacklist呢間野😂英式炸魚薯條($95)呢個我諗係食過史上最差既炸魚薯條❌❌一上即食已經唔係好熱🤔似擺佐好耐但連做樣都無整返熱佢🤔都算 一入口係林曬🤔茶記好食過佢10倍🤔再講個炸魚 啲粉厚過鋪英泥❌❌❌同炸到過晒火乾曬 皮同魚肉完全分離🤔totally failed❌❌❌黑啤燉牛肉配糙米飯($108)本身見呢個配搭少見啲所以叫🤔最後都係超失望❌有少少啤酒味 但啲肉完全冇特別茶記或者連鎖店既牛腩飯同樣好食過佢多多聲🙅🏻‍♀️Overall 200幾蚊食埋啲咁嘅嘢真係一肚氣🤔加湯同沙律要另加$30又唔抵又唔好食🤔blacklisted❌❌為食指數: 1.5/5性價比指數: 1.5/5推介指數：1/5

weekend去左沙田拜山~拜完山食個lunch~唔太熟哩區~見到哩間BRICK LANE系列既~我記得係尖沙咀食過唔差~又唔算太多人等位~唔再周圍行啦~就食佢啦~叫左2個holiday brunch~價錢仲包埋一杯熱飲品既▶️英式豐盛全日早餐($98)all day breakfast佢有兩款~今次揀左哩款~豐盛版本~🤩🤩炒蛋~雞扒~火腿~豬肉腸~焗豆~吐司多左個平時all day breakfast比較少見到既雞扒~雞扒味道唔錯~😋整個all day breakfast味道不過不失~正常水準~份量係足夠既~▶️黑松露蘑菇天使麵($98)哩個menu上面寫係全素黎既~素食者都岩食~🥰黑松露加蘑菇哩個配搭一睇就知唔會輸~👍👍👍黑松露既香氣加埋夠哂creamy既醬汁~每一啖天使麵都感受到黑松露既味道🤤🤤而且蘑菇既份量超多之餘又新鮮~正!!2款食物~我推薦哩款多d~

今天有點事要早上到沙田辦理，早一天在網上 search 定睇下新城市廣場有咩餐廳會有早餐供應，其中一間就是BRICK LANE Deli，看相片食物的賣相不錯，決定試吓。點了一份 “特色窩夫配沙律” 、 "英式豐盛全日早餐”及兩杯凍咖啡。“特色窩夫配沙律” ($67)  - 窩夫不夠脆，沒有蛋香，煎蛋幾好，蛋黃有流心效果，煙肉一般，沒有煙肉的煙燻味，香蕉幾特別，香蕉面灑了些糖及燒過，甜甜的脆面香蕉，味道及口感都幾特別，沙律菜很新鮮配上少少酸的沙律醋, 很fresh."英式豐盛全日早餐” ($68) - 豬肉腸帶少少香草味，我覺得麻麻地，但肥先生覺得好吃，雞扒有些硬，炒蛋不夠滑，其他如焗豆、蕃茄、火腿及多士味道正常。早餐包一杯飲品 (凍飲 +$4) ，以這價錢在這商場吃早餐尚算可接受，而且份量亦足，但稍嫌食物味道一般。

Try the egg benedit with salmon today. The portion is a little bit less for a man but little disappointed there isn’t any vegetable as side dish or anythingThe taste is good though you can expect some similar quality elsewhere at this price .Will visit again later but definitely will try out other place first

話說同先生在新城市行又攰又餓，见到其他Greyhound, 要等位，咁，Brick Lane 有位就坐低，以前 TST食過，唔錯。点知今次中招。用的食材跟之前差别很大。外面裝修，menu 都似樣，坐低去收銀order 就见到個茶餐廳水bar。算，好食話之佢。 衰就衰在外面茶記好食過佢。其他coffee shop 有soya, oatmilk, 呢間你叫soya cappuccino，佢叫你另外買一盒Qoo 豆奶，完全不入流，English Breakfast d bacon 食唔出係乜，薯餅無味，蘑菇係罐頭嘅，条sausage 唔知係乜嘢肉，無味又undercook，好似放上pan 碌一碌就上碟。我先生一般食得入口飽肚就算，今次都忍唔住投诉。绝對無下次。

天氣凍但Weekend 都要一早外出，快快手做完嘢就去醫吓肚，經過沙田新城市廣場第一期地下其實都有很多人，餐廳都坐滿的。但見到餐牌很吸引，因為有我至愛All Day Breakfast! 那走吃過靚靚豐富早餐啦！A1 . Classic English Breakfast 英式全日早餐 $65（太陽蛋 煙肉 火腿 肉腸 蘑菇 烤蕃茄 薯餅 多士）太陽蛋脆邊很吸引A2. English Meaty Breakfast 英式豐盛全日早餐 $68（炒蛋 雞扒 火腿 豬肉腸 焗豆 多士）炒滑蛋鮮嫩蛋味濃