BTB - Better Than Burger (富多來商場第二期) (已結業)

大角咀這間新開的美式漢堡店「BTB - Better Than Burger」，以鬆軟冬甩代替一般漢堡包，有各款創意材料配搭。見到咁特別又未試過，即刻走左黎食😋手打牛肉冬甩漢堡 $78 👑升級為套餐+$18 (包薯條和汽水)💮冬甩圓潤鬆軟，按壓時充滿彈性，空氣感十足，亦有烘底💮夾著肉味香濃的漢堡扒、邪惡既半融芝士🧀💮漢堡扒嚴選幾種牛肉搓成，淋上自家調製的辛甜漢堡包醬💮仲夾左新鮮蕃茄🍅同生菜🥬💮整體口感豐富滋味☺️軟殼蟹冬甩漢堡 $88 升級為套餐 +$18 (包薯條和汽水) | 轉薯格 +$2💮用上原味既煙韌冬甩，一樣圓潤鬆軟💮炸至金黃酥脆既軟殼蟹啖啖肉，外脆內軟又多汁，一軟一脆既口感特別美味💮配上新鮮蕃茄🍅、生菜🥬、半融芝士🧀和特製辣醬💮整體有多重味道層次！薯格 同 薯條 (跟套餐)💮加左+$2轉薯格，炸得好香脆可口💮薯條用左粗薯條，仲有得揀shake shake粉，我揀左咖喱粉😂好得意💮兩樣炸物都份量十足，仲係即叫即炸，熱辣辣，香脆可口

星期日朝早同人夫去完屯門飲茶，下午決定去大角咀覓食。最後搵到呢間隱藏於橫街既burger店。呢間burger店係新九龍廣場對面街，周圍都係舊樓。舖面面積較細，得幾個單邊位。我哋就揀咗坐係店外長櫈。我哋叫咗「手打牛肉冬甩漢堡」和「軟殼蟹冬甩漢堡」，其中一個轉咗套餐，可以試埋薯條。等咗10分鐘左右就有得。手打牛肉漢堡肉質鮮嫩多汁，而軟殼蟹漢堡炸得好酥脆。呢間舖既burger都係用冬甩包做包面，口感非常鬆軟。入面配料有蕃茄、芝士、生菜。套餐跟薯條同汽水，我哋揀咗BBQ味炸薯條。薯條口感外脆內軟，燒烤味道十分濃郁，好食到停唔到口。我哋order咗正常size，如果想食少啲或者係細胃人士，可以叫「二人拼盤」或者「迷你漢堡下午茶」套餐。另外仲有為素食者而設既「大啡菇漢堡」。呢度仲可加topping係包面，有珍珠、棉花糖、煙肉三款比你揀。人夫都話呢間舖可以encore，非常推薦大家去食。

🍩?🍔?有選擇困難? Why not both?小孩子才做選擇~見到呢間BTB 話係首創冬甩漢堡起初抱住懷疑的心去食因為冬甩係我意識中係甜的而漢堡係咸的😂.🔸手打牛肉冬甩漢堡 $78 +$8棉花糖稱之為 厚厚juicy手打牛肉, 相比出面d冇咁咸新鮮蕃茄 生菜 原塊芝士 再加漢堡醬就係正常配搭啦點知夾埋棉花糖同冬甩 成件事又唔會好奇怪冬甩係炸到脆脆的 又唔會好甜總之出奇地好夾! 😍.🔸+$20就可以轉套餐跟左個薯寶同汽水薯寶細細粒的炸得好脆 份量好多就好似薯餅既迷你版 但就脆好多😉.📍BTB - Better Than Burger📌大角咀櫸樹街68號富多來商場2期地下11號舖

第一次見到有冬甩嘅漢堡店，而且仲有得加棉花糖，貪新鮮嘅我梗係狗衝去咗試啦😂佢嘅漢堡係用貝果(Bagel)嚟做，比一般嘅漢堡包更加有咬口，不過雖然佢有得加棉花糖，但係都要加幾蚊，所以我就普通咁樣叫咗一個牛肉漢堡($78)加配套餐(+$20)，味道相當唔錯佢嘅漢堡扒好有肉汁，成個漢堡加埋嚟就非常之好味，而且佢配嘅小食，除咗有薯條之外，仲可以選擇洋蔥圈或者薯寶，而飲品除咗唔健康嘅汽水之外，亦都有得飲烏龍茶所以意外咁，可以食得幾健康佢嘅全部加埋茄汁食落去都唔錯，因為好少餐廳可以食到薯寶，所以都幾驚喜總體而言真係值得一試嘅，下次有機會再試㗎，我會記得加棉花糖㗎啦😂😂😂

行過舖頭，見到有冬甩漢堡幾特別咁喎，未食過就買黎食啦店舖細細有少量座位供堂食，但裝修都幾有style，漢堡款式都有幾多，我揀左冬甩燒雞漢堡套餐配料有芝士同生菜，冬甩漢堡超鬆軟軟熟，好新鮮好特別，係香港第一次食冬甩漢堡就咁好味，我無揀錯套餐仲有薯寶，好香脆可口，食完一粒接一粒，份量又唔少添，屋企人都覺得好正，而家我地都幾鐘意食薯寶，口感比起薯條更正呢！tonic water揀左橙味，另外有白提子味，未試過真係要試下，幾獨特既味道，我幾鐘意陣味道外賣個紙袋都幾硬正，店員有笑容又快手，等餐都好快，返到去食都仲好正！

今日去咗大角咀掃街經過呢間人氣漢堡小店, 主打冬甩漢堡, 小店設計簡約, 食物配搭都很小見, 例如有珍珠配雞等, 仲有好多好新穎嘅配搭我就叫咗一個手打牛肉冬甩漢堡嚟試吓(+加配棉花糖) 漢堡面頭用左冬甩, 非常鬆軟內餡有齊芝士蕃茄同手打牛肉牛肉牛味香濃, 加埋棉花糖半溶嘅狀態, 令牛味更加出, 棉花糖唔會好甜, 但鹹甜配搭超有趣, 加上秘製醬汁, 越食越開胃😋另外，配埋套餐會包薯條/薯格+飲品我就轉配左薯寶, 薯寶即炸熱辣辣薯寶好似一粒粒嘅薯餅咁樣, 香脆鬆化

出名多美食嘅大角咀又開左間新食店，同老公行開附近就當然要立即試試佢啦～堂食位置只有3個，我地去到個陣已經有其他客人，咁唯有外賣啦～睇個餐牌時發現佢地嘅漢堡包係用冬甩🥯，問過職員，佢話比普通漢堡包更軟身，咁就岩曬我另外，仲可以加特別嘅Toppings（棉花糖、珍珠、炸蔥煙肉碎）令口感更豐富😋🍔手打牛肉冬甩漢堡 （加左棉花糖做topping）醬汁係漢堡醬，甜甜地有好小好小嘅辣味，唔錯配套餐（轉薯格）

之前睇YouTube 片介紹呢間新開的burger！就心思思去試下啦～ 見推薦係棉花牛 好特別的組合！餐廳主打外賣 不過都有少量位置可以坐喺度堂食～手打牛肉冬甩漢堡 $84另外棉花糖需+$6雖然我係外賣一段時間先食 但都不錯！最特別係個漢堡包皮係冬甩！好軟熟同埋吸晒牛油嘅香味！另外醬汁好多好正！最意想不到係棉花糖竟然好夾！套餐+$18有薯條同埋飲品 揀咗薯格+$2 薯格分量超多！滿到個盒都關唔到😚😚BTB - Better Than Burger (大角咀)大角咀櫸樹街68號富多來商場2期地下11號舖#香港好去處#打卡#cafe#生活#小記錄#隨心一拍#相機先食#美食 #隱世cafe #hkcoffeeshop #hkbar #西式餐廳 #foodiehk #hkig #hkgirl #食好西 #西餐 #餐廳 #香港美食 #香港好去處 #甜品控 #拍拖👫#打卡#香港#景點#打卡熱點#外賣

BTB Better Than Burger- 門口位加州白色長凳配同款陽光- 粉粉西柚tonic 特別版跟餐只要+18$- 超香脆口薯格 7種沾料- 別家沒有的酸酸甜甜秘制辣醬- 雙倍魚柳鳳梨tata醬夾心 /厚芝士餅底大burger - 比bakery 還要好的軋紋bagel。愛包人的福音 不會太硬身 鬆軟烘入味（如果實在不喜歡bagel 還可以換牛油包）大塊鱈魚柳中間夾著爆汁鳳梨。另外bagel 可加珍珠 棉花糖 等topping只要+8$一餐吃掉一天都不會餓- 完美海軍配色外賣包裝盒 木色紙袋 真的很平民美食。價錢與連鎖快餐店相若但有雙倍的快樂體驗。希望以後也不要漲價就好漢堡有超過10種選擇。包括高貴蟹肉堡 and vege 大啡菇 堡等等 有充分照顧到素食者的想法 店員超nice 但會跟你講要怎樣吃 或建議你怎樣配搭。驚喜的是放台灣的電台 在香港第一次在餐廳聽到頑童 棒

冬甩burger幾特別嘅配搭，Order完即整，好快有得食，強烈推薦加牛油果👍🏻👍🏻薯寶不錯，可以一試，不過希望toppings同飲品可以有多啲款⭐️⭐️

天氣幾好，就諗住去西九野餐拍拖拖，呢度距離西九都幾近，我哋WhatsApp落定單，去到就啱啱好拎得👍🏻嘢食來講，推介雙層魚柳漢堡，炸魚柳脆卜卜好新鮮，去到西九都仲係熱嘅👅👅好欣賞佢哋嘅小食，有最愛嘅tarter tots😍！真係唔係好多Burgershop有, 薯格都好好味！可以一試👍🏻整體價錢都算真係好抵食，有創意之餘又唔會太over，有啲創意料理食完一次真係未必會食第二次，但呢度啲漢堡絕對可以再戰，我哋兩個都食到好飽，下次試埋其他！

上網見到social media 介紹 專登山長水遠過黎試個冬甩漢堡 位置方面 都唔係好遠 搭到奧運站行十分鐘內到 去到鋪頭睇得出設計上有少少心思 簡簡單單。 有點美足不足既係menu 講解得唔係太仔細 未知入面有咩配料 不過order 時候 店員都有講解到入面有咩配料一早包左入面。 今次叫左漢堡一定要試既牛肉 放係menu最上 仲唔係推介😂😂 牛肉幾juicy 咬落去啲肉汁爆哂出黎 好彩張紙幫我擋住 唔係都成身污糟哂 咬落去個包到 啲醬係冬甩個窿爆出黎 食到有啲不知所措 但橙橙地色既漢堡醬 食落甜甜地 有少少芥辣味 幾開胃 不過建議下次可以少啲醬 個窿爆出黎既醬 都整到成咀都係不得不提呢間鋪頭既特色 冬甩包 相比我地食開既漢堡包 冬甩口感幾軟 同burger幾襯 加上佢外面有輕輕㷫熱過個包 有少少脆 真係同網上一樣 外脆內軟 食落幾得意今次淨係試左個包 但睇得上老闆既心思 同埋味道都唔錯 下次會試下佢啲特色包 btw 海鮮敏感 希望下次有機會食到其他特色包

見到呢排好多網站都介紹緊呢間野 個特點係Donut Burger我本身超中意食burger 緊係一定要試下 weekend約左朋友係西九個邊野餐 就買呢間嘅野食去野餐！我買完揸車都係15-20分鐘左右就到野餐區 都算幾近叫左好多炸野 洋蔥圈，薯格，蝦手指，薯寶 仲加左個松露蛋黃醬同埋辣醬全部都幾好食 個人最中意蝦手指 但一定要點醬 如果唔係好乾另外我就叫左個棉花牛堡估唔到棉花糖又幾夾個burger但本身以為donut上面會有糖 但佢係冇糖的 大家叫之前要留意 如果唔係我見佢都可以轉返做牛油包但overall個漢堡食落都好食嘅 幾十蚊呢個質素都幾抵 算唔話得 強烈建議買完burger去附近西九野餐區睇睇 食住burger幾有feel。

下次先試埋個冬甩包😋好耐冇黎過富多來呢頭，見到開左間新鋪就入去睇下。點知入去去先發現原本係用冬甩做漢堡包，好似伏伏地諗住走之際，老闆話可以免費轉法式牛油麵包🤨 咁我就比次機會你啦! 最後叫左個魚柳加煎蛋同牛油果，跟餐叫左洋蔥圈。 賣相唔錯，食落就feel到食材好新鮮，對得住個價錢有餘。個蛋咬落去爆哂蛋汁，勁juicy超正，牛油果可以中和到個油膩感，但係配埋個洋蔥圈已經好飽！包裝都好靚，整體分數90分。唯一缺點係坐位太少，要帶返屋企食。下次一定再試埋個冬甩包🤤🤤

叫左2個burger, 一個牛配薯寶，另一個炸雞配薯條！先講薯寶，呢樣野真係好耐無食過，以前KFC都有，係回憶既味道，好好味😋 薯條夠晒粗，好好食！到主角，好鬆軟既冬甩圈，夾住幾juices 既牛肉，我另外加左蘑菇同松露蛋黃醬，好夾好好味！由於用冬甩，成個感覺好新奇，但又好夾！炸雞就真係脆卜卜，炸粉唔會過厚！呢個同樣加左蘑菇同松露蛋黃醬，仲加埋煙肉！如果真係要挑剔，煙肉可以再煎濃D, 再脆D! 不過整體真係幾好味！下次再試埋其他食物！順帶一提，由於好少去呢頭，唔太識路，店員哥哥好好行多2條街拎外賣黎！仲好有禮貌！感謝！