Bugis@叻沙・海南雞飯 (已結業)

去食最喜愛的喇沙，我點的是豬頸肉喇沙味道：6/10呢個豬頸肉喇沙，每塊豬頸肉都細細塊，薄過紙，冇口感，唔爽口，味道淡淡的，令人失望。至於喇沙湯底，不過不失啦⋯⋯有椰香，都算係濃湯，香港黎講都算唔差的，但亦唔會吸引到我想再去食，加上佢價錢唔算好平（忘記價錢），亦要加一，所以overall黎講唔算係好吸引我再去食。另外，男朋友點的海鮮喇沙，同樣冇咩特別，海鮮都係普通野，冇話特別新鮮，一般雪藏野，但味道亦冇失禮。

住屯門嘅朋友都知道近西鐵站嘅vcity出咗名係貴，所以好難得有一間係呢個商場嘅餐廳午餐係咁平啱晒一般打工仔平時要食晏晝飯我叫咗碗豬頸肉喇沙，佢個喇沙唔算好辣，但係椰汁味好重，酸酸辣竦好開胃，而且佢個面係一半粗一半幼，好特別！(好似叫傪傪)瞓咗就叫咗個咖喱雞錘配椰漿飯，咖喱香而不辣，又係好重椰漿味我最鍾意佢嗰啲炸魚仔，全部都炸得好香口但係又唔會焦晒！而且午餐仲包一杯特飲，我叫咗薑汁龍眼茶，真係成杯嘢飲入邊都有好多龍眼肉！

食物質素，咖喱牛腩入邊係咖哩水唔係咖哩汁。order多個迷你肉骨茶，個賣相已經令人好失望，日日做返同一件事，唔應該越做越好咩？石鍋飯都好差，淨係換左個石鍋裝住d飯咁計，成個飯冇任何調味，唔係淡，而係唔味服務方面，唯有講多句多d train下d 伙計喇

山友們行完菠蘿山去白泥，再返回屯門齊齊食餐晚飯，太多選擇唯有就大家搭車，去咗Vcity兜兜轉轉食咩好?終於揀咗BUGIS食星馬嘢。揀咗4人套餐$498，套餐包括一款小食+什錦拼盤(4款小食各4件)+4款主食+肉骨茶+甜品和飲品。另加$38加多一個炒菜。份量夠曬我哋5個人食飽飽。酸辣鳳爪拼麻辣青瓜無骨鳳爪酸酸辣辣，和帶麻香的辣青瓜，兩樣都係爽口食物，雖然口感、辣味 不一樣，但係一樣好吃到密密夾。新加坡無骨海南雞 嫩滑唔鞋的海南雞半隻，味道正常，OK 喎。什錦大比拼小食拼盤共4款各4件。1.原隻棒棒脆蝦：粉醬外皮香脆，放到最後吃仍很脆，蝦味微薄，醮醬吃為佳。2. 惹味沙嗲雞肉串燒無食到，又沒聽說不好，應該OK嘅。3. 新加坡香煎魚餅無魚鯹味，也沒有很香，普普通通咁無咩特別。4. 絲網豬肉春卷咬落卜卜聲炸得香脆，餡料有豬肉、小粒蝦肉，點泰式辣醬食唔覺油膩。南洋肉骨茶天氣寒寒地最好飲肉骨茶啦，因為有當歸可以補補身，當歸好香，排骨又咁腍，湯水仲可以無限添飲架，我哋添咗3次湯。鮮蝦粉絲什菜煲個湯底好清新，顧名思義材料有去殼鮮蝦，豆腐卜、粉絲及幾種蔬菜，可以對沖一吓其他濃味食品。馬來椰汁咖哩無骨豬踭

我好鍾意食肉骨茶架 😝但係唔係好多間煮得好味道今日經過屯門V city意料之外原來係有肉骨茶食的餐廳環境都非常舒服午膳時間都唔駛搭枱真係好啱一個人食嘅好地方！😗另外要稱讚嘅地方就係每枱都會有一個水壺提供鍾意飲茶嘅人實在好方便👍🏻午餐都好多樣化加$20可以多一個小食價錢大概$80左右一個午餐☝🏻肉骨茶麵湯都夠熱，肉骨茶味道可以再濃少少更加好不過都合格啦配料和肉都好味，都好満足！👍🏻檸檬薏米水，夠晒薏米，勁鍾意，啱哂去水腫嘅人士😂😂😂

其實從朋友口中已經知道呢間嘅喇沙有返咁上下水準，今次經過vcity點都要試下坐低當然係叫返兩個海鮮喇沙，仲有羅漢果茶送，佢地上菜都算快，十分鐘唔駛喇沙就到了，聞到香噴噴，賣相十分吸引食喇沙第一時間當然試下個喇沙湯，佢地個湯底味道夠香夠濃，又唔會過份地辣，夠晒惹味，米粉油麵鴛鴦底連湯食十分滿足，索晒喇沙湯底嘅豆卜就唔駛講啦，正！另外d蝦係彈牙嘅，青口都夠甜，唯獨係芽菜唔夠，如果多返d芽菜就十分正了！羅漢果茶味道剛好，本人不喜太甜，如果中意濃味朋友可能會覺淡。中意食喇沙嘅朋友絕對可以一試

係V city行街見到有間餐廳可以食新加坡嘢本身都好鐘意東南亞菜 見到人唔多就入去一人套餐都幾抵 98蚊可以有一個主餐一份小食同埋一杯嘢 都可以自己揀要咩order咗一份生牛肉叻沙烏東 個湯底幾濃 烏東勁道爽口又好滑 牛肉都好新鮮 就係唔記得走芽菜😂😂😂小食揀咗沙嗲雞肉串燒 都幾好味 唔會太油 也都唔會炸得太幹 熱檸檬薏米水煲得好入味 仲加咗冬瓜入去 最啱尼個天氣去濕啦 加埋10%服務費一共係$108 個人覺得幾抵食下次再試其他嘢

入門口見到小貓兩三隻，仲要係國內同胞，果下都覺得間嘢係咪唔好食噶😟個肉骨茶簡直唔係叫肉骨茶完全冇胡椒味，食完野等左5分鐘杯嘢飲都咪黎，d員工全部低頭做嘢，完全冇望過d客一眼，自己做自己嘢，想追杯嘢飲，都等到頸都長埋🤔，杯熱奶茶好似鬼咁淡，又冇茶味，d奶又落唔夠多，杯嘢好寡🤷‍♂️究竟係咪有顏色既水咋，怪唔知烏蠅都唔多隻，wtf仲要加一，咩概念🤦‍♂️伏過直升機係頭頂經過😐絕對冇下次貼錢買難受😣

$98假日自選1人行包括：小食+主菜+飲品🍽鮮蝦薯絲卷＜2件＞一入口非常酥脆，咬多幾下仲有一股鮮蝦味湧出來🍽絲網豬肉春卷中間可能有啲特別的香料，我唔係太中意隻味，所以就不作評論喇🍽新加坡無骨海南雞配白飯首先個飯我要左冇咁油膩感高既白飯飯有少少硬 雞呢就好正宗 去哂骨 唯一挑剔係雞皮唔夠爽口同油左dd醬料就都係平時既餐廳味道 唔特別 個湯就好真心 可以試試 唔似有味精wor 🍽馬來椰汁咖哩牛腩配小魚椰漿飯一見到，十分驚喜，竟然有隻好靚的太陽蛋咖哩一入口，非常香濃的椰汁味牛腩好淋，有肉味仲配左小魚乾同花生，好惹味但小魚乾好咸香，建議同飯一同食🥃凍檸檬薏米水一入口，薏米味非常濃薏米夠淋又大粒仲配有檸檬的淡淡清香

屯門V City 食晚餐！呢間店面對住橋口位，門口電子牌1人套餐有多款選擇，價錢ok，又唔駛等位，所以入座。餐廳設計好開揚，大片窗，可以望到出面。絲網豬肉春卷，食唔到豬肉，反而似蔬菜卷多d香煎魚塊，望落似煎鯪魚肉塊，一d腥味都無，魚肉味濃。枱枱都有人叫薏米水，幾特別，普遍食肆無呢種飲品，夏天要去濕，啱晒去骨海南雞咁啱俾正雞脾位，啖啖肉，油飯夠爽身，配埋湯及三色醬，好豐富生牛肉叻沙烏冬，雖望落好紅，但唔辣的，好香椰奶味套餐加$38要個馬拉盞炒通菜，份量好小，唔夠新鮮😓若消費滿$200用銀聯卡結賬有95折。

週日晚睇完戲，去左試依間既海南雞飯。叫左個海南雞+肉骨茶既set有埋健康餐飲（羅漢果茶or檸檬薏米水），大約90餘錢，價錢都算合理。個海南雞整得幾好，夠滑又啖啖肉，只係個肉骨茶味道淡左少少。下次再去試埋佢個叻沙先～ 😋

前一晚在屯門貝爾特過夜，第二日就在附近Vcity食lunch，在food court度有幾間餐廳揀，就揀咗呢間。食完先知原來有好幾間分店😯埋單承惠$182.6，lunch都要加一的。$64肉骨茶好味，夠濃味，不過好快會凍，同埋份量唔夠撈個白飯。$64咖喱牛腩就不過不失，咖哩汁唔夠，整個套餐比較乾身需要飲野濕下個口，不過黃金飯就拎番分。$32馬拉盞炒通菜就最好食，而且份量多到不得了，飽到我要放棄主菜（因為食菜比較健康嘛）😂杯$6朱古力上面啲toppings就有啲古怪，唔係好夾個朱古力，不過試下無壞既。結論：上菜速度尚可，質素普通，食完會口乾。

前排同熊先生去沙巴潛水, 每朝都必食一份咖央多。沙巴嘅咖央多, 經夾烘後又薄又脆, 有啲似平時香港食開嘅飛碟。返到嚟香港, 有得食咖央多嘅餐廳唔多, 今日經過呢間星馬菜當然要入去回味下啦。目標明確: 一份咖央多, 加杯薏米水少冰, 唔該。下午茶時間餐廳其實唔多人, 仲以為好快有得食, 點知等到我以為漏咗單..... 終於到啦！同喺沙巴食嘅唔同, 呢個咖央多用上厚多士, 少咗份薄脆感, 但換來係外脆內軟嘅口感, 厚厚嘅多士, 兩邊烤得金黃焦脆, 抹上咖央醬同一大片牛油, 甜中散發出斑蘭葉同椰子味, 又係另一番風味。

星期四去了屯門的V city 吃中午餐隨選了這家餐館，地方小、但招呼不錯，很乾淨，員工也很用心服務！點了一個海南鷄飯，和馬來海鮮炒飯海南雞飯海南雞飯的雞肉鮮嫩，配醬汁十分好吃，整體算很有水準。馬來海鮮炒飯，只幾粒蜆肉，蝦仔肉，幾粒魚肉，沒有什麼海鮮，飯粒較乾身，較硬，沒有什麼驚喜，只覺得味道平平，填飽個肚子便算，我們點的是中午套餐，附有一杯咖啡或茶，中午放工時段等候的人也很多，我們怱怱吃完就走！其實這裡烹調食物的水準也可以有改善的空間！

天氣悶熱，日日都有34度，真糸無胃口食嘢，最好食啲清涼、酸辣的食物，所以諗起食新加坡菜。我哋系11.00am已到達食店，但已經有4枱食客，都算唔錯。裝修以藍綠色系為主，有田園清新的風格，有部分的枱更可以望到食店外面，感覺開揚！每一枱都放了一壺玄米茶、茶杯、快子和牙簽！今日的假日午市套餐有14款飯/麵類($64~$70)，價錢已包了熱飲，凍飲要加$6，另外亦可以加$18配特飲，若配水果茶就要加$28; 另外套餐可以加配小食加$22 (有11款)或$32(有2款)。今日想食海南雞飯同埋叻沙。新加坡海南雞飯($70)雞肉唔肥膩亦都算嫩滑，但可惜無雞味而且有啲雪味，而且雞肉的份量真糸好細，雞油飯好乾身無雞油味，以為佢主打糸海南雞應該會好掂但令我大失所望。海鮮叻沙摻摻($74)餸和麵的份量都好細，每款餸只得2件，有蝦、蜆、魚片、豆腐卜、雞蛋半隻，蝦的味道鮮甜彈牙但太細隻，蜆肉竟然有沙，麵底系油麵和幼麵線混合，麵質過淋而且份量太小，湯底有椰香味但辣味不足。另外叫左2款小食白雲酸辣鳳爪($22)我覺得呢碟糸最好食，鳳爪夠軟淋入味，酸辣味道啱啱好，好開胃，份量都算多有7隻。原隻捧捧脆蝦($22)一碟有