Bugis@叻沙・海南雞飯 (已結業)

前排同熊先生去沙巴潛水, 每朝都必食一份咖央多。沙巴嘅咖央多, 經夾烘後又薄又脆, 有啲似平時香港食開嘅飛碟。返到嚟香港, 有得食咖央多嘅餐廳唔多, 今日經過呢間星馬菜當然要入去回味下啦。目標明確: 一份咖央多, 加杯薏米水少冰, 唔該。下午茶時間餐廳其實唔多人, 仲以為好快有得食, 點知等到我以為漏咗單..... 終於到啦！同喺沙巴食嘅唔同, 呢個咖央多用上厚多士, 少咗份薄脆感, 但換來係外脆內軟嘅口感, 厚厚嘅多士, 兩邊烤得金黃焦脆, 抹上咖央醬同一大片牛油, 甜中散發出斑蘭葉同椰子味, 又係另一番風味。