影片
以上資料只供參考, 請與餐廳確認詳情
相關文章
上星期去咗西沙行商場，見到bunnychurros新推出嘅寵物無乳糖士多啤梨味雪糕，真係忍唔住即刻買嚟俾莉試下，幫佢降下溫！呢款寵物Gelato嘅成份全部都係天然，而且無乳糖，對狗狗腸胃fdly，食得開心又放心。見到莉食到咁開心，自己都忍唔住叫咗杯mix berries smoothies，啲水果好新鮮，飲落去酸酸甜甜，真係好refreshing。bunnychurros嘅職員都好有善，見到狗狗會主動打招呼，仲會同你介紹邊杯飲品正。佢哋有室內同室外座位，無論天氣幾熱，狗狗都可以舒服咁坐低慢慢歎雪糕。門口有bunny打卡位，好適合帶毛孩一齊去chill，成個體驗都好開心！
繼續閱讀
今次去葵芳行街 無意中經過 Bunny Churros 比佢地個兔仔Logo吸引咗🐰 點咗佢地新出既Shake Shake Churros 一共有五個口味可選擇 我地就揀左可可味配朱古力醬🍫✿ Shake Shake Churros 可可味配朱古力醬 ($45)呢款係將churros整成一啖一粒既size 再放係紙袋入面shake匀可可粉🍫Churros好香 外層酥脆 內層鬆軟👅點埋朱古力醬一齊食 超邪惡😈 原本已經夠朱古力味 點埋醬之後簡直爆濃！佢甜得嚟唔膩 朱古力控會好滿足💯同埋佢既包裝拎住嚟邊行邊食都方便👍🏻推薦大家黎開葵芳可以試下 又或者可以去佢地新開係馬鞍山既西沙Go Park店😆
繼續閱讀
今日去西沙Go Park見到有Bunny Churros🐰！ 佢哋新推出咗款無乳糖寵物士多啤梨味雪糕🍓 成份天然無乳糖適合狗狗食用~另外嘆咗杯smoothies🥤，熱帶雨林水果沙冰：芒果+菠蘿+梨同埋蜂蜜🤤🤤沙冰質地超級細滑，頭調有芒果濃郁嘅甜香🥭尾調有菠蘿嘅微酸🍍，咁清爽嘅配搭啱晒夏天解渴☀️去GO PARK嘅朋友仔去 Bunny Churros🐰食GELATO 毛孩們都可以坐隔離食無乳糖寵物雪糕啦🍧
繼續閱讀
難得放假又入去葵廣掃街食完鹹食又想食甜品見到Bunny churros之前食過佢嘅churros 覺得又脆又好味仲有唔少蘸醬選擇諗住可以encore點知佢地又推出左新嘅churros呢次唔止係churros 配唔同gelato 口味而家係將原本長長嘅churros變成baby churros一啖一粒再配搭唔同口味shake shake 同蘸醬又幾有新意！仲可以同朋友仔share咁又可以食多幾樣🤭🤭🤭我揀左可可味香濃嘅朱古力粉經過我shake shake shake 後沾滿每粒baby churros再蘸上法國 Valrhona 85%朱古力醬朱古力double超香濃加上churros脆脆口感食晒都完全唔膩👍👍
繼續閱讀
每次嚟葵廣掃街都會有新發現，今次就俾我搵到呢間賣Churros嘅小店——Bunny Churros 🐰見到佢推出咗「Shake Shake Churros」即搖即食，一於試吓呢款少見又得意嘅街頭甜品！🍪Shake Shake Churros 原味肉桂糖配朱古力醬 $45紙袋裝住成袋Churros，倒入肉桂糖粉後自己Shake勻，互動感十足🌀一邊Shake一邊聞到陣陣肉桂香，感覺好有趣✨食落Churros外層酥脆、內裡鬆軟，唔會太乾或者太油，幾有水準。一啖一粒嘅大小啱啱好，食起上嚟好方便😋配埋朱古力醬一齊食，質感似朱古力雪糕，有濃郁奶香，但又唔會蓋過肉桂味，甜度適中，唔會膩，幾夾！平時要食到Churros都要去Cafe或者西班牙餐廳，街頭小食好少見👀Bunny Churros喺葵廣入面，地點方便，又可以玩下Shake Shake，加上口味選擇多，有趣之餘味道都唔馬虎🎉下次想食甜品又多一個新選擇，值得一試！
繼續閱讀