Burger Hero (荃灣)

TLG

等級3

今日試埋早餐，款式比較少，試咗金寶湯雞扒螺絲粉，跟炒滑蛋，熱奶茶。個湯底真係金寶湯，老細話加咗豬骨淆，肯揼本，花心機，抵讚。雞扒咖哩味，即叫即煎熱辣辣。但炒蛋太鹹，我本身係一個口味好濃嘅人，但今日嘅炒蛋真係太鹹。我個人認為，扒已經咁濃味，炒蛋唔使落鹽都得。杯餐飲冇得輸，個杯似足咖啡連鎖店，仲充滿正能量，睇到都開心。個杯好大，大約有八成滿，十分夠飲，啱曬打公仔攞返公司慢慢飲，打下咭。奶茶入口奶味好香，亦充滿著濃郁既Lipton紅茶味（但我唔知佢是否真係用呢隻）。順帶一提，佢全部嘢碗碟盒，甚至外賣袋，都係tailor make，紙制的，感覺環保，抵讚！

今日試埋早餐，款式比較少，試咗金寶湯雞扒螺絲粉，跟炒滑蛋，熱奶茶。

個湯底真係金寶湯，老細話加咗豬骨淆，肯揼本，花心機，抵讚。雞扒咖哩味，即叫即煎熱辣辣。但炒蛋太鹹，我本身係一個口味好濃嘅人，但今日嘅炒蛋真係太鹹。我個人認為，扒已經咁濃味，炒蛋唔使落鹽都得。

杯餐飲冇得輸，個杯似足咖啡連鎖店，仲充滿正能量，睇到都開心。個杯好大，大約有八成滿，十分夠飲，啱曬打公仔攞返公司慢慢飲，打下咭。奶茶入口奶味好香，亦充滿著濃郁既Lipton紅茶味（但我唔知佢是否真係用呢隻）。

順帶一提，佢全部嘢碗碟盒，甚至外賣袋，都係tailor make，紙制的，感覺環保，抵讚！

(以上食評乃用戶個人意見 , 並不代表OpenRice之觀點。)

分享
推介

已推介
檢舉

張貼

評分

味道

環境

服務

衛生

抵食

用餐途徑

外賣自取

TLG

等級3

呢間店籌備咗幾個月，老細經常出嚟同街坊傾偈，言談中睇得出佢對食物係好高要求。今日終於開張，一於試下。招牌牛肉堡用安格斯做，熱狗用法蘭克福腸做。夜晚7點已經賣曬漢堡包，只能吃熱狗。熱溶芝士熱狗轉純牛腸一打開個盒，嘩！點搞呀咁大隻！急不及待食一啖，發現個口唔夠大，只可以咬到包，咬唔到腸，但又一啲都唔齋，因為芝士多到瀉，每一啖都有。純牛腸咬落去質感較結實，感覺冇豬肉腸同雞肉腸咁肥。老實講，牛味唔算好濃郁，有啲似all day breakfast常見嘅牛仔腸。轉牛仔腸要加12蚊，個人認為抵畀，值得一試。順帶一提，佢哋啲腸保鮮期只有兩星期，防腐劑少啲，食都食得放心啲。個包有啲似法包，但烘到一啲都唔硬，食落去個皮仲係脆嘅，有心思。炸薯角唔係炸得好熱氣，食一啖個感覺似係原隻薯仔切出嚟的，好飽肚，睇落好似好少，但食完個熱狗又真係食唔曬啲薯角。唯一可惜係佢哋冇畀到茄汁，新開張佢地個個忙到踢曬腳，唔緊要啦。我見到佢地舖頭仲有辣椒粉蒜蓉粉香草等，我諗有興趣可以自己加。同場見到焗豬扒飯，上咗枱十幾分鐘仲不斷冒煙，即叫即焗新鮮熱辣，芝士亦都落得好多，感覺整體份量最少多過連鎖pizza店20-30%。食焗飯最緊要

呢間店籌備咗幾個月，老細經常出嚟同街坊傾偈，言談中睇得出佢對食物係好高要求。今日終於開張，一於試下。招牌牛肉堡用安格斯做，熱狗用法蘭克福腸做。夜晚7點已經賣曬漢堡包，只能吃熱狗。

熱溶芝士熱狗轉純牛腸
一打開個盒，嘩！點搞呀咁大隻！
急不及待食一啖，發現個口唔夠大，只可以咬到包，咬唔到腸，但又一啲都唔齋，因為芝士多到瀉，每一啖都有。純牛腸咬落去質感較結實，感覺冇豬肉腸同雞肉腸咁肥。老實講，牛味唔算好濃郁，有啲似all day breakfast常見嘅牛仔腸。轉牛仔腸要加12蚊，個人認為抵畀，值得一試。順帶一提，佢哋啲腸保鮮期只有兩星期，防腐劑少啲，食都食得放心啲。個包有啲似法包，但烘到一啲都唔硬，食落去個皮仲係脆嘅，有心思。

炸薯角
唔係炸得好熱氣，食一啖個感覺似係原隻薯仔切出嚟的，好飽肚，睇落好似好少，但食完個熱狗又真係食唔曬啲薯角。唯一可惜係佢哋冇畀到茄汁，新開張佢地個個忙到踢曬腳，唔緊要啦。我見到佢地舖頭仲有辣椒粉蒜蓉粉香草等，我諗有興趣可以自己加。

同場見到焗豬扒飯，上咗枱十幾分鐘仲不斷冒煙，即叫即焗新鮮熱辣，芝士亦都落得好多，感覺整體份量最少多過連鎖pizza店20-30%。食焗飯最緊要熱，連鎖食肆嗰啲焗豬連煙都無，見到都唔開胃。呢個睇黎似模似樣，下次可以試。

期待已久，祝生意興隆，加油。