Burger Hero

營業中

休息中

今日試埋早餐，款式比較少，試咗金寶湯雞扒螺絲粉，跟炒滑蛋，熱奶茶。個湯底真係金寶湯，老細話加咗豬骨淆，肯揼本，花心機，抵讚。雞扒咖哩味，即叫即煎熱辣辣。但炒蛋太鹹，我本身係一個口味好濃嘅人，但今日嘅炒蛋真係太鹹。我個人認為，扒已經咁濃味，炒蛋唔使落鹽都得。杯餐飲冇得輸，個杯似足咖啡連鎖店，仲充滿正能量，睇到都開心。個杯好大，大約有八成滿，十分夠飲，啱曬打公仔攞返公司慢慢飲，打下咭。奶茶入口奶味好香，亦充滿著濃郁既Lipton紅茶味（但我唔知佢是否真係用呢隻）。順帶一提，佢全部嘢碗碟盒，甚至外賣袋，都係tailor make，紙制的，感覺環保，抵讚！