Burger Lab

營業中

休息中

呢間細細地嘅店，卻蘊藏住超級吸引嘅burget set！鍾意食burger嘅朋友，可以黎試一試！經典牛肉漢堡一望到menu諗都唔諗就即刻點左牛肉burger，我覺得如果一間店嘅質素就要睇佢舊牛肉夠唔夠juicy！都非常之好，啖啖juicy，配料亦非常十足，女仔嘅口係唔可以一啖食到晒咁多層嘅，所以要斯文就唔好食burger，要食就要大啖的去咬先過癮！見到佢層層分明，好有想一口咬落去嘅衝動！有洋蔥、蕃茄、厚厚的牛肉、芝士，熱哄哄咁上，正啊！芝士雞肉漢堡另外我都叫左一個雞肉burger，又係厚厚的一層，又係非常juicy，要激讚！店舖都好窩心可以借把餐刀俾我地處理左「分食」嘅問題，又可以優雅的食個burger哈哈！！馬鈴薯條點都好食過M記薯條，厚身，熱上，咬落去係有質感的！番薯薯條必點的！濃厚的番薯味！仲要係超甜！！！一定要試！

再去食😘😘知道有新口味 價錢又抵 真係食兩個都嫌少 ahaha店員成日都好好招呼，我成日都有選擇困難證 諗嘢食諗好耐先決定到😂今次第一個set肯定揀新出嘅口味：薯條永遠都咁新鮮新鮮炸出嚟勁好味😋個漢堡多醬爽脆，裏面嗰d係松露醬嚟㗎蝦餅仲食到鮮甜味。套餐都係+$22 有埋薯條同嘢飲真心抵㗎！！哩個我會推薦為 素食者必揀/運動keepfit者必揀嘅包👍👍👍每層都有驚喜第一層係牛油果🥑 啱女士第二層係大菇 好大好大 口感超正第三層開始係蔬菜番茄🍅🥬

今日我高太話想食下午茶甘我本來就唸住整個麥記朱柳強距嘆下跟住行到佐敦唸起有間屹立佐敦多年既人氣漢堡店即刻買個孝敬下我高太先人氣小店坐位不多以前我都有食過，質素真心幾好漢堡選擇都幾多，除左牛之外仲有唔少選擇我嗌左個墨魚餅漢堡同龍蝦沙律漢堡同高太share所有用料都好新鮮即叫即制蔬菜全部都非常爽脆墨魚餅煎得好香口配埋高太喜愛既煎蛋全部食材配撘都好好真心好食，連平時好細食既高太都成個飽搞店哂唯一難搞啲就係漢堡太足料，食果時有少少論盡

早幾個月前去過尖沙咀嘅Burgeroom食漢堡，揀咗個平平哋嘅「菠蘿烤豬頸肉漢堡」，貪佢有大大片菠蘿，老友就話我知，佐敦都有間專賣漢堡包嘅小店，同樣有一款有大片菠蘿嘅漢堡，叫我一定要試吓，擇日不如撞日，趁老婆有局，就自己一支公嚟咗「Burger Lab」做吓「美味實驗」。烤豬頸肉漢堡 $58（加牛油果 $20）特別鍾意食有菠蘿嘅漢堡，清甜之餘，更可中和啲油膩，而成份除有烤豬頸肉、烤菠蘿、生菜、洋蔥，最正喺淋上至惹味嘅沙嗲沙律醬，夠獨特。成品送到嚟，件頭大唔講得笑，打橫一睇，餡料堆到滿。因已改為套餐，配上薯格薯條，熱辣辣炸得唔油膩，甘脆而好有新鮮薯仔香！

第一次跟朋友嚟呢間漢堡包店。小店只有兩邊面壁位，位置唔多，裝潢簡單平實。除左堂食，都有唔少人買外賣。食漢堡佔嘅時間唔多，所以翻桌快，唔需要擔心會等好耐。餐牌供應八款漢堡，有牛肉堡、日燒吞拿漢堡、烤豬頸肉漢堡、芝士雞肉漢堡、田園漢堡等，定價$48-88，可按喜好再加錢配額外配料。另外有三文治、小食，價錢合理。我叫咗嘅辣豬肉漢堡。豬肉爽口同埋成個包配合埋特色醬汁，真係好正！食物即時製作，需時等候，隱約都會望到廚房嘅製作情況，乾淨衛生。同埋當日溫度好熱，門口雖然係開放式嘅但係冷氣都非常夠大！

真係要讚下呢度嘅漢堡包呀，喺度返工咁耐就食足咁耐。一直都因為工作繁忙做咗個藉口冇幫佢打個食評，今日我終於的起心肝要寫返篇食評俾佢啦！包身外形飽滿漲卜卜，撳落去有回彈力，都唔喺平價貨色，面層脆，入口鬆軟。而菠蘿夾豬頸肉，食落完全無油膩感，加上豬頸肉本身爽爽哋，又添了生菜，脆口感突出；再者，個沙嗲沙律醬確喺惹味，令到個包有種東南亞風。加入牛油果就純粹個人偏好，令自己食起嚟覺得更健康，而牛油果嘅份量亦無手緊，份量十足。而家漢堡包店同一般嘅真係唔同，大家如果未試過嘅我一定要去試吓！

由細到大邊度有漢堡包店都好有衝動入去食😄因為自細我都好鍾意❤️食burger 尤其係高質兼價錢廉宜☺️☺️ 如果你係漢堡控 🍔 強烈推薦你黎食呢間 今日我食過都返唔到轉頭啊🥲我仲見到佢另外有好多選擇😎我應該話咁快又會再去食多次🤣真❤️高質素 // 我地叫左： #烤豬頸肉漢堡 🐷🍔 呢個漢堡不🉐了 首先外型就好搶眼😍😍 好大舊菠蘿🍍 🥰 炭燒過嘅豬頸肉鮮嫩多汁 配上輕微烤過嘅新鮮菠蘿🍍 無錯 係新鮮菠蘿🤣🤣 味道非常非常夾 既食到菠蘿嘅鮮甜又食到豬肉嘅香👍🏼👍🏼 重點係好清新 而且超級多汁 難怪店主要備手套🧤我地食啦😚😚

之前收工路過俾佢嘅香味吸引住，已經試過好好食😋但係果次見到有素嘅漢堡包，一直心思思都好想再嚟食😌今日又咁啱經過佐敦啦😁今次係我第二次嚟食，今次揀咗個素漢堡包。先講大蘑菇扒漢堡，外型超巨大，身高起碼有12cm左右，大大塊菇，咬落蘑菇勁多汁，juicy到一個點，絕對唔會令你食緊好無味嘅漢堡包嘅感覺！今次真是雙重爆汁享受。😍最有誠意位就是連麵包也搽了牛油再烘底，脆口萬分， 整個漢堡極度之邪惡，令到我這位漢堡迷愛不釋手，胃口大開，吃過痛快，非常滿足。🥰另外呢度嘅脆薯格亦都好好食，呢個脆薯格炸得啱啱好！！而且呢個炸薯格好香！好香嘅薯仔味，而且再加上係好豐富嘅薯仔肉！絕對唔會剩係得炸粉！

.之前見到朋友IG度post左呢個漢堡包🍔超誇張囉個賣相已經好正！同埋佢擺埋佢塊面度成個包係大過我個friend個頭🤣今次嚟到自己叫咗個，現實中個漢堡包更加驚人😂超大😱一啖咬落去d肉流哂出哂，一食就塊漢堡包係靚嘅肉🤫之後我問廚師呢佢就話佢係採用美國安格斯牛肉每日新鮮製成 流心芝士手工漢堡扒,用上濃味車打芝士 拉絲水牛芝士製成流心涵料😎再配上脆卜卜嘅煙肉🥓生菜 🥬車打芝士 🧀蕃茄 🍅洋蔥,🧅招牌特製醬,製成流心芝士漢堡,牛肉味濃,芝士鹹香,肉質JUICY!!🥩總括而言，呢個漢堡包非常值得推介！係好高質好用心製作嘅漢堡包小店！下次都要再試吓唔同嘅款式嘅漢堡包先得❤️❤️

呢度係我經常來的飯店，屋企樓下最近開咗ㄧ家好young嘅速食餐廳-Burger Lab.！！❤️唔好以為佐敦好多好野食呀如果講漢堡嚟講 我搬咗嚟咁耐 要好食嘅呢度係唯一一間呀！❤️❤️❤️呢度有各式改良咗嘅漢堡，除左傳統嘅牛肉起士堡以外，仲有南洋沙爹雞肉堡，和牛起士堡...勁多選擇，而且都很好吃。❤️❤️今次我就叫咗呢個經典牛肉漢堡❤️真係真強烈推薦大家去試經典牛肉漢堡牛肉嫩滑多汁，係多到一咬落去爆汁！！而且加埋呢度嘅芝士一齊食好正好吸引！雖然好邪惡，不過真係好高質素嘅漢堡包！薯條都有馬玲薯同蕃薯揀...另一種漢堡的體驗，重點都唔貴！❤️可以話係只要諗起漢堡包，就一定會過嚟食嘅漢堡包飯堂🤣🤣

今日收工之後行下行下，見到呢間burger lab!! 見到都好似好好食，而且價錢非常合理！所以就走左入去試下啦！😜最鍾意就係食烤大菇漢堡㗎啦！😉唔好以為佢好簡單呀我食過好多都唔好食㗎！😂😂今日嘅真係超好味一定要推介俾大家！❤️當中包括有大大個波特菇、雜菌菇、車打芝士、生菜、黑松露芝士醬, 再額外多加牛油果！😊牛油果岩岩熟, 軟硬度剛剛好！整個Burger同樣好Juicy, 有好香濃既黑松露味, 而且唔同既菇菌令口感層次豐富。😘😘總括來講成個包，材料好似好簡單，但係真係好好味比起一般餐廳嘅烤大菇漢堡。👍🏻⭐️

今日過大海黎試依間burger 舖面主要都係用高枱既形式，但感覺都好舒適，好適合傾下計 餐廳好貼心咁提供佐手套同紙巾👍.佢嘅烤大菇素漢堡好正呀！佢有層千島醬做醬料。。一黎到就覺得好震撼菇同漢堡都超厚超大舊～一啖真係咬唔晒 一咬落去大菇同菇汁紛紛彈出黎 証明佢幾juicy 好彩有手套😎 而且仲有洋蔥蕃茄好多做餡，令個口感更加豐富 而且佢個包係有烘過既所以食落更加香口 1d都唔覺得dry同軟身 容易入口 .整體來講我對呢度嘅漢堡包都非常滿意！而且呢度幾點嘅服務態度好好，有好用心推介，而且上菜速度都好快！所以整體嘅感覺好好，性價比好高嘅一間漢堡包小店！絕對值得推介！

講到漢堡包，成日都食快餐店，有時候都想食啲高質嘅漢堡包！講到高質嘅漢堡包，我朋友就介紹咗呢一間喺佐敦嘅burger lab！😊呢間小店望落去幾有特色，而且價錢一啲都唔貴，所以就入咗去試吓！！叫咗一個烤大菇漢堡，多數見到有大姑嘅漢堡都會好想試吓！因為呢個Juice嘅口感同埋質感絕對唔會比牛肉輸蝕！而且亦都非常適合一個素食者！😍😍❤️呢度嘅漢堡包，成個包嘅口感好好，而且非常香！再加上呢個蛋糕真係好多汁，而且咬落去好彈牙！配合埋啲生菜同埋醬汁一齊食，真係食得好滋味好過癮！另外仲叫咗一份雞翼，呢個雞翼亦都做得好出色，由呢度特製嘅醬汁再加埋烤得啱啱好！用雞翼做小食嘅配搭真係冇得輸！

我自問食漢堡多過飯😌今次食多一間好嘢同大家介紹吓啦👍🏻呢一款「經典B.B.Q.豬肉堡」🍔我食得出裏裏多特別嘅香料，上網之前睇到食評話呢間餐廳之所以叫做漢堡實驗室，係因為老闆們都研究咗好多嘅唔同醬汁，係獨門嘅醬汁，營造出每一個包都有自己嘅獨特風味此外B.B.Q.醬有蜂蜜、糖、醬油、薑等，同煮熟打成泥嘅馬鈴薯，一齊熬煮醬汁，絕對唔係馬虎嘅工作，呢一款漢堡仲可以搭配火烤鳳梨片、生菜同洋蔥等，可以話係費心費力，大家如果都覺得好吸引嘅話，不妨可以試試！😉而且呢個價錢來講絕對對得起呢個包！性價比極高嘅一個漢堡包，非常推介大家都喺度食野！🤩🤩💛

住喺嗰頭附近，經過好幾次都想入去試，今次終於有機會，不過係外賣拎走，冇諗過包裝咁精美，而且很窩心有膠手套。分別叫咗豬頸肉菠蘿漢堡同埋芝士雞漢堡，兩隻都好好食而且十分Juice，一個女仔食一個burger已經好鬼飽😋而家3點至6點前仲有八折添!