Burger Land (已結業)

終於又過返週末出街周圍都係人嘅日子，難得去荃灣其實本身係想食同一條街另一間排長龍嘅餐廳，點知條隊真係長得太恐怖，果斷放棄。見到呢間burger都有唔少人排，同伴都話有人介紹過好食，所以就決定排隊，當時前面有5組人左右啦，都ok的。企定定上網search下，先發現原來今個月尾就結業了(´Д` )估唔到第一次食就係最後一次，所以決定叫多啲野試下！•牛肉芝士漢堡 Lunch Set•香芒手打蝦堡•小食拼盤(奇脆蝦多士x4+吉列廣島蠔x3+香脆魷魚圈x4)Burger唔錯，但驚艷嘅係小食拼盤！Openrice竟然冇人講🫠雖然太遲但都等我講吓！佢個蝦多士雖然其貌不揚但超級好食！！！夾心蝦膠大大舊超彈牙又重蝦味，我覺得仲好食過蝦堡🙈重點係bite size食得好輕鬆又冇負擔，我可以食多一份🤣之後廣島蠔炸得超好味，酥脆之餘完全冇腥味，大推！！魷魚圈相比之下冇乜特別，但都係炸得好好食，唔乾，沙律醬有加分！另外仲有杯凍檸茶都好好飲😋希望將來有機會再食到，見到似乎有好多熟客專登黎道別，真係實力嘅證明。

自家製Burger店🍔.冇諗到呢間食咗好幾年嘅Burger店，將會喺2月28號結業😭由佢前身叫 Mr & Mrs Burger已經開始食🥲真係陪住我長大（´-`）.｡oO.不過成日晏晝同朋友想嚟都撞正冇開😫哭(;´༎ຶД༎ຶ`)大家想嚟記住打去/WhatsApp 餐廳電話訂位呀🥲.香芒手打蝦堡 $89香甜嘅芒果配上彈牙嘅蝦餅加上店家特製醬汁💖個人特別喜歡麵包有輕微煎過🍳而且麵包嘅口感都同平時街外漢堡用嘅包唔同🥖好有咬口😋.套餐加 $32(升級薯格再加$5).凍水果茶鮮甜足料好飲🍹.世一薯格🥹❣️❣️❣️食過咁多間係呢到炸得又熱又脆🔥.總結: 真係好好好好好唔捨得呢到會結業😭😭😭大家一定要去食🥲

╹ 𝘽𝙪𝙧𝙜𝙚𝙧 𝙇𝙖𝙣𝙙 - 荃灣 ╹#tori荃灣ʅ路德圍嘅菜式嘅種類係極多🚨‼️以前試過嗰邊嘅米線、茶餐廳、印度菜、cafe等等⋯⋯今次就試吓呢間喺海壩街轉角嘅美式漢堡店🍔ʅ🍔牛肉芝士漢堡 ($79) (6/10分)(+$70 另加薯條、細杯生啤🍻)麵包有略略烘香過但比較軟身 容易俾餡料嘅汁浸濕牛肉味唔重🥩整體食落唔乾 醬汁都幾好食～薯條都幾出色！🍟唔會鹹 而且保持到香脆🤓🍄貝羅菇雙重芝士牛肉漢堡 ($89) (6.5/10分)(+$100 另加薯條、大杯生啤🍻)個人比較推薦呢一款🍔～一大塊嘅大啡菇令漢堡包濕潤啲口感亦更加豐富🤣btw呢個漢堡包非常挺身～賣相好靚🥳ʅ（Remark：嗌啤酒套餐其實唔太抵，仲貴過個包本身😡，建議如果想嗌餐就叫Combo A😛）ʅvewdie回頭率：🐽🐽🐽(3/5)ʅ📍Burger Land荃灣海壩街77號地舖ʅ#hkig #hkiger #hkigshop #hkigfood #hkfoodie #hkfood #hkfoodblogger #hkgirl #hkcafe #hkiger #hkcafe #foodie #claypotrice #打

當天友人很想吃漢堡，便來到這間專賣漢堡包的小店。小店門前放了1個ET公仔，店內環境較細，只能坐最多3桌客人（2位）；牆身貼了滿滿的外國報紙，感覺很美式。記得來到已是假日下午時間，但亦不用等候，便能進店用餐。當日點了:❣️牛肉芝士漢堡 + 薯條+ 水果茶漢包外皮是鬆軟的，有淡淡麵包香氣，包上還灑了一些麵粉，吃完鼻尖亦會沾上粉🤣牛肉感覺應是手打的，煎得很香，亦多汁，不乾身，整體配汁和醬汁加在一起，很好吃 😋薯條新鮮炸起，亦夠熱，夠脆👍🏻🍹水果茶挺清新，不會過甜的❣️貝羅菇黑松露芝士漢堡 + 薯格+熱柚子蜜這款的漢堡是更多汁的，一邊吃會邊滴汁，但亦不會令麵包變濕。整體配料和醬汁配搭在一起是很好吃😋柚子蜜不會過甜👍🏻薯格是新鮮炸起，夠熱，夠酥脆，十分好吃!👍🏻總括來說，兩款漢堡都不錯吃，份量亦十分足夠，它的醬汁不會過濃與配料是配搭得很好。另外，餐廳是沒有加一服務。但於IG上看到漢堡包小店即將結業了🥹如有興趣，便要盡快去嘗嘗。

9點幾見有位入去食，叫左個1號加combo真係完全冇諗過比100蚊食個burger 可以難食過m記咁多一個burger最重要嘅2樣野包＜---軟身，個人口味唔緊要，但唔知佢搽左d咩，咸到放唔落口牛＜---完全冇味，冇牛肉味，冇牛香味，林滋滋一pat野，冇口感，係直頭味都冇另外我加左煙肉，完全冇諗過一個100蚊嘅burger，塊煙肉竟然係用合成煙肉!?!?!?!?係咪痴左線？邊可能食burger係落合成煙肉唔係落煎完脆口嗰隻？完全真係接受唔到，食burger會落嗰種煙肉，我去連鎖快餐都唔會咁塊蕃茄唔個放左幾耐林到已經一pat野。我個人真係平時難食都唔會寫食評，今次真係食到嬲。

📍Burger Land #Burgerland#MFJ荃灣 #MFJ西餐人均消費: HKD79海壩街有間Burger shop @burgerland_hk 好顯眼因為有隻外星人係門口！ 👽 佢有兩個舖位，點完餐去隔離舖位食，有啲唔太方便，但環境氣氛唔錯⭐️ 牛肉芝士漢堡 $79$79有Burger 薯條同飲品，價位都算ok 👌🏻個Burger 好香好足料，個牛肉好Juicy香口，加上配料同沙律醬，個Combination好到位佢個薯條好正！ 好脆加埋啲黑胡椒勁好味！ 佢未到必食Level不過都算幾高質！ 但服務態度不可敢恭維！ 如果唔介意可以一試😂#mfoodjournal #instagfood #foodstagram #hkfoodstagram #foodie #hkfoodie #foodblogger #hkfoodblogger #foodblog #hkfoodblog #westernfood #westerncuisine #burger #相機食先 #荃灣美食 #西餐

🍔🍟Burger Land🍗🍤放假去荃灣行街，唸緊食西餐，但又想食漢堡，仲想食個好好味既漢堡🍔☺️記得起自己以前食過轉角位😋就同老公過黎。我地叫既係Lunch Set 🔸L1 - 牛肉芝士漢堡Classic American burger 配薯條 - 牛肉味好重，煎得好香，當然我地冇研究牛肉來自邊度，但係已經會覺得新鮮即叫即整，好正！薯條🍟其實我哋好鍾意食薯嘅製品，呢度嘅薯條炸得非常之脆，係外脆內軟！🔸L2 - 龍脷柳漢堡 Crispy fish burger 配薯格 - 魚柳都係炸物，所以又係炸得好出色，味道剛好！外脆炸衣唔厚之餘，裏面既魚係勁滑😋薯格又係勁新鮮！炸物真係出色！🔸水果茶🍊🍋奶茶🥛隨餐可以揀飲品，我哋揀咗呢兩樣，水果茶都出色，奶茶就正常。留意一下，間舖頭係分咗兩邊，兩邊位置都唔多，但係可以去主店叫咗嘢食先，再去隔離鋪坐得舒服啲！👍好推薦大家去食！

今次係第二次去路德圍嘅burger land, 最鍾意佢裝修幾有特色😎同埋雖然舖位細細，但兩次去都唔算太多人，好似包場咁，坐得幾舒服仲有得打卡! 📸1. 龍脷柳芝士漢堡🐟平時食漢堡最怕就係個包好乾好硬😖或者好似食澱粉咁🫣但呢度絕對冇呢個問題🤩！佢哋漢堡最好食嘅地方就係麵包會看烘到好脆，同埋好香牛油味😋麵包包體好輕身好軟，唔會食到好滯。龍利魚柳炸得好香脆又唔會太油😎沙律醬都一樣係好清新，係好輕盈嘅感覺🥳做到飽肚又唔滯，非常優秀！2. 香芒手打蝦堡🦐蝦堡🍤就比較特別😋有蝦🦐味同埋落咗唔少胡椒，所以有少少辣味😝但係加埋香芒嘅甜就中和返個味道😋跟餐可以配薯條🍟粗薯條外脆內軟，調味都足夠，建議兩個人嘅話可以嗌一份share😚

食過好多次食物質素好好眼見職員成日唔同人但今次個女職員態度十分差叫佢比隻杯我 又唔應我 西口西面咁好似去咗茶記咁唔係話要好好態度 但起碼要有禮貌希望老板可以換人/改善下

Burger Land💛6.貝羅黑松露芝士漢堡 $69+combo A: 薯條再轉薯格+飲品: 凍水果茶 +$32+$53.貝羅菇雙重芝士牛肉漢堡 $89+combo A: 薯條再轉蝦多士+飲品: 凍檸檬柚子蜜 +$32+$10人均消費: $118.5 (2人)-6.貝羅黑松露芝士漢堡🍔個麵包係比較鬆軟 好香🤤暫時食過我覺得最好漢堡應有嘅麵包感覺入邊配料就有貝羅🍄 黑松露 車打🧀 仲有🥬 🍅 🧅同秘製醬汁貝羅🍄好juicy 超級爆汁🤤佢黐埋秘製醬汁 同埋好香嘅黑松露三樣一齊超襯 超好味😋超重黑松露味！佢嘅蔬菜都算新鮮佢個芝士可以做到溶溶地嘅效果🧀配合Burger一流🤤令到成個burger唔會乾爭爭🤣雖然感覺成個size都唔係太大但因為佢係鬆軟嘅麵包🥯個菇都比較厚所以有啲高 有啲難咬🤣·薯格🍟份量好多🤤薯格都幾好食 都大嚿👻佢係屬於偏脆炸type好似少啲薯仔🥔另外茄汁 可以自己拎🥫不過好似最後跟餐有俾茄汁🤣·凍水果茶🍹因為特飲就要再加錢但竟然水果茶唔係特飲之中！咁梗係叫樣特別啲㗎啦🤣好香嘅茶味🫖有啲似百香果茶底之後入邊仲有片🍎 同兩片🍊定唔知🍋同埋有熱情果籽😋好似仲有其他水果粒喺入邊水果

天氣好熟嘅時候就冇乜胃口，唔太想食飯同熱湯麵，所以就揀咗食漢堡～ 今次係我第二次食burger land，上次都係天氣好熱嘅時候食，仲記得佢地有得嗌水果茶好好飲好消暑，所以今次都揀咗水果茶飲。今次有lunch menu，不過佢係星期六日同公眾假期先有，一set可以揀burger＋side dish＋嘢飲。我揀咗牛肉芝士漢堡＋薯格＋水果茶～ #牛肉芝士漢堡牛肉唔乾唔柴，好多汁，仲好厚身，好好食！芝士都好香，因為牛肉嘅熱力令佢有少少融，更加好食，唔係m記個啲黃色芝士，係靚啲個隻。最鐘意係佢個包，佢個包好鬆軟，唔乾唔硬，食落好軟熟，同埋佢有少少麵粉係上面，令到個包唔會好濕，成件事變得好好食！#薯格薯格比得幾多，加埋好飽，完成唔會食唔飽，同埋佢嘅薯格唔會炸得好乾、冇乜薯仔食，塊塊都好大塊，所以食完好滿足！不過係有有偏鹹。#水果茶有好多水果，有蘋果、熱情果等等。飲落好清甜，好解渴！同埋都大杯！

喜愛吃漢堡的朋友絕對不能錯過，因為這間漢堡絕對是值得一試的。這間店舖的店面比較細，而且先收錢後入坐的。因此，大家可以很享受進食的時光，然後直接離去。我選了一個美國豚肉菠蘿漢堡，菠蘿新鮮清新感覺，配搭薄薄的豬肉片，不是厚切的，而是薄切，十分有口感之餘，豚肉仍然非常juicy，整體來說漢堡大小屬正常size。另外，薯條十分脆口，炸起便上枱，絕對是即叫即整，幼細的薯條讓人吃過不停，飲品方面可選汽水/柚子茶/檸檬茶/水果茶。我選了一杯水果茶凍的，不用加錢，有很香甜的百香果，值得大家一試。

之前已經黎過一次Burger Land，但係果陣舖頭啱啱full左，唔想等好耐，所以就去左食其他野。今次黎到有位🤩終於一試。睇番餐牌，價錢黎講係同區內算係比較進取，不過見佢好多人推薦，就試下係咪真係咁好食。食完之後，個人覺得味道係唔錯既，但係性價比唔算特別高，食完唔會令你失望，但係都唔會話好驚喜好好食咁。質素同價錢係合理水平，可以一試既😌不過要留意鋪頭位置比較少，加埋都係得大概十個位左右，要食既話要預啲時間可能要排一陣隊。    1⃣️貝羅菇雙重芝士牛肉漢堡（$89）有貝蘿菇、安格斯牛肉、雙重車打芝士、生菜、蕃茄、洋蔥同埋秘制醬汁。首先一送到上黎，視覺效果好澎湃，好多半流心既芝士係面🧀️芝士入面埋沒左啲貝羅菇，同我想像中既唔同，本身以為貝羅菇係果啲一大塊大啡菇，但係原來佢係切好左一片片既蘑菇片，有好多片，同埋肉味濃厚既安格斯漢堡扒一齊食口感更加豐富。  成個包最驚喜既係佢既包身，包身非常鬆軟，雖然唔係好食到牛油香，但係淨係講個包身既texture，食落真係好軟熟😳不過如果佢可以烘得香少少會更好😗  2⃣️香芒手打蝦漢堡（$89）入面有蝦、帶子、芒果、生菜、青瓜同埋秘制既青芥末醬汁。新鮮芒果加蝦餅

呢間burger小店已經喺荃灣屹立咗好耐，聽講佢哋嘅burger都幾出色，今日一個人就過咗嚟試下，晏晝12點零唔算好多人，原來呢一間有兩個舖位，所以都有幾多座位😲Lunch menu 牛肉芝士漢堡餐 （$89）今次就揀咗佢哋最平嘅set，burger麵包幾鬆軟👍🏻但係牛肉味就唔算好濃，漢堡扒都比較薄所以肉汁亦都唔係好多🤭Side dish 揀咗細薯條，鍾意呢度嘅薯條係粗切薯條，唔係用薯粉開出嚟個啲，真係有種食薯仔嘅感覺😋價錢來講以荃灣區有少少貴🤭個人覺得試一次半次都可以😌

//從細便結識你 經過二三到四 風雨大不泄氣 幾千年在你隔離相信 能從頭一次都會遇到你//從細便結識你，雖然未到三也未到四，但剛剛聽到艾粒二十周年的歌，屈指一數，我們也剛好相識二十年。以往穿着校服，兩隻小學雞並肩，吃着M記漢堡包薯條，嘻嘻哈哈。今天不再是職場新人，吃着高質得多的漢堡包，ℂ𝕝𝕒𝕤𝕤𝕚𝕔 𝔸𝕞𝕖𝕣𝕚𝕔𝕒𝕟 𝔹𝕦𝕣𝕘𝕖𝕣 厚實飽滿𝕛𝕦𝕚𝕔𝕪的漢堡排，ℂ𝕣𝕚𝕤𝕡𝕪 𝔽𝕚𝕤𝕙 𝔹𝕦𝕣𝕘𝕖𝕣 外脆內嫩的炸龍脷柳，滿滿的芝士和醬汁，笑聲依舊，但比起嘻嘻哈哈，更多的是生活各樣的挑戰與磨練，看着鏡內的倒影，職場上與抱負相稱的工作量和壓力，或多或少在我們臉上加添了一些歲月的痕跡-皺紋、黑眼圈……但說到搞笑之處，「噗」的一笑，又會發現這兩張臉背後，仍藏着稚氣，手握着漢堡的，仍然是當天的我們，而我的旁邊仍舊有你🤍我吃過最有𝕙𝕖𝕒𝕣𝕥的漢堡店，一秒去咗日本，目黑之夜有星，𝕒𝕟𝕪𝕨𝕒𝕪，一個字，好好味啊，完。