影片
開飯介紹
於將軍澳起家的本地人氣漢堡包店，採用100%全天然美國安格斯牛肉及澳汌和牛製作漢堡扒，肉汁豐富且味道香濃；另亦供應生酮口味等款式，選擇繁多。
繼續閱讀
營業時間
星期一至日
11:00 - 22:30
公眾假期
11:00 - 22:30
以上資料只供參考, 請與餐廳確認詳情
一見到個包送到就感受到廚師嘅用心製作，食物非常之夠熱，用料新鮮賣相好靚，佢哋啲牛肉好Juicy，牛油果好新鮮，仲有我最鍾意嘅番薯條，熱辣辣控制油火非常好，員工服務又好十分親切，問佢地有咩推介都會用心介紹，餐廳唔算好大，但坐得好舒服，乾淨企理，以我本人咁鍾意去Cafe去到都覺得好舒服，香港而家越嚟越少自家品牌製作，值得一讚同支持，下次去啟德都一定會再幫襯，上次喺銅鑼灣食過一次都係覺得啟德呢間好食啲😋大家下次去啟德行街都唔一定要幫襯連鎖去吓呢啲小店都幾好呀😉
繼續閱讀
收銀個男人態度好差，好唔耐煩，餐都未點完就淨係係咁追問幾次攞走定堂食。 試過外賣食品唔齊就當齊拎俾個客， 舖位好細，一睇就知坐得好唔舒服，啲枱好油，感覺好唔乾淨。性價比極之低，啲嘢食味道好一般。出邊嘅餐廳差唔多價錢嘅話一定好食過佢好多。其實啟德而家嘅商場都有賣漢堡，所以就算想食漢堡都唔好幫襯呢間嘢，除非你鍾意俾錢買受罪。一定唔推薦，如果佢肯換過個收銀嘅話可能感覺會好啲，不過味道一般又唔好坐嘅餐廳，就算服務好啲總平分都好低。更何況佢服務真係好差。希望食客唔好中伏。
繼續閱讀
❣️在Burger's Friend Forever，我點了他們的侯斯頓漢堡套餐，搭配帶皮薯條和汽水。整體而言，這個套餐不錯。漢堡的口感很好，與帶皮薯條的組合非常搭配。此外，他們提供的肉幾juice。❣️另外，我也吃了他們的濃郁花生醬安格斯煙肉漢堡加上煎蛋，還搭配韓式炸雞和汽水。整體而言，這款漢堡的味道也很好，肉質鮮嫩，配料的組合也很合適。然而，我仍然認為花生醬的味道不夠濃郁，這是一點可惜之處。❣️總括來說，Burger's Friend Forever的食物味道還是很不錯的。然而，在進食的期間有蚊子存在，需要作出改善。
繼續閱讀
位於地鋪，相比一樓鋪有湖景，地下鋪沒有任何景觀。經過見午市套餐幾抵食。 入去試下。 叫個平平地， 試下水溫先。 叫左Set A。 + $5 要汽水。有蛋汁流出，煙肉小小小脆，包都有烘底，唔錯！個包係港式份量，細食女士剛好。味道十分正常， 沒有驚喜，沒有再試的衝動。一路食，一路睇apps， 如經網上apps order 自取， 就要散叫。食食下， 有小朋友喊聲由cashier傳出。 可能係一家大細一齊經營。總括黎講， 如經過，想食小小野，又想食漢堡，又想支持家庭形式店舖。 可以一試。
繼續閱讀
📍 Burger's Friend Forever (嘉峯匯) (九龍城)九龍城啟德沐泰街9號嘉峯匯地下5號舖==============================今日聽同事講開啟德有間漢堡包係網上面好出名又好好食，禁岩見到外賣平台又有得叫呢間餐廳，雖然有d貴，但都決定叫來試下😋==============================食物⭐️⭐️⭐️⭐️🍔特色燒大菇漢堡套餐 💰$114漢堡個包好軟熟同埋有d甜味，啡菇咬落好多汁，配埋炒過ge洋蔥兩樣野好夾👍🏻套餐仲有配埋薯格，薯格食落有d洋蔥味，唔會成日油👍🏻
繼續閱讀