影片
港鐵大圍站 A 出口, 步行約4分鐘
繼續閱讀
營業時間
今日營業
09:00 - 18:00
星期一至日
09:00 - 18:00
以上資料只供參考, 請與餐廳確認詳情
影片
相片
自家製焦糖鮮奶
Tiramisu Latte
介爆咀咖啡
+595
+35
食家推介
紅日下午1點15分到店 都幾多人排隊，門外有張表比客人自己填人數再取籌，成個流程行自助形式，二人位等左30分鐘就進店了，店外花花草草小清新路線 店內就黃燈配水泥牆輕工風 整體裝潢幾好Style 不過座位就Set得太逼了 坐得麻麻地舒服，揀好心水 就去cashier落order 🦀蟹籽蟹肉明太子忌廉意粉 $108蟹籽小山都幾吸睛，卷起意粉 入口啖啖都是濃郁蟹肉鮮甜味，意粉口感好rich 明顯用鮮忌廉燴成，明太子帶有微微辣勁 令成個意粉唔會太膩感，非常足料🧀菠菜芝士傻仔波 配 蜜糖芥末醬 $58咬開是新鮮炸起熱辣辣的 芝士同菠菜泥入口即溶，外脆內軟 調味到位，份量比想象來得多，一口一粒，仲有加上柚子醋的沙律菜 醒胃get fresh，一整碟下來 做前菜或者小食都好正🤎親愛的提拉米蘇牛角窩夫 $88Croffle烤得香鬆酥軟 上枱時仍然暖暖的，用手指餅砌左個心心出黎 kawaii，賣相一流 造型大勝💛Osmanthus Honey Latte $44桂花蜜糖鮮奶咖啡咖啡面放左少少桂花 第一啖是淡淡的桂花香 唔會太濃烈 清清的感覺，同咖啡夾到🤎Esp. Tonic $60湯力啡 - 即係咖啡加TONIC水，咖啡作主調配上bubble口感，另外仲有少少柑橘的清新香味，係個人暫時遇過最好的比例，有驚喜* 假日都無收+1* 上下兩層座位可選* 水 + 餐具 + tissue 都是自助形式* 雖然全場爆瀉咁多人 不過上菜又唔使等好耐* CP高 不過又未去到要我排半個鐘等位的程度* 門口無招牌 差啲miss左佢門口
繼續閱讀
//<By the O>之前🐷小編喺屯門食過佢另一間舖頭都話好好食～佢哋喺大圍開咗舖，到🐤小編試😆😆星期日下晝3:30唔使等位🥰🥰舖頭裝修偏向wooden vintage vibe🪵🪵坐低咗再去counter叫嘢食🙂↕️🤣——————————蟹籽蟹肉明太子忌廉意粉 $108啲蟹籽多到每一啖都卜卜聲🤩🤩 明太子sauce都俾得好足，所以趁佢熱辣辣就要開始食😆😆 凍咗就會杰撻撻😬😬 意粉都煮得啱啱好，份量比較多，兩個人share就唔會覺得好膩🤪🤪 推薦！——————————朱古力大蕉蕉牛角窩夫 $80佢個大蕉蕉真係好大條🍌🍌 不過有啲生，食落唔甜～ Croffle好香脆，唔會硬骨骨🤪🤪 仲要焦糖脆脆增加口感🤤🤤 ——————————桂花蜜糖鮮奶咖啡 $48Latte係nutty🥜🥜 飲落都好香滑，真係有淡淡嘅桂花味🌸🌸 “唔會太甜”，獲得甜品界最高榮譽😂😂 幾特別🤩🤩——————————Iced Latte $44Latte正常發揮😆😆——————————評分：7.5/10地址：大圍積富街31號益富閣地下3號舖營業時間：星期一至日 09:00~18:00#bytheostudio #bytheo #大圍cafe #大圍美食 #taiwai #taiwaicafe #hkcafe #cafehopping #cafehoppinghk #香港美食 #香港必食 #美食博客 #hkfood #hkfoodie #hkfoodblog #hkfoodblogger #hkfoodshare #hkfoodlover #🐷🐤大圍 #🐷🐤cafe
繼續閱讀
本身Cafe裝修得好靚，嘢食質素都唔錯，感覺好chill。但係係因為第一次去，完全唔知道原來係自己出去落餐，重點係個侍應入座完全冇同我哋講（因為佢間餐廳嘅裝修令到我都睇唔到佢有個位可以俾我出去order）。我哋之後等咗10分鐘，見到嗰位皮膚比較黑嘅男侍應serve既嘢食俾我哋隔籬嗰台，我係咁叫唔該可唔可以落單，佢係咁扮聽唔到。但由於侍應真係太少（我嗰邊嘅枱得佢一個），所以只能夠叫佢，後尾終於叫到佢，佢竟然第一句同我哋講嘅係：「做咩啊？」係好冇禮貌嘅口吻。然後，我朋友出去落單，最後連刀刀叉叉碟都要自己拎，嘢飲又落錯咗，明明想叫熱嘅又俾咗凍⋯⋯⋯ 其實最差就係嗰位冇禮貌侍應⋯⋯⋯其他嘢都好滿意，但係搞到我冇咩心機再食多次。（嘢飲偏貴 :$60 tiramisu latte)
繼續閱讀
今日放假約了好姊妹食lunch，揀咗呢間大圍By The O Studio咖啡店。Cafe有兩層，環境以木系為主題，十分舒適，很適合聚會或係自己一個叫杯咖啡，小食，坐低睇書，十分寫意！我們叫左蟹籽蟹肉明太子忌廉意粉，Egg Benedict, 親愛的提拉米蘇牛角窩夫，自家製焦糖鮮奶，菠蘿梳打，每一款都好好食！🔸蟹籽蟹肉明大子忌廉意粉 🦀🍝超膨拜嘅蟹籽蟹肉，絕對足料！意粉煮得好creamy而且好掛汁！食完超滿足！大推！🔸Egg Benedict班尼迪克早餐🥑🥞兩層嘅熱香餅取代了muffin，熱香餅很鬆軟，加上滿滿嘅楓糖漿，牛油果花和煙三文魚花都很好靚，有啤梨醬圍邊，很特別，淡淡梨香，味道天然，再配上伴碟上嘅Granola 鹹鹹甜甜，一啖咬落去，係幸福嘅感覺！！🔸親愛的提拉米蘇牛角窩夫🥐牛角包外脆內軟，配上輕盈軟滑既tiramisu cream，可淋上咖啡shot，增添唔同層次嘅口感，而且非常打卡！🔸自家製焦糖鮮奶🥛大大塊嘅焦糖賣相十分吸引，當焦糖溶化左之後配上牛奶估唔到配塔得咁好，而且甜度適中！🔸菠蘿梳打🍹菠蘿味好香，係一種很清新的特飲。無論裝飾或係味道都給我一種夏天的感覺！很解渴！雖然價錢偏貴，但環境同食物質素都很好👍🏻
繼續閱讀
今日行完山諗住去大圍食飯之前朋友介紹呢間Cafe ，所以諗住試吓我哋大約三點去到唔使點等位入到去個氛圍幾好好多情侶喺度食tea打卡我叫咗個明太子意粉同橙啡明太子意粉個汁好濃，上面仲有啲櫻花蝦每一啖都好重味，好香濃同行有一個朋友好鍾意食明太子，佢話超正杯咖啡就係橙汁加Espresso 我覺得都幾夾如果有人唔想飲coffee tonic, 呢個都係一個好選擇呢間舖頭日日都好多人排隊如果想試要早啲嚟同埋要認住佢個門口完全冇招牌
繼續閱讀