C.P.U. Cafe (已結業)

K11可算是尖沙咀當中旺中帶靜嘅地方同朋友相約在尖沙咀，一邊行一邊詅住食乜。喺唔同嘅鋪頭當中左穿右插係毫無概念食什麼嘅情況下竟然發現到呢間餐廳。見佢裝修同埋個餐牌好像10分不錯，加上我哋又唔係太肚餓咁就入去睇吓有咩食一坐低服務員招呼好好，全程滿面笑容晚飯時間都沒有很爆。我哋可以盡情傾計成個裝修同埋格局嘅空間感都十足。我哋叫咗一個意粉同埋薄餅仲有一個沙律全部份量都剛剛好！果然沒有期待情況下總會有驚喜如果揀多次我都會再去食

平時Weekend 喺尖咀搵食艱難，周圍都要等位，仲要喺K11 呢啲hotspot更加唔使講！但竟然比朋友搵到呢間係鬧市中嘅隱秘Cafe，坐得舒服之餘嘢食都唔錯！最緊要係唔使等位🤣🤣間Cafe係C.P.U. 舖頭再行到最入～真係估唔到C.P.U.除左賣波鞋仲做埋餐廳～我叫左大蝦意大飯，啲飯軟硬適中，個汁幾濃郁，有小小似濃蝦湯既感覺，不過喊左小小。有三隻大蝦，咬落爽口！素菜漢堡，入面夾左茄子、翠玉瓜、青瓜、蕃茄、黑木耳等等，口感清新！旁邊付上大量沙律菜，好啱素食既朋友。牛肉松露扁意粉，意粉炒得好香，落左小小黑胡椒調味，都有好多牛肉～另外餐飲可點即磨咖啡（忘記影相比大家睇），咖啡質素都唔錯～喺尖咀呢個鬧市搵到呢個咁幽靜嘅地方，真係好難得👍🏼

想慶祝朋友生日，見呢到環境幾casual，適合一group人黎呢到hea下傾下計，就決定黎呢到食dinner慶祝。首先叫了個熱熔芝士薯條，實在係邪惡之選，都幾正。烤義大利黑醋雞翼好肥美，好食！紐西蘭羊架唔太穌。還叫了個pizza 同沙律，適合sharing。

男朋友話情人節一早BOOK 左位, 但係又唔話俾我知邊間, 話我實估唔到!原來呢間餐廳真係位於不顯眼位置, 唔係男朋友講我都未必知道原來店舖內有間餐廳!適逢情人節, 好多餐廳都full booking, 呢間都唔例外, 全場有9成都係2人台!仲有2,3張4-6人台俾當晚既 booking.入席時候侍應都好細心為女土獻上一枝粉紅色玫瑰 入座後如果當晚有花束或手袋都可以放係櫈下既竹籃入面以環境黎講近窗位置景色比較好, 中間台同台之間都唔會太貼.服務同上餐速度都好快, 會不時留意你進餐速度去備餐, 所以每個dish之間等既時間都唔耐今晚我就叫左 "香煎銀鱈魚&大蝦 @ $368" 男朋友就叫左 "美國安格斯肉眼扒 @ 368"個人覺得肉眼扒太多筋, 不過男朋友就十分鐘意另外大蝦同魚都好鮮甜, 不過份量都比較少, 岩哂唔想食太飽既我 好酒既我地都叫左餐酒, 男朋友杯紅酒係肉未黎之前, 食緊starter已經黎左, 佢又忍唔住要飲bo! 結果成晚佢個感覺都好怪 所以大家記住 "紅肉配紅酒, 白肉就配白酒"!整體黎講, 因為我地早左BOOK 位, 有Early Bird 優惠更加抵食食物質素都OK

想喺尖沙咀搵個靜靜地丶坐得舒服丶食物好味嘅cafe,誠意推介呢度. 第一次嚟嘅話可能要花少少時間先揾到個入口餐廳裝潢走歐洲新派風格,簡潔企理,枱與枱之間好有空間,坐得舒服.侍應仲會主動提供籃俾你放袋喺凳底星期六丶日都有lunch set (沙律/ 餐湯 + 主菜 + 飲品),選擇多,可加$轉其他湯丶其他飲品我好鍾意呢度嘅沙律,係凱薩沙律,沙律醬撈得好均勻,有麵包脆粒丶煙肉粒,好大碟,好認真食完沙律已經飽咗1/3朋友點咗湯,係南瓜忌廉湯,隨湯付上麵包(有不同款但無得揀),佢哋話湯同麵包都好好味焗肉醬牛仔骨意粉 - 肉醬好惹味,牛仔骨嫩香煎比目魚伴薯菜 - 比目魚煎到脆口,魚油味甘香,薯蓉超滑超香,真心好少喺local餐廳食到咁正嘅薯蓉即刻令我諗起我最愛嘅Robuchon嘅薯蓉香煎西班牙豚肉配白飯 - 豚肉好滑好香,個汁惹味 嚟過咁多次,除咗burger麻麻之外,意粉丶意大利飯同煎魚都令人滿意. 侍應哥哥們都招待得幾好

今次第三次到訪，原本覺得食物算抵食所以再次光臨，但服務態度一次比一次差今次原本book定左枱，book左window seats，但我哋去到既同時，咁岩有另一pair客人黎到，但前台同光頭經理竟然先安排左嗰pair客人入座，但嗰pair人係無book枱的，咁岩就坐左餐廳最後一張既窗口位，之後我哋問返光頭經理，話我哋book左枱，佢竟然完全無視我哋既存在，我哋一路同佢講野佢一路走開咁其實我哋book枱黎做咩？座位係先行入去就先得？原本無窗口位都算，我哋唔係一定要有窗口位先食到飯，問題係態度真係超差，當時餐廳已經差唔多full晒，跟住光頭經理唔耐煩地安排左廚房門口既二人枱俾我哋，當時有另一個女侍應見我哋頭先呆企左咁耐就過黎同我哋傾，但我哋未講完，轉個頭光頭經理已經將頭先廚房門口張枱俾埋另一pair客人...光頭經理全程當我哋透明，亦全程黑面，這是什麼態度？係食就食唔食就罷既態度嗎？

今日收工去左K-11食飯點知遇到一間服務態度十分差,食物質素極差嘅餐廳,簡直不知所謂點左安格斯牛扒勁難食,咁簡單嘅牛扒，都煮到勁乾勁難食，非常懷疑廚房其實識唔識煮嘢食另外叫咗燒春雞未煮熟有血水心出嚟，同女侍應反映，佢粒聲唔出就收咗碟雞然後個男侍應走過來話問過廚房冇問題禾，另外我哋係唔會退錢/Cancel,態度極之惡劣最終我哋冇食到燒春雞，但係買單嘅時候照樣要收錢，同個侍應講先至取消番，不知所謂如果想食到肚痛就去呢一間野幫襯啦

Afternoon tea@CPU cafeCafe入面有落地玻璃，環境舒適闊落☀️tea set都有幾多選擇👍🏻👍🏻不過見餐廳內有一半人都叫熱狗，所以決定叫左一個熱狗set，一個烤意大利黑醋雞翼set，另外散叫一個香辣茄汁大蝦意粉～熱狗飽烘得外脆內軟，珍寶腸上滿佈半溶芝士，加埋沙律醬，非常美味👍🏻還有脆口炸薯角同沙律菜伴碟，很滿足啊！香辣茄汁大蝦意粉，個茄汁帶點微辣，非常醒胃，意粉用幼身果隻，爽口彈牙，大蝦數量不少，但鹹了些～烤意大利黑醋雞翼，酸酸甜甜，略為炸過，外皮脆脆地，但肉質仍然很juicy😋😋唯一不足的係餐飲，檸檬茶的茶淡而無味，咖啡亦是淡如水，一啲咖啡香味都冇😔飲品真係有待改善，整體黎講都唔錯，都不失為一個同朋友嘅聚腳地！👍🏻👍🏻

星期六尖沙咀嘅晚上好多地方都排長龍等位，見到呢間Cafe入去試吓，完全唔需要等位，侍應服務態度好好，環境好舒服，好難得係人來人往嘅尖沙咀會有間咁嘅Cafe，睇咗一輪Menu，我哋叫咗個蒜香蟹肉意粉，味道十分唔錯，雖然唔係十分大份，再叫咗個牛柳同埋大蝦，牛柳七成熟，色香味俱全，雖然個位置比較隱蔽，但可以坐好耐都冇人趕你，同朋友吹水一流，價錢亦好合理，好有驚喜，呢間店都仲有好多甜品，下次我都會再嚟幫襯，好滿意

繁囂鬧市隱蔽清泉系列✨ 尖咀其實係個幾神奇嘅地方，平時周街人頭湧湧連行步路都唔夠位咁滯，偏偏就有啲識途老馬會知道有邊度係遠離繁囂。唔係有人帶路都唔會知，響K11左轉右轉穿過間鞋舖入到最角落係會有間餐廳響度。雖然走程好短但個位太隱蔽所以個場都幾靜下，可以舒舒服服嘆一餐✨以尖咀餐廳嚟講價錢都算合理，而且份量都幾大下，一個餐肯定會食得飽先，而食物質素都比想像中好，沙律同餐湯都幾重料，龍蝦湯真係有龍蝦肉菇湯都幾重菇香，ham同煙三文都唔係求其兩塊而係成碟都係，而且有啲甜甜地嘅醬汁幾好食😌主菜必推海鮮拼盤，其新鮮度頗有驚喜，最鐘意比目魚，外皮超脆然後肉質滑溜到唔洗咬已經化開咁滯，蟹腳都預先幫你拆好殼啱哂我呢啲有殼唔食嘅懶人，當然仲有煎到香噴噴嘅帶子，唯一係龍蝦有啲過咗龍乾咗少少，話說啲薯條好高質點埋個龍蝦汁食，食到停唔到口😂羊架又係超出預期，叫五成熟時有啲擔心會過熟，但出到嚟又真係五成剛剛好，肉質好嫩口，而外面都加咗啲脆碎一齊燒，口感更豐富，我幾鐘意個紅酒汁點肉好香，另外點芥末令個肉味更突出都係個唔錯嘅選擇✨另個飯本身都唔算差，幾多蟹肉，個汁似海鮮湯咁好香，但比起前兩者就失色少少😌最後tiram

We ordered two burgers, one a beef burger (Hk$118 before service charge) and the other a tiger prawn Thermidor burger (HK$108 before service charge).It was a very average meal and that is putting it nicely. Beef burger was ok, but the size of the burger was small and for that price, definitely not worth it.I had expected the tiger prawn burger to be a patty made up of minced/chopped up prawn meat. However what was served was THREE SMALL prawns with some melted cheese andcream mixed with mushroo

Thank you for the the extra touch! Food was of good quality and portion size are generous. Nice ambience little cafe!👍

呢個位以前間餐廳都成日食，後來轉左就未黎過。今日行開入黎又試下，感覺唔錯！意粉硬身過出面少少，又另有一番風味同口感。三文魚pizza，三文魚味道好突出得黎又好清新，值得一試。特飲配左杯，香蕉朱古力沙冰，你以為係朱古力味重既飲品？少年又太年輕鳥⋯⋯飲落味道都少少驚喜！就算一杯普通餐茶，都有六款英式茶款過你揀，呢個就感覺到間餐廳細心同真心想做好質素既食物。環境方面，呢度坐窗口位有落地大玻璃，望住街係幾靚幾寫意既。由於呢間舖太隱世，好驚唔幫襯，佢會無端端摺左，所以以後都會多啲支持下！

k11食肆不少，而這間cafe吸引我一試的原因是在鞋店內很得意，加上在openrice book方便又有積分。餐廳位置我認為唔係太難搵（雖然有朋友覺得難搵，各人感受不同啦！）環境尚稱得上寬敞又有戶外位置可選擇。每張檯也有些距離，不過不知為何感覺很嘈吵，全院滿座時嘈得很像街市。侍應勤快但人手很不足，做到無表情之餘很多時想搵個人收嘢都無。餐牌選擇豐富相看起來亦吸引。是晚點了：龍蝦三味： 大碟鮮味，不錯厚切豚肉扒：大份兼軟硬適中芝士海鮮通粉：未有想像中的香濃，味道很一般。（忘了影相，sorry）餐湯及包：湯普通，竹炭包外脆內軟很好味，驚喜餐小食：蜆：大碟鮮味餐加錢加朱古力香蕉沙冰：得個樣但朋友說超難飲餐加錢雪梨花茶：又是得個樣而唔好飲甜品朱古力三重奏：似去唱k送的蛋糕質素，又係個樣ok,食落質素一般。三個人三百幾元一個....這個質素唔抵。總括來說一般般，又唔係好差，但又唔覺好好，無特別唔會再來了。

已經唔係第一次去CPU cafe 食飯，第一兩次去都幾多人，所以仲特登禁入openrice訂位，不過今次夜晚去食竟然好冷清，一間好既餐廳一定要推介比大家去試！記得第一次係睇到K11單張既介紹所以先會入去試🤤幾個月內已經帶唔同既朋友去食左三次，每次朋友都有正面評價：「無諗過鞋舖既餐廳會好食」，「好抵！」食物太吸引，今次掛住食無影相，但係⋯⋯燒 雞 真 係 好 好 食 ！ 勁 滑 ， 連 雞 胸 都 係 滑 ！ 無 牙 都 食 到 😹 而且大家都驚訝隻雞係咁大隻，以咁既價錢真係好抵香蒜蟹肉意粉😋第一次食lunch set試過香蒜嘜嘜意粉食上癮，每次去都要叫個香蒜意粉芒果拿破崙😋今次帶屋企人去食生日飯，悄悄地問左店員可唔可以安排係甜品碟上寫字，店員仲好好幫我地插左支蠟燭，成功比左個驚喜媽媽🎂