C.P.U. Cafe (已結業)

自從話裝修後，Menu 變晒左，waiters 換晒(服務態度差晒) 因為幫襯幾年，但今日真係對呢間餐廳失望。點解成個 lunch set 咁多配白飯？ 問可否轉意粉，我覺得佢答我嘅態度係唔好嘅。連問都不問可唔可以轉就即刻給一個負面答案。有冇攪錯，今時今日基於好多原因而令顧客都有不同嘅要求，自問白飯轉意粉不是一件大事或難為嘅事，點解問都唔問一下？？！！ waiters 個個行黎行去，目光呆滯，一係就走晒入㕑房倾計。轉晒人之后，真係好難接受到咁嘅服務態度。​食物係好嘅，但不是每個人都可以需求一樣，希望可以照顧到唔同顧客嘅需求。

K11神秘角落就有哩一間C.P.U. cafe，小角落內有不少優雅擺設，坐低就睇左個tea set menu，價錢唔算貴，所以以為份量唔多，口多多又見到另一個餐牌龍蝦特拼$188～ 決定食好啲先素菜漢堡炸魚柳薯條，魚柳唔鞋唔乾，好在無大伏～最後上嘅龍蝦特拼，主角肉質唔梅，但我自己就鐘意配角嘅芝士蘑菇小漢堡😋😋南瓜湯超濃縮，啖啖都有豐厚嘅感覺～以為tea set份量唔多，其實都好飽吖tea黎講算抵食👍🏻人流唔會太多，喺K11係不錯嘅選擇～

有驚喜的波鞋CafeC.P.U 除左有鞋賣仲有餐廳㗎，位於K11 C.P.U 的一角隱蔽處，今日要推介就係香草五枝骨羊扒，睇賣相已經覺得不錯，肉質亂畫，帶微微羊蘇味，食羊要有少少蘇先叫好味既，羊扒係set dinner 其中一個course , set dinner 抵食㗎，仲有跟soup , Salad , appetizer coffee and tea , 買完波鞋就去醫下肚

不是在樓上看到也不會發現這家Cafe在一家服裝店鞋店的角落之中一個小小不顯眼的門口外面一張餐牌一些小擺設一不小心就走漏眼了進來座座本來只是想食點小吃但總是點了主餐來一杯特濃咖啡醒醒神先雖然昨天休假但依然很累香濃的咖喱香氣入口有著咖啡豆的原味不管是心理作用還是咖啡真的見效精神的確維持了一下再來一碟微辣的大蝦意粉裡面有好多菇菇微辣茄醬的味道很入加上鮮蝦讓意粉略帶清甜咬兩口再喝一點咖啡嘴巴裡味道更複雜起來卻神奇地帶出食慾不知不覺地把整碟意粉吃光光了座一下呆一下看看遙遠的窗外境色。。又開始累了。。。。。。。（汗）

第1次去，搵嘅時候R晒頭點解行左入鞋鋪。的確行到盡頭就見到個細細門口。 餐廳唔算大， 2個人去的話，張檯同隔離張泊牆4人檯都痴得頗埋。而且都算嘈。 普通朋友黎chit chat 都ok, 但如果想靜靜relax未必適合喇。食方面，同朋友一個叫左豬扒一個叫左海陸大餐（有牛扒同2條蝦），晚餐嘅main dishes可以加錢變餐，咁就有沙律/白酒煮蜆，湯同野飲。我地一個要沙律一個要蜆，再upgrade 湯做磨菇濃湯。 麵包熱辣辣，好好食。 整體野食都好好，牛扒啱啱好，豬扒亦好有肉汁。如果約朋友出黎he how ha hea下嘅，都係唔錯選擇。

朋友介紹下，所以先嚟試下，唔講真係唔知賣鞋既都開cafe，佢仲要好隱蔽咁係間shop入面，都要少少時間搵搵佢，好彩早去到，因為入座咗冇耐就已經好多人，仲要有d俾人訂座咗，所以要去試最好訂位。好餓既關係所以叫咗佢杯新嘢飲，香蕉朱古力沙冰，唔算甜好香香蕉味，如果朱古力濃多少少就仲好。叫咗豬鞍同龍蝦意粉加咗個白酒煮蜆同芝士薯條🍟白酒煮蜆俾我想像中好味，平時出街食既蜆唔係有沙就係冇味，呢個好白酒味d蜆又嫰滑，用佢d汁點包食一流。芝士薯條普普通通冇咩特別！主菜到啦，我見都好多人叫龍蝦意粉，聞到好香龍蝦味，意粉軟硬適中好食😋啖啖龍蝦肉仲加埋鮮蝦👍🏻豬鞍睇落size都唔細，切落去有肉汁好juice 完全唔會乾身同好鞋，呢2個主菜好得，下次再encore ，最好記得訂位因該都好full

約左朋友食午飯，就番佢喺尖沙咀上班，中午時間怕人多，考慮左好耐食乜好，最終揀左呢間位於K11一間運動用品店裡面，品牌嘅cafe試試。平日食飯時間黎到，估唔到呢個我地認為幾隱蔽嘅地方都有唔少客人，哈哈。午市接近八成滿座，我都幾驚訝，可能附近上班嘅人較多。喺門口睇左餐牌，心中有選擇先入座，畢竟午市套餐價錢都唔平店內環境舒適，有適當嘅空間感，枱與枱間亦唔會太過密麻，算係傾到計嘅地方，so far店員都有禮，亦有效率。餐牌供應12款午市套餐，定價$68-138，乜類型都有，沙律、意粉、三文魚、牛柳粒、豚肉、焗雞、漢堡、素菜薄餅都有齊，個range都幾多。幾款套餐包括餐湯或沙律、飲品，另有餐飲餐湯升級優惠。我地就最簡單，揀左最basic嘅兩款。餐湯、餐包雜菜湯味道可以，調味適中。竹炭包、餐包軟熟，新鮮，印象不錯。蒜香大蝦意粉 $98雜菌汁牛柳粒焗飯 $108老實講價錢就貴嘅，性價比唔高，好在即時焗起，味道不俗。鋪上芝士，食落幾香，除左雜菌汁，仲真係有菇粒，成個飯唔合太單調。至於牛柳粒都幾大粒，肉唔會老或者韌飯粒有汁，唔會太濕笠，附合我個人對焗飯嘅要求，合格有餘，純粹覺得小貴。芒果蜜桃沙冰 +$1

近日公事繁忙令人透不過氣，心情帶點鬱悶，想找間cafe療癒一下。這間餐廳位於時裝店內的一個角落，裝修與時裝同一風格，時尚又帶一點綠化，感覺舒適自然。雖然環境不錯，但價格與一般cafe無異。Lunch set 有12款選擇，主要是以意粉、漢堡同飯為主，價錢由$68-$138。餐湯：南瓜忌廉湯這個南瓜湯南瓜味十足，味道香甜，口感滑溜又creamy，好味道！香蒜蟹肉意粉$97蟹肉意粉真是真材實料，用的是真的蟹肉而不是仿蟹柳。意粉口感煙韌，每一條意粉都均勻的沾有醬汁，滿帶濃郁的蒜香，還有淡雅的蟹肉絲。味道鮮甜又有丁點辣，十分惹味可口。雜菌扁意粉$63這個扁意粉在週一至週四做緊promotion, 由原本的$78減至$63。這個雜菌意粉材料唔少，有各種不同的茹類，口感鮮嫩。扁意粉煮到剛剛熟，口感al Dante,加上清新而濃郁的蕃茄醬汁，蕃味十足又輕怡.咖啡濃香，沒有酸味，味道唔錯。嘆下恰意的意粉午餐，來一個girls talk, 的確可以調劑一下鬱悶的心情。看見鄰座的漢堡十分吸引，下次一定要試試。

咖啡上既拉花如果拉得靚更加會令杯咖啡加分😊CPU這杯mocha 就做到了 因為還是初入門的咖啡品嚐者 所以剩係接受到朱古力咖啡既味道 哩杯兩者平衡得好好 有朱古力香之餘又飲到咖啡味😋今次放lunch又去k11揾到間唔隱世但好隱蔽既餐廳🤣先知cpu除左賣鞋仲開埋餐廳 水準又唔差喎.然後發現素食menu有promotion 不過得星期一至四先有 happy friday就會少左個8折😧😧😧咁本身個素食menu裡面既野都係$100有找 我覺得偶然黎食下lunch都可以接受既.然後講返d食物 上菜都好快 岩晒我哩d lunch得一粒鐘既偽ol🤗個素菜cheese pizza都好多料下 係薄底 但幾香脆 料有茄子 菇 蕃茄 粟米 同好多芝士 有成8塊咁多 都幾飽下😋味道唔錯 唔會太濃蕃茄味 反而食到芝士味多d 第一次食印象幾好🤗應該會有下次 如果我冇轉工🤣🤣🤣🤣🤣價錢就$78 如果有得折就更抵 但我接受到Fish and chips..英國名物 其實係英國食過幾次 我都覺得好難食😂因為舊魚好鞋 但可能香港食到既配合返香港人口味😂所以先覺得好食.咩叫香港人口味？就係新鮮熱辣趣同香滑🤣舊炸魚好好食

舊同事下星期又有新工返，今晚約咗出嚟同佢 聚舊一下。先講呢間餐廳嘅地理位置，位於 K11 商場 2樓，但上到 2/F 其實都幾難搵，因為水牌係唔見有呢間餐廳嘅。兩個人叫咗兩個餐，分別係雜菌扁意粉同埋咖哩牛腩飯，但係由於肚餓嘅關係就叫多咗個fish and chip 做一個小食。唯一surprise 就係 fish and chips 嘅魚本來我諗住係一大件上， 但嚟到先發覺佢係一條條嘅手指魚。再叫多杯花茶同埋奶昔，埋單大概350蚊。 呢度食物質素冇話咩大驚喜，但由於人少的關係，這裡的確是一個傾計和朋友聚會的好地方。

今晚朋友相眾 去左C.P.U cafe 🍵🍴🍹🍺我即諗 乜C.P.U 唔係賣鞋咩 原來K11個間有cafe 而家好多品牌都有餐廳 可能好搵🤨 不過個到環境都唔錯 星期六黎講都比較少人

第一次到K11晚飯，一行8人訂了枱不用等就入坐，7:30PM已經差不多full哂，心想咁多人，order了烤雞意粉Pizza和小食，叫了煙三文魚和素菜薄餅，第一次常試素菜薄餅幾特別好fresh ，烤黑醋雞翼好香口，芝士和黑菘露薯條好香好趣，㙰肉意粉和海鮮芝士通心粉都好濃味好食，白洒煮青口好出色，到成隻即燒(半小時)烤春雞上枱，感覺隻雞唔係太細隻比想像中大，烤出來又有一反風味，叫了奶凍焦糖燉蛋芒果拿破輪，甜品各樣不是太甜我喜歡，現今甜品廚師都要追求健康唔會太甜了。

C.P.U是我和男朋友拍拖最常去的餐廳，每個月點都會去食一次，主菜幾乎都試勻曬了，真心好味，性價比高，係尖沙咀真係搵唔到第二間咁有水準，收費又合理嘅西餐！☺️呢度平日dinner基本上唔使book位都得，星期六日始終人多，就唔好搏啦。😏我地果日原本坐兩人檯，不過點完菜之後staff就自動波將另一張檯拍埋嚟，變咗做四人檯，即刻坐得舒服咗！👍🏻點主菜加$60就有飲品、餐湯、沙律或硯、餐包，我地每次都會加，因為跟餐嘅沙律好大碟，餐包都係熱辣辣，味道有啲似outback嘅黑糖包，好好味！😋男朋友要操fit，最愛食雞胸，吸收大量蛋白質咁話啵。所以我地每次嚟都必點燒雞，原隻上，超多肉肉，嫩滑多肉汁，只需百幾蚊，大滿足！❤️❤️❤️我地今次試咗紐西蘭羊架，果然不負所望，叫咗medium ware，好腍好多肉汁，一啲都唔會騷，好味啊！🤤小食就唔少得我呢個薯條控摯愛，熱熔芝士薯條！🧀呢個又係每次必點，小鐵鍋盛滿熱辣辣嘅脆薯條，熱力keep住芝士醬唔會結做一舊舊，芝士全面覆蓋薯條山，極邪惡亦極好味，次次都畀我清曬！😆男朋友見我影相準備寫食評就話：「我好矛盾呀，佢地餐廳咁值得推介，係要寫食評讚吓！但係另一方面我又唔

上一排約咗個好朋友出嚟食嘢，經朋友介紹之下，黎咗呢一間cpu cafe ~呢間cafe都幾難搵因為佢喺k11嘅c.p.u店裏面 不過入到去真係好靚， 我最鍾意係佢嗰啲草嘅裝飾同埋玻璃櫈~啱曬女仔啲口味 我哋叫咗個意粉同埋甜品，價錢唔貴但係好似高級酒店咁而家成日都會去呢間cafe，因為尖沙咀其他地方真係好難搵位

今日跟朋友Happy Friday，選了這裡試試，傾得太高興，忘記了影相，今次全文字記錄餐廳自成一角，不是太易搵，要穿過運動店，但入到去文青feel 係舒服的我們坐二人枱，要求要多一張櫈放幾袋東西，待應很細心先為我們推埋少少張枱，再加櫈給我們放東西，不會阻到通道，讓我們坐得安心。磨菇湯不算重磨菇味，但有一塊塊的菇食，凱薩沙律份量ok，正常味道，蝦意粉，蝦份量足，Pasta 有咬口，食完不算口乾，朋友的龍蝦湯及意大利飯也對眼！走時發現還有一個露台位置的枱，更寧靜，下次飯聚都想request 坐出去