Cafe 82

營業中

休息中

呢間餐廳喺我心目中係美孚no.1 ，佢嘅厚豬柳實在無與倫比。前菜 - 粟米湯🌽每日嘅湯都唔同，上次係忌廉南瓜，今次就係粟米湯，佢哋嘅湯都好有心機，因為都係自己煲，好味兼且誠意爆燈。🤪🤪香煎英國厚豬柳配薯菜🐷呢個豬柳係我食過最好味嘅煎豬柳，煎到油脂啱啱出嚟好香，好juicy,肉質鮮嫩，又唔韌。而且佢唔會鞋颯颯，肥瘦都仲啱啱好，比例大概係2份肥，8份瘦，肉質可以話係齒頰留香。🥔薯菜都唔錯，薯仔應該係用咗澳洲嘅薯仔，細細粒嘅薯仔用嚟烤焗就啱啱好。老闆好好人，會同你傾吓計，亦都好有禮貌，會同你解釋今日嘅餐湯同埋有咩好食。如果下午茶去仲可以坐低慢慢傾吓計，幾舒服。餐具同埋鋪頭入面都有啲裝飾係金色嘅，我估老闆好鍾意咁金色🤣🤣不過價錢就有少少貴，所以冇得成日去食🤦🏻‍♂️

我一直都覺得美孚係美食沙漠，今日行行下搵到呢間cafe82，見餐牌幾吸引，就一於試下，點知有重重驚喜❗️先黎一份餐湯，南瓜湯，南瓜味好夠，有埋南瓜蓉，誠意之作👍🏻👍🏻跟住到主菜出場❗️❗️❗️黑松露燒汁牛肉粒意大利飯 $128黑松露味好出，牛肉粒肉汁鮮嫩，唔會太un，而意大利飯好好食，半熟，又入曬味，值得食👍🏻👍🏻香煎盲鰽魚配薯菜 $158盲鰽魚好鮮味，煎得岩岩好，薯菜份量又多，薯蓉好足料好好味❗️❗️整體來講值得推薦，美孚高質西餐👍🏻👍🏻👍🏻

趁得間，兩個美孚友約出嚟食晏，有兩間餐廳都未試過：Cafe 82及新上海餐廳，俾咗老友夏總揀，佢就喜歡Cafe 82多啲，佢話之前嚟食過晚飯，覺得質素唔錯，咁就先到先搵位啦。其實Cafe 82已開咗一段日子，不過，小弟就仲未嚟幫襯過。餐廳嘅格局算喺四四正正，裝修簡約，水泥牆身，金屬餐枱，主色調為黑色，但就唔似玩咩工業風呀、文青風呀之類。午餐選擇一個小餐牌睇晒，一共6款，定價$65-$128，包餐湯及餐飲，有留意左下角細字，就知午餐餐牌每星期轉款。雖然唔使加一服務費，但算起嚟個起錶價都唔喺平。餐具、餐巾放晒晌枱上，自己招呼自己，就連水都要叫到先俾，都好嘅，環保啲嘛。雜菜忌廉湯餐牌就寫是日餐湯，送到上枱，侍應就介紹喺「雜菜忌廉湯」，不過，點睇都似只喺雜菜湯，唔太覺有加入「忌廉」成份，因為飲落嘅質感比較水，但味道都OK嘅，帶點清爽嘅酸香。香茅豬扒飯配蔥油汁 $65夏總就要咗香茅豬扒飯，喺就喺比起去茶記食同一款碟頭飯貴1/3，但佢話確喺有質素嘅。除咗豬扒嘅份量俾到足之外，而且，炸得甘香，豬扒嘅肉質夠鬆化，又夠晒香茅味，沾沾蔥油，更有畫龍點睛之效。蕃茄忌廉汁蜆肉意大利飯 $68本來都想試試個南瓜

係美孚附近又唔想食譚仔麥當勞可以去呢間cafe試下晚餐menu一定有野岩食<是日餐湯>我諗係羅宋湯, 但係蕃茄味x10倍, 偏酸而且得蕃茄味, 我個人覺得麻麻<香檸橄欖油鮮蝦意粉>🦐意粉軟硬度適中, 夠味係夠橄欖油香味👌🏻份量比較少, 食完唔係岩岩好夠飽而係仲有少少餓😦(我真係唔大食🐒)以下係朋友叫既, 冇圖👇🏻<黑松露燒汁牛肉粒意大利飯>🐂一個成年男子(平時譚仔一個食過橋仲要叫餸)居然食唔哂, 牛肉粒幾香, 係飯比較膩<烤美國頂級西冷扒配薯菜>🥩一分錢一分貨, 全枱最吸引係呢碟😭 好香牛油味, 烤完唔乾, 7-8成熟入口唔會韌到牙鉸軟🦷------------------------------呢間cafe店員好nice, 上熱飲好注意客人安全, 我地拎住好多野又幫我地放好, 坐位又安排得好好環境比較細, 我地多人去都分開坐左陣野食就普普通通啦, 會建議嗌扒🥩

本身諗住去附近另一間餐廳食嘅，不過嗰間咁啱冇開，所以就無心插柳嚟咗呢一間。雖然已經係兩點幾，過咗最繁忙嘅食晏時間，但都等左一陣先至有位。叫咗一個價值$68嘅香蒜白酒鮮蝦意粉，跟餐仲送湯同埋嘢飲。餐湯有啲驚喜，唔係成日飲開嘅南瓜湯或者蘑菇湯，而係栗子湯，幾特別，味道仲唔錯添。至於個意粉都幾大碟，有好香嘅白酒同埋蒜香味，令到蝦嘅鮮味更加突出。$68唔收+1有咁嘅質素真係相當唔錯。

Cafe 82 是美孚地區少數食得飽肚的黃店之一，目測由幾名猛男主理，待客有禮。唔知係咪 82 年出世，所以叫 Cafe 82 呢😆？那天叫了燒蒜子忌廉汁海鮮意大利飯，首先端來的是蕃茄湯，味道偏酸，更吃得出新鮮蕃茄蓉，是我喜歡的口味。意大利飯則略有驚喜：忌廉汁非常濃厚，配上芝士後其實好 “膩”，但卻又正正是我喜歡的口味。米飯雖未算是最正宗的意大利飯，但亦不會煮得太腍太多水，口感頗佳，以這個價錢來說，性價比算高。唯一要彈的是隨餐附送的即磨咖啡，水準以 cafe 來說絕不合格，希望店家多多改善呀！

與同事閒談，對方介紹了一間美孚的西餐廳，稱早餐不俗可以一試，週末有時間就去幫襯。位於蘭秀道的「Cafe 82」，裝潢簡潔，雖然座位不多，但不會很擠迫，頗多家庭客人。早餐選擇不多，只有5款，都是大路的粉麵、麥皮、扒類及全日早餐等。點了2份早餐，包括雜菜鮮茄濃湯通粉，配餐肉炒蛋多士；另一份是香草薄牛扒餐配什箘、茄汁豆、炒蛋、多士等。鮮茄通粉不會太酸，湯濃度適中；炒蛋幾滑；牛扒頗大塊，不會太乾及太肥；但什菌略油。食物份量適中，以早餐來說，價錢略貴，但質素比茶記或連鎖快餐好。午餐及晚餐menu都幾吸引，有機會會試吓。

星期日午餐今日一早去美孚，做完野之後就搵搵附近有咩餐廳，就見到轉角位有間Cafe 82。入面裝修幾靚，好光猛，餐廳用灰色位做主調。午餐menu有六個餐，每一個餐都配湯和餐飲，價錢適中。A) 紅咖喱雞扒配珍珠米飯餐廳職員聽到我有少少咳，好細心提我紅咖喱有少少辣。但係因為我好想食雞扒，於是他建議我們咖喱汁可以另外上。紅咖喱汁味道不錯，有少少椰汁味道，配飯簡直是一流！不過珍珠米飯有點兒過熟，可能水太多。如果改善這一點就美好了！B) 芝士焗忌廉汁漢堡扒、火腿扒飯雖然我唔明白點解我老公會揀哩一個餐，因為我覺得係頹飯😂 但係佢話好想食漢堡扒同火腿扒，於是叫黎試試。佢食完個樣好滿足😌餐廳職員服務很好。他見到我食藥，於是主動拎左杯暖水俾我飲，仲叫我慢慢坐，好窩心😍好有人情味的一間小店！

今日去咗好耐冇去嘅美孚，行過本身想食日本野，不過嗰間日本野晏晝落場，所以行過左去隔離嘅八二起義嗰度晏晝。坐低梗係揀一個最貴嘅set黎食下啦，最後帶咗兩個F餐。餐湯係有啲杰身嘅番茄羅宋湯，酸酸甜甜，幾好飲黎到正餐，扒下面其實有啲薯菜係角切薯仔同翠玉瓜，我習慣要蛋黃醬點薯仔食好彩呢間餐廳都有！薯菜嘅份量都唔少，扒係一隻手掌(連手指)咁大左右，但好厚身叫左五成熟亦都啱啱好，見到隻碟啲汁都覺得好juicy啊！同行友人都話肉味十足，幾好食！(友人平時食開靚野，佢咁講得塊扒有啲保證！)晏晝冇+1，埋單每人都係$122。晏晝黎講算有啲貴，但用食扒嘅角度黎睇就都幾抵食，見人見智啦！

小店座位不多, 午餐平均50-100蚊都有, 沙律,意粉,牛排等等精緻西餐。今次叫左 lunch set egg benedict 88蚊, 包湯同飲品。賣相唔錯, 底層 muffin有烘過脆脆地, 煙三文魚量正常, 可惜個 hollandaise sauce 較遜色。不過值得一讚店員服務好好, 好nice, 想同朋友悠閒食個lunch可選 只係唔好期望食物太好食就ok.

今日又去左樓下cafe食早餐！平日終於唔洗等位！ cafe老細好好人同好talkative，成日同食客打下牙骹！今日叫左例牌蕃茄雜菜湯螺絲粉！蕃茄湯濃又多料！螺絲粉唔太稔！岩岩好！正👍🏻👍🏻跟餐仲有多士、蛋/火腿/煙肉/茄汁豆等等......加$10可以加調製咖啡！我加左杯mocha!! 朱古力味好香濃，咖啡亦好香，奶又岩岩好，好creamy😍😍推薦蕃茄雜菜湯螺絲粉同mocha!!🥰值得一試！早餐39蚊！抵食！

星期日早上到位於美孚，原本想光顧附近連鎖式快餐店，但經過蘭秀道，看到一間裝飾頗別緻的Cafe，店名「Cafe 82」就決定到這裡吃早餐。餐廳的不銹鋼餐桌、金色餐具及厚身水松板製成的餐牌，帶有少許工業風的味道。📍粟米蘑菇忌廉湯螺絲粉（早晨套餐$41）看到是有點傻眼，因為份量少的可憐，碗是大碗，但只盛了不足三份之一份量的螺絲粉，這個份量大概和旁邊的熱飲杯份量差不多吧！忌廉湯比我稀，應該是罐頭湯開了太多水造成的效果。📍多士、火腿炒蛋 （跟餐）多士附有一盒金裝安佳牛油，火腿煎得有點老，寧可餐廳不煎火腿會比較好吃。炒蛋是挺滑的，但份量也是少得可憐，炒蛋面積大概只有四分一片火腿的份量。餐廳似乎著重賣相卻遠遠忽略了食物的本質， 以$41來說，是屬於貴價早餐，但以這樣的質素，客人應該無下次，與其付這個價格不如吃茶餐廳吧！

2019年2月15日（星期五）朋友聚舊，揀選美孚82試吓佢個晚餐。室內裝修以至餐枱、餐具擺設，都係重金屬，貫徹型格工業風！香煎鰽伴薯菜魚油香滑唔油膩，肉質鮮美，伴菜就色香味俱全。粟米、車厘茄、薯角、翠肉瓜，顏色鮮艷又滲着軟軟、淡淡嘅牛油味！值得推介！烤肉眼扒配薯菜個人喜好全熟牛扒，其實都好考阿廚功力！牛扒上枱，賣相吸引。齋係見到佈滿烤焗格仔紋，已經好想食！牛扒唔差，唔會柴皮，仲有香甜肉汁，要加分！食物品質要讚👍但係餐湯、主菜份量太少了，就要扣分

第一次嚟呢間cafe,本來滿心期待，食完呢次以後都唔會再來。講真，以晚餐嚟講$150唔算貴,但以呢個價錢我得到嘅只係幾舊薯仔幾舊瓜同一條又薄又瘦嘅魚，我接受唔到。一上枱已經唔想影相，我覺得影相簡直係浪費我啲ram . 呢碟野冇可能食得飽，食完我仲要去麥記再食另外叫咗個pizza,$58得到嘅係同麵包店買到嘅pizza包一樣咁大，味道完全唔impressive我唔明呢間cafe想點，性價比低到一個點。真心嬲。

星期日去完教會，在家附近找午餐吃，今日就選82，在家附近，這家西餐廳也算比較，像西餐的餐廳😄雖然餐廳細細間，但是環境都幾舒適 ，特別是服務非常貼心，就是因為街坊生意，隔三兩天便到一次，今日點了招牌的厚切豬扒，豬扒厚切，有咬口有肉汁，還點了南瓜素菜焗飯，南瓜味道很香甜，芝士白汁好香好滑，有些雜菜加在飯內，有些特別就是有栗子在內，栗子又香又甜又有咬口，令這個飯加分不少 ，值得一讚，侍應姐姐很貼心，還弄了一杯細小的凍檸茶給bb，其實服務貼心，比什麼也重要，尤其客人都是街坊，這家餐廳必贏👍😋