Cafe Aboong HK (已結業)

第2次黎食鯛魚🐟最近新推出左流心朱古力餡既鯛魚成條深啡色左 連原本原味既yogurt都變成朱古力味🍫由頭至尾都朱古力用既係法國Valrhora朱古力🍫鯛魚即叫即整 真係熱辣辣！但上面d yogurt又凍咼 又凍又熱 正常係快溶d既😌☝🏻️朱古力魚都幾大條 幾飽肚我覺得2個人share食就快d食哂 唔會溶到成手係啦☝🏻️😌咬落魚身真係會食到流心既朱古力 食快d 襯熱食 流心效果會更強😈我食到魚尾都重流心跟咼😈

旺角愈夜愈旺，經過旺角街頭，個個都排隊掃街。每間街頭小店都各有風味特色，次次經過都食指大動😄去到廣華街一帶，發現了一間小店，售賣鯛魚雪糕為題，賣相可愛吸引。店鋪新推出2款新口味，我和友人一人一個試一試☺️朱古力鯛$45。自家製朱古力漿, 內裡用上法國Valrhona的黑朱古力製成流心效果。朱古力味濃郁 甜而不膩, 黑朱古力入口不算甘苦。鯛魚燒外層香熱鬆軟 內裡冰凍香甜😄酒鯛 $45。用上Baileys為主題，酒味不算太濃郁，入口絲絲酒香。乳酪雪糕酸甜開胃，甜而不膩。食到最後發現底部有啫喱，口感豐富😄

今日食飽飽飯之後黎左旺角行街街經過登打士街有一間唔係好起眼既鋪仔 牆外畫左最近最hit既star wars公仔就決定試一試你啦！今次叫左一個醉白Soldier 係一款有酒精既甜品 所以18歲以上先比買架雪糕是普通的frozen yogurt 可以旁邊插著Baileys的酒 一邊吃要一邊落酒雪糕低下是啫喱 配試酒 味道出奇地配合 我也從未試過這種味道酒味不算太濃 配試甜甜酸酸的雪糕 一切都中和哂鯛魚熱辣辣 都好脆 魚尾部分更有驚喜 有類似紅豆蓉/紫薯蓉的東西 可以比較甜唯一美中不足的是熱熱的鯛魚令到雪糕好快就溶 要食得好快

星期六嘅中午行過廣華街，決定要試依間韓式雪糕店。鋪頭好細、而且好暗。唔落足眼力都見佢唔到。可能係熱潮已過嘅關係，店外只有零丁兩個人排隊。門外店員由我黎到、揀好野食、比埋錢、等埋雪糕、走……中間95%時間都係到禁電話 成間店比我既First Impression係冷清、無Service。比左錢，等佐大概20分鐘先有得食。雪糕鯛魚燒(抹茶紅豆味餅底)：一接過手就覺得好熱好辣手。本生張紙太薄，完全無辦法就咁長時間拎住。建議大家要準備好紙巾包多幾層先至拎住黎食！外觀方面實物體積得女仔手掌咁大，算係岩岩好一個人既份量。望落都算有層次感，有乳酪雪糕、朱古力醬、同一串提子。只係For影相係Instagram同人分享話係OK嘅但切勿對味道有過大期望。味道方面第一啖食落去已經覺得偏酸。乳酪雪糕個味似係酸版益力多，唔多討好。而且雪糕唔挺身、好水，亦唔夠凍、唔夠凝固，搞到要食到好急，無佐想慢慢品嚐嘅心情。外層個皮雖然係即製，但食落唔脆、而且可以話係軟、零口感好似已經放置佐一段段長時間咁。輪到旁邊果串提子……一樣好酸。唯一覺得甜同好味啲嘅反而係個朱古力醬。另外，一開始揀既味（我揀佐抹茶紅豆味）原來係指餅底，個

一直都好想去試，今日終於有機會去到。叫咗抹茶紅豆味，$35! 中間係frozen yogurt,感覺冇咁飽，而且開胃啲，事關我係食飽飯去嘅。串朱古力提子食得好辛苦，差啲成臉都係 抹茶紅豆麻麻地，早知試custard啦。其實唔係唔好食，而係平平無奇，試一次就無妨，第2次就應該唔拿喇...

星期六的中午經過這間韓式雪糕店可能熱潮已過的關係 店外只有零丁兩人排隊門外店員只顧低頭用電話 整體感覺冷清選擇了抹茶紅豆雪糕鯛魚燒：包著鯛魚燒的紙太薄 燙手建議女生準備好紙巾再包一層避免燙手實物體積只有女生巴掌大小 剛好的一人份量賣相還可以 稍有層次感 但口感非常一般雖然是即製 口感卻像已放置了一段長時間外層軟 皮不脆 雪糕有很易被握出來的感覺乳酪雪糕味道似酸版益力多乳酪旁邊竹竿上的提子很酸 幸有朱古力醬中和天氣熱加上雪糕自身不夠凝固不夠凍分半鐘內連同朱古力醬開始溶得好快習慣相機食先的要加快步伐 一分鐘內要影好相此外 由於溶得快 只能快吃 否則會非常狼狽。

紅極一時的韓國小吃鯛魚燒雪糕，回想起當日大家為咗一試其魅力，不惜排長龍，等待時間去到個多小時也在所不辭。是日湊巧路經旺角廣華街，驟然見到Café Aboong HK這間小食店，心想不如就買返個來試下吧~是日雖然沒昔日報章雜誌上所刊登的人頭洶湧，但也有幾位顧客排緊隊等待賣相精緻的鯛魚燒雪糕，領了號碼牌，排好隊，滿心歡喜的等待我的鯛魚燒雪糕~事隔大約15分鐘，終於親手把著名的鯛魚燒雪糕捧在手心啦，選的是乳酪雪糕吉士味，雪糕面層的朱古力醬與脆麥餅增加了乳酸雪糕的口感，酸中帶甜，而另配的朱古力醬提子，看似是為了豐富口感而特別準備，感覺心思上也需加分，鯛魚燒外皮略脆，貼近雪糕之處可能因為雪糕冷化，口感稍微帶軟。總括來說味道不算太差，反倒口感與層次方面的確挽回不少分數。

之前周街都報導到通哂天,,但係自從有左好朋友好小機會出旺角,,一直只可遠觀..難得攞團購經過,,又見得3個人排隊,,終於有得試,,緊係發揮羊郡效應去馬啦,,超興奮!!不過事前無做過功課,,只係知呢樣係鯛魚燒加雪糕,,朱古力咁.......行到去,,感嘆香港租金真係貴得可憐..一間小鋪..放完一個小廚房,,已經連收銀都放唔落。門口放左張學校既枱,,有個長髮女人坐係到落單熱潮過左,,無乜人流,,佢坐係到禁電話,,長髮收銀態度好差,,好似唔休做咁我叫左吉士味,,好開心咁接左緊係相機食先,,賣相真係靚既...但味道......原來係乳酪雪糕,,不過食落好似益力多刨冰咁,,好酸,,完全唔覺得係雪糕,,可能唔岩香港人口味...其他都ok,,個鯛魚燒好脆,,不過就係為左驚佢林啲雪糕要食得好急..但係真係好酸..又唔可以慢慢享受...30幾蚊既甜品依家周圍都係,,不過值唔值呢個價就另作別論,,係好食既咪ok囉又難食服務又唔差,,真係覺得咁落去做唔長

今日同阿媽飲茶,順便去試渴望咗好耐既鯛魚燒雪糕,一份$32,算抵，個froyo ice cream好好食，酸度啱啱好，食完好開胃，到個皮,我簡左吉士味，蛋香味吾算好重，但係好脆，而且服務態度好好，夏天食可以解暑，下次去旺角行街一定會再食！

成日經過廣華街見到呢個鯛魚燒雪糕好hit, 終於上星期有一日見到店外冇乜人就去買。點咗吉士味$32，因為係即做既關係，之後都等咗15分鐘。 非常之滿心期待，可惜極之失望， 鋪頭只係用一張超薄既紙包住個鯛魚燒，超級辣手，我頂ng順即刻叫男朋友幫我拎一拎， 點解d員工完全唔提一提d客人個鯛魚燒係好熱既呢？！第一口食落去只係非常普通既frozen yoghurt，食左四分一之後，個frozen yoghurt成個跌左落地，原來個frozen yoghurt只係吱喺個鯛魚燒個頂層，啲員工又冇提下啲客人，算啦，拿拿臨食埋佢，嗰支吱滿朱古力既棒原來係勁甜車厘子，omg, 一啲都唔好食，只感到係罐頭糖水車厘子，食到呢度已經完全冇曬mood, 最後快快食埋個鯛魚燒，非常普通，完全enjoy唔到，只覺$32完全浪費咗！

特登到旺角食韓國傳到香港既鯛魚燒!!天氣真係好熱，想食D特別D既雪糕梗係要試下鯛魚燒啦!最開心既係竟然唔洗排隊!!! 不過由落單再開始整都等左8分鐘!係D咁熱既街邊等真係有D難過!不過，接到佢既時候真係好開心!外熱內冷，感覺好特別。而且，係YOGA黎架，好甜好滑！朱古力脆脆加上兩粒提子，口感好特別！食到魚尾既時候，雖然無哂YOGA，但係有吉士。飽肚之餘又好sweet~

今晚旺角食飯，之後就順便行左黎試下呢個瘋魔一時嘅雪糕鯛魚燒。 係即叫即整的。其實買飛後第三個就到我，但都等左好耐，15-20分鐘。 見到裡面三位年輕人，一邊唱歌一邊談天說笑，我不耐煩之餘，也有懷疑過到底佢地有無整緊鯛魚燒俾顧客。有三款口味：吉士，紅豆，綠茶紅豆。我要的是吉士口味（奶皇），鯛魚燒本身口感不錯，也夠香。裡面既乳酪雪糕就平平無奇，似益力多味，唔滑。 

太熱啦！打算去旺角吃雪糕，諗起之前新聞講過有鯛魚燒加雪糕，就和胖子慕名而去。我們係油麻地落車行去廣華醫院對面，好景商場後面，胖蕉還在說：「哇？有甜品係開錦遠嫁咩？」無疑地他係質疑中，但之前我配con時經過真的見到，所以我最後很順利帶左他去。去到見到點餐有三種口味，有紅豆、吉士和新的抹茶紅豆，32至34元一個，買兩個60元。買完會有張飛仔俾你等取，由於一會再吃其他東西，所以只點了一個，最後是發現不夠喉的，首先朱古力醬遇到乳酪雪糕變得硬硬有嚼口，生果沾上朱古力醬，內裡是提子，不算太甜而有汁。乳酪雪糕酸酸甜甜的，好岩炎熱天熱消暑吃，不太稀味道不錯，可惜雪糕好似少了一點，不夠喉。然後我們點的是新口味抹茶紅豆，沒有抹茶的苦味，不算很甜，個鯛魚皮有點像雞蛋仔的味，但蛋味略重了一點，不夠脆的。等左10分鐘左右，不算太耐，係門口見到好多雜誌採訪過他們，一般都等15分鐘至2小時不等，都幾誇張，幸好今日下午不算太多人。太熱啦！打算去旺角吃雪糕，諗起之前新聞講過有鯛魚燒加雪糕，就和胖子慕名而去。我們係油麻地落車行去廣華醫院對面，好景商場後面，胖蕉還在說：「哇？有甜品係開錦遠嫁咩？」無疑地他係質疑中，但之前我

This famous fish! Been seeing it on ig for a while and finally got a chance to try it out! Me and my friend - one wanted something cold like froyo or icecream, another one wanted something hot and japanese like taiyaki or takoyaki - have found this perfect match that makes both of us happy! This cute little fish opens its mouth to to serve us lemon frozen yogurt ;9  The sourness of the lemon just makes it so much more refreshing on a hot sunny summer afternoon. Yet the hot body of the freshly-ma

我同米仔期待已久的鯛魚燒，今日有得一齊早收工就行過去試下，之前睇食評話要等成個幾兩個鐘，希望我地唔使等甘耐啦。。有米仔陪我呢個路痴去找舖頭，一點都不難找，5點45左右到門口已有數名客人等，在門口有counter仔落單，有吉士同紅豆選，米仔鐘意食紅豆，我當然選紅豆啦！等左20分鐘左右，終於到我喇! 雖然等的客人唔多，但都要先20分鐘，不算快喔！拎到手，相機食先，眼見唔到佢的紅豆部份。唔理，先食左個frozen yogurt 先，味道很fresh，加埋d脆脆，好正!個鯛魚燒皮都唔錯，淡淡的麵粉香，外脆內嫩。個樣靚靚的朱古力青提子，好甜，不過同其他一齊食唔算好夾。。原來紅豆部份是在底部，同米仔兩個人一齊食分量剛剛好。。下次經過，如果唔多人排，可以再試。。