影片
港鐵尖沙咀/尖東站 A1/ L5 出口, 港鐵柯士甸站 F 出口
繼續閱讀
營業時間
星期一至日
11:00 - 22:30
以上資料只供參考, 請與餐廳確認詳情
今日突然同母親大人去high tea, 諗起之前想試Cafe Epure , 甜品方面, 從來都好出息, 試下咸點又如何?由於閒日關係, 下午茶時段人唔多，雅座任選Signature Afternoon Tea，$536/2 persons五款鹹點+同五款甜點+一款鬆餅+咖啡或茶賣相同環境都靚, 影相係好吸晴Scones: 失望, 唔夠鬆化, 咬落乾硬的。果醬同cream butter, 後者質感及味道較理想特別要講係, 鴨肝三文治: 有驚喜, 呢件真係要慢慢細意品嚐, 一咬入口, 味道好濃烈但唔會好油, 正!烤芝士火腿三明治 , 好香脆, 芝士有少少溶, 談不上好好味, 但值得一試。蜜糖紅菜頭芝士撻, 呢件吸晴咩東東, 原來係紅菜頭製成品, 勁脆口, 一啖過, 重點唔會好甜, 好Fresh飲品方面: 一定係叫Signiture Hot Chocolate , 可惜今次杯野唔夠熱, 無之前咁好飲, 下次都係叫Iced Chocolate 會香濃好多好多.
繼續閱讀
今日同朋友去咗米之蓮一星嘅Cafe epure 去食high Tea我哋四個人叫咗兩個festive set 兩個luxury set。Luxury set 比festive tea set 提供多左香檳，士多啤梨（似日本嘅士多啤梨)，朱古力心太軟同埋龍蝦湯。龍蝦湯都幾濃郁，朱古力心太軟既流心做得好好，朱古力味都好香濃。其他甜點同埋鹹點嘅份量都好適宜。本人比較喜歡烤芝士火腿三文治，佢既scone 都令到我覺得有驚喜牛油味香而且有少許柑橘粒唔會太膩，不過黑松露龍蝦軟包冇乜黑松露同龍蝦味。伯爵茶雲呢拿奶凍不會太甜，其他甜點例如馬卡龍opera cake, puff甜度恰到好處。飲品我哋叫咗mocha, rose cafe latte。rose cafe latte 有清香嘅玫瑰味。呢度食下午茶嘅時間最好嘅地方係冇限時，食完嘅時候已經係黃昏認得好靚嘅日落景色🌅
繼續閱讀
一星期趕完四個deadline, 今天想吃一個有quality的午餐。這間Epure cafe 是米芝蓮一星餐廳Epure旗下嘅下的cafe. 相信質數有保證，而價格也相對地平易近人。今天試下2 courses $228，再加配旦糕一件$38Pumpkin soup /南瓜湯這南瓜湯的賣相很精緻。送來的時候還以爲是cappuccino. 原來是南瓜忌廉湯配上南瓜泡沬！這南瓜湯口感十分幼滑，南瓜味道濃香而甜美，而且泡沫令湯的溫度無咁熱，濃稠度有致，喝罷感到一陣暖意，而不會過於飽滯。Beef spaghetti /牛肉燴意大利粉這牛肉燴意粉真好吃！牛肉炆得軟腍入口，差不多入口即化。而意粉是幼身意粉，口感Q彈al dente. 雖然目測的醬汁唔多，但吃的時候，原來每條意粉都已經均勻的掛上汁醬，薄薄的，味道濃郁，陣陣蕃茄的酸配上芝士香，還有濕軟的磨茹點綴，口感輕盈不覺膩。Opera with orange sorbet這opera cake 是這店的signature. Opera 由幾層咖啡味、朱古力味忌廉、朱古力與海綿旦糕，一層一層的堆疊而成。賣相高貴而精緻。旦糕口感幼滑細膩，而那咖啡忌廉配上朱古力忌廉，尤其合拍。香甜的朱古力cream又透出咖啡獨有的甘香，再加上軟綿綿的海綿濕潤的旦糕，好吃。若然再多一點旦糕層夾在其中，可能口感更佳。吃一口香甜的旦糕，再一口清新的橙味雪芭，一甜一酸，是巧妙的平衡。而橙的幽香與朱古力的甜味，也十分相配，不錯。Latte這latte 入口温度剛剛好，有著甘香的咖啡味道，柔柔的。咖啡和奶的比例平衡得宜，奶香幽幽，口感香滑細緻。平曰單吃一件旦糕，也索價七十多，配上咖啡，已經是百三四。然而今日的午餐只是一個丼飯的價錢，無論環境抑或食品水準的質數也不錯，可以一試。
繼續閱讀
🎀終於，熊大熊妹來到第一百篇。📍終於，熊妹寫完文，交左。📍終於，俾熊大威返次帶左熊妹黎到尖沙咀區afternoon tea set數一數二而熊妹每次經過海港城都唔捨得黎的《EPURE》慶㊗️同放鬆一下。🎉📍熊大好威威識得book定枱，帶熊妹遊左個尖咀花園先黎到海洋中心四樓的法國🇫🇷餐廳《EPURE》。🍽📍平日下午茶時份無咩人，室外室內雅座大擺位任選，熊大熊妹決定坐室外chill下。📍睇睇menu📋,《EPURE》Signature Afternoon Tea係跟足經典下午茶款，有五款鹹點🌮同五款甜點🍭再加一款鬆餅，跟咖啡或茶。Signature Afternoon Tea，$536/2 persons📍典型三層連隔離又支節多兩層小層架的afternoon tea set，真係好吸睛呀！賣相同環境都值回票價喇💸。Scones📍Scone 呢家野一定趁熱食最好味。先試side dish熊妹食afternoon tea最愛又屬於afternoon tea靈魂的scone🥠。完全無令熊妹失望，熱力保持著牛油的鬆化，一啖咬下，口腔即時充滿著淡淡的牛油味，牛油物的鬆化程度放涼了都唔會變硬，的確做出了鬆餅的水準。呢款scone內裡仲有啲柑橘粒🍊，令淡淡的牛油香中帶點點甘甜味，中和左牛油油膩感，係幾有💖心思唸頭喎！Scones的精髓除了其本身鬆化的質感同牛油淡香，跟上的果醬同cream butter完全係錦上添花🌸的配料。比起甜甜的果醬，偏好cream butter的熊妹每每都好期待每次afternoon tea自家製造的cream butter的味道同質感。有點可惜，《EPURE》用上的竟然係cream cheese而非cream butter，熊妹從來無試過一間afternoon tea係用cream cheese,真係有啲驚訝🙀！熊妹係放棄左呢個cream cheese🍼，反而好少食afternoon tea的熊大幾欣賞呢款cream cheese，俾佢搽光光。而果醬反而有啲驚喜，係raspberry而非一般的strawberry ，raspberry 俾strawberry 帶多點點酸，唔會只得一份甜，熊妹點解偏好cream butter多過jam 就係好怕jam太甜蓋過了鬆餅的牛油味，呢個raspberry jam 係偏酸性，係另一種配合鬆餅的味道，唔錯！鴨肝三文治（左）📍熊妹其實就唔係好識分鴨肝同鵝肝味，總之都係那種內臟味。入口係好溶化，小呷一口，口腔已經充斥住超級濃烈的味道，所以係一定要慢慢品嚐。menu話下面襯托的三文治係gingerbread，熊妹又唔覺有薑味又唔覺似麵包，食落似係蛋糕質感。法式鴨腿肉層批（中）係幾有鴨肉味，吃得出一絲絲鴨肉，好有咬口，熊大好喜歡。最底係一層批皮，幾鬆化。烤芝士火腿三明治（右）果然係經典之作！就算放涼了，麵包仍然好脆卜卜，溶芝士連火腿食，又唔會太咸，好味！鮮龍蝦黑松露軟包（左）📍鮮龍蝦配沙律醬不嬲都好受歡迎做包饀料。好清新，一啲都唔腥手，啖啖肉，熊大讚口不絕。不過話係黑松露軟包🍞，一粒黑松露睇唔到，一點黑松露味道都無，熊妹有啲質疑究竟係唔係黑松露軟包呢？蜜糖紅菜頭芝士撻（中）📍幾特別喎！有紅菜頭製品。一片非常耀眼的紅菜頭中間放著淡紅的忌廉芝士，底下托住曲奇撻皮🥧。小小的一件，紅菜頭🌺係非常爽口，連埋軟綿綿的忌廉芝士加埋脆皮的撻皮，一啖食齊三種口感，又出奇地好夾，紅菜頭本身無咩味，又唔會好甜，係好唔錯！伯爵茶雲尼拿奶凍（右）一個奶凍杯，底層係淡淡的伯爵茶味啫喱，中間幾粒藍莓，上面係雲尼拿奶凍同raspberry jam。雲尼拿味🍮唔係好重，raspberry 酸味反而有點暄賓奪主。奶凍同啫喱中間原來有塊餅乾🍪夾住，可以分明寫出各自的味道，唔會撈埋一齊變成混合味道，係有心思的表現。士多啤梨檸檬撻（左一）📍聽個名都已經感受到個酸味喇！係幾酸酸的，士多啤梨🍓顏色好出但味唔算太出，中間係淡紅的慕絲，都係酸酸地，岩喜歡酸的熊妹，熊大就麻麻地酸。雲尼拿馬卡龍（左二）📍熊大熊妹好怕食馬卡龍，因為真係覺得呢個蛋白糖霜餅太甜。雲尼拿唔算好出，係個甜字。📍但反而熊大話呢個唔係好甜，咁麻煩食埋熊妹個份。歌劇院蛋糕（右二）就係唔同濃度的朱古力幕絲，熊妹認為遜色左少少，少左opera本應有朱古力脆脆層同brwonies層。📍一向喜愛朱古力🍫的朱古力熊大又表示好欣賞，喜歡夠甜，係咪真係帶熊大食得太少afternoon tea，所以咩都覺得好味？點都好，喜歡就好。朱古力泡夫（右一）泡夫都保持到脆身，熊妹最怕放涼了變淋左的泡夫🍩。內饀的朱古力cream都幾綿，咁朱古力味又歸哂熊大喇。📍飲品包兩杯，有咖啡☕️，茶🍵或者Series Tea揀🍹。📍熊大話六點前都可以飲咖啡，因為都有六個鐘消化，過左六點就會訓唔著架喇。Caramel latte📍熊大點佢最愛的caramel latte。📍杯碟好靚，真心好靚，係法式餐碟的精緻。奶泡好厚，caramel甜甜的連咖啡味，好唔錯，熊大好滿意。Flat white📍見熊大都飲咖啡，熊妹都唔執輸先。📍點了最愛的flat white。拉花跟熊大的caramel latte唔同的，熊大的係典型心型💗，熊妹的係有翼心型💓，飛呀飛。奶同咖啡比例都岩熊妹口味，牛奶味又帶點咖啡香味，係熊妹的flat white呀☕️。📍坐到🌅黃昏入夜了，餐廳都開始晚餐的準備。📍環境同服務都非常一流的法國餐廳，無論室內室外的環境都好有浪漫氣氛，完全散發出法式的情調🌹。📍坐左兩個鐘，好似就帶左熊大熊妹穿越去返以前係法國colmar坐係outdoor餐廳食飯chill chill的感覺。📍多謝《EPURE》🙇🏻♀️。
繼續閱讀
好姊妹們約了去afternoon tea, 選擇了去海港城的Cafe ÉPURE, 據聞餐廳係獲得米之蓮一星嘅殊榮...既緊張又期待呀！餐廳位於尖沙咀海洋中心4樓,有分室外同室內,好喜歡餐廳室內嘅佈置有,白色雲石,仲有金屬吊燈,餐廳氣氛優雅寧靜，係適合聚會嘅好地方...我哋order左三個signature afternoon tea set..我order左一杯玫瑰鮮奶咖啡，水準之內首先嚟嘅係scones, 配合埋raspberry jam,酸酸甜甜的,很開胃成個set放在一個三層高好似雀籠嘅架...我個人比較喜歡鹹點,尤其是鵝肝三文治,鵝肝醬有點濃，而且鹹鹹的，我幾喜歡 蜜糖紅菜頭芝士撻也不錯,我好喜歡那種清新的口感..甜點嚟講，我最喜歡伯爵茶雲呢拿奶凍，尤其是最上層的士多啤梨醬...混合下層的奶凍和啫喱,不會太甜太膩...期待下次再去食晚餐
繼續閱讀