Cafe Italiano

營業中

休息中

我是香港首富大總管Philip, 香港十大名廚都是好朋友，退休後跟師父容沛光大師食遍香港所有美食，不好食就馬上駡，好食就讚，今日的午餐無可批評，湯的温度夠熱，麵包也是剛剛出爐，生鲜剛好的冰點，意粉的度數剛剛好，用料精鍊，肉類選料新鮮，烤功精盡，100分。

大熱天時，著住全副黑色裝做完野，幾經辛苦搵副間有正常冷氣又舒服晚餐廳，老細好好人😆幫左我一個忙～點咗帶子意粉，好好食啊，粒粒帶子都岩岩好！！平時夜飯返黎食！食哂冇影相，補返兩張環境相啦！

本來訂了另一間西餐同姐姐食生日lunch, 去到才知午餐只食60分鐘，應該食到但不想太趕，一行四人便轉了這間！11:35左右到，午餐時間本已訂滿了，幸好問我們13:00前可否交枱。。。當然可以，之後便安排坐位！差不多有兩年無來了。。今日再來有驚喜啊🤗！分別要了四份午餐四人一齊享用先上的意大利雜菜餐湯夠熱。。濃濃蕃茄香。。湯裡有椰菜雜菜等食材，伴暖暖合桃麥飽。。讚啊👍！紐西蘭肉眼扒配雜菜薯蓉乾蔥紅酒汁：雖然是$128的午餐，但此牛扒質數絕不欺場，要六成煎得剛好，有牛味，夠肉汁，肉質軟腍適中！姐姐同提子話紅酒汁不錯！美國有骨豬扒配雜菜薯蓉胡椒汁：這個有骨豬扒，份量十足，大約有1.5cm左右厚度，口感似豬鞍多點啊！初有點擔心口感。。要煎豬鞍好食不容易，過熟便嚼如橡膠又不能像牛扒般medium 都可以！此餐廳做得不錯，咬落有質感，一點也不"鞋", 還能保持肉汁，配胡椒汁。。此汁要讚。。。淡淡胡椒香。。跟這豬扒非常夾！讚啊👍😊！兩個扒配的薯蓉都不要錯過啊!😉鮮蝦，蝦干辣蕃茄汁意大利粉這個意大利粉是日驚喜，點這個出於好奇，蝦干意大利粉，是什麼玩法呢？先食一口意粉，醬汁做得很惹味。。除有蕃茄味外，還

我地一行8 大人幾個小朋友一早已經預訂咗餐單嘅晚餐，但坐低7:00 要7:30 先有第一味生蠔，之後每隔半小時先上一道前菜，花甲上檯係凍嘅，但味道ok. 食沙律已經9:00， 到9:25 分所有3款主菜牛面珠，豬柳和雞先忽然每隔10 分鐘 係咁匆忙上哂，趕住10 點関門，sorry 已經趕到乜嘢味道都食唔到。相信廚師根本係是但將D煮好的鷄放上碟，係一DD其他伴碟嘢都無嘅。冷氣唔夠食到個個流晒大汗。全程無人say sorry 我地等咁耐，而後面嘅熟客同旁邊桌嘅客已經一早食完。我唔明點解訂哂嘢食都係等多過食。慢煮唔係煮到9:30 一次上哂3款main course. 而且價錢一D都唔平，4千幾埋單有大把其他選擇。無影相因為一D都無嘢好影！好彩我地一班朋友自己慶祝生日開開心心，否則E一餐可以食得好唔開心。無下次！

難忘的生日飯，睇介紹有廚師發辨食就訂檯3個朋友一齊慶祝。凍鮑魚跟Wasabi醬汁，鮑魚做得好淋好出色蟹肉多士好清新 麵包好脆墨魚蝦餅好彈牙，炸白蟮卷好特別，將白蟮起晒骨啖啖都係肉乾手淨腳，好嘢蒜油吊桶仔好味，馬刀貝蜆夠鮮，鹽焗馬友魚好滑，全餐都係海鮮全都是我們的至愛！三個女好剛剛夠吃，滿足！已經約定下次再去試其他菜式！

係北角乘日行過都覺得呢間餐格外有情調。而且午市套餐又十分合理，係限聚令下，只能在午市為家人興祝生日。係未去餐廳之前，已經係Openrice 睇定d 食評，最常見到係態度差的問題。諗住打定個底，有定心理準備。但去過後覺得員工非常友善，而且很貼心。少少的行為，可以為人帶來更開心的一曰，多謝那位店員。好啦，食物方面，店員推介了牛及豬的菜式，當然的試試啦。豬的那個套餐可以話係我對豬的一直以來的看法完全改觀。肉味十分濃，而且肥瘦均勻，十分值得試試。而牛的部分相信是原材料的問題，太有口感， 韌度十足。所以有待下次再試。小店是很值得大家個疫情下大家的支持，疫情下都希望經濟慢慢轉好，消費係最好的幫助

本人不算是很挑剔的客人，有時餐館無意的過失我是不太介懷。此餐館我們差不多每兩星期都會經過但從未光顧。上星期朋友向我們大力推介此店，說他上月光顧此店，覺得意大利菜做得頗地道，恍如驚世發現。於是，我們今天特別乘港鐵到北角來此餐館一試。我們大約一時十八分進入餐館，那時只有一桌坐了兩位客人。一位頭髪有點白、身穿短褲的男士，用手指示意近吧台的一張四人枱。 甫坐下我一舉頭，眼前駭見有一探熱機正正向著我額頭，原來男士要為我量度體溫。之後男士轉身向我太太額頭一恍，她也「乖乖地」接受測驗。然後，男士又拿著消毒液樽向著我（及我太太），全個過程沒有說話。 我那時想，為顧客體溫量度前，禮貌地說一聲不是很基本的服務嗎？我開始對我朋友的介紹有所懷疑。我們拿起放在桌上的午餐餐單，菜式選擇多樣，有Pizza、意大利粉、Risotto、三文魚、豬扒等等。 我正開始和太太討論應選那款菜式時，這位男士已拿著紙茟站在我太太旁，身體形態好像催促我們快快點菜。我們立即快快從餐單選了蕃茄海鮮意大利粉和三文魚。太太並問男士今天是什麼湯，他回覆是西芹湯。 一分鐘後他回來向我們說今天餐湯其實是蕃茄湯，問我們接受否？ 我心中頓有所想；莫非

2/7鐵定日子 ,  一班同事十人一起出去lunch,  附近的西餐廳都fully booked, 只得這間有位, 餐牌上的lunch set 多是薯菜系列, 多是HK$128 沒加一服務費, 但如果轉意粉要加 HK $30,  大家覺得唔合理, 便照跟薯菜, 而其中一位同事覺得食意粉「低」, 省了加HK $30, 他order 了餐牌上唯一一個意粉選擇。一開始餐湯上, 配一片包, 我另外ask for 牛油。之後其他同事的三文魚上, 很少份量, 魚少, 薯菜更少, 但同事話三文魚都肥美, 之後同事的意粉上, 他說沒有什麼蟹肉食到, 汁亦無龍蝦味, 我的牛排上, 很大片, 可惜很咸, 而且很薄......, 最後餐飲上, 凍檸檬水都無咩檸檬味, HK$128 一個 lunch set, 唔應該是如此......!

同一班同事食lunch, 今日好多餐廳都full booking, 最後book到呢間我未試過既西餐廳。餐廳裝潢不錯，坐得幾舒服。Lunch set $128有餐湯 包 咖啡茶。Main course主要有魚🐟牛扒 豬扒 羊架🥩，最後揀左三文魚薯菜。是日餐湯係🥕甘筍忌廉，唔太覺有紅蘿蔔味。Main course黎喇，隔離食緊牛扒既同事第一個反應：哇...你條三文魚好燶喎！心諗皮燶唔緊要，舊肉好食就得，點知又係無三文魚味，剩係食到塊皮燶到苦既味。仲要煎到咁燶中間都未熟，唔通廚房整唔見左煎pan個蓋？薯菜有薯仔紅蘿蔔包菜仔各兩粒，難怪轉意粉要加$30。我塊三文魚仲要係其他同事既三分一，老闆你係咪咁大細超呀，我望落瘦d姐，唔代表我唔食野架啵🤫問返食牛既同事都覺得牛扒無牛味。食羊既同事表示還好 (羊架$178)，唔通真係一分錢一分貨🤐，但係$128呢個價位既lunch，真心失望。

聖誕節幾個家庭一齊出來聚會，找到朋友家附近的 Cafe Italiano。座無虛席，但店長殷哥已經留定一張大檯俾我地。有老有嫩，一到步先點兩個 pizza 俾小朋友。即制的pizza 一上菜便一掃而空。大人就食住生蠔先。新鮮好味。大廚特製的鮑魚、BB 象拔蚌。象拔蚌有微微麻辣，幾特別。龍蝦湯夠濃郁。點了幾個套餐 for share。其中豬扒做得好 juicy。Off menu 的炒意粉。無餸的，純用調味料炒，小小辣，已經好惹味。甜品。最後送了一碟 brownie，聖誕節，更有氣氛。值得一提，跟餐叫了一杯咖啡。飲落覺得非常唔錯，好平衡。問了殷哥，原來係由三種豆 blend 埋的即磨咖啡。殷哥真係好有心機。埋單 6 大 4 細，收 $1800。好抵食。其實以此店的食物質素、裝修、最重要是心機⋯⋯ 價錢可以收高一點。可能是因為地段所限，不能擺高檔路線。請殷哥繼續努力，為食客帶來一個高質價優的食店。

北角水準の牛扒午餐❗️臨近聖誕的team lunch因為預先book左枱，所以唔洗等位直接入得去食餐廳入面幾好feel, 已經有啲聖誕裝飾我要左紐西蘭肉眼扒配薯菜紅酒汁同事叫左個龍蝦汁蟹肉意大利粉餐湯無得揀，是日餐湯係椰菜花忌廉湯配餐包一片餐包好鬆軟，入面有少少果仁碎我幾鍾意🥰餐湯方面，比起一般忌廉湯 佢幾濃既椰菜味有啲啲酸甜幾清新開胃而且個湯好滑完全唔會有一舊舊啲粉團👍🏻👍🏻紐西蘭肉眼扒配薯菜紅酒汁要左medium 5成熟牛扒煎得岩岩好，比較軟身唔會好似香口膠咁難咬配菜有蒜蓉牛油炒椰菜仔、蘿蔔、蘑菇、薯仔因為個紅酒汁另上，所以啲配菜都比較dry唔算太重味但個牛扒真係算唔錯，份量都夠龍蝦汁蟹肉意大利粉一望上去賣相有少少失望不過味道補救，夠龍蝦汁味個汁都夠creamy 唔算太膩但希望啲蟹肉可以蟹番少少😂咁就最好再有杯餐飲滿足

早幾日出左北角，同個朋友食晏揀左呢間西餐，貪佢環境唔錯坐低舒服可以傾下計當日午餐有牛扒，我點左5成熟廚師煮得好好，無over cooked肉質好腍，好嫩食到油脂同好香牛肉味呢個價錢食到真心抵！而且個餐湯一點都不馬虎！係香濃好飲既蘑菇湯！有機會再黎試下！

朋友介紹黎呢度同朋友慶祝生日我們點了生蠔，牛扒和豬脾薯蓉，食物質素非常高，生蠔非常新鮮，用黎做餐前前菜剛剛好，餐湯蟹味足夠，牛扒肉味濃郁，亦能鎖住肉汁，令人回味無窮，而且價錢合理值得一讚餐廳十分細心，上菜時一道接一道令人感覺被照顧可惜的是晚餐當天有12人一群在餐廳用膳，應該是熟客，唯獨聲浪極大，我同朋友打對面坐都未能用正常聲線傾計，令我地一入餐廳就想快d食完離開，結果一個鐘就走左，完全享受唔到用餐的時光，令呢一餐生日飯大打折扣。

其實之前同朋友尼食，次次都係食牛扒。因為真係覺得煮得幾好食。所以，今次都係食牛扒。佢既set dinner可以揀沙律或者湯，不過我記錯左以為可以兩款都有得試。所以就食完沙律先知冇湯飲。不過唔緊要啦，因為今次係牛脷沙律，個牛脷好好味，好有口感，又彈口。個牛扒依然係好好味，有肉味。我個朋友就食帶子紅菜頭意大利飯，個帶子都鮮味既，但個意大利飯就麻麻地。之後，叫左個餐飲。環境真係幾好，又有情調又有氣氛，聽住音樂傾計都幾放鬆心情又開心。之後，加左$20叫左個木糠布丁，上次食過覺得好好味，所以今次再試多次。另外，就叫左個焦糖燉蛋。依個就要比原價$32。不過都整得好好食wor...

其實佢叫自己做cafe真係謙虛咗啲佢啲味道有fine dining 嘅感覺如果每一 個course都換一次碟就perfect生蠔夠曬新鮮而且佢 食嘅嘢感覺上有葡國嘅感覺我最鍾意食佢嘅 牛尾雖然我唔食牛但係啲汁真係非常正 老闆個人熱情感覺上係真心鍾意煮食嗰隻佢嘅乳豬亦都好好味佢嘅乳豬係真係好細隻嗰啲肉質嫩滑carbonara 個白汁真係味道濃郁而且佢嘅意大利粉係handmade嘅雖然餐廳裝修唔係好靚但係食物質素搭夠性價比非常高